Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КАГЫЛАЙЫН ОРУН БАСАРЫМ...

№555 21-июнь-27-июнь, 2013-ж


«Сахнада кооз кийинип, обон созгон жылдыздар үйдө кандай эне, кандай жар болду экен? Алардын балдарычы?» деп көп кызыгабыз. Андыктан атактуулардын ишенген тоосу болгон уулдарын жана сырдаш кыздарын сиздерге тааныштырабыз.

Алина Жетигенованын кызы Азель:«КЫЗДЫН ТӨРКҮНГӨ ТЕЗ-ТЕЗ КАТТАГАНЫ ТУУРА ЭМЕС ГО»

Толук аты-жөнү – Азель Чилетирова
Туулган жылы, күнү – 1988-жыл, 18-март
Туулган жери – Бишкек
Учурда – Үй кожойкеси

– Азель, кичинекейиңде тентек кылганда апаң кантип жазалачу эле?
– Мен дээримден жоош кызмын. Апам кандай гана эскертүү бербесин, эмкиде ошол катаны кайталабаганга аракет кылчумун. Апамдын бизди абдан катуу сабаган учуру болгон эмес. Шоктук кылганда урушкандын ордуна «мейли эми, баласың да» деп аяп калчу.

– Кандайча бийди тандап калгансың?
– Бала чагымдан эле Шакира, Ашер деген ырчылардын бийлегенине кызыкчумун. Дал ушул ырчылар менин бийчи болуп калышыма түрткү болушту. Эми, буюрса, ушул жылдан баштап ырдап чыксамбы деп турам.

– Апаңдын сен үчүн көз жаш төккөн күндөрү болду беле?
– Менин жамандыгыма эмес, жакшылыгыма сүйүнүп ыйлаган учурлары болгон. Мисалы, мени күйөөгө узатып жатканда аябай ыйлаганы көз алдымда калды.

– Жолдошуң да бийчи эмеспи, кандайча табышып калдыңар?
– Экөөбүз эки башка бий топторунда бийлечүбүз. Кызыгы, эки топ бири-бирине атаандаш эле ошол убакта. Концерттерде, фестивалдарда жолукканда жолдошум Куба көз кырын салып, акырындан кепке тартып калчу. Ошентсе да унчукпай, билмексен болуп кыз кылыгын кылып жүрдүм. Экөөбүз тил табыша баштагандан тартып Куба да мага жагып, мен да көргөн жерден көз кысып койчумун. Кыз-жигит болуп жүргөнүбүздү укканда топтогу бийчилер каршы чыгышкан, «биздин атаандаш менен сүйлөшпөй эле койбойсуңбу...» деп.

– Уулуң эки жактын тең тун небереси болсо керек...
– Ооба, эки жактын тең көптөн күткөн таттуу небереси. Азыр 1 жашка чыгып калды, атасынын эле өзү.

– Кайын журтуң да белгилүү адамдар, алардын көңүлүн алуу кыйын болгон жокпу?
– Кайнатам менен кайненем «Жаш кыял» бий ансамблинин жетекчилери. Алар да бий дүйнөсүндө өсүшкөндүктөнбү, заманбап көз караштагы кишилер. Кайындарым менен жакшы мамиледемин. Башкалардай болуп «жоолук салынып жүр, шым кийбе» деген чектөөлөрдү койбойт. Ошентсе дагы үйдөн жоолугумду башымдан түшүрбөйм. Жадакалса сыртка чыгып, конокко барганда да узун көйнөк кийип, жоолук салынып алам. Муну сыйдын белгиси деп кабыл алам.

– Азыр төркүнүңө тез-тез барып турасыңбы?
– Анда-санда эле барам. Көбүнчө телефондон сүйлөшөбүз. Кыздын төркүнгө тез-тез каттаганы туура эмес го.

Гүлзат Байзакованын уулу Камбар:«БАЛКИМ, КАНЫКЕЙ ЭКӨӨБҮЗДҮН ДОСТУГУБУЗ СҮЙҮҮГӨ ӨТӨР...»

Толук аты-жөнү – Камбар Календаров
Туулган жылы, күнү – 1988-жыл, 6-июль
Туулган жери – Бишкек шаары
Учурда – Улуттук консерваториянын 5-курсунун студенти

– Камбар, Гүлзат эже үйдө кандай кожойке?
– Апам абдан тез кыймылдап, үй жумуштарына, өзүнүн ишине, иним экөөбүзгө акыл-насаатын айтып тарбиялаганга, баарына жетишет.

– Үйдө кыз жок болсо, Гүлзат эже гастролдоп кеткенде оокаттын баары иниң экөөңөргө калат экен да...
– Андай иштерди иним жасашы мүмкүн. Мен үй жумуштарына аралашпайм деле. Таякемдин кызы биздикинде жашайт. Азыр үй иштерине ошол жардамдашат.

– Баласы чоңойсо деле энеге кичинекей көрүнө берет эмеспи. Кантип эркелетет сени?
– Көп деле эркелетпейт. Кээде гана менин ийгиликтериме кубанганда «Камбарчигим, менин уулум» деп бетимден өөп койгону эле болбосо.

– Апаңдын сени катуу жазалаган учуру эсиңдеби?
– Жок, акырын эле сөз менен айтып койчу. Эгер чектен ашып баратсам, чыбыкты ала калып тап берип койсо, кирерге жер таппай калчубуз. 7 жашка чейин чоң ата-чоң энемдин колунда өстүм. Ошондуктан атам менен апам катуу айтып койсо эле аларга даттанып барсам, мага болуша беришчү.

– Учурда эмне менен алексиң?
– Окуудан тышкары кафе-клубдарда музыкант болуп иштейм. Бош убакыт боло калса обон жазганды жакшы көрөм. Анан достор менен балык уулаганы барып турабыз.

– Ырчы Каныкей интернеттеги жеке баракчасына сенин сүрөтүңдү «Воспоминание» деп илип койсо, ага Аскат Мусабеков «сенин экс-жигитиң» деп жазып кетиптир. Ошондо Каныкейди Гүлзат эжеге келин кылганы жатасыңбы?
– Каныкей экөөбүз Күрөңкеев атындагы музыкалык училищеде чогуу окуганбыз. Ошол жактан таанышып, учурда жакшы достордонбуз. Ошон үчүн жазган го.

– Достуктан сүйүү жаралып калышы мүмкүнбү?
– Балким, сүйүү жаралып, ошондой болор, балким, достуктан ары өтпөйт чыгарбыз, аны убакыт көргөзөт.

– Улуу баласы болсоң, Гүлзат эже үйлөн деп айтып жаткандыр...
– Ооба, жарым жылдан бери эле үйлөн деп айтып келатышат. Бирок мен азырынча үй-бүлө курганга даяр эмесмин.

– Сенин да ырчы болушуңа ата-энеңдин таасири чоң болсо керек...
«Алма сабагынан алыс түшпөйт» демекчи, мен да ата-энемдин өнөрүн улап, чыгармачыл адам болдум. 3-класста окуп жүргөндө эле үйдөгүлөр музыкалык мектепке фортепианого берип коюшкан. Ошондон тартып эле музыка дүйнөсүнөн чыга албай келем.

Алтынай Нарбаеванын кызы Акмарал:«КЕЧКИ СААТ АЛТЫДАН КЕЧИКСЕК, ҮЙГӨ КИРМЕЙ ЖОК»

Толук аты-жөнү – Акмарал Акматова
Туулган жылы, күнү – 1991-жыл, 4-август
Туулган жери – Бишкек шаары
Учурда – КМЮАнын 5-курсунун студенти

– Акмарал, Алтынай эже сыртынан аябай сүрдүү көрүнөт. Иниң экөөңөрдү катуу кармаса керек...
– Мына 21ге толдум. Ушул убакка чейин апам бизди бир да жолу чаап же сабаган эмес. Ал абдан чечен, сөздү таап сүйлөгөн айым. Эгер туура эмес иш кылып койсок, чучукка жеткен сөздөрүнөн акырын айтып коёт. Анан көпкө чейин кыжалат болуп жүрө бер да. Кээде мындан көрө бир чапса деген да ойлор келет.

– Апаң катуу урушуп коюп, көпкө чейин таарынган учур болду беле?
– Ооба, андай учурлар болот. Бирок бир аз таарынып, анан кайра бат эле жазылып кетем. Барып апамды катуу кучактап, маанайын көтөрүп коём. Анткени ата-эненин айтканы бала үчүн мыйзам болушу керек.

– А сен апаңды капа кылып алсаң кантесиң?
– Жакында бир окутуучум «Сен Алтынай Нарбаеванын кызы эмессиңби?» деп сурап калганынан жок деп койгом. Аны үйгө келип апама айтсам, «Чынын эле айтпайсыңбы же менден уяласыңбы?» деп таарынып калса болобу! Таарынычын араң жазгам.

