Кремлдин куугунтугу: КАНЧА МИГРАНТ КАЙТЫП КЕЛЕТ?

Эки апта мурун Орусияда башталган «аңчылык» эмгек мигранттарынын полициялык участокторго батпай калуусунан чатыр лагерлерине жайгаштырууга чейин алып келди. Согуш кезиндеги туткундар кармалган лагерлерди эске салган Москвадагы бул жайда кыргыздар да бар.
Мигранттарга карата массалык куугунтук «матвеевдик тазалоо» деген аталышка да ээ болду. Анткени июль айынын соңунда Москва шаарындагы «Матвеев» базарында дагестандык мигранттар тарабынан полиция кызматкерине кол салуу орун алып, ошондон бери жалгыз гана кавказдыктар эмес, Орусияда тирилик кылып жүргөн бардык мигранттардын шору кайнап жатат. Базарлар, бекеттер, көчөлөр, жатаканалар, дегеле гастарбайтерлер көп болгон жайларга бастырып киришип, ит менен шимшилей издешип, түшүндүрүүгө жетише элек мигранттарды айдап жөнөшкөн Орусиянын тартип сакчылары тартылган видеобаян интернетте учурда кызуу талкууда. Андан ары аларды ондоп-жүздөп, сот залына жеткирбей эле судьялар депортациялоо чечимдерин тутамдап таратып жаткандыгы айтылууда. Мунун баары Москва шаар башчысын шайлоо алдында орун алып жатканы да күмөндүү ойлорго жетелейт.
Кармалгандардын саны миңден оогондо алар үчүн Москвада чатырлар лагери ачылган. Бүгүнкү күндө Кремль андай жайлардын санын 80-90го жеткирүү керектигин айтууда. Ошол эле тапта Орусиянын жарандык активисттери «өлкө ичиндеги улуттар аралык душмандыкты көкүтүүгө багытталган, уятка калтырып жаткан антимигранттык кампанияны токтоткула» деп талап кылып чыгышты.
Чатырлар лагеринде 10 кыргызстандык мигрант бар эле. Иликтөө-текшерүүдөн кийин документи жок төртөө калган. Мыйзамга ылайык, кыргызстандык жаран Орусиянын аймагында 90 күн визасыз жүрө алат, ал убакыттан кийин уруксат кагазын алуусу зарыл.
Казакстандын да мындан бир-эки жыл мурун мекендештерибизди куугунтукка алганы эсибизде. Базарларды түрө кыдырышып, кыргыз эмгек мигранттарын автобустап мекенине жөнөтүп баштаган болчу.
Учурда өлкө ичинде Бажы союзуна кирүүдө кандай зыян тартарыбызды эсептеп баштаганда эле кыргыз бийлиги «эң чоң пайдасын эмгек мигранттары көрөт, алардын шарты жакшырат» деген аргументти айтат. Же мындай иш-аракет менен Орусия Кыргызстандын Бажы биримдигине кирүүсүн тездеткиси келип жатабы?

Шаиста Шатманова,
Эльвира Караева
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (33)

danilka

2013-08-19 19:48:52

Докуметтери жок болсо ошода, туура эле кылышат депортация кыла берсин.

profesor

2013-08-19 21:27:30

негизи алардыкы да туура да, ошол олкодо иштеп жан багып аткандан кийин алардын мыйзамын сыйлаш керек да. Силер ойлогончолук эмес, документтин туура болсо эч нерсе кылбайт.

Timur93

2013-08-23 08:59:02

profesor, ой силер кызыксынарго разрешение на работу алыш учун 25мин рубль керек,а иштегенин озу 20мин болуп атса .

safoo

2013-08-23 14:47:55

Timur93, иштеген жерине кереги жок болсо,патент жазатып алса болот.жолдору бар да коп эле.

biyke_kg

2013-08-19 22:42:16

Кудай сактасын мекенибизге аман эсен кетели,барган сайын текшеруу кучоп баратат

zamir_kgz

2013-08-20 00:53:58

Кыргыздар менен Россиядагылардын мамилеси жакшы эле, ою жамандын озу жаман!

indira.1991

2013-08-20 03:37:21

Негизи кичине тазалап турбаса, бул жакта журуп алышып, энесинин торундо жургондой элестетишет. колдоруна пиво, арак которуп кыйкырып ичип журушот.

vanga_78

2013-08-21 01:34:49

indira.1991, Даа, туура айтасыз, кошулам

nurik9090

2013-08-20 04:31:12

чатак болду бирок кууганы кысталак.

osh1991

2013-08-20 20:06:56

өзүңдү жакшы алып жүрсөн, документин таза болсо эле кармабайт. мен 3 жылдан бери жүрөмүн. кармай элек. кармабай эле койсун.

vasitbek

2013-08-20 23:20:31

Эч ким кармабайт докуметерин баары жайында болсо

Timur02

2013-08-21 00:44:09

tajikstan rossiyanyn bir ele voennyi bazasyn kirgizgeni ushun tajikterge 3 jylga na rabota razresheniya jasait emi. a kyrgyzstandan kancha paidalanyp atat dagy dele jenildik jok kyrgyzdarga

sobr_89kG

2013-08-21 02:26:59

Докментин таза болсо сенин мышыгыны эчким пыш дэбэйт баарын озубуз кылып алабыз...геннбестике салып

karyshkyr

2013-08-21 19:07:48

туугандар ен жакшысы оз жеринден отору жок тынч барына шугур келгиле кыргызстаныбызды бирге онуктуробуз бириксек колдон келет

netsa

2013-08-23 09:43:59

uluk 1982туура айтасын,биз омур бою тентип жургубуз келбейт! Чет жерде иштеген ар бир мигранттын максаты эле ал жерде калуу эмес,мекенге жашоо шартын оноп алып кайтуу! Ал эми менин оюм бажы бирмдигине кошулуп эмес,коррупцияны жоюп,креслодо чалкалаган чондор алкымын тыйса гана онолот эле Кыргызстаныбыз!!!

Aruuzat_19

2013-08-24 08:33:45

Бардыгын озубуз кылабызда туугандар, акча алганда сразу айылга салып жиберебиз, биринчи документти жасап албай, анан эртен эртенибиз бутпойт, анан менттерге тушобуз, анан бироолорду куноолой баштайбыз, баарыбыз жыргаган жашоодон келген жокбузда. Чондорубуз оздорунун чонтогун ойлой бербей, Кыргызстанда завод-фабрикаларды ишке киргизсе, кооп жаштар кайтмак, анан секин секин иш орундар пайда болуп Кыргызстан которулмок, а биздин чондор фабрика-заводдорду бузуп сатып салышып жатпайбы....

aijan_KA

2013-08-25 01:58:14

Документин барбы жокпу орустарды урбайт, баары таза болсо деле бат эле причина таап койушат. Кыргызстандын томожный союзга киришине алы да акчасы да жок. Окмот мигранттарды эмес 5млн калкты ойлосо.

boss-14

2013-09-02 06:31:51

Россиянын дагы сезону бутуп баратат

Комментарий калтыруу үчүн өз ысымыңыз менен кириңиз же каттоодон өтүңүз.

№ 563, 16-август-22-август, 2013-ж