Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КЫЗДАРДЫН КАРЕК НУРУ СЫНАР ЭЛЕ...

№563 16-август-22-август, 2013-ж


Дооронбек Садырбаев
КАЙРАН КӨЗДӨР
Көп кыздын карек нуру сынар эле,
Көздөрүн ала качып жалтанышып.
Кыйласы жыпар төгүп турар эле,
Кылгырып кирпигинен бал тамызып.

Айрымдар алгачкы эле карашканда,
Арзууга кашык салып турушчу эле.
Мылжыйып бойлор бойго жанашканда,
Мурдунун учу тердеп курутчу эле.

Табына жаштыгымдын куйкаланып,
Бар эле махабатка күйүп-жанган.
Болуптур үмүттөрү уйпаланып,
Сыртымдан тонун бычып, сүйүп калган.

Чырагы карылыктын жана электе,
Чынжырын мезгил шашып тагып салды.
Кумары курбулардын кана электе,
Куланып курч мезгилим калып калды.

Азыр мен жазуу көрсөм өлүп-талып,
Көзүмө «тереземди» тагып окуйм.
Тамгасы майдаларын бөлүп салып,
Күндүзү электрди жагып окуйм.

Көчөдө теше тиктеп турсам эми,
Көп кыздар көңүл бөлбөй өтчү болгон.
Көз ымдап көп аракет кылсам эми,
«Бабайга жин тийгенби?» дешчү болгон.

Тиктешип-титирешпей калып келет,
Сексендин сегизине чыкпасам да.
Сонунум солк этпестен уктай берет,
Сороктоп саамайынан жыттасам да.

ТААРЫНБА
Кайчылаш өтүп кетсек көрүшпөстөн,
Каректер ынтызарлык төгүшпөстөн.
Арманда кете бермек турбайбызбы,
Анда бир арзуу даамын бөлүшпөстөн.

Ырлардын ындыны өчүп, багы ачылбай,
Ыкташып түн күзөтүп, таң атырбай.
Кырчын кез жалгызсырап өтмөк экен,
Кыргыздын жайдак чабар сары атындай.

Эриндер эртели-кеч шыбырашып,
Эңсешүү эт жүрөктү чымыратып.
Жааганын сезбей калмак турбайбызбы,
Жаштыктын жамгырлары дыбыратып.

Аркалап армандуунун шорун ташып,
Арзышкан ашыктардын жолун басып.
Калышсак айда-жылда кабак чытып,
Кайта бат табышчу элек моюндашып.

Үзүлбөс үмүт байлап дайыныңа,
Бара албайм баштагыдай айылыңа.
Баасызым, бакыр чалга таарынбачы,
Баркы жок башка түгүл зайыбына.

Чак келбей тагдырымдын табагына,
Чайналып калсам дагы заманыма.
Азыр мен тирүү жүрөм ал күндөрдүн,
Жалынып жакшысына, жаманына.

РАЙМАЛЫНЫН ЫРЫ
("Махабат дастаны" кинотасмасынан)

Эми сен өрттү көрсөң күйүп-жанган,
Муз көрсөң, мөңгү көрсөң суусу аккан.
Жер көрсөң тереңдерде титиреген,
Куш көрсөң жалгыз учуп бара жаткан.
Күн көрсөң көз жаш төгүп ыйлап турган, 
Түн көрсөң көктө туруп Ай тутулган. 
От көрсөң жалгыз күйгөн тоо башында,
Жапжалгыз кайык көрсөң толкун урган.
Жолуңдан бала көрсөң улутунган,
Эң катуу ыза көрсөң турмушуңдан.
Мас көрсөң ыйлап жаткан, ырдап жаткан,
Жаш көрсөң бир муңайым бара жаткан.
Көөнөргөн кийим көрсөң же тытылган,
Бак көрсөң бороон уруп, шагы сынган. 
Ошонун баарын мен деп биле бергин, 
Көзүңө көрүнгөндүн баары менмин,
Жалооруп сени тилсиз тиктеп турган.

Тургунбай Эргешов
ЭМИ КЕЛСЕҢ

Эми келсең жал-куйругун жайылтып,
Мине келчи махабаттын жоргосун.
Буйрук экен, биз табыштык издешпей,
Мындан ары жоголушмай болбосун.

Эми келсең эсеби жок элжиреп,
Кучакташып алалычы канганча.
Же бакытпы жүрө берген коштошуп,
Экөөбүзгө өбүшүү бар да канча.

Эми келсең жүрөгүмдү ала кет,
Ансыз деле ай жамалың алды ээлеп.
Сени келет карап эле отургум,
Алаканга салып алып алдейлеп.

Айгүл Узакова
ОКУЛБАЙ КАЛГАН ЫР

Эмнесин айтмак элем эми сага,
Эрдимди кесе тиштеп узатайын.
Жаз беле, жаштык беле дейин десем,
Көзүңдө бир токтоолук турат дайым.

Кез келген күндөр менен тагдырыңды,
Күлкүгө салып берүү кыйын дебе.
Өмүргө өкүнүчтүү из калтырып,
Өттү го сүйүү деген кызыл жебе.

Муңайым көздөр менен жазды кароо,
Өмүрдү өксүтөрүн жакшы билем.
Сен көргөн бул турмуштун гүлдүү жагы,
Көрө элек күндөрүңө болбойт ченем.

Сага жат, мага болсо үйүр алган,
Бул сезим жамгыр төккөн түндөн эмес.
Булуттуу көчтүн алдын кайрый албас,
Чайыттай күнгө куштар күзгү белес.

Эмнесин айтмак элем эми сага,
Эрдимди кесе тиштеп узатайын.
Талыган үмүттөрдүн канатында,
Көзүңдө бир токтоолук турат дайым.

Мен баарын өрттөп, тытып, өчүргөн соң,
Муңканып чертпей деле койсоң болмок.
Кебелбес мезгил шары менен кеткен,
Кейиштүү бир сезимдин эски күүсүн.

Кечкурун санаа менен алпурушсам,
Келгиндер кетип жатат жылуу жакка.
Саргайган жалбырактар себеп болбойт,
Жан таштап жалынууга ушу тапта.

Көңүлгө көк үшкүрүк түнөк салып,
Өткөндү өгөйлөөгө жетпес күчүм.
Өмүрдүн таттуулугун сезип туруп,
Мен сени сагынбашым деле мүмкүн.

Баарына кайыл болгон күндөрүмдөн,
Өзүңө майрам куруп кызыл-тазыл.
Дуулаган күндөр менен кете бердиң,
Бир келген бакыт болуп үзүл-кесил.

Жек көрбөйм, жалын чачып сүйбөйм деле,
Көңүлдүн өксүгү эми кайдан толмок?..
Кейиштүү бир сезимдин эски күүсүн
Жаңыртып чертпей деле койсоң болмок.

Нуржамал Жийдебаева
lira@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(8)
19.08.2013. 10:55 
Тайпасы:
Жаран
Комментарийлердин саны:
584
Катталган:
17-03-2008
Соӊку аракети:
29-05-2017 09:11
Жынысы:
Белгисиз
Калаасы:
Бишкек
+1
"Махабат дастанында" Раймаалынын ырын Садырбаев өзү окуган эмеспи. Ошол үндү кайра-кайра көп ирет угам. Дале тажабай уга берем. Ушул фильм үчүн деле Дооронбек Садырбаевди кыргыздын мыкты инсандарынын алтын тизмесине киргизиш керек.
19.08.2013. 11:24 
Тайпасы:
Жаран
Комментарийлердин саны:
107
Катталган:
15-04-2013
Соӊку аракети:
23-02-2018 07:10
Жынысы:
Белгисиз
0
соонун ырлар!
19.08.2013. 18:04 
Тайпасы:
Супермодератор
Комментарийлердин саны:
2059
Катталган:
22-02-2011
Соӊку аракети:
24-09-2018 18:03
Жынысы:
Белгисиз
Калаасы:
...
0
bolobai,
Саламатсызбы! Төмөндөгү шилтеме аркылуу өтүп Омор Султановдун "Сен тууралуу поэмасын" окуп, экөөсүнүн айырмасын байкасаңыз болот.
http://www.super.kg/superstan/index.php?showtopic=70361
Модератор admin_media түзөттү 19.08.2013 18:04
19.08.2013. 18:24 
Тайпасы:
Жаран
Комментарийлердин саны:
6
Катталган:
13-07-2013
Соӊку аракети:
18-09-2018 23:00
Жынысы:
Белгисиз
Калаасы:
Бакыт калаасы!
0
Супер инфо,поэзияга ар дайым чыгып тургудай кылып орун берип,жума сайын чыгарып турсаңыздар сонун болмок.
19.08.2013. 18:46 
Тайпасы:
Кыймылы жок
Комментарийлердин саны:
12
Катталган:
29-06-2013
Соӊку аракети:
03-09-2014 13:36
Жынысы:
Белгисиз
0
jemile,
мен да ойунузга кошулам.
20.08.2013. 00:07 
Тайпасы:
Жаран
Комментарийлердин саны:
2
Катталган:
26-05-2008
Соӊку аракети:
19-07-2018 08:38
Жынысы:
Белгисиз
Калаасы:
Бишкек шаары
0
Мен дагы поэзия качу
21.08.2013. 15:39 
Тайпасы:
Аким
Комментарийлердин саны:
534
Катталган:
26-01-2013
Соӊку аракети:
03-09-2018 00:27
Жынысы:
Белгисиз
Калаасы:
Ак монгулуу Ала-тоо
0
Д.Садырбаевдин ырлары жакты,бир жылмайып алдым!
24.08.2013. 23:14 
Тайпасы:
Жаран
Комментарийлердин саны:
16
Катталган:
21-05-2013
Соӊку аракети:
15-08-2018 08:47
Жынысы:
Белгисиз
Калаасы:
Апакемдин журогу
0
менин жакында Каректеги жаш аттуу китебим жарык көрдү. Акын үчүн, ыр жаратуу өзүнчө бир эркиндик. Ыр менен гана жеңил тартат.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: