МАРАДОНА ТОПТУ ЭМЕС, КИШИНИ ТАБАРСЫККА ТЭЭП...

Марадона жүргөн жерде чырды жолуктуруу кадимки көрүнүш болуп калганын журналисттер жакшы билет. Санап өтсөк, 1994-жылы футболчу өз ишин аткарып жүргөн журналисттерди курал менен коркутуп, бул тентектиги үчүн 2 жылга шарттуу түрдө кесилген. 2010-жылы унаа менен журналисттин бутун тебелетип кетсе, үстүбүздөгү жылдын май айында аны аңдып жүргөн папараццичилерге таш менен чабуул койгон. Быйыл 28-июлда болсо Энрике Медина аттуу сүрөтчү полицияга Марадонанын үстүнөн арыз жазды. Себеби легендарлуу экс-футболчу жана машыктыруучу аны табарсыкка тээп салган. Окуя Марадонанын атасынын үйүнүн жанында, Буэнос-Айресте катталган. Сүрөтчүнүн айтымында, Марадона айып сокку тепчүдөй болуп топко чуркап келип, аны табарсыкка тепкен. 29-июлда Марадонанын жактоочусу жабырлануучуга чалып, жолугуп сүйлөшүүнү сунуштаган. Эмне дейбиз, дон Диего? Бул кадамдарыңыз сизге абийир алып келбейт го...

Айбала Эргешов
sport@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (6)

talas-1985

2013-08-05 10:21:24

финт кылам десе керек да,,

Boru87

2013-08-05 10:49:10

Анан тиги сүрөтчү арыз жазбай эле кызыл карточка көтөрүп койсо болмок экен хехехе))

bekbolot-NOOKAT

2013-08-06 06:34:40

Атын чыкпаса жер ортто деген болуптур да ээ.. бирок Макени баары тааныйт))го

ya_samat

2013-08-08 21:07:19

ошончо аты чыккандан кийин болду кылсада болмок,фотографтын табарсыгын жон эле койбоптур.баарынан кызыгы суротго алып жетишти бекен а,топ озуно келгенче

omurbek9393

2013-08-12 06:56:35

Бир себеп болсо керек бирок жаш баланын ишине окшоп калыптыр.

aigerimarslan

2013-08-17 18:39:39

Марадонна озуно ылайык топ табыптырда болгондода жубу м-н хаха.

Комментарий калтыруу үчүн өз ысымыңыз менен кириңиз же каттоодон өтүңүз.

№ 561, 2-август-8-август, 2013-ж