Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«САНПА ОКУЯСЫ АТАМДЫ ЖУТТУ, ЖЕТИМГЕ АЙЛАНДЫК»

№555 21-июнь-27-июнь, 2013-ж


«Эң жаман көргөнүм – «ата-энеси жок, жетим тура» деген сөз! Мындайды укканда дүйнөм томкорула, көөдөнүм өрттөнүп кетет менин...» деп ыйлаган Элнуранын жанында адам чыдап отура алгыс. Анын атасы Шакирали Кийикбаев 43 жашында 2010-жылдын 12-июнь күнү Ош-Бишкек унаа жолундагы Топурак-Бел ашуусунда жайгашкан «Санпа» пахта заводунун жанында мыкаачылардын колунан каза тапкан.

«АТАМДЫ ҮЧ КҮН КҮТТҮК»
– Уруш болуп кетет деп үч уктасам түшүмө кирген эмес. Жалал-Абад шаарында окучумун, 2010-жылдын 12-июнь күнү атам эртең менен чалып, «кызым, бүгүн сени үйгө алып кетем, даярданып тур» деди. Жолго чыктык, Топурак-Бел ашуусундагы «Санпа» заводунун жанынан тынч эле өтүп кеттик. Атамдын шаарга кайтам деген ою жок болчу. Кызыл-Октябрь айылына жетерде жол четинен эки жигит чуркап чыгып, бизди тосуп калды. Атам түшүп кетти да, бир аздан кийин келип мени жакыныраак жердеги чоң энемдин үйүнө таштап коёрун айтты. Менимче, ошол жигиттер атамды тааныйт жана кайдадыр жеткирип коюуну суранышкан.
Энемдин үйүндө күтүп отурдум, атам болсо кечигип жатты. Кеч киргенде эле айылдагы агамдын баласы жөнүндө «ок тийип жарадар болуп, айылга кирип келиптир» деген кабар угулду. Аны угарым менен тынчсызданып, атамды издей баштадым. Телефонуна чалсам өчүк. Ал күнү атамды келип калат деп зарыга күттүк. Кийинки күнү айылда кадимкидей ызы-чуу. «Каптап келе жатыптыр, кырып келе жатыптыр» деген имиш-имиштен улам кээ бир кошуналарыбыз кайдадыр качып жөнөй башташты. Үйдүн эң улуусу болсом, сиңди-инилерим менен калсам, кимге таянып, кимдин арты менен, кайда кетмек элем? Атамды күтө бердик. Экинчи түнү кирпик ирмебедим. Себеби кошуналарыбыз көчүп кетишкен болчу, коркуу менен таң атырдык.
Арадан 3 күн өттү, атамдан дале дайын жок. Жол жарым-жартылай ачылганда гана туугандарыбыз шаарга келип, атамды издей башташты. Ооруканалардан табышпай, өлүкканага барышса, атам ошол жерде экен (ыйлап). Атамды чачынан гана таанышкан. Анткени аябай мыкаачылык менен өлтүрүлгөндүктөн, жүзү таанылгыс болуп калыптыр. Анан айылга, бизге кабар келди, «атаң келе жатат» деген. Мен ушунчалык кубандым, атамдын үйгө күлүп-жайнап кирип келишин күтүп отурдум. Көп өтпөй, туугандарыбыздын машинадан өңгүрөп ыйлап келе жаткан үнү кулагыма элес-булас угулганын бир билем, андан кийинкиси эсимде жок, өзүмдү жоготуп коюпмун. Эсиме келсем, бетимди чапкылап жатышат. «Атамдын жүзүн көрөм!» дедим, карасам жүзү таанылгыс болуп, карайып калыптыр. Көзү да ачык бойдон. Атамдын сөөгүн жууп-тазалагандан кийин деле кан токтобой ага берди туш тарабынан. Жаздык, төшөктөр сыгып алма канга чыланып калган болчу.
Ал убактагы абалымды азыр айтып, түшүндүрө албайм. Андай учурда адамдын эси эки болуп, акылы башынан качып калат экен, жинди сымал. Бир эсиме келем, кайра эсимди жоготом, атамдын жүзүн кайрадан кароого даай албадым. Күйүт жаман экен, эки бутум баспай калды. «Шылк» деп эле жыгыла берем. Оюм-оюма уланып, «кичүү бир туугандарымды эми кантип карайм, биздин тагдырыбыз эмне болот?» дей бердим. Себеби апам атам каза болордон 2 жыл мурун кайтыш болуп кеткен эле.

«18 ЖАШЫМДА АТА-ЭНЕМДИН ОРДУН БАСТЫМ»
– Бир күнү үйдөгү туугандарыбыз кеңешип жатышыптыр. Мен төшөктө, тура албай жатам. Атамдын карындашы «балдарды бөлүп алалы» деп калды. Мага ушул сөз аябай катуу тийди. «Биз ушул деңгээлге түшүп, кароосуз, керексиз болуп калдыкпы?!» деп ойлонуп жаттым да, «турам, басам» дедим. Ошондо гана улуулардын «белиңди бекем буу» деген сөзүнүн маанисин түшүндүм. Көрсө, ичиң эзилип, күйүт белиңден жыгат экен биринчи. Денемди түз кармай албай, жыгылып кала берген жаным, күчтөндүм. Бөбөктөрүмдү эч кимге жалдыратпайм, ыйлатпайм деп чоң жоолукту белиме байлап, атамдын кыркылыгы өткөнчө басып кеттим. Анан да акимчиликке барганымда мага бир эже «бирөөгө көз каранды болуп каласыңар, өзүңдүн жашың 18де экен, балдарды сага өткөрүп берели» деди.
Ошентип, бир туугандарымды өзүмө жаздырып алдым. Ортодо жардамдар берилип жатты, бирок жашообуз кыйындап кетти. Мен ошондо акча табууга бел байлап, аргасыздан Москвага жөнөп кеттим, кичүүлөрдү чоң энеме калтырдым. Ал жакта айлыгым болгону 16 миң рубль, ашканада иштеп, тапканымды айылга жөнөтөм. Ошондой күндөрү атам менен апам түшүмө кирди. Үчөөбүз поездде баратабыз, анан эле атам «Элнура, сен ушул жерден түшүп кал, тиги каптарды үйгө жеткир» деп калды. Аян белем, ушундан кийин Кыргызстанга келе бердим, өкмөттөн акчалай жардам жана үй алдык.

"АПАМ ОПЕРАЦИЯДАН КИЙИН ЭЛЕ КӨЗ ЖУМДУ"
– Атам бойдок кезинде эле сүрөтчүлүк менен эмгектенчү экен. Апам окуган мектепке сүрөт тартканы барып калган атам апамды көрүп жактырып калат. Ошол бойдон атам аскерге кетип, кийин апам окууну бүтөрдө райондун борборуна сүрөткө түшкөнү келсе, ал сүрөткана атамдыкы болуп чыгат. Анан «эртең келип сүрөтүңдү алып кетесиң» деген атам, эртеси апам келгенде ала качып кетип, анан баш кошушуптур.
Атам тиричиликке ошондо эле тың болуп, мен төрөлгөндөн кийин менин ысымымдан сүрөткананы аташып, ошону иштетүү менен бизди бакчу. Баш-аягы 20 жыл үзүрүн көрдүк, ал ишкананын. 2006-жылы үйүбүздүн алдына чоңураак там тургузуп, ага кирердин алдында апам кайтыш болуп кетти (ыйлап). Апам ооручу деле эмес, толмочунан келген, күчтүү аял эле. Бейтапканадан «миома бар» деп айтышып, 10 күндүк дарыланууга кеткен. Ошондо апама тезинен операция жасоону сунуштап калышкан. Бирок операциядан чыккандан кийин апамдын ыйлап айткан сөзү «мени кыйнап коюшту, кыйнашты» болуптур. Операциянын акчасын берсе, врачтар албай коюшкан. Биз аларды сотко да бердик, бирок врачтар жеңип кетишти. Айтор, апам ошондон 2 күн өтүп-өтпөй о дүйнөгө кете берди. Ишенбедим, такыр ишенбедим. Апам өлүп калчу аял эмес болчу!

«ӨКМӨТТҮН ПУЛУ МЕНЕН ЖАШАП КЕЛЕБИЗ»
– Мектепти аяктаганымда атам мени доктур кылам деп бир букабызды сатып, Бишкекке жөнөттү. Медициналык академияга тапшырмакчы болуп жүргөнүмдө атам мага чалып алып ыйлап жиберди, анан мен чыдабай кайра келе бердим. Анын үстүнө апам каза болгондон кийин мага көнө түшкөн окшойт. Ошондогу атамдын кубанганы эсимден кетпейт. Ошентип, Жалал-Абаддагы медициналык колледжде окуп калдым. Мени шаарга жеткирип, окуу жайга алып барып, кайра алып келип турам деген убадасына турду атам. Айылга келгенде ар дайым аш даяр турчу казанда. Инимди укук коргоо кызматкери кылам деп тилек кылчу. Атам каза болгондон бир жыл өткөндөн кийин иним Разакбек мектепти бүткөндө ыйладым, жалгызсырадым. Кудайга шүгүр, иним өз күчү менен окууга өттү. Бирок окуусу контракттык негизде, 18 миң сом төгө албай кыйналып калдык. Ортодо убактылуу Москвага иштеп келүүгө мажбур болду. Окуусун эптеп бүтүрүп алса, бизди багат беле?..
Бирөө бир сом бербейт, жетимдерге берилчү пенсия, жөлөкпул менен күн көрүп келебиз. Наалыбайм, жашоо учугун улап келе жатабыз. Болгону, кээде тажап кетем жашоодон. Бирок кичүүлөрүмдү ойлойм, алар үчүн күчтүү болушум керек. Базарга алпарып баарына кийим сатып берем. Эң кенже иним да акылдуу болуп калды. Айтор, 3 бир тууганымдын ата-апасы болдум. Бирок биз деле эл катары ата-энебиз менен чогуу жашасак болор эле го?!

Ал эми Элнуранын сиңдиси Наргиза атасын мындайча эскерет:«АТАМ АЯЛДАРГА ТИЙБЕГИЛЕ ДЕП БАКЫРЫПТЫР»
– Атам мени «көк көзүм» деп эркелетчү. Бир жакка барса куру кол кайтып келген күнүн эстей албайм. Ар дайым колунда бизге атаган бир нерсеси болчу.
Атамдын сөөгүн алып келген машина үйдүн алдына токтогондо мен чыкпай койдум сыртка. Терезени карап, нес болуп отура бердим. Жүзүн көрмөк тургай жанына бара албай койдум. Колуна көзүм түшүп, көңүлүм ушунчалык кирдеди, атамдын колу ылжырап күйүп, капкара болуп шишип кеткен экен. Апам каза болгондо кучактап ыйлай берген элем. Атамдын өлүмүндө ый чыкпай койду менден, туугандарыбыз «уят, ыйлабайсыңбы?!» дешет, мен ичиме жутуп жаттым күйүттү (ыйлап). Өлүм ызы-чуусу, аза кошогу, баары көмөкөйүмө көк таштай тийди. Кулагыма ошол үндөр жаңыра берет. Кийин мүрзөгө бардым, атам апамдын мүрзөсүнө өрүк тиккен эле, ошол дарактын көлөкөсүнө өзү барып жатып калыптыр.
Баса, ошол тополоңдо атам шаардан 4 аялды машинага салып кайра келе жатканда жолдон бетин чүмбөттөп алган жоон топ токтотуптур. Бул 12-июндун түштөн кийинки саат 3 менен 4түн аралыгы, мындайча айтканда, атам «Санпанын» жанында өлтүрүлгөндөрдүн биринчилеринен. Тоскондорду кол салат деп ойлобосо керек, атам машинасынан түшкөндө эле сүйрөп жөнөшүптүр, анын акыркы сөзү «аялдарга тийбегиле, аларга тийбегиле» болуптур. Алдыңкы орундукта отурган аялдын жаш кызын мылтыктын кундагы менен урганда аялдар эси-учун жоготушуп, кийин аларды кайдан-жайдан бирөөлөр алып чыгып кетип, аман калышыптыр. Ошол бойдон атамдын кантип өлтүрүлгөнүн эч ким билбейт.

Учурда Элнура 22 жашта экенине карабай өзү бир үй-бүлөгө баш. Жалал-Абад шаарындагы Көк-Арт кичи шаарчасындагы Июнь окуясынан жабыркагандар үчүн салынып берилген үйдө жашашат. Июнь окуясы бир гана мындай жаш каректердин жашын агызбай, нечендеген атуулдардын тагдырын талкалаганын билебиз. Айтарыбыз, эч качан андай учур эч кимдин өмүрүндө кайталанбасын!
