Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АККАН АРЫКТАН СУУ АГАТ

№354 14-20-август, 2009-ж.


“Уядан эмнени көрсө, учканда ошону алат” деген кеп бекер эместир. Адатта уул-кыздардын ата-энесинин чыйырына түшкөнү кубандырат эмеспи. Ал эми залкар инсандардын артында көз кубанта турган таланттуу балдары калганы эки эсе сүйүнүч. Эмесе, таланттуу ата-эненин чыгаан улан-кыздары алдыңызда.

Уядан эмнени көрсө, учканда ошону алат

Бир кезде бүтүндөй кыргыздын башын кошкон, өмүрүнүн акыркы күн­дөрүнө чейин мамлекеттик саясый иш­мердүүлүгүн токтотпой жашап келген агабыз Апсамат Масалиевдин чынчылдыгы, принципиалдуулугу тууралуу кептер эл арасында айтылып жүрөт. Бир жолу жакын таанышы ыраазычылык билдирүү үчүн козу алып келип таштаса, ошол күнү кеч кирип кеткенине карабай, козуну кайра үйүнө жеткирип берген экен. Ушундай чынчыл аганын уулу Исхак Масалиев учурда саясый чөйрөдө төбө­сү көрүнгөн адамдардын бири. Эл алдын­да өзүн өтө сыпаа кармаган, ашыкча бир да кыймыл кылбаган Исхак Масалиевдин токтоолугуна эл да таң калып келет. Бул мүнөзүн Исхак Масалиев атасынын катуу тарбиясы менен байланыштырат. “Атам бизди катуу кармачу. Апам үйдө отургандын ордуна кийим тигүүчү болуп, ти­ричилик комбинатында иштеген. Мен биринчи жолу 1983-жылы гана жолдомо менен Ысык-Көлдө эс алгам”,- дейт.

«Айдын» кызы Асел

«Махабат дастаны» аттуу фильмди көрдүңүз беле? Андагы көзүнөн нуру, уур­тунан күлкүсү төгүлгөн Бегимай атактуу Таттыбүбү Турсунбаеванын кызы – Асел Эшимбекова. Апасынын талантын гана эмес, сулуулугун да мураска алган Асел 9-класста жүргөнүндө аталган фильмге тартылып, элдин көзүнө түшкөн. Кызыгы, Таттыбүбү Турсунбаева да Асел да он алты жашында киного тартылышкан. Андан кийин “Махабат закымдары” фильминде башкы ролду ойногон. «Бийчи Алтынбүбүнүн ролун аткардым. Көркөм дүйнөнүн күчүн ушундан билдим. Өткөн кылымдардын мезгилинде кадимкидей жашадым окшойт. А бийдин түр­күн сырларын мага тажик элинин таланттуу өнөрпозу Малика Календерова үйрөттү. Негизи эле бул өнөр көп эмгекти талап кылат экен”,- деген экен Асел бир кезде. Ал эми таякеси Нуркан Аселдин чыгармачылыгы тууралуу мындай дейт: “Карындашымдын кызынын искусствого аралашканы мени өзгөчө кубанткан.
“Махабат дастаны” фильмине тартылганда премьерасына барып, жүрөгүм жарылып кете жаздады. Мага Таттыбүбүм жылмайып, алдымда тургандай сезилди. Ыйлап чыгып кеткем.Үмүтүм чоң болчу.”
Өкүнүчтүүсү, көптү үмүттөндүргөн таланттуу актриса кийин кино өнө­рүн таптакыр таштап койгон. Өнөрүнө кызыккан агаларынын бири: “Апаңдай атактуу актриса болгуң келеби?”- десе: “Жок, апамдай жакшы адам болгум келет”,- деп жооп берген экен. Эмнеси болсо да, Асел жүрөккө жакын Таттыбүбүнүн кызы...

Эки доордогу Бейшеналиевдер

Кыргыз киносунда аттын кашкасындай таанымал Болот Бейшеналиевди кимдер гана билбейт. Чыгаан агабыздын өнөр жолун улаган уулу Азиз Бейшеналиев да актёрлук кесипти аркалап, бир катар мыкты ролдорду жаратып келет. Атасы менен апасы ажырашып кеткенде Азиз 2 гана жашта эле. 17 жылдан соң атасына жолуккандан кийин көкүрөгүндө сактап келе жаткан максаты ачыкка чыгат. Ошондон кийин “актёр болом” деген ою бекемделет. Азиз алгач 1997-жылы «Темирлан» фильминде атасы менен бирге тартылган. Болот Бейшеналиев Темирландын ролун, ал эми уулу Азиз баласынын ролун аткарышкан эле. Андан соң «Мосфильмде» «Трио» аттуу фильмге, 2006-жылы казактардын «Көчмөн» фильминде роль жараткан. Ошондо режиссёрдун көзүнө илинген Азиз аз өтпөй эле казактардын «Мустафа Чокай» фильмине тартылууга чакырылат. Башкы каарман Мустафа Чокайдын ролун Азиз мыкты аткарган. Учурунда Болот Бейшеналиев уулуна «сен Бейшеналиев боло албайсың. Болот Бейшеналиев болуш үчүн Бейшеналиевдин доору керек. Башка кесипти танда» деген экен. Чыныгы талант үчүн доордун деле мааниси болбосо керек. Азиз өз доорунун чыгаан актёру экени талашсыз.

Манастын уулу Семетей эмес... Санжар

Күлкү дүйнөсүндө өзүнүн өлбөс-өчпөс изин калтырып кеткен инсандардын бири – Манас Бердибеков. Анын канчалаган сатиралары, курч юмору эл ичинде жашап келет. Ал эми Манас Бердибековдун уулу Санжар дагы өз ордун шоу-бизнестен тапканы баарыбызга бел­гилүү эмеспи. Баарынан кызыгы, өмүрүндө кезикпеген ата-баланы сахна кезиктирген экен. Атасынын колунда тарбияланбаса да, өнөр сересине кол сермеген Санжар өз алдынча эл алдына чыгууга аракет кылып жүрөт. Бир концертте экөө сахнанын артынан жолугуп калышат. Санжар Бердибеков алгач атасын туурап куудул болуп чыгып, кийинки кездери ырлары менен эл оозуна алынып келет.

Шумкардан шумкар, комузчудан ырчы...

Комуз үнүн шаң­шыт­кан айтылуу Самара Токтакунова жана “Камбаркан” фольклордук ансамблинин негиздөөчүсү Чалагыз Исабаевдерди ким билбейт. Бул таланттуу үйбүлөнүн уулдары да өнөрлүү чыкты. Искусствонун улуу деми менен жашаган ата-энесинин таасири кичинекейинен эле сезилип, өнөр менен таланттын кудурети аларды наристе чагынан эле туткундаса керек. Үч кыл комузда ой­ногон Самара Токтакунованын улуу баласы Аслан Исабаев скрипканы сыздатса, кичүүсү Актан Исабаев эстрада жылдызы болуп таанылды. Аслан «Эсимдеси» менен көптөгөн хитпараддардын алдында жүр­гөнү көпчүлүктүн эсинде. “Биз балдарыбызды музыкалык духта тарбияладык. Экөө тең биз ойлогондой адам болуп чыгышты. Мен уулдарым менен сыймыктанам”,- дейт Самара эже.
Ата-энесинин өнөрүн жерге таштабаган уулдар азыр эл оозунда.

Скрипканын “атасын” тааныткан Курмангазы, а балдары...

Кыргыздын атын туу кылып, кыргыз аспаптарында кол ойноткон Курмангазы Азыкбаевдин таланты Кыргызстанда эле эмес, башка өлкөлөрдө да таанымал. Комуз, сыбызгы, чоор, флейта, саксофондон баштап 62 музыкалык аспапта ойной алат. Ал эми анын кызы Нурайым – 12, уулу 7-8 аспапта ойнойт. 62 аспапта ойногон музыкант Курмангазы Азыкбаевдин да үйбүлөсүндө чыгармачыл адамдар көп. Улуу кызы Нурайым скрипканын “атасын” таанытса, уулдары Нурсултан менен Нургазы аспаптарда да ойноп, ырдап да жүрүшөт. Эл арасында Курмангазы аганын балдары жарык дүйнөгө келгенде эле колдоруна бирден музыкалык аспап кармап төрөлгөн деген азил кеп жүргөнү да бекер эместей.
Ал эми кичүү уулу Нурсултан Астанада өткөн Казак Респуб­ликасынын Президентинин инаугурациясында «Кыргыз Робертиносу» атка конгон. “Балам үнүн созгондо Орусия Федерациясынын Президенти Владимир Путин ордунан тура калды. Ал эми «Мекеним» деп казакча ырдаганда, Нурсултан Назарбаевдин көзүнөн жаш да чыгып кетти”деп сыймыктанат Курмангазы ага. Ал эми кызы Нурайым кече жакында эле АКШнын Калифорния штатында өткөн “Дүйнө чемпиону-2009” Эл аралык конкурсуна катышып, алтын медалга ээ болуп келди.

Аккордеонду атасындай сыздаткан Кубаныч

80-жылдары кичинесинен чоңуна чейин Чубак Сатаевдин “Арман” аттуу ырын ырдап калышканы эси­ңиздеби? Кыска жашаган өмүрүндө популярдуулуктун туу чокусуна жеткен бул таланттуу инсанга эрксизден суктанасың. Чубактын замандаштары анын тамашакөйлүгүн, ачык кабагын, кайталангыс талантын көп эскеришет. Ушул даңктуу агабыздын уулу Кубаныч да учурда төбөсү көрүнүп, атасынын чыйырын улап келет. Атасынын достору баарынан да Кубанычтын аккордеонду Чубактын дал өзүндөй кылып тартканына баа беришет. Атасынын атын унуттурбай, анын ырларын кайрадан жаздырып, жаңыча жашоо берип, клип тарттырып, эмгек кылып жатканы да жакшы жөрөлгө.

Ушундай, окурман, атанын чыйырын улап, өнөрүн аркалаган уул-кыздарга ийгилик каалап кетмекчибиз.

Нуржамал Жийдебаева
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21442;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: