Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МИЛИЦИЯ КЫЗМАТКЕРЛЕРИНИН АЙЫНАН АЖАЛ ТАПКАН ЖУРНАЛИСТ

№351 24-30-июль, 2009-ж.


Акыркы учурда “Агым” гезитинин кабарчысы жана көз карандысыз журналист катары башка ММКлар менен иштешип жүргөн журналист Алмаз Ташиев милиция кызматкерлери тарабынан токмоктолгон. 4-июль күнү болгон ур-токмоктун айынан катуу жабыркаган журналист 12-июлда каза болду.

Чырдын себеби эмнеде?

33 жаштагы журналист Алмаз
Ташиев июль айынын башында иштери менен кичи мекени Ноокат районунда жүргөн. 4-июль күнү эртең менен классташы Рустам Кулушев менен паспорт алуу үчүн Ноокат районундагы Жаңы-Базар милиция бөлүмүнө барган. Экөө милиция кызматкерлери майрамдап, өздөрүнчө алагүү болуп жатышканда үстүнөн чыгышат. Чуулгандуу иш тууралуу Рустам Кулушев төмөндөгүлөрдү билдирди:
Милиция кызматкерлери биз барганда Жаңы-Базар милиция бөлүмүнүн жаңы башчысы Жеңиш Осмоновдун кызмат ордун майлап отурушуптур. Кирерибиз менен эле тийише башташты. Отургандардын бирөөсү көзгө бир урганда эле эмне болуп кеткенин түшүнбөй, көзүм караңгылап, жатып калдым. Андан кийин Алмазды уруп киришти. Бул кимдир бирөөлөр тарабынан дайындалган, алдын-ала түзүлгөн иш болсо керек. Мени эжем чыгарып алып кете берди. Алмазды да чыгарып кетейин десем, “коё беришет да” деп тааныштар айтып калышты.
Алмаз реанимация бөлүмүндө жатса да, "Азаттык" үналгысынын кабарчыларына болгон окуя туурасында кыйналуу менен мындай маалыматтарды айткан:“Мени сабаган милиция кызматкери менен мындан үч-төрт жыл мурун башка иштер боюнча чатакташкам. Ошондон улам мени тепкиге алды окшойт. «Ал Баткенде иштеп жүргөндө да чырдуу иштердин башында турган» деген маалыматым бар. Айыгып чыксам, бул тууралуу жана мени сабагандыгы үчүн Кыргызстандагы бардык тиешелүү органдарга кайрылам”. Ал эми сурак учурунда абалы оорлоп, көрсөтмө бере алган эмес.

Ноокаттан Ошко которуу

Жакындарынын билдирүүлөрүнө караганда, 14 милиция кызматкери токмоктогон журналист Ноокат аймактык ооруканасына 5-июлда эртең менен жеткирилген. Алмаз Ташиев ооруканада жатканда аны сабаган милиция Шүкүр Нурматов “журналисттин дары-дармегине кеткен чыгымды төлөп берем” деп жабырлануучунун туугандарына тил кат жазып берген.
Өтө оор абалдагы журналисттин саламаттыгы күн өткөн сайын начарлай баштаган. Ошондон улам 10-июль күнү ал Ош облустук ооруканасына жөнөтүлүп, шашылыш операция жасалган. Башынан оор жаракат алган журналистке, тилекке каршы, операциянын жардамы тийген эмес. 8 күн эсине келбей реанимацияда жаткан Алмаз Ташиев 12-июлда жарык дүйнө менен кош айтышкан. Маркумдун сөөгү 13-июлда туулуп өскөн жери Ноокат районундагы Жар-Коргон айылына коюлду. Артында эки кызы жана бир уулу калды.

ИИМ маалымдайт

Ички иштер министрлиги бул окуяны башкача өңүттө маалымдайт. Алмаз Ташиев Шүкүр Нурматовго жаңы бөлүм башчынын ордун майлап отурганда эмес, 4-июлда мас абалында райондун борборундагы “Береке” кафесинин жанынан жолуккан. Нурматов жана жанындагы кесиптеши Баатырбек уулу Нургазы да кызуу болгон. Журналист Шүкүр Нурматов менен кыжыңдашып кеткен. Милиция кызматкери кызмат абалынан пайдаланып, журналистти бөлүмгө алып келген. Ошондо эле Ташиевдин көзү көгөрүп, оозу канжалаган болот.
Орган кызматкери Алмаз Ташиевди милиция бөлүмүнө болжол менен кечки саат 17.00 чамасында алып келгени менен, эмне үчүн кармагандыгы туура­сында протокол түзгөн эмес. Көз алдын­да болуп жаткан иш менен таанышкысы келбеген Жаңы-Базар милиция бөлү­мүнүн начальниги журналистти райондук РИИБге жеткирип салууну инспектор К.Абылкасымовго буюрган. Бирок К.Абылкасымов башка чакырык менен кетип калган. 4-июлдан 5-июлга караган түнү журналист каякта эмне кылганы туурасында маалымат жок. Ошентип, журналист 5-июль күнү эртең менен оор абалда ооруканага жеткирилген.

Өлүмгө себепчилер өз жазасын алышабы?

Ички иштер министрлигинен маалымдагандай, Шүкүр Нурматов кызматтан бошотулуп, 14-июль күнү камакка алынып, учурда тергөө иштери жүрүп жатат. Ички иштер министри Молдомуса Конгантиевдин буйругуна ылайык, Ноокат РИИБинин башчысы ишти убагында көзөмөлдөбөгөнү үчүн ээлеген ордунан бошотулду. Болгон ишке убагында чара көрүүгө аракет кылбагандыгы үчүн Жаңы-Базар айылдык милиция бөлүмүнүн аймактык инспекторлору Баатырбек уулу Нургазы, К.Абылкасымовдор кызматтарынан четтетилишти.
РИИБдин башчысы Ж.Осмонов, анын орун басарлары М.Күчканов, Н.Матназаров, Ноокат районунун милиция бөлүмүнүн инспекторлору Б.Ажикулов, З.Кожонов жана өспүрүмдөр менен иштөө бөлүмүнүн инспектору О.Турдукулов ээлеген кызматтарынан төмөндөтүлдү. Мындан сырткары, Ноокат РИИБинин, Ош облустук ИИБинин жетектөөчү кызматындагылар көзөмөлдүк режимде иштешмекчи.

Бул журналисттерге болгон биринчи кол салуу эмес

«ЕККУ бүткүл дүйнө жүзүндө, анын ичинде Кыргызстандагы журналисттерге кол салуулардын көбөйгөнүнө тынчсызданууда»,- деп билдирди
ЕККУнун Бишкектеги өкүлчүлүгүнүн жетекчиси Эндрю Тесорьер Ысык-Көлдө өткөн III Эл аралык адам укуктары боюнча форумда. Бул боюнча биздин өлкөдөгү журналисттерди коргоо уюму да мындай ишке жол бербөө үчүн кү­рөшүү керектигин билдирген.
Эске салсак, мындан эки жыл мурун көз карандысыз журналист Алишер Саипов белгисиз адам тарабынан атылып өл­түрүлгөн. Үстүбүздөгү жылда “Репортёр-Бишкек” гезитинин журналисти Сыргак Абдылдаев, оппозициялык гезиттин жазмакери Абдувахап Мониев, журналисттер Улугбек Бабакулов, Елена Агеева, Бахадир Кенжебаевдер белгисиз адамдар тарабынан токмоктолгон.
Кесиптешибиздин үйбүлөсүнө, жакындарына терең кайгыруу менен көңүл айтабыз. Жаткан жери жайлуу, топурагы торко болсун, калган өмүр жашын артында калган уул-кыздарына берсин дегенден башка арга жок.

Сүйүн Кулматова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: