Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

УИТНИ ХЬЮСТОН

№204 29-сентябрь-5-октябрь, 2006-ж.


«Алтын үндүү ырчы» атакка конгон Уитни Хьюстондун тагдыры, ырчылык таланты көп­төр­дү кызыктырып келет. “Чыныгы таланттын жолу татаал болот” дегендей, ырчынын тагдыр жолу татаал болгонун кээ бирөө­лөр биле бербейт. Эмесе, ырчылык гана таланты эмес, актрисалык чеберчилиги менен да элге таанылган, учурда 43 жаштагы дүйнө жылдызынын турмушунан...

ЭНЕ ЖОЛУН УЛАГАН ЫРЧЫ

Уитни Элизабет Хьюстон 1963-жылы 9-августта АКШнын Ист-Оранж шаарында төрөлүп-өскөн. Уитнинин апасы учурунда популярдуу ырчылардын бири болгон. Эмили Дринкард элге Сисси псевдоними менен таанылган. Уитниге ырчылык өнөр апасынан өткөнү талашсыз. Ал эми ырчынын атасы Жон Хьюстон аялынын менеджери болуп, чыгармачылыгына чоң жардам көрсөтүп келген. Төрөп, балалуу болгонуна карабастан Сисси карьерасын токтоткон эмес. Концерт, гастролдорго кеткенде кичинекей Уитнини атасы Жон карап калчу. Уитнинин ата-энеси балдары үчүн бардык шарттарды түзүп, эч нерседен кем кылбаганга аракет кылып өстүрүшөт. Ошондой эле ырчынын үйбүлөсүндө музыка өтө чоң роль ойногон. Ата-эне кызынын келечекте дүйнөлүк ырчы болооруна ишенген.
Чоң публиканын алдына Уитни 11 жашында ырдап чыгат. Ошондогу элдин кабыл алуусу түбөлүккө ырчынын эсинде калган. “Мен ырдап жатканда элдердин мени караган көз караштары али эсимде. Отургандардын бири да кыймылдабай катып калгандай сезилген. Ал эми ырдап бүткө­нүм­дө зал жаңырта кол чабышып, ыйлагандарды көргөм.” Кичинекей Уитни ошондо ырчылык жүрөгүнө абдан жакын экенин сезет. “Ырчылык дара­метти Кудай мага тартуулаган. Ырдагын деп үн берген. Ошондуктан, мен ырдашым керек” деп айткан ырчы өзү. Ырчынын эки агасы Майкл менен Гери анын чыгармачылыгына жардам берип, карьерасы үчүн кам көрүп келишкен. Майкл Уитнинин менеджери болуп, ал турнеге чыкканда уюштуруу маселелерин моюнуна алган. Ал эми Гери Уитни менен кошо дуэт ырдап, бэк-вокалисттин ишин аткарган. Уитнинин үйбүлөсү менен тыгыз байланышта болгону анын ийгиликтерге жетишишине таасирин тийгизген. Бирок, канчалык бийиктикке жетишип, таланты менен дүйнөнү багындырып келсе да Уитни жөнөкөйлүгүн жоготпогонго аракеттенген.

ИЙГИЛИК БАШАТЫ

18 жашынан баштап Уитни профессионалдуу музыка чеберлеринен сабак алуу менен бирге бийге катыша баштайт. Музыкадан тышкары Уитни бала кезинен фотомодель болууга кызыкчу. Фотомоделдер мектебине барып билим алган соң, “Космополитон”, “Гламур” аттуу журналдар менен иштешип, беттерине анын сүрөт­төрү чыгат. Ошентсе да жандүй­нө­сү музыкага жакын болгондуктан, Уитни музыкадан алыстап кете алган эмес. Көп өтпөй ырчыга ийгиликтер келе баштайт. Анын чанда кезикчү мукам үнүнө, чырайлуу мүчөсүнө популярдуу «Ариста» аттуу компаниянын президенти Клайв Девис өзү көңүл буруп, чогуу иштешүүнү сунуштайт. Аталган белгилүү компания менен келишим түзүлгөндөн кийин ырчыга популярдуулуктун эшиги ачылат. Уитни менен иштешүү компания үчүн кирешелүү келишим экенин сезген Клайв белгилүү акын, композиторлорду колго алып, Уитни үчүн мыкты композицияларды жаздырат. Клайв өзүнүн ишин жогорку деңгээлде аткаргандыгы менен ырчынын көңүлүнө толот. Компания менен эки жыл иштешүүнүн аркасында ырчынын “Уитни Хьюстон” деген альбому жарык көрөт. Альбом сатыкка чыккандан кийин болуп көр­бөгөндөй ийгиликке жетишет. Ырлары хитке айланып, Американын хит-парадынан бир нече жолу 1-орунду багындырат. Мыкты ырлары үчүн “Грэмми” сыйлыгына ээ болот. 1987-жылы чыккан “Уитни” деген альбому ырчынын дүй­нөлүк аброюн көтөрөт. Ырчы 25 жашка толгондо өзү төрө­лүп-өскөн “Нью-Жерси” шаарынан 11 миллион долларга үй сатып алат.

ДҮЙНӨЛҮК АТАК ЖАНА БАКТЫСЫЗ КАДАМ

Көпчүлүктүн кумирине айланган ырчынын жеке турмушу тууралуу да гезит беттерине жарыялана баштайт. Ошентип, жыл­­ды­зы жанып турган учурда ал Бобби Браун аттуу рэперге жолугат. Боббинин турмушу чыр-чатактуу экени көп­чүлүккө белгилүү эле. Ал Уитни менен таанышканга чейин ичкиликтин, баңгизаттын айынан бир нече жолу отуруп чыккан. «Сүйүүнүн көзү көр» дегендей, ыр­чы болочок жубайынын тентек экенин билсе да ал менен калган жашоосун чогуу өткөрүүгө макул болот. Ошентип, 27 жашында 1992-жылы Уитни Бобби менен баш кошот. Той өтүүчү имаратты кооздогонго Бобби он миң роза гүлүн сатып алган. Ал эми Уитнинин тиктирген көй­нөгү үч метр узундукта бол­гон. Экөөнүн тоюна 800 адам чакырылган. Эки жаштын тоюна келген ар бир конок экөөнүн үй­бүлөлүк бактысы көпкө узабасын билишкен.
Жомоктогудай тойдон үч күн өт­көн­дөн кийин Бобби үйүнө түн ичинде мас болуп келет. Бал айы бүтө электе жолдошунун мындай мамилесине ырчы катуу капаланса да Боббиге катуу айткан эмес. Мурдагы кейпине түшкөн Бобби ичип келгенин уланта берет. Үйлөнгөндөрүнө алты ай болгондо Уитнинин денесинде көк-ала тактар көбөйөт. Ичип-чегип, аялынын көзүнө чөп сала баштайт. Ушундай ызы-чуу жашоонун кесепетинен Уитнинин биринчи баласы боюнан түшүп калат. Кийинки баласы тогуз ай боюнда болгондо жолдошунун никесиз башка аялынан үч баласы бар экенин угат. Ошондо да кол шилтеп басып кетпестен, ырчы өзүнүн төрөлө элек баласынын келечегин ойлоп, бактысы үчүн кү­рө­шүүнү улантат. «Балалуу болсок Бобби оңолот» деген ой менен жолдошунун бир дагы жоругун сыртка чыгарбаганга аракет кылат. Уитни кыз төрөгөн­дө атын Кристина коюшат. Ошондо атасы кызын колуна алып, көзүнөн жашын агызып “мен силерди эч качан таарынтпайм” деген. Бирок, бул жөн гана куру убада эле. Кыздуу болгонунан көп өтпөй Бобби мурдагы жашоосун улантат. Журналисттер бир не­че жолу Уитнини бети-башы көгө­рүп жүргөн кезинде сү­рөткө тартып алышкан. Жеке жашоосунун кы­йынчы­лыкта­ры­нан улам бир концертте Уитни ырдайын десе үнү чыкпай калат. Аны текшерген дарыгерлер “көп кейигенден үн жоголгон” деген диагноз коюшат. Эгерде ушундай жашоону улан­та турган болсо ырдай албай калышы мүмкүн экенин айтышкан. Бирок, баары бир Боббинин оңолоорунан үмүт­төнгөн ыр­чы ал менен кошо баңгизатын дагы колдонуп көрөт. Тилекке каршы, эч жыйынтык чыкпайт. Ошондо биротоло андан колун үзүп, кичинекей кызы менен жа­ңы жашоо баштоону чечет. Бирок, андан бери деле Бобби менен бир ажырашып, кайра жарашып келе жатат.

ДАГЫ БИР ӨНӨР

Турмуштун катуу соккусунан жан­дүйнөсү жабыркап турса да Уитни карьерасына көңүл кош караган эмес. “Жансакчы” аттуу киного тартылууга сунуш түшкөндө алгач макул болбойт. Ойлонуп көрүп макулдугун берген соң, 1992-жылы Кевин Костнер менен тартылат. Кинодо Рэйчел Мэрондун ролун аткаруу менен дүйнө­лүк атакка жетишет. Киного тартылуу ырчынын дагы бир талантын ачып, көпчүлүктүн сүйүктүү ырчысы гана болбостон, актрисасына дагы айланат. Аталган кино 400 миллион доллар киреше алып келет. Ал эми андагы саундтрек 33 миллион нуска менен дүйнө жүзүнө таркайт. Ушул эле альбомдун биринчи “I will always love you” деген ыры өтүмдүүлүгү менен американын шоу-бизнесинин тарыхында калган. Бул кинодон кийин ырчыга киного тартылуу сунуштары түшө баштайт. 1995-жылы “Демди күтүү”, 1996-жылы “Чиркөө кызматкеринин аялы” аттуу киного тартылат.

БАҢГИЗАТТЫН КУРМАНДЫГЫНА АЙЛАНУУ

Американын популярдуу ырчысы Уитни Хьюстон баңгизатына берилип кеткени көпчүлүккө маалым. Бул тууралуу Британиянын “The Sun” аттуу гезитине ырчынын баңгизат колдонгон абалындагы сүрөттөрү ачык жарыяланган. Ал эми 2000-жылы Хьюстон аэропорттон сумкасынан марихуана табылып кармалган. 2004-жылы баңгизатты ашыкча колдонуп алып, өзүнө келе албай дарыканада 5 күн жатканы маалым. Үйүнүн жанындагы акыр-чикир төгү­лүүчү унаадан репортёрлор ырчы колдонгон ийнелерди, кокаин салынган түтүкчө­лөрдү табышкан. Бир нече жолу баңгизатты колдонгондон кийин ырчы үйүндөгү болгон буюмдарды талкалап өзүн-өзү башкара албай калган абалга чейин барган. Өзгөчө март айларында ырчынын баңгизатка болгон талабы күч алат. Жакындарынын айтканына караганда, Уитни баңгизатсыз жашай албай калган. Анткени, анын организми бул нерсени талап кылат. Мындан арылуу үчүн ырчы бир нече жолу дарылануу курсунан өт­көн. Тилекке каршы, жыйынтык чыккан эмес. Ал эми Уитнинин жеке турмушуна кайрылсак, ал Боббиден кийин Жерман Жексон, Эдди Мерфи, Рэндал Кэннигем өңдүү кара түстөгү миллионерлер менен көңүлдөш болуп келген.

УИТНИГЕ СҮЙҮҮСҮН АРНАГАН УСАМА БЕН ЛАДЕН

№1-террорист Усама Бен Ладен дүйнө ырчысы Уитнини сүй­гөндүгү жана аны көп аялдарынын бири кылып ал­ып, үй тартуулагысы келгендиги тууралуу маалымат бар. Ошондой эле террорист анын күйөө­сү Бобби Браунду өлтүргүсү келет. Анткени, Уитнинин баңгизатына берилип кетишине кү­йөө­сү түрткү болгон деп ойлойт. Мындан он жыл мурун Марокконун мейманканаларынын биринде ал ырчыны өзүнүн капканына тү­шүрүп, ал менен 4 ай жашаган. «Аль-Каиданын» жетекчиси музыка угуу күнөөгө ба­туу экенин айтып келсе да ыр­чыга болгон ашыктык сезимин жашырган эмес. Уитнин сулуулугуна тан берип, «Мын­дай чырайлуу аялды мен жолуктура элекмин. Эгерде Уитни мусулманга турмушка чыкса, андан жакшы мусулман аял чыкмак” деген.

Даярдаган Жаркынай Нусубалиева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: