Садыр Жапаров:«МАНДАТЫМДЫ АЛДЫ ДЕП МИТИНГ УЮШТУРБАЙМ»

Борбордук шайлоо комиссиясы 20-августта соттолгон «ата журтчу» депутаттарды мандатынан ажыратты. Бул жыйынга депутаттар Камчыбек Ташиев, Садыр Жапаров, Талант Мамытов катышышкан жок. «Жыйынга катышуу тууралуу эч кандай чакыруу келген эмес. Негизи, мыйзамда мандатынан ажыратылчу депутаттар жыйынга катышуусу керектиги тууралуу жазылбаган»,- деди жыйын болгон күнү Садыр Жапаров. Ал «Муну бүт кыргыз эли көрдү, саясий буйрутма экендигин, БШК Ак үйдүн айтканы менен чечим чыгарды. Бийликке мандаттан ажыратуу гана керек эле. Ташиев, Мамытовдор менен жолуга элекмин. Мандатты алды деп митинг уюштурбайм. Мандаты жок деле, көчө саясатчысы болуп деле мамлекетке пайдалуу иштерди жасай берсе болот» деп билдирди. Тиешелүү чечимди БШКнын 10 мүчөсү колдоп, 1 мүчөсү каршы добуш берди. «Конституцияга ылайык, соттолгондор депутат боло албайт»,- деди БШКнын төрагасы Туйгунаалы Абдраимов.
Эске сала кетсек, Жогорку Сот 6-августта «ата журтчу» депутаттарга карата козголгон кылмыш иши боюнча чечим чыгарган. Соттук курам Бишкек шаардык сотунун депутаттарды актаган чечимин толугу менен жокко чыгарып, Кылмыш-жаза кодексинин 30 жана 295-беренелери боюнча күнөөлүү деп тапкан. Аларга райондук сот чыгарган 1 жыл 6 айлык жаза өтөө мөөнөтү кыскартылып, 1 жыл 5 ай деп өзгөртүлдү. Ал эми Талант Мамытовдун 1 жылдык жаза өтөө мөөнөтү ошол боюнча калган.

Гүлмайрам Сабырбекова,
Эльвира Караева
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (11)
Chika12
2013-08-26 15:15:57
Кайдагы саясий буйрутма, силерге окшогон элдин башын айландырган бийликке жетпей, жаман улакча чычалаган адамдар эле оппозицияга кошулуп алып, иштерин кылып журот
+1
aia-s
2013-08-28 16:42:45
Chika12, ошону айтсан закон боюнча иштесе деле саясый буйрутма дешет законду эмне калагандай буруп коймок беле. аоздору митинге жетеле забордон секиргенде кимдин саясий буйрутмасын аткарышты экен... ой тобо митинг уюштурбаганы жакшы экен акчасы тугонго го же кимдир бироолор финансировать эткенин токтотконго...
0
aia-s
2013-08-28 16:43:50
aia-s, бирок 3оонун ичинен ушул эле кичине куйуп-бышат мага кумтор баюнча иштегени жаккан
0
fanatka19
2013-08-26 19:13:27
уюштурбаганына кудайга шугур.
0
Lion-x
2013-08-27 09:36:32
Ооба аябай кыйынсын сок0колдогу курултайды эмнеге уюштурдун анан, калп суйлоп олтуруп эмнеге жетээр экенсинер???
+1
PROS
2013-08-27 11:17:39
Мандатты алды деп уюштурбайм, башкача жол м.н уюштурамын десе ишенет элек!
0
otin
2013-08-27 11:36:19
делай красиво...
0
ayaza
2013-08-27 19:58:08
Бакиевдин кишиси,Бакиев кеткенден кийин эле калп эле элди ойлоп калды,Бакиев элдин акчасын тоноп,жерин четинен сатып жатканда тымпыйып отурчу эле.Азыр дагы бакиевдин айткандарын жасап жатат
-1
N.Bakazova
2013-08-28 13:11:15
Жапаровдун колунан бир нерсе келет.
-1
dikeii
2013-08-29 09:16:34
булардын колунан бок да келбейт, болду силердин ырынар бутту.
0
dikeii
2013-08-29 09:18:34
биздин бийлик ушуну туура кылып жатат, болбосо баары эле герой болуп кетти. катуурак чара коргону жакшы, башкасынада сабак болор.
0
№ 564, 23-август-29-август, 2013-ж
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА
Суперстан