Сенде кандайдыр бир маселе жаралганда ырчы айымдын таасири менен чечесиңби?
– Апамдын атын колдонуп иш бүтүргүм келбейт, бирок майда иштерде жардамы тиет. Мисалы, тиш доктурга кире турган болсом, апам чалса, кезексиз эле киргизип жиберет.

– Бой жетип калыпсың, ырчы айымга куда болобуз дегендер чекеден чыгып жатышабы?
– Ооба, андайлар бар. Өткөндө апам «бир досторубуз сени келин кылып алалы деп жатышат, баласы да абдан тың экен» деп калды. «Мени күйөөгө эле бере албай жатасызбы?» деп таарынымыш этип койгом. Чынында, азырынча билим алып, иштеп, жашоого бышканда гана үй-бүлө курам. Апама да бул оюмду айткандан кийин күйөө темасын козгобой калды.

– Бош убактыңда кандай эс аласың? Чарчаганда бийлеп чер жазып, түнкү клубдарга барып турасыңбы?
– Кээде гана барбасам, көп деле андай ызы-чууну жактыра бербейм. Анын үстүнө апам иним экөөбүзгө «үйгө кечки саат алтыдан кечикпей келиш керек» деген шарт коюп койгон.

– Өзүң эмнеге кызыгасың, ошону кыскача айта кетсең...
– Кичинемден баштап гимнастика менен алектенем. Детектив чыгармаларды көп окуйм.

Асел Асанова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(7)
24.06.2013. 13:34 
Тайпасы:
Тартип бузгандар
Комментарийлердин саны:
824
Катталган:
03-05-2012
Соӊку аракети:
12-06-2018 12:41
Жынысы:
Белгисиз
Калаасы:
жолдошумдун хан сарайы...
0
Алтынай эженин кызы аябай сулуу экен. Алина эженин кызы Азель мурункудан озгоруп кетиптир бир аз жудоондой. Билеп журон убагында башкача корунчу эле же макияжданбы...
24.06.2013. 15:14 
Тайпасы:
Кыймылы жок
Комментарийлердин саны:
340
Катталган:
04-10-2008
Соӊку аракети:
22-10-2013 14:27
Жынысы:
Белгисиз
0
Каныкей менен Камбар кыз-жигит болчу:) Азыр суйлошпой калышкан, бирок жигиттин дале конулу бар окшойт, балким достуктан суйууго дегенине караганда.
24.06.2013. 16:20 
Тайпасы:
Кыймылы жок
Комментарийлердин саны:
73
Катталган:
23-03-2013
Соӊку аракети:
30-11-2015 22:39
Жынысы:
Белгисиз
0
Yrchy ejekeleribiz ozdoru dele suluu go anan kantip kyzdary suluu bolboi kalsyn?!
25.06.2013. 09:57 
Тайпасы:
Жаран
Комментарийлердин саны:
67
Катталган:
23-04-2013
Соӊку аракети:
19-09-2018 10:19
Жынысы:
Белгисиз
0
Гулзат эжекебиз имиджин озгортсо жакшы болмок чачын кесип эмес, жон гана челкасын остуруп артына тарап. Ырчы эжкелерибиз учоо тен сулуу биринен бири отот, а Гулзат эжекенин фигурасы анча мынча кыздардыкына караганда идеальный.
25.06.2013. 20:20 
Тайпасы:
Жаран
Комментарийлердин саны:
19
Катталган:
04-06-2013
Соӊку аракети:
01-11-2017 13:39
Жынысы:
Белгисиз
Калаасы:
Абдан кооз шаарда жашамйм!
0
Altynai ejenin kyzy suluu eken, birok al 21ge emes 22ge tolotgo tuulgan jyly 1991-j 4avgust' bolso. baaryna bekem den-sooluk, ui-buloluk bakyt!
26.06.2013. 14:44 
Тайпасы:
Түйүлдүк
Комментарийлердин саны:
252
Катталган:
06-11-2012
Соӊку аракети:
14-07-2014 22:40
Жынысы:
Белгисиз
Калаасы:
..........sonuuuuuun jerde
0
гулзат эженин уулу красапчик экен жакты олло
29.06.2013. 19:29 
Тайпасы:
Кыймылы жок
Комментарийлердин саны:
4
Катталган:
06-06-2013
Соӊку аракети:
20-07-2013 18:04
Жынысы:
Белгисиз
0
Камбар мага аябай жакты :-) ,Алтынай эжебиздин кызы красавицаго,коз тийбесин :-)
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: