Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Урмат Усенов: “УУЛУМДУ ТӨРӨЛГӨНДӨ ЭЛЕ МЕНЧИКТЕШТИРИП АЛДЫМ”

№354 14-20-август, 2009-ж.


Акыркы эки жыл Урмат менен Неля үчүн жемиштүү болду. Өткөн жылдын жыйынтыгы боюнча, бири “2008-жылдын Супер ырчы мырзасы” деп табылса, экинчиси “2008-жылдын Супер ырчы айымы” деп табылды. Андан көп өтпөй экөө тагдыр жолунда кол кармашып, бирге түтүн булатууну чечишти. Эми минтип уулдуу болуп отурушат. Бизде конокто ата болуп кубанычы коюнуна батпай жүргөн мачо Урмат Усенов.

– Бешик боо бек болсун, Урмат, бир күндө өзүңдү чоңоё түшкөндөй сезип жаткандырсың?
– Ооба. Бала төрөлгүчө болгон оюмдун баары Неля экөөндө болуп жатты. Анан врачтар жаңы туулган баланы көкүрөгүмө жаткызып коюшса, ошол замат өзүмдү башка адамдай туюп кеттим. Көкүрөгүңдө “беззащитный”, али көзүн ача элек наристе жатса, өзүңдү анын алдында жоопкерчиликтүү сезип, ушул наристеге калканч, жөлөк болуу керек экенин туят экенсиң. Баламды кармап көрмөк тургай, катуураак дем алып жиберсем бирдеме болуп кетчүдөй көзүмдү албай, демди ичке катып, эки саат жалдырап эле карап жаттым. Мурун пландар 5-10 жылга алдыга түзүлсө, эми алар дароо кеңейе түштү.
– Балакай кимге окшош экен?
– Кичинекей кезимдеги сүрөттөрдү карап отуруп, өзүмө окшотуп жатам. Азырынча кызыл эт бала да. Бирөөгө окшоштуруш деле кыйын болсо керек. Бирок болбой эле өзүмө окшоштургум келип, окшоштуктарды таап жатам.
– Нелянын ден соолугу жакшыбы?
– Башында бир аз кыйналды эле, азыр кудайга шүгүр, оңолуп калды. Толгоосу башталгандан төрөгүчө моралдык жактан колдон келген жардамды берип жаттым. Кыйналып жаткан кездеринде “ушул оорунун жарымын эле көтөрө алсам, бөлүшө алсам гана” деп кайра-кайра айта бериптирмин. Аны эми айтып күлүп жатат. Азыр жакшы, ал деле баланы көрүп кубанып, ошону менен алаксып, ооруганын унутуп койду окшойт.
– Баласын эч кимге карматкысы келбей кызганып жаткандыр?..
– Жо-ок, ооруканадан чыга электе эле уулумду мен менчиктештирип алгам. Ошондуктан Неля эмес, көбүрөөк мен кызганып жатат окшойм.
– Төрөт кезинде­ ка­­­­ты­­­­шып­­­­ты­­­р­­­­сың. Көңүлүм калып, ирээнжип калам деп чочулаган жоксуңбу?
– Төрөөрдүн алдынан консультацияларга чогуу барып жүрдүм. Ошолордун жардамы Неляга жакшы эле тийди окшойт. “Төрөт учурунда кирип, жанында турсаң болот” деп деле айтышты. Бирок анчалыкка барган жокмун. Кандай десем, эми бул эркектин көзү көрө турган нерсе эмес болсо керек. Эркектердин көзүнө көрүнбөй турган аялдардын дагы бир өзгөчөлүгү, чыдамкайлыгы го дейм. Бизде буга чейин эч бир эркек төрөткө катышкан эмес. Мен да ошолордун жолун жолдодум.
– Баланы чоң энеси менен таенеси “мен багам” деп талашышпай элеби?
– Бизде бул жагынан салт катуураак. Таенеси таене катары келип, өзүнүн ырымдарын кылып кетти. Биздикилер башынан эле “небере биздики” деп кубанып жатышты. Бирок таенеси деле биз кандай кубансак, ошондой кубанып, жыргап жүрөт.
