Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Ален Офойо: «ЖЕҢИШ КУБАНЫЧЫНАН КУРУ КАЛДЫМ»

№350 17-23-июль, 2009-ж.


Бул жолу конокко бүгүн, 17-июлда боло турган КРнын Президентинин кубогуна байланыштуу түбү конголук болсо да, өмүр бою кыргыздын туусун желбиретип келаткан кикбоксчу Ален Офойону чакырдык. Ален бизге өзүнүн кандай үйбүлөдө төрөлгөнү, карьерасындагы урунттуу учурлары, жеке жашоосу тууралуу ачык маек куруп берди. Өкүнүчтүүсү, “кырсык каш кабактын ортосунда” дегендей, Кара кыргыз аталган спортчубуздун бул мелдешке катыша албай калгандыгы болду.

«Кырсык болбосо, чемпион болмокмун»

– Маегибизди “КРнын Президентинин кубогуна даярдык кандай болуп жатат?” деген суроодон баштасак дегем...
– Ооба, кырсык эле болбосо, баары ойдогудай эле. Чындыгында, даярдык жогорку деңгээлде болду. Күнүнө 2 жолу машыгуу. Мыкты даярдыктан өтүп, табыма келип калган болчумун. Тилекке каршы, машыгуу учурунда колумдан жаракат алып, көптөн күткөн мелдешке катышуу укугунан ажырадым. Мүмкүнчүлүктөн пайдаланып, убакытын аябай, машыгууга көмөктөшкөндүгү үчүн «Алыш» спорт клубунун машыктыруучусу Алтай Өмүрбаевге ыраазычылыгымды билдиргим келет.
– Башкы максат чемпион болуу болчу да? Канчалык даражада өкүнүп жатасың?
– Ооба, максатым чемпион болуу болчу. Чемпион болорума көзүм жеткен. Андыктан жеңиш кубанычынан кур калдым деп айтам. Чынында аябай эле өкүнөрлүк иш болду. Бирок кээде баары биз ойлогондой боло бербейт эмеспи. “Жеңиштер курмандыкты талап кылат” деген ушул да. Эми чын дилимден Кумар Жалиевге жан тартам. Ага ийгилик каалайм!
– КРнын Президентинин кубогунун акыркы мелдешинин финалында дал Кумар экөөңөр мушташып, сен жеңүүчү аталган элең. Быйыл да баарын артта калтырып, финалга экөөңөр чыксаңар сонун болмок. Кандай ойлойсуң, реванш ишке ашат беле?
– Быйылкы мелдеш төртүнчүсү болуп саналат. Мага чейин кубокко Руслан Абасов менен Канат Сыдыгалиев ээ болгон. Быйыл да кубок Кыргызстанда калат деген үмүттөмүн. Эгер Кумар экөөбүз кайра финалга чыксак, кайра 2 жыл мурдагыдай эле ачык мушташ болуп, күчтүүбүз жеңип чыкмакпыз. Жеке мен чемпион болуу үчүн колдон келген күч-аракетимди жумшамакмын. Негизи, рингде достор болбойт.

Баары кантип башталган?

– Ален, кандай үйбүлөдө өсүп чоңойгонсуң? Ата-энең тууралуу айта кетсең...
– Мен катардагы эле жөнөкөй үйбүлөдө төрөлгөм. Жалгыз баламын. Атам конголук аскер учкучу болсо, апам орустун кызы. Мен 4 жашка чыкканда ата-энем ажырашып кетишкен. Натыйжада, апам мени жалгыз чоңойтту. Апамдын аты – Татьяна, азыр борбордогу балдар үйүндө эмгектенет. Өзүм Бишкектин Кызыл-Аскер конушунда жана шаар четинде жүрүп чоңойдум.
– Спорт менен качантан баштап достошо баштадың?
– 5-класста окуп жүргөндө эле спортко кызыга баштагам. Кикбокско чейин спорттун бардык түрлөрү менен алектенип чыктым го. Мен барбаган спорттук секция калган эмес. Алардын ичинен бокс боюнча спорт чеберлигине жетишкем.
– Кикбоксту тандооңо эмне түрткү болду? “Гермес-профиге” кантип келип калгансың?
– Кикбокско токтолушума анын көңүлүмө жаккандыгы себеп болгон. Ага чейин спорттун дээрлик бардык түрлөрү менен машыгып көргөндүктөн, кикбоксту издеп тапкам деп эсептейм. Анан, албетте, буга ошол учурдагы кикбокстун популярдуулугу да таасирин тийгизген. Иса Мамбетов, Канат Сыдыгалиевдерди көрүп, мен да алардай спортчу болгум келчү. Бул максатта “Гермес-профиге” барууну чечтим. Ал жакта талыкпай машыгып жүрүп, анан менин да саатым келип, башкы командага чакырышты. Мына ошондон тарта баары башталды.