Коогалаңдуу Июнь окуясынын чуулгандуу бир бөлүгү аталган «Санпа» окуясы 16 адамдын өлүмүнө, 2 адамдын дайынсыз жоголушуна алып келген. Бул окуяга тиешелүү соттук иш-чарада 19 адам жоопко тартылып, алардын 18и өмүр бою эркинен ажыратылган.

Гүлжан Эшбаева
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(36)
24.06.2013. 09:55 
Тайпасы:
Тартип бузгандар
Комментарийлердин саны:
14
Катталган:
22-03-2008
Соӊку аракети:
28-12-2013 19:33
Жынысы:
Белгисиз
+8
Элнура, азамат кыз экенсин белинди дагы да бекем байла. Баары алдыда айдын 15и карангы болсо 15и жарык. Мына инилерин чоноюп жарык ундор келе жатат. Ата-энендин жаткан жер жайлуу, кудайым аларга бейишинен орун берген болсун.
24.06.2013. 10:55 
Тайпасы:
Жаран
Комментарийлердин саны:
70
Катталган:
02-11-2011
Соӊку аракети:
24-10-2017 22:40
Жынысы:
Белгисиз
Калаасы:
Ордолуу Ош шаары!
+10
Ата-Эненин жаткан жери жайлуу болсун ! Окуп алып ушунчалык озбектерди дагы бир жаман коруп абдан ыйладым ушуларга да Кудай барбы деп ? Аллахым жазаласын .Озун айтмакчы белинди бекем буу, жакшы кундор алдыда ..............................(((((((((((((
24.06.2013. 10:58 
Тайпасы:
Жаран
Комментарийлердин саны:
30
Катталган:
15-02-2013
Соӊку аракети:
28-02-2017 09:14
Жынысы:
Белгисиз
+5
Ыйлап отуруп аран окудум. Аман болгула, силерге бактылуу келечек каалайм.
24.06.2013. 11:03 
Тайпасы:
Жаран
Комментарийлердин саны:
85
Катталган:
14-05-2012
Соӊку аракети:
21-03-2018 14:36
Жынысы:
Белгисиз
Калаасы:
Бишкек
+6
Адам кейпин кийген жырткычтарга мин наалат.Аллах жазаларын берсин.Ата-энениздин жаткан жери жайлуу болсун.Силерге бактылуулук,кен келечек каалайм.Демим кысылып аягына чейин аран окудум.Супер инфо ушул кы3дар м' кантип байланышсам болот?
24.06.2013. 11:38 
Тайпасы:
Тартип бузгандар
Комментарийлердин саны:
14
Катталган:
22-03-2008
Соӊку аракети:
28-12-2013 19:33
Жынысы:
Белгисиз
+4
Достор, менде сунуш бар форумчулар бир аздан акча чогултуп жардам корсотпойлубу коп тукурсо кол болот деген кеп бар кыргызда. Бир аз болсо да жардам болсун кимде кандай сунуш болсо жазгыла.
24.06.2013. 11:48 
Тайпасы:
Супермодератор
Комментарийлердин саны:
5986
Катталган:
05-09-2011
Соӊку аракети:
14-11-2018 12:31
Жынысы:
Белгисиз
Калаасы:
SUPER.KG
+1
Suluu Jigit, Саламатсызбы!
Форумдагы "Кайрымдуулук" бөлүмүнө тема ачсаңыз болот:
http://www.super.kg/superstan/index.php?showforum=77
24.06.2013. 12:04 
Тайпасы:
Жаран
Комментарийлердин саны:
46
Катталган:
27-10-2012
Соӊку аракети:
21-06-2018 17:23
Жынысы:
Белгисиз
Калаасы:
Марс
+3
Кудай алдында жооп бере турган күнда келет.
Кыздарга саабырдуулук тилейм.Жүрөгүм ооруп жыкты.
Модератор admin_superstan түзөттү 24.06.2013 13:02
24.06.2013. 12:24 
Тайпасы:
Жаран
Комментарийлердин саны:
39
Катталган:
02-05-2013
Соӊку аракети:
14-11-2018 08:02
Жынысы:
Белгисиз
+2
Жетим жетилет деп коет, жетилипсинер мындан ары дагы белди бекем бууп кайрат кылып алга умтулгула. Элнура аябай кайраттуу кыз экенсин, баары жакшы болот.
Модератор admin_superstan түзөттү 24.06.2013 13:00
24.06.2013. 13:29 
Тайпасы:
Жаран
Комментарийлердин саны:
124
Катталган:
17-10-2011
Соӊку аракети:
24-08-2018 14:56
Жынысы:
Белгисиз
Калаасы:
moskva
+1
Карындашым кайраттуу кыз экенсин омурун узун болсун инилериндин апасы да атасы да сенсин турмуш бул тырмыш деген озуно куч кубат берсин баары жакшы болот келечекти умут менен кара!
24.06.2013. 14:34 
Тайпасы:
Кыймылы жок
Комментарийлердин саны:
8
Катталган:
12-09-2010
Соӊку аракети:
04-08-2014 23:11
Жынысы:
Белгисиз
Калаасы:
Krasnoyarsk
0
Элнура менин классташым,класстын адептуу,жоош,оор басырыктуу кызы эле.Кудайым сага куч кубат берсин,ата-энендин арбагы колдосун
24.06.2013. 16:09 
Тайпасы:
Жаран
Комментарийлердин саны:
39
Катталган:
02-05-2013
Соӊку аракети:
14-11-2018 08:02
Жынысы:
Белгисиз
+1
Кантип байланышсак болот ал кыздар менен? Айтып коюнуздарчы сураныч, рахмат.
24.06.2013. 18:02 
Тайпасы:
Жаран
Комментарийлердин саны:
45
Катталган:
16-06-2013
Соӊку аракети:
13-11-2018 23:01
Жынысы:
Белгисиз
+1
Айтсан айтып буткус соз! Элнурага Аллахым сабыр куч кубат берсин!
24.06.2013. 20:39 
Тайпасы:
Жаран
Комментарийлердин саны:
407
Катталган:
31-03-2012
Соӊку аракети:
24-06-2018 01:00
Жынысы:
Белгисиз
+1
Негедир 2-3 кундон бери Санпа окуясын келинчегим экообуз соз кылып, ошол учурдагы озбектердин кылыгына дале ачуум келип жаткан, эми бул макаланы окуп бир чети зээним кейиди кыздардын тагдырына, бир чети жиним келет. Кудай бардыр ошолорго, жазасын алышаар кудайдан, атасынын арты кайырлуу болсун, Эльнурага куч кубат берсин кудай, бактынды ачсын, сабыр кылгыла эми, ылайым багын ачылып, тагдырына кайдан турмуш жазылбасын, ошол жерден бакыт таап, омурун откончо бактылуу бол Эльнура!!!
24.06.2013. 20:46 
Тайпасы:
Жаран
Комментарийлердин саны:
0
Катталган:
25-08-2012
Соӊку аракети:
04-02-2018 17:55
Жынысы:
Белгисиз
+1
Эх жашоо.., бул кыздардын видеосун кордум эле токтоналбай ыйлагам. Силерди кудайым колдосун. Чын эле жардам береличи форумчулар...
25.06.2013. 13:02 
Тайпасы:
Жаран
Комментарийлердин саны:
376
Катталган:
25-05-2011
Соӊку аракети:
21-01-2018 20:21
Жынысы:
Белгисиз
Калаасы:
москва
0
Taisiya, Видеосун кайдан кордун?
25.06.2013. 16:55 
Тайпасы:
Жаран
Комментарийлердин саны:
0
Катталган:
25-08-2012
Соӊку аракети:
04-02-2018 17:55
Жынысы:
Белгисиз
0
monchok, 7-каналдан да кечээ куну эле корсотушту. Ошол видеодон коргом.
25.06.2013. 16:04 
Тайпасы:
Жаран
Комментарийлердин саны:
70
Катталган:
02-11-2011
Соӊку аракети:
24-10-2017 22:40
Жынысы:
Белгисиз
Калаасы:
Ордолуу Ош шаары!
0
Taisiya, жардам берейли кантип?
25.06.2013. 16:57 
Тайпасы:
Жаран
Комментарийлердин саны:
0
Катталган:
25-08-2012
Соӊку аракети:
04-02-2018 17:55
Жынысы:
Белгисиз
0
menedjer, Суперстанда тема ачышты. Кирип соз менен чектелбей, жардам берели туугандар. Жардам бергиси келгендер бул жакка откуло!http://www.super.kg/superstan/index.php?showtopic=67343
24.06.2013. 22:04 
Тайпасы:
Кыймылы жок
Комментарийлердин саны:
31
Катталган:
19-09-2012
Соӊку аракети:
16-12-2013 21:56
Жынысы:
Белгисиз
Калаасы:
Ош
+1
Араң окудум, мыкаачыларга Алла Таалам жазасын берсин!
25.06.2013. 06:59 
Тайпасы:
Жаран
Комментарийлердин саны:
175
Катталган:
22-05-2013
Соӊку аракети:
12-04-2018 07:16
Жынысы:
Белгисиз
Калаасы:
Venera
0
Кагылайын синдим, жаш кезинде эле ата эненди жоготуп алыпсын да, жетимчиликтин кандай экенин жакшы билем. Баарына биздин алсыз окмот кунолуу. Мамлекетибиз кучтуу болсо башка улуттар бизге кол тийгизе алмак эмес!
25.06.2013. 08:57 
Тайпасы:
Аким
Комментарийлердин саны:
534
Катталган:
26-01-2013
Соӊку аракети:
26-10-2018 02:37
Жынысы:
Белгисиз
Калаасы:
Ак монгулуу Ала-тоо
+6
Улутчул, улутчул деп козунордун тобосу менен карайсынар....!!!Кантип кыргыз оз жеринде мыкаачылык менен ажал тапса, улутчул болбойсун!Кантип кыргыз балдары жетимдиктин даамын татып, коз жаш токсо улутчул болбойсун!Кантип кыргыз эне баласын жоктоп кошок кошсо улутчул болбойсун.....
Модератор admin_superstan түзөттү 25.06.2013 09:20
25.06.2013. 09:22 
Тайпасы:
Супермодератор
Комментарийлердин саны:
5986
Катталган:
05-09-2011
Соӊку аракети:
14-11-2018 12:31
Жынысы:
Белгисиз
Калаасы:
SUPER.KG
-2
Kg.lady, провокацияга жол берилбейт.
Билдирүүңүз түзөтүлдү.
Азырынча эскертүү!
Модератор admin_superstan түзөттү 25.06.2013 09:22
25.06.2013. 11:26 
Тайпасы:
Кыймылы жок
Комментарийлердин саны:
16
Катталган:
25-08-2012
Соӊку аракети:
30-10-2013 22:09
Жынысы:
Белгисиз
+2
Алардын коз жаш тогуп ыйлаган видеосу бар жуктой албай жатам. Атасы менен апасы болуп жаны жылды чогуу тосуп аябай бийлешкен экен ошол видеосу калган экен эстелик болуп,аны кайра кайра корушот экен. Байкуш кыз ушунчалык татынакай экен жанынан корсон бир аз туйшук тартып арыктап кеткени билинип калыптыр.Мен да жардам берем деп аракет кылып жатам. Кудайдан чооон сооп болот. Аларды жылуу кийин ушуйсун, курсагын токбу балам,озунду этиет кыл деген атасы апасы жок.
25.06.2013. 21:08 
Тайпасы:
Жаран
Комментарийлердин саны:
2
Катталган:
08-06-2013
Соӊку аракети:
26-06-2017 18:48
Жынысы:
Белгисиз
+1
Элнура карындашым кайтпа ушул жолундан
Жакшылык деп журок соксо,келет,жасаш колундан
Тизе бугуп таазим кылам сендей кыргыз кызына
Сынбаптырсын,шайтан ачып жеп жатса да,журок менен боорунан.
25.06.2013. 21:09 
Тайпасы:
Жаран
Комментарийлердин саны:
81
Катталган:
22-06-2013
Соӊку аракети:
13-11-2018 03:54
Жынысы:
Белгисиз
0
кантип ушул кыздар мн байланышсам болот телефон номерлерин кантип тапсам болот супер инфо жардам бериниздерчи
26.06.2013. 10:51 
Тайпасы:
Супермодератор
Комментарийлердин саны:
5986
Катталган:
05-09-2011
Соӊку аракети:
14-11-2018 12:31
Жынысы:
Белгисиз
Калаасы:
SUPER.KG
0
jazy, Саламатсызбы!
Бул шилтеме менен өтсөңүз:
http://www.super.kg/superstan/index.php?showtopic=67343&pid=1105111&st=0&#entry1105111
25.06.2013. 23:32 
Тайпасы:
Жаран
Комментарийлердин саны:
78
Катталган:
07-06-2013
Соӊку аракети:
11-03-2017 21:42
Жынысы:
Белгисиз
+1
Ош коогаланында коптогон кыргыздар жабырланса да, кайра эле кыргыздар "геноцид" деп куноолуу болуп келатабыз. Эльнура багын ачылып,бактылуу бол. Азамат кыз экенсин. Жетим жетилет дегендей,баары жакшы болот. А атанды олтургон мыкаачыларды аллам озу жазаласын ылайым.
26.06.2013. 14:56 
Тайпасы:
Кыймылы жок
Комментарийлердин саны:
97
Катталган:
08-08-2011
Соӊку аракети:
05-09-2014 13:28
Жынысы:
Белгисиз
Калаасы:
бишкек
0
ата энесинин арты кайрылуу болсун номерлерин жазып койсонуздар жакшы болмок
26.06.2013. 18:07 
Тайпасы:
Жаран
Комментарийлердин саны:
388
Катталган:
25-09-2012
Соӊку аракети:
18-09-2018 18:59
Жынысы:
Белгисиз
0
абдан зээним кейиди.жазаарга соз таппай калдым
26.06.2013. 19:24 
Тайпасы:
Жаран
Комментарийлердин саны:
8
Катталган:
21-06-2013
Соӊку аракети:
25-01-2018 14:34
Жынысы:
Белгисиз
0
Саламатсыздарбы!!! Элнура менин курбум болот! Сиздерден келген каттарды Элнура экообуз бирге окуп чыктык. Сиздерге рахмат! Сиздерди АЛЛАХЫМ озу колдосун. Ии баса Элнура туралуу жакынкы кундо соонун жанылык бар.....
27.06.2013. 12:56 
Тайпасы:
Кыймылы жок
Комментарийлердин саны:
0
Катталган:
18-01-2013
Соӊку аракети:
22-08-2014 00:03
Жынысы:
Белгисиз
0
Elima_91, ал жанылык каяктан чыгат.чыдамчыздык менен кутобуз.жакшы жанылык болсун
27.06.2013. 13:03 
Тайпасы:
Супермодератор
Комментарийлердин саны:
5986
Катталган:
05-09-2011
Соӊку аракети:
14-11-2018 12:31
Жынысы:
Белгисиз
Калаасы:
SUPER.KG
0
INDIRA_89, провокацияга жол берилбейт.
Азырынча эскертүү!
27.06.2013. 17:32 
Тайпасы:
Жаран
Комментарийлердин саны:
402
Катталган:
21-11-2012
Соӊку аракети:
02-11-2018 17:01
Жынысы:
Белгисиз
Калаасы:
Суперстан
0
Айдын он беши карангы, он беши жарык. Буйруса жапжарык кундор алдыда.
27.06.2013. 19:03 
Тайпасы:
Супермодератор
Комментарийлердин саны:
5986
Катталган:
05-09-2011
Соӊку аракети:
14-11-2018 12:31
Жынысы:
Белгисиз
Калаасы:
SUPER.KG
0
Урматтуу колдонуучулар, форумда "Кайрымдуулук" бөлүмүнө жардам көрсөтүү үчүн тема ачылган:
http://www.super.kg/superstan/index.php?showtopic=67343&view=findpost&p=1108085
Модератор admin_superstan түзөттү 27.06.2013 19:03
04.07.2013. 03:08 
Тайпасы:
Кыймылы жок
Комментарийлердин саны:
1
Катталган:
24-02-2013
Соӊку аракети:
03-04-2015 04:00
Жынысы:
Белгисиз
0
Аябай ыйлап окудум зээним кейиди. Не жазаарымды да билбей калдым.ата энендин жаткан жери жайлуу болсун.
05.08.2013. 00:24 
Тайпасы:
Кыймылы жок
Комментарийлердин саны:
37
Катталган:
09-10-2012
Соӊку аракети:
01-12-2013 00:08
Жынысы:
Белгисиз
Калаасы:
Ош
0
кичине кызынын айткан создорун окуп аябай онгуроп ыйлап алдым негедир...бактылуу болгула!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: