НУРДӨӨЛӨТ КОПОЕВ: «ТОЮМДА АЯБАЙ СҮРДӨДҮМ»

Карт бойдок аталып келген актёр Нурдөөлөт Копоев бойдок статусун алып ыргытып, үй-бүлөлүү болгонун 15-сентябрда борбордогу кафелердин биринде белгиледи.

– Нурдөөлөт, өзгөчө той бергениң сүрөттөрдөн байкалып турат...
– Тойго тамадалык кылганды Бакыт Букаев байкем өзү уюштурду. Мен төрт жерде иштейм, убакыт тар. Анын үстүнө адам өзүнүн тоюнда жакшы ойлоно албай калат окшойт. Циркте иштеген досум Алмаз Раимкуловго «ат араба керек болуп жатат» десем, дароо таап берди. Укмуштуудай сулуу ат экен, үстү ачык, чоң араба. Ичинде кыпкызыл орундуктар коюлган. Араба келгенде эле кошуналарым чыга калып куттукташып, телефондоруна тартып жатышты. Араба менен кафеге чейин кантип барабыз, унааларга тоскоол болбосок экен деп кабатыр болуп жаткам. Кайдан, айдоочулар, жадакалса троллейбус дагы жол бошотуп берип, кол булгалап куттуктап жатышты.
– Башка тойлордон дагы эмнеси менен айырмаланды?
– «Жар-жар» айтылгандан кийин Бакыт байке «чачыла чачылсын» деди. Ошондо «Бийкеч» бий тобунун кыздары улуттук кийим менен чыгып, ар бир адамга булгаарыдан жасалган тумар беришти. Момпосуй бергенде эмне, жеп алышат, ансыз деле жеп жатышпайбы. Тумарларды булгаары менен иштешкен Гүлнара жана Сагын эжекелерим алып келишкен.
Менин чыгармачылыктагы атам Дүйшөн Байдөбөтов, Зулянын чыгармачылыктагы энеси Жамал Сейдакматова дагы тойдун кызыгын арттырышты. Алар Зуля экөөбүздүн жаңы актёр болобуз деп келгендерибизди эскерип, элди күлкүгө бөлөштү.
– Канча адам келди?
– Мен өзүм 20 бир тууганмын. Алардын куда-сөөгү, кайын журту эле канча. Андан сырткары кесиптештерим, келинчегим Зулянын төркүнү, досторум болуп отуруп 230дан ашты окшойт.
– Тойдо сюрприздер көп болсо керек...
– Экинчи бөлүк башталганда апам чыгып жакшы сөзүн сүйлөдү. Анан эле кыргызча музыка койдуруп «биздин убакта мына мындай бийлечүбүз» деп жүн сабап, ийик ийрип кыргызча бийлеп кирди. Мен таң калып, оозум ачылып эле калыптыр. Бакыт байкенин менин ордума чуркап жүргөнүн байкап, ага атайын Ат-Башыдан шырдак көтөрө келиптир.
Бөбөктөр үчүн көрсөтүлгөн жомоктордо үн коштогон Айнаш Аширова эженин куттуктоосу мени гана эмес, элдин баарынын оозун ачырды. Жашы ортолоп калган эже эле кичинекей баланын үнү менен сүйлөп жатса таң калышат да.
Муну айта кетпесем болбос, канча жылдан бери тойлорго тамадалык кылып жүрсөм да, өзүмдүн тоюмдагыдай сүрдөгөн эмесмин.
– Канча чыгым кетти?
– Кээ бир тойлордо «тамадалык акчаны чыгарып бере албай калдык, 2-3 күндөн кийин алып барып береличи» деп суранышат. Баарын түшүнүү менен кабыл алам. Меникинде той өзүн-өзү жапты.

Сүйүн Кулматова
star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (29)
N.Bakazova
2013-09-24 00:41:41
Baktyluu tugoilordun kataryn toluktap, owol katardan omur otkoncho chykpagyla. Baktyluu bolgula.
0
malika80
2013-09-24 01:18:56
Турмуш жолунар байсалдуу болсун, бактылуу болгула!
0
SuLuWkA
2013-09-24 01:38:56
Куш боонор бек болуп бактылуу болунуздар келинчегинин чачы фарфрейшн экен а так.
0
kubi12
2013-09-24 12:14:07
Бактылуу болунуздар кармашкан колунуздар бек болсун
0
kg_777
2013-09-24 15:21:26
жакшы, бактылуу болушсун!!!!!!!!
0
Gulnur1980
2013-09-24 16:01:06
Бакытты болындар!
0
nursyi
2013-09-26 09:34:50
Жасалма чач кошулбады бекен?
0
Akylai_aktan
2013-09-26 16:21:34
Бактылуу болгула!!!!!!!!!!!!!!!!!!!!!!!!!!!!!!!!!!
0
Erkekyz1990
2013-09-26 21:20:43
Бактылуу бол.экообуз группалаш элек жакшы кыз болчу.
0
jonsons
2013-09-27 15:12:28
20 бир тууганмын дейби? кызык экен кандайча
0
jonsons
2013-09-27 16:38:35
невестанын чачы вау экен го
0
Jamalym
2013-09-27 16:51:57
Менин тоюмда да чачымды ушинтип жасалгалагам ак лента кошуп :) Бактылуу болгула!
0
tynara81
2013-09-28 11:00:29
Бактылуу болушсун! Ат арабасынын суроту жок гоо.
0
mirdiana
2013-09-28 16:26:36
соонунго буларды коруп менда турмушка чыккым келип кетти))))))
0
Wave
2013-09-29 02:13:44
Бактылуу бол!
0
№ 568, 20-сентябрь-26-сентябрь, 2013-ж
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА