Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«ЫЙЫК ОЧОГУМДУ БУЗГАНЫМДЫН АЗАБЫН ТАРТЫП КЕЛЕМ»

№352 31-июль-6-август, 2009-ж.


Редакциябызга кимдер гана келбейт?! Бири арманын айтса, экинчиси кубанычын бөлүшүп, үчүнчүсү жөн гана жамаатыбызга жакшы тилек каалап кетет. Ал эми Жамиля аттуу айым жан дүйнөсүнө тынчтык бербеген бугун төгүп алганы келген экен. Окуясын каарманыбыздын өз оозунан угуңуз.

«Сүйүүнүн кайыгы тиричиликке урунуп быркыранды»

– Жолдошум менен сүйлөшүп жүрүп баш кошком. Алгач бири-бирибизди сыйлап, ысык күндөрдү башыбыздан өт­көрдүк. Биринен-бири таттуу эки уулдуу болдук. Ошентип, эл катары жашап жүр­дүк. Кү­йөөм Кубан башында тың жигиттердин бири эле. Бирок кийин үй­бү­лөгө таптакыр көңүл бурбай калды. Эки балам менен жегенге наныбыз жок калган күндөрүбүз да болду. Билбейм, табиятымдан башкачамынбы, айтор, ошентип күн көргөнгө көнө албай койдум. Айла­сын таап, күйөөмдү макул кылып, борборго көчүп келдик. Алгач “Ош” базарынын «Кыял» деген кичи базарында тамеки, майда-чүйдө сатып, соодага кириштим. Кийин өзүмчө «Берекеттин» ичинен орун алып, соодам жакшы жүрө баштады. Акыры бутума туруп кеттим.
Күйөөм ал күндөрү үйдө балдар менен калчу болгон. Мен көбүрөөк акча тапкан сайын анын кыжыры кайнай баштады. Бирок мен токтоп калган жокмун. Акча чогултуп, Арча-Бешик конушунан үй алганга да жетиштим. Албетте, акчаң болгондон кийин бардыгын өзүң билип, чечип калат экенсиң. Көп нерселерди андан акыл сурабай эле өзүм чечип койгонго көндүм. Үй алгандан кийин күйөөм таптакыр эле өзүн таштап койду. Кудайдын куттуу күнү ичип, чыр-чатак чыгара баштады. Бир күнү жай сүйлөп, мени сөзгө тартты.
– Жамиш, минтип жашоо болбой калды. Сени да, балдарды да кыйнап бүттүм. Эми өзүмө келейин. Мен дагы жумуш таап, өзүмдү кожоюн катары сезейин. Канча убакытты уттурдум. Убакыт эмес, өзүмдү жоготуп баратам.
– Оозуңа май, мен эле сени үй күчүк болуп отурсун демек белем. Сен иштесең, экөөлөп үйүбүздүн калганын бүтүрөлү. Балдарды бала бакчага орноштуралы.
Экөөбүз ушунчалык сүйүндүк. Бири-бирибизди жылуу көз караш менен карап, алгач үйлөнгөн күндөрдөй бактылуу болуп жүрдүк. Бирок Кубан жумуш таппады. Буту тешилип жүрүп бир жумуш тапса, эртеси айдап жибериптир. Ошентип, көп жерге барса да, жолу болбоду. Эркек адамдар ушунчалык алсыз экенин ошондо сездим. Канчалык жылуу сүйлөп, жакшы мамиле жасасам да, баш көтөрбөй ичип кетти. Акыры мен дагы “башың баш, багалчагың кара таш” деп кол шилтедим. Ортобузда муздактык, кайдыгерлик орноду. Бул учурда мен машина да алганга жетиштим.

«Кайрадан сүйүү...»

– Кантсе дагы аялмын да. Канчалык эркектер жасай албаган ишти кылсам да, көңүлүмдүн түпкүрүндө эркектин жөлөгүн, жылуу мамилесин күтөм. Ошондой күндөрдүн биринде базарда чогуу иштеген Марат мага көз кырын салып жүргөнүн байкадым. Кээде көтөрө албай жаткан коробкаларымды көтөрүшүп, кээде көңүлүмдү көтөрүп, тамашалап, мурдумдан чымчып өтүп кетчү. Ошол мамилелердин акыры чоң сүйүүгө барып такалды. Маратты билбейм, мен акыл-эсимди жоготуп сүйүп калдым. Ал керек десе жанымды берүүгө, бала-чакамдан кечип кетүүгө да даяр элем. Ошентип, Марат экөөбүз күйөөмдү көзгө илбей эле жолугуша баштадык. Марат менен жолугуп келгенден кийин күйөөмдү көргүм келбейт десең. Эми мен кылдан кыйкым таап, урушуп, жекире бергенге өттүм. Акыры ачык сөзгө келдик.
– Жамиш, мен сени сүйөм. Ортодо эки балабыз бар. Суранарым, очогубузду өчүрбө. Мен сенин кылган кылыктарыңды кечирейин. Тигиниң менен болгон мамилеңди токтот,- деди.
– Жок, мен сени көргүм келбейт, аны болсо сүйөм. Ал жок болгон күндө деле мен сени менен жашай албай калдым,- деп ыйлап жибердим.
Ал мени телмире тиктеп турду.
– Сенин ушунчалыкка жетип калганыңды байкабапмын, мени кечир,- деп буюм-теримин жыйнай баштады. Эки балам моюнуна асылып ыйлап киришти. Билбейм, ушунчалык катуумунбу, балдарымдын ыйлаганына да карабай, улуу баламдын колдорун силкип кыйкырдым.
– Атачылдыгын деле...
– Балдарга тийбе,- деп жашын куюлтуп, бир баштык кийимин алып күйөөм чыгып кетти.

«Жаңы жашоо»

– Ошентип, Маратты үйүмө киргизип алып жашай баштадым. Мараттын бир жакшы жагы, балдарыма өз атасындай мамиле кылчу. Мурунку аялы менен балалуу болбогондуктан, ажырашып кеткен экен. Ошондуктанбы, балдарымды жакшы кабыл алды.
Бир күнү Марат мындай сунуш киргиз­ди:
– Жамиля, мен бул үйдө жашай албайт окшойм. Баары бир сенин үйүңдө мен өзүмдү кожоюн катары сезе албай турам. Бул үйдү сатып, чаканыраак үй, анан машина алалы.
Мен эч нерсе айта алган жокмун. Ак эмгегим менен тапкан үйүмдү сатып жибергим келбесе да, Маратка каяша айтуу мага жат көрүнүш болчу. Эмне деп айтса да макул болчумун. Анткени аны менен урушсам эле кетип калчудай сезилчү. Ошентип, анын сөзү менен үйүмдү сатып жибердим. Ага машина алып берип, үйдүн калган акчасы майда-барат менен жоголуп кетти. Ошондой күндөрдүн биринде Марат капысынан ооруп калды. Көрсө, рак оорусуна чалдыккан экен. Узак убакытка ооруп жүрүп, мындан беш ай мурун каза болду. Жумушумду да таштап, өлөр-өлгөнгө чейин жанында болдум.

«Кечир мени, Кубан!»

– Ушундай болду. Менин абалым учурда ушунчалык оор. Же үйүм жок, же машинам жок, же жумушум жок. Эки балам менен мындан ары кандай күндөрдү башымдан өткөрөм билбейм. Жанымдан да кечип кетким келет, бирок балдарымды аяйм. Эмне дейин, ушул каргашанын баары күйөөм Кубанды үйдөн айдап жибергенимдин азабынан болду деп ойлойм.
Аялдын акчага көпкөнү жаман болот тура. Ошол кезде Кубандын жанында болуп, колтугунан сүйөсөм, мунун баары болмок эмес. Кетип бара жаткандагы ошол көз карашы азыр да көз алдымда. Кийин “Кубан аял алып, балалуу болуптур” деп уктум. Ылайым бактылуу болсун! Болгону, андан кечирим сурагым келет. Кубан, кечир мени! Ошол кезде аялдык бакытымды сезбей, башыңды аттап кетип бакыт таппадым! Балдарыңдын да убалына калдым. Мени кечир...

Нуржамал Жийдебаева
lira@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
03.08.2009. 11:48 
Тайпасы:
Кыймылы жок
Комментарийлердин саны:
2
Катталган:
27-10-2008
Соӊку аракети:
09-08-2014 01:16
Жынысы:
Белгисиз
Калаасы:
Турция. г. Мармарис
+1
Эже жашоодо эмнелер гана болбойт. Сынбаныз жана отконго окунбонуз. Андан коро бел байлап иштениз. Балдарыныздын келечегине кам корунуз.
05.08.2009. 16:58 
Тайпасы:
Кыймылы жок
Комментарийлердин саны:
1
Катталган:
01-07-2009
Соӊку аракети:
06-02-2014 02:45
Жынысы:
Белгисиз
0
ыраскана болуптур..
21.10.2011. 02:19 
Тайпасы:
Жаран
Комментарийлердин саны:
8
Катталган:
06-10-2011
Соӊку аракети:
21-11-2017 21:28
Жынысы:
Белгисиз
Калаасы:
Жалал-Абад
0
Убагында чын эле туура эмес кылган экенсиз. Айтышат го ж2 турмуш баарибир биринчи турмушка жетпей деп...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21442;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: