Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

“СТАР ДЭНС” бий тобу: «БИЗДИН «ФИРМЕННЫЙ» ТАМАГЫБЫЗ – ШОКОЛАД»

№350 17-23-июль, 2009-ж.


Жан дүйнөгө жагымдуу маанай тартуулаган бир нече бий топтору бар. Бул жаатында өзгөчө бийлери менен күйөрмандарды тамшандырып, ырчылардын ырларын коштоп турган бий тобу – “Стар Дэнс”. Эмесе, алардын негизги курамы бизде конокто...

“Бий мени укмуш арыктатты”

Маекти алгач «Стар Денс» бий тобунун жетекчиси Аселден баштадык.
– Асел, бий дүйнөсүнө таштаган алгачкы кадамың.
– Мен, негизинен, кичинекей чагымдан тартып бийге кызыкчумун. Мектепте окуп жүргөнүмдө бий тобунда бийлечүмүн. Кийин өзүм окуган мектепте бий ийриминен сабак бердим. Мага ошондо эле Бегимай жана Раушан келип сабак алышчу. Ошентип, 2007-жылы “Стар Дэнс” тобу түзүлүп, жогорудагы эки кыз алгачкы бийчилери болуп калышты. Андан кийин негизги курамдагы Жазгүл, Диана, Баяна келип кошулушту.
Топтун “Стар Дэнс” деп аталып калышынын себеби эмнеде?
– Топко ат коюу да ойлондурган маселе эмеспи. Мен алгач жакшы ат таба албай бушайман болуп жүрдүм. Анан бир күнү түш көрүп жатпаймынбы. Түшүмдө биз укмуш жасалгаланган сахнага чыгып бийлегени жатыптырбыз. Алпаруучу “азыр сахнага “Стар Дэнс” тобу чыгат” деп жарыялап калды. Ойгонуп кеттим. Эртеси кыздарга түшүм тууралуу айтып, ушинтип атабайлыбы деп сунуштадым. Кыздар да бир ооздон макул болушту. Ошентип, топтун атын түшүмдөгү аян боюнча коюп калганбыз. Англисчеден бизче которгондо, “Жылдыздар бийи” деген түшүнүк берет.
– Акыркы концерттерде тобу­ңар­дын курамы абдан кеңейгени байкалды...
– Биздин топко кошулууну каалагандар көбөйүп жатканы мени абдан кубандырат. Учурда кырктан ашык окуучум бар. Ошондой эле жогоруда аттары аталып кеткен негизги бийчи кыздардан турган топко сабак берип жатам.
– Сен алгач сахнага чыгып жүргөндө толук кыз элең. Өзгөчө диетаны колдонгонсуң го.
– Ий, ушул суроону берет деп ойлогон эмесмин. Чынында, башында толук кыз болчумун. Анан бийге жан дилим менен берилип, күн куру калтырбай машыга баштагандан тартып арыктап кеттим. Ошентип, бий мени укмуш арыктатты. Анын үстүнө, топту жетектөө деле бир топ түйшүк апкелет эмеспи.
– Алина эженин кызы Азел да сенин бий тобуңда бийлеп жүрүп чыгып кетти. Анын топтон кеткенинин себебин билсек болобу?
– Азел бизге келгенде «Мен ырдап чыкканча гана бийлейм» деп айткан. Ырдай баштаганда бизден кетти. Мунун артында эч кандай деле чыр-чатак жок. Болгону, «Азел менен Асел тил табышпай калды» деген ушак таратып жиберишиптир.

“Жакында күйөрмандарыбыз тоноп кетишти”

– Жазгүл, баштан кечирген өзгөчө окуяла­ры­ңардан бөлүшө кетсең.
– Негизи, гастролдорго чыкканда жакшы да, жаман да окуяларга кабылабыз. Жакында эле болгон окуяны айтып берейин. Биз концерттен жаңы эле чыгып, үйгө кетүүгө камынып жатканбыз. Колдорубузда сахна көйнөктөрүбүз. Бир маалда күйөрмандарыбыз келип, бизди жеткизип коёбуз деп калышты. Биз алардын сунуштарын четке кактык. Анан кой-айга болбой эле көйнөктөрүбүздү колдорубуздан жулуп алышты. Алар «жеткирип коёбуз» дешет, биз болбойбуз. Ошентип, бир маалда көйнөктөрүбүздү алып кетип калышса болобу. Учурда ал балдар изделип жатат.
Дагы бир жолу мындай окуя болгон. Сахнага чыгып бара жатканбыз. Менин ботусумду артта турган бийчи басып алып, согончогу чечилип кетти. Оңдоп кийип алууга кеч болуп калган. Ошондо ботусумдун согончогун баскан бойдон шалпаңдап араң бийледим. Бул көрүүчүлөргө байкалган жок окшойт. Бирок секирип бийлеп жатып, качан бут кийимим ыргып кетет деп абдан коркком. Кээде бийлеп жатып чалынып, жыгылып кеткен учурларыбыз да болот. Мындай учурларда баарыбыз жыгылымыш болуп, ыңгайсыз учурдан чыгып кетебиз. Ошондуктан бийде эң негизгиси, фантазия күчтүү болуш керек.

Сандыктагы катылган сырлар...

– Диана, сыр сандыгыңардагы сырлардан бөлүшө кетпейсиңби.
– Эң башкы сырыбыз, биз ынтымакты катуу карайбыз. Биздин ийгилигибиздин сыры да ушунда деп айта алам. Экинчи сырыбыз, бизде кечигүү болбойт. Ал эми эң таттуу сырыбыз, баарыбыз таттууну аябай жакшы көрөбүз. Кадимки эле балмуздакка жер-жемиштерди кошуп жей беребиз. Андан сырткары, ар бирибиздин сумкабызды аңтарса, жок дегенде экиден шоколад чыгат. Бул биздин «фирменный» тамагыбыз. Анан бийлерибиз дүркүрөгөн кол чабууларга татып, маанайыбыз ачылып кубанганда, сөзсүз өзүбүздүн «фирменный» тамагыбызды жеп эс алабыз.
– Раушан, сени “топтун визажисти” деп бекеринен аташпаса керек...
– Мен ар кандай чач жасалгаларды жасаганга жана макияж коюуга шыктуумун. Салондорго барып акча коротуп отурбай эле кыздардын чачтарын жасалгалап берип коём. Негизи, баарыбыздын чачтарыбыз узун, каалагандай жасалгалап алууга болот. Кээде шашылыш болуп калганда, ар бирибиз өз алдынча эле боёнуп, жасанып алабыз.
– Бегимай, араңарда жакшы ырдаган кыздар да болсо керек, “Пуссикэт Доллс” тобундай ырдап чыгуу да кыялыңарда барбы?
– Кыздарыбыз ырчылыктан да куру эмес. Айрыкча туулган күн болуп калганда бири-бирибизге атайлап ыр жазып ырдап, “сюрприз” кылып калабыз. Бирок биз бий менен гана таанылгыбыз келет. Негизи эле бийге өзгөчө бир багыт ойлоп таап, кичинекей да болсо из таштап кеткибиз келет.
– Баяна, ар бир бийдин идея­сын кантип жаратасыңар? Жана ага ылайык костюмдар ким тараптан тандалат?
– Костюмдарды продюсерибиз Канат Култаев менен жетекчибиз Асел камсыз кылышат. Ал эми майда-чүйдө жасалгаларды өзүбүз сатып алабыз. Эң биринчиден, биз костюмдарыбыздын бийлөөгө ыңгайлуу болушуна карайбыз. Анан да биздин жетекчибиз өтө ачык, киндиги көрүнгөн кийимдерди кийүүгө таптакыр тыюу салат. Бийдин идеяларынын негизин Асел ойлоп табат. Биз кошумчалайбыз. Мисалы, Аселдин көчөдө кетип бара жаткан мастын же там-туң баскан баланын кыймылынан эле бийдин кыймылдарын ойлоп таап коймой жайы бар.

Булар да бийчилер тууралуу

  • “Стар Дэнс” бий тобунун негизги бий багыты – заманбап спорт бийлери. Өзгөчө авацияларга бөлөнгөн бийлери: “Леди” жана “Боксёр бийи”.
  • Топтун көп жолу барган жана жактырган эс алуу жайы – Ош шаарындагы “Атабек” кафеси.
  • Кыргызстандан сырткары Казакстанга гастролго чыгышкан.
  • Той-топурларга чакырууларды көп ала беришпейт.
  • Дайыма бийлеп тургандыктан, семирип кетүүдөн коркушпайт.

Асел – 25 жашта, топтун «энержайзери», жетекчиси. Тартипти биринчи орунга коёт.

Бегимай – 18 жашта, жигиттердин жүрөгүнө чок салгандан коркпойт да, тажабайт.

Раушан – 17 жашта, топтун визажисти. Сулуулукту жактырат.

Жазгүл – 18 жашта, топтун кыялкечи. Уюштургуч сапаты бар.

Диана – 18 жашта, топтун ажарлуу бийкечи. Мүнөзүндөгү өзгөчөлүк – тартынчаактык.

Баяна – 17 жашта, топтун миң сырдуусу. Кличкасы – “дерзкая”.

Бахияна Сатылганова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: