Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МАЛДЫН КЫГЫНАН ГАЗ ЧЫГАРУУНУ ҮЙРӨНҮҢҮЗ

№564 23-август-29-август, 2013-ж


Кадимки эле үй жандыктарынын кыгынан көгүлтүр отун бөлүп чыгарып, аны үй жылытууга, тамак-аш бышырууга колдонсо болот. Мындай ыкманы дүйнөнүн алдыңкы өлкөлөрүнүн катарына кирген Япония сыяктуу мамлекеттердин фермерлери да пайдаланат. Биогаз түзүлүшү калдыктарды (кык, өсүмдүк чириндилери) иштетүү менен абага метан газынын таралышын азайтып, иштелип чыккан калдыктар өсүмдүктөргө эң мыкты жер семирткич болуп берет. Бүгүнкү макалабызда чакан фермердик чарбаларда ар бир фермер өзү жасап алууга боло турган биогаз түзүлүшүн сунуштайбыз.

КАНТИП ЖАСАЛАТ?
Реактор жасоо
Реакторду (газ пайда болуучу идиш) жасоо үчүн 10 метр кубга чейинки көлөмдөгү челек керек. Мисалы, суу же күйүүчү май ташыгычтардын чирибеген, тешиги жок цистернасы жарайт. Реактордун оозу резина менен аба өткөрбөгүдөй бекилиши абзел. Бирок ачып-жабып түбүнө чөгүп калган катуу калдыктарды маал-маалы менен тазалап турууга ылайыкталуусу шарт.

Калдык салуучу жана чыгаруучу идиш менен түтүктөр
Калдыктарды салууга узун, туурасы жана бийиктиги 1 метр болгон идиш болсо жетиштүү. Ал эми кыктын реакторго оңой кирип-чыгышы үчүн түтүктөрдүн диаметри 20-30 сантиметр болушу шарт. Аларды реакторго 45 градус жантайыңкы абалда орнотуп, ширетүү зарыл. Кыкты жүктөөдө жана чыгарууда түтүктөрдүн оозун бууп же ачып туруу үчүн атайын крандар орнотулат.

Жылыткыч
Реактордун ичин жылытуу үчүн кадимки үйлөрдү жылытууда колдонулган буу меши (паровой) пайдаланылат. Реактордон чыккан газдын өзү менен буу мешиндеги суу кайнатылып, темир түтүктөр аркылуу реактордун ичи жылытылат. Газ жок учурда электр энергиясы менен жылытса болот. Мешти тутандырып же өчүрүп туруу үчүн бир кишиге ылайыктуу ороо сымал өзүнчө жай казуу керек.       

Аралаштыргыч
Реактордун ичиндеги кык каймактанып калса, анын ичиндеги боштукка газдын бөлүнүп чыгуусу азаят. Ошондуктан реактордун ичине атайын аралаштыргыч орнотулат жана ал кол менен иштетилет.

Орнотуу
Жогорудагы бөлүктөрүн орнотуп алган соң реактордун сыртын жылуулоочу каражат менен ороп чыгуу зарыл. Жылуулап ороп алган соң реактор баткыдай казылган чуңкурдун ичин да таарынды менен толтуруп, анын үстүнөн топурак төгүп жылуулаш керек. Биогаз орнотмосунун үстүнкү бөлүгүн топурак менен көмүп койсо жетиштүү.  

Газ тазалоочу идиш
Биогаз топтолуучу реактордо суу тамчылары көп болгондуктан, ал газдын күйүүсүнө тоскоолдук кылат. Маселени чечүү үчүн реактордун сыртына газ тазалоочу жылчыгы жок, суу куюлган идиш орнотулат. Идиштин үчтөн бир бөлүгү суу менен толтурулат жана реактордон чыккан газ түтүгүнүн башы идиштин үстүнөн түбүн көздөй ийилип, түтүктү суу көмүп турушу шарт. Ал эми газ тазалоочу идиштин үстүнкү бөлүгүндөгү боштуктагы түтүк аркылуу тазаланган газды колдонууга болот.

Компрессор жана газ топтоочу идиш
Компрессордун жардамы менен газ топтоочу идишке көгүлтүр отунду толтуруп туруу керек. Газ топтоочу идиштеги газды андан ары керектөөгө ала берсе болот. 

Газ түтүгү
Түтүктөрүнүн диаметри 1,2-1,8 сантиметрди түзүүсү керек.

Кран
Газ түтүгүнөн газды коё берип же токтотуу үчүн орнотулган крандар атайын газ түтүгүнө ылайыкталган кран болушу шарт. Мындайча суу түтүгүнө коюлган крандар жарабайт.

БИОГАЗ АЛУУДА КӨҢҮЛ БУРУУЧУ ЖАГДАЙЛАР
Биогаз орнотмосу аркылуу газ алуу үчүн үй жандыктарынын (уй, кой, чочко) жана канаттуулардын жаңы кыгын же аларды нымдап туруп салуу керек.
Алгач кык менен газ бөлүп чыгаруучу идиштин үчтөн эки бөлүгүн толтуруу керек. Газ иштелип чыга баштаган соң күн сайын идиштеги кыктын көлөмүнүн ондон бир бөлүгүн түзгөн кык салып туруу жетиштүү.
Газды туруктуу алуу үчүн абанын температурасы жок дегенде 18-20 градус жылуулукту түзүүсү зарыл. Ал эми 20-28 градуста газ бөлүп чыгаруу көбөйөт. Ошондой эле реактордун ичиндеги жылуулук 38 градустан төмөн болбошу керек. Абанын жылуулугу 15 градустан төмөн болсо газды бөлүп чыгаруу иши токтойт.
Жылуулук канчалык жогору болсо, кыктын ачышы тездеп, газдын бөлүнүп чыгуусу да тездейт.
Нымдуулукту сактоо үчүн кыкка жылуу суу куюп койсо болот. 100 килограмм кыкка орточо 35 литр суу жетет. Ал эми кургап бараткан кык канча көлөмдө болсо, ошончо көлөмдөгү суу талап кылынат.
Реактордогу кыкты 4-5 саатта бир аралаштырып туруу керек. Өтө көп аралаштыруу же аз аралаштыруу газдын бөлүнүп чыгуусуна тоскоолдук кылат.
1 килограмм уйдун кыгынан 0,250-0,340 метр куб газ алууга болот.
1 литр сууну кайнатуу үчүн 0,03-0,05 метр куб газ сарпталса, 1 чарчы метр бөлмөнү 1 күн жылытуу үчүн 0,20 метр куб газ талап кылынат.
Газ топтоочу идиш газ бөлүп чыгаруучу идиштин эң аз дегенде бештен бир бөлүгүн түзүүсү шарт.

Эскертүү! Биогаз орнотмосун куруунун алдында адистерден кеп-кеңеш алып, андан соң жасоого киришүүнү унутпаңыз.
Жогорудагы материал боюнча өз маалыматы менен бөлүшкөн Кыргыз улуттук агрардык университетинин евразиялык инновациялык технологиялар факультетинин деканы, техникалык илимдеринин кандидаты Данислан Мелис уулуна ыраазычылык билдиребиз.

Кубаныч Сыдыков
kenesh@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(10)
26.08.2013. 11:41 
Тайпасы:
Кыймылы жок
Комментарийлердин саны:
30
Катталган:
17-07-2013
Соӊку аракети:
31-08-2014 04:29
Жынысы:
Белгисиз
+1
ой кимде ким бизнес баштайтурган болсо супер инфого кир болуп калдыго рахмат силерге ушуга окшогон пайдалу кенештерди кобуроок кутобуз

баса менда силерди чакырайын деп атым еле
балчылыкты элдерге кобурок жайайын деген ойлор бар
26.08.2013. 12:58 
Тайпасы:
Супермодератор
Комментарийлердин саны:
7530
Катталган:
22-02-2011
Соӊку аракети:
21-09-2018 18:13
Жынысы:
Белгисиз
Калаасы:
...
0
olokon39,
Саламатсызбы! Сунушуңузга рахмат, тийиштүү бөлүмгө кабарлап койдук.
26.08.2013. 23:25 
Тайпасы:
Жаран
Комментарийлердин саны:
76
Катталган:
04-03-2013
Соӊку аракети:
23-09-2018 18:46
Жынысы:
Белгисиз
0
Супер-инфо атынарга затынар жарашканда силердин.Эн сонун кенеш экен.Башка мамлекеттерден газ алып карыз болгончо.Айыл жерлеринде малы коптор оздоруно газ чыгарып алса болчудай экен.
27.08.2013. 02:33 
Тайпасы:
Жаран
Комментарийлердин саны:
61
Катталган:
24-03-2013
Соӊку аракети:
04-03-2018 01:26
Жынысы:
Белгисиз
0
чоон рахмат супер инфо мен ушуну жасайын.дагын бир суроо бул канча атмосфера болот реактордун ичинде 5 тен жогору болсо уйдон алыс койуш керекпи жазып койгула жарылып кетпесин чоон рахмат
27.08.2013. 10:03 
Тайпасы:
Супермодератор
Комментарийлердин саны:
7530
Катталган:
22-02-2011
Соӊку аракети:
21-09-2018 18:13
Жынысы:
Белгисиз
Калаасы:
...
+1
nurikkg1,
Саламатсызбы!
Реактордун көлөмүнө жараша адистер кошумча маалымат беришет.
27.08.2013. 10:00 
Тайпасы:
Жаран
Комментарийлердин саны:
4
Катталган:
12-08-2013
Соӊку аракети:
12-06-2017 05:41
Жынысы:
Белгисиз
0
мындан жакшы оноюраагын Жалал-Абад шаарындагы "Нур" ачык акционердик коому эчак эле ойлоп таап, сатыкка чыгарбады беле. анын системасы мындан оной, ошону дагы газетага чыгарсанар болмок
27.08.2013. 10:15 
Тайпасы:
Жаран
Комментарийлердин саны:
22
Катталган:
06-06-2013
Соӊку аракети:
13-02-2018 22:08
Жынысы:
Белгисиз
0
Азыркы заманда илгеркидей малдын бокторунун да пайдасы чон экен. Малчылар! ушул ыкманы уйронолу, кон казып тезек кургатпай.
28.08.2013. 01:00 
Тайпасы:
Тартип бузгандар
Комментарийлердин саны:
121
Катталган:
23-11-2010
Соӊку аракети:
04-03-2016 11:21
Жынысы:
Белгисиз
0
супер инфо заказ менен жасап беруучулор бар болдубу экен?
28.08.2013. 11:37 
Тайпасы:
Кыймылы жок
Комментарийлердин саны:
1
Катталган:
25-02-2013
Соӊку аракети:
12-05-2014 11:41
Жынысы:
Белгисиз
0
даяр апаратын сатат болду бекен?
06.01.2014. 18:00 
Тайпасы:
Жаран
Комментарийлердин саны:
12
Катталган:
21-12-2013
Соӊку аракети:
25-09-2017 23:58
Жынысы:
Белгисиз
0
Admin_mеdiа бул иштин авторлору менен кантип байланышсак болот?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: