ИЗДЕЙМ СЕНИ

«ТААНЫШ АГАМДЫ ТАПСАМ ДЕЙМ»
– Мен Кубаныч Мамбетов аттуу тааныш агамды издейм. Ал мурда Бишкек шаарындагы 10-кичи райондо жашачу. Эгер бул катты окуп калсаңыз, мени менен сөзсүз байланышыңыз.

Замира Исабаева,
тел.: 0550 11-17-49

«АСКЕРДИК КЫЗМАТТЫ ЧОГУУ ӨТӨГӨНБҮЗ»
– 1973-75-жылдары Мурманск облусунун Североморск районундагы Гремиха кыштагында аскердик кызматты чогуу өтөгөн Болот Мамбетов (картаң Болот деп койчубуз), Айтике Көкүмов аттуу досторумду издейм.

Таластан Болотбек Табылдиев,
тел.: 0772 96-51-28

«КУРБУМА ЖОЛУККУМ КЕЛЕТ»
– Баткен облусунун Кадамжай районундагы Пүлгөн айылында 1961-жылы туулган Акмаанай Абдыманапова аттуу курбумду издейм. Экөөбүз 1982-83-жылдары Бишкектеги Төкөлдөш айылында чогуу жашаганбыз. Ал «1-Май» фабрикасында, мен «Октябрга 40 жыл» фабрикасында иштечүбүз. Ошондон бери бир гана жолу жолугуп, ал Кадамжай районуна турмушка чыккандыгын айткан. Назира, Зикир аттуу классташтары бар болчу. Акмаанай, эгер окуп калсаң, байланыш.

Гүлмира,
тел.: 0778 55-42-28, 0707 55-42-28

«ТУУГАНДАРЫБЫЗДЫ ТАПКЫБЫЗ КЕЛЕТ»
– 1914-жылы Ысык-Көл районунун Чоң-Өрүктү айылында төрөлгөн аталаш агабыз Сагын Сатыбалдиевдин балдарын жана неберелерин издейм. Ал Улуу Ата Мекендик согушта сол бутунан жарадар болгон жана көптөгөн медалдарды алган. Небере-чөбөрөлөрү болсо, мага кайрылууңуздарды суранам.

Моңолдор Сатыбалдиев,
тел.: 0773 60-04-72

«ЭЖЕМ ҮЙГӨ КАЙТЫП КЕЛГЕН ЖОК»
– Эжем 1988-жылы туулган Бактыгүл Токтоналиева 2006-жылы Майлы-Сайдан Аксы районунун Кызыл-Жар айылына кеткен боюнча үйгө кайтып келген жок. Милиция да издеп таппады. Бирок биз үмүтүбүздү үзбөй, эжемди издеп келебиз.

Асыл Токтоналиева,
тел.: 0771 34-39-59

«КУРБУЛАРЫМДЫ ИЗДЕЙМ»
– В.В.Маяковский атындагы кыз-келиндер пединститутунун П-41 группасын 1986-жылы бүтүргөн группалаштарым Гүлнара Исабекова (Лейлектен), Токтокан Бообекова (Таластан), Гүлмира Усупбекова (Көлдөн) жана нарындык Айнура аттуу курбуларымды издейм. Гезитти окусаңар, мага чалгыла.

Жыпаргүл Осмоналиева,
тел.: 0777150064

Сиз качандыр бир кездеги жакын адамыңызды издеп, бирок таппай жүргөн болсоңуз, анда Главпочтамт, а/я 2031 дарегине же koom@super.kg электрондук почтасына кат жазыңыз.
Эскертүү! Катта маалымат берген адамдын дареги же телефон номери так көрсөтүлүүгө тийиш.
Байланыш телефону: (0312) 47-43-43

Асхат Субанбеков
koom@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 563, 16-август-22-август, 2013-ж