Башкысы

– Карьераңда эң оор деп кайсы беттешти эсептейсиң?
– 2006-жылы Бишкекте өткөн Супачай Чансод менен болгон беттеш мен үчүн эң кыйын мушташ болгон. Ошондо мен күйөрмандарым күткөн мушташты тартуулай алган эмесмин. Эми ал түрдүү стилдеги мушкерлердин беттеши болчу да. Бул ашпозчуну темир ширетүүчүгө алмаштыргандай эле кеп. Эгерде мен кеминде 2 жыл тай бокс менен машыкканымда Супачайдан кем калмак эмесмин. Же ал кикбоксчу болсо, ал беттеш таптакыр башкача болмок.
– Көпчүлүккө сенин секирип айланып тепкен “фирменный” соккуң белгилүү. Аны сенин “коронкаң” деп да коюшат. Үйрөнүүгө канча убакыт керектелген?
– Аны Садовое айылындагы Арбуду Рахим деген машыктыруучудан үйрөнгөм. Ал сокку ыкмасын бүгүнкүдөй жогорку даражада колдонуу үчүн 2 жыл машыктым. Аны “коронка” деп деле билбейм, жөн гана менин жакшы көргөн соккуларымдын бири.
– Кара кыргыз деп ким атап койду эле?
– 2003-жылы Москвага, Арбатка барып калдым. Анан лакап ат керек болуп калып, Евгений деген спортчу жигит “Кара кыргыз деп жазып кой” деди. Ошондон тартып атайын эмес, кокусунан эле ойлонуп табылган лакап ат кеңири жайылып кетти. Азыр ал жигит спортту таштап, режиссура менен алектенип жүрөт.

Жеке жашоо

– Ален, айтсаң, сүйүүсүн арнаган күйөрман кыздарың көп эле болгонбу?
– Чынын айтсам, мен өзүмдү эч качан жылдыз деп эсептебейм. Андай күйөрман кыздарым деле жок. Жөн гана менин талантымды баалаган адамдар бар экенине кубанам.
– Түшүнүктүү. Анан бактыңа кантип жолуктуң?
– Оо, ал күндү унутпайм го. Күз мезгили, тагыраак айтсам, 6-сентябрь болчу. Жаныма бир татынакай кыз келип, кайрылып калды. А мен аны бир караганда эле мен издеп жүргөн жан шеригим экенин түшүнгөм. Андан кийинкисинин баары жомоктогудай. Чынын айтсам, жашоодогу эң чоң жетишкендигим деп жан шеригимди айтам. Аты – Ляля, татар менен корейдин кызы. Азыр бир уулду тарбиялап жатабыз. Кызыгы, кийин билингендей, экөөбүздүн жалпы досторубуз толтура болсо да, бири-бирибиз тууралуу таптакыр укпаптырбыз. Кийин досторум менен тааныштырсам эле мурдатан эле тааныш болуп чыгышты.
– Балаңдын да атасындай чемпион болгусу келеби?
– Эми ал азыр кичине. Аты – Алим. Бирок менин спортчу экенимди билет. Стойкага туруп, оң колу менен мыкты сокку узата алат.

Ошондой эле...

– Досторуң көппү?
– Тааныштар көп десем туура болот го. Чыныгы досторум саналуу гана. Көпчүлүгү 10 жашыман бери достошуп келаткан балдар.
– Бош убактыңда кантип эс аласың? Хоббиң барбы?
– Бош убакыт болгондо үйбүлөм менен эс алууну жактырам. Көбүнчө бассейнге барабыз. Ал эми досторум менен мончого жана балык уулоого барып эс алам. Дагы бала кезимден калган хоббим бар. Машина, учактардын ар кандай моделдерин ойлоп табууну жана жасоону жакшы көрөм.
– Ата-тегиң Конгодо болсо, ал жакка баргансыңбы?
– Жок. Африкада бир гана жолу болгом. Ошондо да мелдеш болуп калып, Мароккого барганбыз. Андыктан мен мекеним, үйүм деп Кыргызстанды эсептейм.
– Кыргызча сүйлөй аласыңбы?
– Жок. Орус мектепте окугандыктан, кыргызча сүйлөй албайм. Бирок түшүнөм.
– Келечекке пландарың жана максаттарың...
– Көбүрөөк үйбүлөмө көңүл буруу, аны бактылуу кылуу, санын көбөйтүү. Ооба, ушинтип жазып кой.

  • Туулган жылы – 1982-жыл, 1-июль
  • Туулган жери – Бишкек
  • Бою – 183 сантиметр
  • Салмагы – 75 килограмм
  • Жарандыгы – Кыргызстан
  • Спорттогу жетишкендиктери – Кикбокс сүйүүчүлөр арасында Азия чемпиону (2003), профессионалдар арасында Евразиянын (2007), Европанын (2007) жана Евразиянын (2008) чемпиону, Макаодо өткөн Азия оюндарынын (2007) күмүш медалчысы, КРнын Президентинин кубогунун ээси (2007).
  • Лакап аты – Кара кыргыз
  • Билими – КМЮАны бүтүргөн
  • Үйбүлөлүк абалы – Үйбүлөлүү, 1 уулдун атасы
  • Учурда жашаган жери – Бишкек

Базарбек Абдураимов
sport@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
31.10.2009. 09:07 
Тайпасы:
Кыймылы жок
Комментарийлердин саны:
7
Катталган:
25-10-2009
Соӊку аракети:
20-01-2010 14:29
Жынысы:
Белгисиз
0
Ален молочик
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: