ТУРСУНБЕК АКУН ДАЛЕ ӨЗҮН АКЫЙКАТЧЫ ДЕП ЭСЕПТЕЙТ

Июнь айында «кримтөбөл Азиз Батукаевдин мөөнөтүнөн мурда бошотулуусуна катыштыгы бар» деп айыпталып акыйкатчылыктан айдалган Турсунбек Акун учурда кадимкидей иш бөлмөсүндө иштеп жатканын билдирди. Ал акыйкатчылык кызмат ордуна жарыяланган сынакты токтотуу боюнча сотко кайрылды. «Айрым депутаттар ден соолугумдун начар болуп турганы үчүн кызматтык жоопкерчилигимди күзүндө кароону сунушташканына карабай мага каршы добуш беришти. Бул укугумду тебелеген чечим. Мени мыйзамдуу түрдө 5 жылга шайлашкан. Жарандар кайрылып жатышат, кол алдымдагыларга тийиштүү тапшырмаларды берип жатам. Бирок айлык албайм жана буйруктарга кол койбойм»,- деди Акун.
Ал эми Акыйкатчы институту «Турсунбек Акун жабылган кабинетин мыйзамсыз ачып алып, эскертүүлөргө кулак салбастан, жумушка келүүсүн улантып жатат» деген маалымат таратты.
Эскерте кетсек, азырынча толук бошой элек акыйкатчылык орунду мелжегендердин саны 11 адамга жетти. Алардын арасында коомчулукка кулкүлүү жоруктары менен таанымал Нурлан Мотуев да бар.

Гүлмайрам Сабырбекова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (6)

konya

2013-08-05 12:00:33

Акыйкатчы деген должностун болсо эле акыйкаты боло алат бекенсин. Турсунбек агай акыйкатчы болгонго чейин эле "Акыйкатчы" болчу, эми деле акыйкатчы бойдон калат да

kg_07

2013-08-05 20:39:24

baikuw psihologo baryp korunboso bolboi kaldi

Nur_meerim

2013-08-05 21:08:38

Мне эми кайрылып атышат деп креслосуна жабышып отура береби? Кет дегенде кете бербейби.. Жаштар деле иштесин! Сакал койсо, карыя эле да!

aigulai

2013-08-06 10:15:12

андан коро опозицияга кадам таштасанар алар кучак жайыр тосуп алышат болуш керек

tynara81

2013-08-07 17:52:27

Оой, бул киши кандай киши озу. Жармашат эле жармашат го ошол орунга. Чын эле психологго корсотпосо болбойт окшойт. Ал эми Мотуев деген нерсе алыс эле журсо болмок.

Баххха

2013-08-16 03:32:52

Менин оюмча Турсунбек мырза шайланган сон иштей бериши керек. Балким укук коргоону суйгон адамдыр.

Комментарий калтыруу үчүн өз ысымыңыз менен кириңиз же каттоодон өтүңүз.

№ 561, 2-август-8-август, 2013-ж