КЕЙИБЕҢИЗ, ЖАШООДО МҮМКҮНЧҮЛҮК ЧЕКТӨӨСҮЗ

27-август күнү Каракол шаарындагы Касымалы Жантөшев атындагы музыкалык драма театрда ден соолугунун мүмкүнчүлүгү чектелгендердин «Жашоо – чектөөсүз мүмкүнчүлүктөр» аттуу фестивалы болуп өттү. Аталган сынакка өлкөнүн бардык аймактарынан жана Казакстандан таланттуулар келип, жалпы катышуучулардын саны 40ка жетти. Сынак эстрада, фольклор жана бий багытында болду. Ага 16 жаштан жогору ден соолугунун мүмкүнчүлүгү чектелген жарандар катышып, ата-апалардын да, жаштардын да өнөрлөрүн көрө алдык. Иш-чарага өкмөттүн облус боюнча ыйгарымдуу өкүлү Эмил Каптагаев, шаар мэри Рыскул Калыгулов катышып, фестивалдын катышуучуларына акчалай белек тапшырышты. Аталган фестивалды уюштурган Каракол шаарындагы «Теңдик» уюмунун жетекчиси ГҮЛМИРА КАЗАКУНОВАНЫ кепке тарттык.
– 5 жыл мурун Ысык-Көл облусунда ден соолугунун мүмкүнчүлүгү чектелгендердин «Теңдик» ассоциациясы түзүлгөн. Анда өзүбүздүн көңүлүбүздү көтөрүү максатында ыр кесе уюштуруп алган элек. 2011-жылы жалал-абаддык шериктештер келип, аларга ыр кесе сунганбыз. Былтыр ыр кесебиз Кербен шаарында өткөрүлүп, алар ыр кесенин атын өзгөртүп биринчи республикалык фестиваль деп коюшкан. Быйыл кайрадан бул фестиваль Көл жергесинде өттү.

Эстрада жанры боюнча баш байгени Бишкек шаарынан келген Гүлүм Касымбаева ээлеп, 1-орунга Майлы-Суу шаарынан келген Каныбек Базарбаев жана Перизат Кемелова татыды. 2-орунду Ош шаарынан келген Өмүркан Шермаматов багындырды. Фольклор жанры боюнча баш байгени Бишкек шаарынын тургуну Бакыт Жакыпов, 1-орунду Нарын шаарынан келген Гүлбарчын Исаева, 2-орунду Кербен шаарынан келген Айжамал Чыныбекова, 3-орунду Марс Жакыпов ээлешти. Бий жанры боюнча 1-орунду Айдай Черикбаева, 2-орунду Айбек Боталиев, 3-орунду Бахтияр Мухниса багындырышты. Эстрада жанры боюнча биринчи орунга арзыган КАНЫБЕК БАЗАРБАЕВ буларга токтолду:
– Фестивалдын шылтоосу менен көп жерди көрдүм. Атайын Майлы-Суу шаарынан келген элем. Буга чейин да анча-мынча сынактарга катышып жүрчүмүн. Ошол нерсе таасир этти окшойт, биринчи орунга ээ болдум.

Айзат Анарбекова
karakol@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (11)

_oichul_

2013-09-09 17:32:29

Жакшы нерсе, туурабы?

gulnaz21

2013-09-09 19:50:37

_oichul_, oa menda kowulam sizge

jonokoi_myrza

2013-09-10 11:49:42

Азамасынар,мумкунчулугум чектелуу деп олтура бербей озунорду озунор которгуло.Жакшы демилге экен.Анча-мынча шоудагыларга караганда жандуу ун менен ырдашты.Ийгилик силерге!!!

jan_91

2013-09-10 14:32:04

Жалал-Абаддык баш тамга менен жазылбайбы?

admin_media

2013-09-10 15:01:23

jan_91,
Саламатсызбы! Жок, кичине тамга менен жазылат)

Nara_zi

2013-09-14 00:11:48

admin_media, саламатсыздарбы? Качантан бери жер шаарыбыздын аттары (энчилуу аттар) кичинекей тамга менен жазылып калган???

Jesu2010

2013-09-11 02:34:37

Биз кичинекей кезде Жалал-Абад, Ысык-Кол сыяктуу жердин аттары жогоруда мен жазгандай жазылчу, кийин сонгу озгортулуп жон гана Жалалабат, Ысыккол болуп жазыла турган болгон, алайлык, оштук, чуйлук деген создор дайыма кичинекей тамгалар менен жазылат. А насчет фестивали жакшы тушунбодум мумкунчулугу чектелгендер деп ким жонундо айтылып атат?

allan

2013-09-11 11:59:29

Jesu2010, майыптар жонундо.

Jesu2010

2013-09-12 01:59:38

allan, анда бул жакшы демилге.

allan

2013-09-14 16:51:27

Jesu2010, ооба,жакшы демилге.Кудайга дагы жагат!

Aizat_1991

2013-09-12 20:14:29

Ооба абдан жакшы демилге экен.

Комментарий калтыруу үчүн өз ысымыңыз менен кириңиз же каттоодон өтүңүз.

№ 566, 6-сентябрь-12-сентябрь, 2013-ж