«ЕВРАЗИЯ ЖЫЛДЫЗЫН» ӨТКӨРҮҮ ЭМНЕГЕ КЕЧЕҢДӨӨДӨ?

2012-жылдын январь айында түрк тилдүү бир нече өлкөлөрдүн катышуусунда «Евразия жылдызы» сынагы Түркияда өтүп, баш байгеге кыргыз ырчысы Гүлжигит Калыков ээ болгон эле. Сынактын шарты боюнча, кийинки саамалыкты уткан ырчынын өлкөсү уюштурмак. «Аталган сынак качан, кайда өткөрүлөт?» деген суроого жооп алуу үчүн маданият, маалымат жана туризм министри Султан Раевге байланышканыбызда, «кийинчерээк өтөт окшойт. Так билбеген себебим, бул иш менен КТРК алектенет. Анткени бул түрктөрдүн ТРТ Аваз телеканалы башында турган телевизиондук долбоор. Бизде өтүп калса, албетте, уюштуруу жагынан колдоо көрсөтөбүз» деп билдирди. Ал эми КТРКнын жетекчиси Кубат Оторбаевден бул тууралуу «учурда түрктөр менен сүйлөшүү жүрүп жатат. Алар бир датаны белгилеп беришсе эле уюштуруу иштерин баштамакпыз. Быйыл бул сынакка мурунку жылдагыдан да көп мамлекет катышат. Андыктан учурда жаңы катышуучу мамлекеттер менен уюштуруучулар ортосунда макулдашуулар жүрүүдө. Жай айларына белгилешсе, Ысык-Көлдө өткөрөлү дегенбиз. Күз, кыш айларына калса, анда Бишкекте өтөт. Уюштуруучулар качан болорун так айткандан кийин ырчыларды тандоо башталат» деген маалымат алдык.

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (7)

ХАНЗАДА

2013-07-15 10:21:05

Турктор не десе ошо дебей, биз да кыймылдашыбыз керек да. Эстафетаны алган сон уят болбой откорушпойбу, уже 2014-жыл кирип келатат

asil-08

2013-07-15 10:27:43

уят болбой откоруп койгула тезиреек акча жок деп жатышса керек да биздикилер

Asus84

2013-07-15 10:39:11

оозду ачпай откоруп алсак экен акча жок деп жата бербей кара чайга семирип

AFRODITA-89

2013-07-15 19:15:21

Эмнеге антип ойлойсунар айтып атпайбы уюштуруучуларды кутуп атпбыз мурункудан да коп катышуучу болот деп мындай чон сынакты уюштуруу оной эмес албетте эл аралык болуп аткан сон, ошондуктан куто туралы ошол кунго да кубо болобуз, буйруса жакы денгээлде откорушот деп ойлойм.

DEKIBB

2013-07-16 17:21:01

гулжигит чыныгы талант ээси

aziz.

2013-07-17 14:01:47

качан болоорун айтпаса деле алдын ала даярдана берсе болбойбу э

samara.akyl

2013-07-26 11:57:31

сынчынын сынар отугу майрык деген туура айтылганда озубуз кедей олко болсок азыр жон эле свадьба бергенге канча акча кетет анан элестеткиле эл аралык денгелде откоргонго канча акча кетет.

Комментарий калтыруу үчүн өз ысымыңыз менен кириңиз же каттоодон өтүңүз.

№ 558, 12-июль-18-июль, 2013-ж