– Атаңдын тун небереси турбайбы, эмне энчиледи?
– Асыл тукум тай энчиледи. Бала алтыга чыккыча эки асый байлап калат экен. Алтыда өзү минип калат да, кудай буюрса.
– Сыр болбосо айтсаң, уул төрөп бергени үчүн Неляга эмне белек бергени турасың? Же берип койдуңбу?
– Азырынча бере элекмин. Бирок жанагынча кыйналганын көрүп-билген соң азыр эмне кааласа, эмне сураса бут алдына төшөгөнгө даяр турат окшойм. Бала төрөлгүчө “ушул аман-эсен көз жарып алса экен, аман-эсен төрөлсө экен” деп тилеп жаттым. Анан төрөлүп, менин көкүрөгүмө коюлары менен “ушунун келечеги кең болсо экен, ден соолугу чың болуп, эр жетсе экен” деп тилене баштадым.
– Биринчи сүйүн­чүнү кимге айттыңар?
– Негизи, салт боюнча сүйүнчү таенесине айтылышы керек болчу. Бирок таенеси да, чоң энеси да жанында болгондуктан, сүйүнчүнү өкүл атабыз Рысбек байкеге айттык. Алар да тынчсызданып күтүп жатышкан болчу.
– Эми чыгармачылык жагы кандай болот? Сахнадан алыстап кетпейсиңерби?
– Жок, андай деле болбойт го. Эки-үч ыр даярдап койгом, Неляга арнап. Буюрса, сентябрдын аяктарында жаздырып, ырдап чыгат. Көпчүлүк «экөө үйлөндү, эми сахнада да бир үйбүлө катары жалаң чогуу ырдап, чогуу иштешет» деп ойлошот экен. Бирок мен экөөбүздүн чыгармачылыгыбызга тең жекече мамиле кылмакчымын. Ылайыгы келген жерде дуэттер деле болот дечи. Ошентсе да ушунча ийгиликке эмгек менен жетишкен адамдын чыгармачылыгын үй-тиричилигине таптатып, тебелетип койгум келбейт. Өзүм сахнадан алыстасам да, Нелянын чыгармачылыгынын өнүгүшүнө шарт түзүп бергим келет.
– Адатта сахналаштар баш кошуп калышса, бири экинчисине продюсер болуп кетчү эле. Сенде андай пландар жокпу?
– Жакынкы үч-төрт жыл болбосо дагы, келечекте таланттуу жаштарга кичине жөлөк-таяк болуп, тарбия бере турган мектеп ачсам деген ниетим бар. Албетте, Нелянын жанында жолдошу эле эмес, дайыма продюсери катары да кызмат кыламын.
– Аял кишиге тамак жасашып, таштандыларды төгүп келип, жалаяк жуушуп дегендей, үй-тиричилигине жардам берүү­гө кандай карай­сың?
– Эгер айылда же бойдок кезде жалгыз жашоо башыма түшсө, балким, мен деле тамак жасап, кир жууганды үйрөнүп калмакмын. Бирок үйдө да, бул жакка келгенде да эжекем, карындашым менен жашап жүрүп, бир да жолу аял кишиге тиешелүү жумуштарды жасап көрбөптүрмүн. Ошондон болсо керек. Азыр деле андай жумуштарды жасаганга көңүл жок. Неля деле буга көнүп калган. Негизи, эркек деген үйдө да, тышта да өз ордун билгени жакшы. Ошентсе да тамак жасаш колунан келген эркектерге кээде кызыгып кетем. Анткени менин колумдан келбейт. Аябай зарыл болсо, жумуртка кууруй алсам керек. Бирок картошка кууруган сыяктуу татаалыраак тамактарды жасасам эч ким жебей койсо керек. Эгер тамак жасап бере турган адам жок болсо ачка деле жүрө берем. Болбосо азыркы заманда кафеге барсаң деле курсагың тоёт да.
– Батышта, ал эмес жакынкы эле Орусия, Казакстанда жылдыздар жаңы төрөлгөн балдарынын сүрөттөрүн гезит-журналдарга сатып, акча жасашат. Мындай иштерге сенин көз карашың кандай?
– Эгер балаңдын сүрөтүн чыгаруу үчүн эле баланча миллион доллар сунуштап жатышкан болсо, демек, сен ошончолук белгилүү, ийгиликтүү, көпчүлүктүн кызыгуусун жараткан адамсың. Бирок бул нерсе Батыштын көз карашында алып караганда. ­АКШда же Орусияда жашап, белгилүү болсом, мен деле Брэд Питт же дагы башкаларга окшоп бул ишти жасамакмын. Бирок Кыргызстанда жашап жаткан соң элибиздин, жергебиздин салттарына, менталитетине баш ийем. Алар деле бир күндө эле кокусунан жарала калган эмес да. Мисалы, азыр апам Неля экөөбүзгө “баланын кыркы чыккыча сүрөткө тарттырбагыла, чоочун көзгө көрсөтпөгүлө” деди. Улуулар айткан соң аны аткаруу керек да. Ошол үчүн баланын сүрөтүн алып келген жокмун.
– “Супер-Инфонун” окурмандарына, “Тумар” радиосунун угармандарына СМС аркылуу балага ат тандоо сынагын жарыялаган элеңер. Биздин почтага эки жүздөн ашуун билдирүү келип түштү. Арасында сага жаккандары болдубу?
– Окурмандардан келген аттардын арасынан кыргыздын нукура аттары жакты. Мисалы, Байхан, Нурдан деген ысымдар. Дагы бирөө Арген деген атты түшүндүрмөсү менен жөнөтүптүр. Ушул ат да жагып турат. Назгүл Насиева сунуштаган Атабий деген ат да өзгөчө экен. Атам өзү Баэл, Нурэл деген ысымдарды айтып жаткан. Анан күйөрмандар жөнөткөн ысымдардын арасынан Нурэлди көрүп аябай кубандым. Учурдан пайдаланып, убактысын, бирдигин аябай, Неля экөөбүздүн кубанычыбызга ортоктош болуп жаткан күйөрмандарыбызга, “Супер-Инфонун” окурмандарына ыраазычылык билдиргим келет. Мисалы, мен өзүм СМС жазганды жаман көрөм. Тамгаларды терип отуруп бир ойду жазгыча ичим бышып, башым айланып кетет. Тез да жаза албайм. Андан көрө мага телефон чалып, айтып койгон жеңил. Ошол үчүн да эрикпей узун-узун билдирүүлөрдү жазгандарга ыраазы болдум. Эл Неля экөөбүздүн эмгегибизди азбы-көппү баалашат экен деп кубанып жүрөм.
– Кубанычың мындан да арта берсин. Уулуң эл керегине жараган жигит болуп жетилсин. Ийгилик сага!

Шаиста Шатманова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(3)
17.08.2009. 17:40 
Тайпасы:
Кыймылы жок
Комментарийлердин саны:
1
Катталган:
04-11-2008
Соӊку аракети:
08-10-2009 17:34
Жынысы:
Белгисиз
0
Куш бооунар бек болсун! Бала оз моонотундо эле торолдубу?
20.08.2009. 07:07 
Тайпасы:
Кыймылы жок
Комментарийлердин саны:
107
Катталган:
29-05-2009
Соӊку аракети:
29-06-2012 04:44
Жынысы:
Белгисиз
Калаасы:
China
0
baktyluu bolgula,
Urmat jakshy ata bolo alasyn degen oidomun
24.08.2009. 00:51 
Тайпасы:
Кыймылы жок
Комментарийлердин саны:
39
Катталган:
23-10-2008
Соӊку аракети:
25-04-2016 01:22
Жынысы:
Белгисиз
0
Urmat, pozdravlyayu tebya s rojdeniem syna!!! Jelayu, chtoby on ros na radost vam!!!
Vsego vam samogo nailuchshego!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: