«СУРАНАМ, БАКТЫМДАН АЖЫРАТПАГЫЛА»

Кеңсебизге түрдүү тагдырын баяндап, бирөөгө болгон таарынычын, ызасын айткан замандаштар арбын кайрылышат. Арманын айткан Алтынай (аты-жөнү белгилүү себептерден улам өзгөртүлдү) аттуу айым маңдайымда отурду.

– Мен Ош шаарында тө­рө­лүп, мектепти ошол жерден аяктадым. 8 бир туугандын ортончусумун. Ата-энемдин мойнунда отура бербейин деп Бишкекке келип, май куюучу бекетке жумушка орноштум. Кийин бир жигит менен таанышып, баш кошконбуз. Үйлөнгөн соң төрт айдан кийин жолдошум Орусияга иштегени кеткен. Ал кезде менин үч айлык боюмда бар эле. Жолдошум телефон чалып, сүйлөшүп жүрдүк. Убакыттын өтүшү менен телефон чалганын да токтотуп койду. Мурунку телефон номери иштебей калды. «Башка аял алыптыр, Кыргызстанда эле жүрөт» деп бири айтса, башкасы «Орусияда жүрөт» деген кептерди угуп жаттым. Ошол бойдон ал дайынсыз кетти.
Уулум төрөлдү, 6 жыл жолдошумду күтүп жашадым. Коңшу эже «Уулуң бой жеткенче турмушка чык» деп көп айтар эле. Ошол эже бир тууган инисин тааныштырып калды. Ошентип, Самаган менен таанышып, негедир бат эле ынак болуп кеттик. Жылдызыбыз келишип, бир айдан кийин баш коштук. Бишкектен Көлгө келдик, жайлоодо мал багабыз. Башында кайын журтум мени жакшы кабыл алышкан, кийинки күндөрү Самаган экөөбүздүн ортобузга чок салып, күнүгө уруш чыгарган кайненем болду. Жашы 70тен ашса да, ичимдикти таштабаган аял болчу. Ичкен тамагыбызды аш кылбай «Оозуңар тынбайт экен, тамак-аш аз калды» деп басса-турса айта берет. Мага эмне десе да көтөрөт элем, бирок Ариетти (уулум) тилдеп, башка-көзгө урганын карап туруу кыйын болду. Кичинесинен тартынуу дегенди билбей өскөн уулум жалтаң болуп калды.
Бир күнү Самаган мал менен бошобой жатканынан тракторчу менен сүйлөшүп 1 гектар жерди айдатып койгом. Оюмда эч жаман нерсе жок, бир кишини карап отура бербей жардам болсун дегем. Кайненем «Сен эмитен жерге ээлик кылып калдыңбы?» деп кыйкырып кирди. Самаган мага болушса аны кошуп тилдейт. «Силерди жөн койбойм» деп таң атпай кайнага, кайнежелеримди чакырды. Алар дагы эч нерсени түшүнбөй эле «үйдү бошоткула» деп туруп алышты. Мейли деп баламды жетелеп жолго чыктым. Аркабыздан кайнагам келип, уулумдун чаңырып ыйлаганына карабай баса калып мени сабап кирди. Бети-башым көк ала болуп, уулум менен жол тосуп Караколго келдик. Эки-үч күн тааныш эженин үйүндө баш калкаладык. Башым чыдатпай ооруганынан ооруканага кайрылдым. Менин абалымды көргөн дарыгерлер милиция кызматкерлерин чакырып коюшуптур. Анан тергөөчү келип, «Ким урду, эмне болду?» деген өңдүү суроолорду берип, арыз жаздырды. Бирок эч кандай чара колдонушпады. Аркамдан Самаган издеп келди. Ал да энесине тарта албай же мага тарталбай ортодо эзилип кетти. «Силерди талаага таштабайм» деп Ариет экөөбүзгө батир алып, тамак-ашыбызды камдап берди. «Баары бир биз жеңебиз» деп мени жооткотту.
Ариет быйыл 1-класска бармак. Туулгандыгы тууралуу күбөлүгү айылда калып, учурда сабакка бара албай жатат. Мен болсо ылайыктуу жумуш таба албай убарамын. Эми алдыда бизди кандай күн күтүп турганы белгисиз. Кайнежелерим бул гезитти калтырбай окушат. Балким, менин айтканымды окуп, мага болгон терс көз караштары өзгөрөр деп ойлодум. Мен дагы кайра бактымдан ажырагым келбейт. Суранам, мени түшүнүп, жөн эле канга сиңген көз караштын айынан тагдырыбызга балта чаппагыла.

Алтынай

Айзат Анарбекова
karakol@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (44)
A_l_i_b_e_k
2013-09-24 01:42:08
Кайнагасы эмнеге бул эжекени сабады?
Кок мээ го дейм вообще бет жок экен. Анын эмнеси кетип жатат. Бир соз менен айтканда мал экен. Кантип духу жетти келин баласын сабаганга? Э-эй эже жашоо керемет деген ушу да. Баланыз менен бактылуу болунуз, келечек алдыда. Только баланызды ойлонуз.
+2
ROUSE
2013-09-24 11:55:52
озундо да кеп бар болуш керек. кайнага кол которгонго чейин барса
+1
crystaleyes
2013-09-24 16:27:27
ROUSE, Кеп бар тагдырда да он права не имеет кол которгону какого хрена жаш баланын жанында сабайт?
ал баланын псикасы жонундо ойлонбогон ошол кайнагасы мал болуп жатпайбы!ал балада эмне куно байкуш жаштыгынан ушунча кордукту коруп(Эже бирок чындыкты айтканда куйого чыгат десе туш келген адамга чыга бербейта биринчи эрден жыргабапсыз экиничи эрден жыргап отуруп калам дединизби?экинчи эрге шашкынча баланызды ойлоп бутунузга турсаныз болмок!и Эринизди кутуп отура бербен дагы ал сизге эр бо
0
crystaleyes
2013-09-24 16:35:48
Сизди жакшы коргондо кайнаганызга жизнь кол которгузбойт болчу!кайненениз болуптур карып калыптыр эмне куйонуздун апасына тили отпойбу?кайсы эне баласынын бактын ойлобосун?бул семьяда маданият сый уурмат деген нерсе вообще жок экен.Эже если конулунузду орутсам кечирип койун!бул семьядан сизге нечего ловить!!!
0
Almabek
2013-09-24 21:36:34
Кана азыр жанымда болсонуз баланызга ата болуп, дагы бир нече ирет перзент жытын жыттамакмын, перзентке зармын, бирок келинчегимди куноолоп же мен же ата-энем же урук туугандарым келинчегимди куноолоп кууган жок, сиз эми сабыр кылыныз, "Олбогон кулга жаз келээр" дегендей, акыры сиздин кочонуздо да майрам болоор бир кун. Уулунуздун омурун, озунузго сабыр канаат берсин кудайым! Сизди тапсам колунузду сураар элем, макул болсонуз, сунушумду туура кабыл алыныз!
+1
Shekerbek
2013-09-25 10:36:58
kimisinike tuura ekeinin da tuwunboisun! birok akyrky kundoru ajyrawuu jawtardyn arasynda kop bolup jatat en ele okunuchtuusu ortodo baldar jetim kalyshuuda
0
bemkow
2013-09-25 11:55:07
eje sabyrduu bolunuz al kuionuzdu kutkondon paida jok balanyzdyn kele4egin oilonun andai kainene sizdi tyn4 jawatpait kainaganyz urup jatkanda un4ukpagan erdi kutup olturas Oshto ele tolturago jakwy jigitter
0
belosnejka1
2013-09-25 11:57:45
Уулуңуздун таяк жеп жүргөнүнө кантип чыдайсыз. Менимче, өзүңүзчө жашаңыз. Ашыкча жүктүн не кереги бар?
0
elka-84
2013-09-26 12:43:10
Эмне эле тундук туштук деп болуно бересинер тушунбойм ал туштуктон болсо эмне болуптур эки жаш суйуушкондон кийин ата-энесине эмне жок ал кыз акыры адамго чынбы
0
turgunbek
2013-09-26 15:48:30
Озу колдук олдук деп бекеринен айтылбайт да
+1
allan
2013-09-26 17:19:19
биринчи эриниз дагы "ИТ"экен.Баласын ар кимге кор кылдырбай бакпайбы?Экинчиниз дагы "Лох"экен.Аны менен жарашып кереги жок.Лучше оз алдынча тырышып,оокатынызды тынданыз!
0
munara_bk2013.
2013-09-27 01:01:17
ооба ак соз,ийгилик сага
0
mig
2013-09-27 16:07:11
жакшы, акылдуу аял мындайга чанда кезигет деп ойлойм. озундо да бир кеп жатса керек да. Баласы куноосуз наристеге жаман болгон экен.
0
jonsons
2013-09-27 16:07:13
бир жактуу маалыматтан корутунду чыгарганга шашылбайлы КЫРГЫЗДАР, эмне эле тундук туштук болуп эле жыргап атасынар биздин молтурогон кыздарыбыз кытайларга тийип атканын сквозь пальцы карап атабыз го и вообще бул жакта комент кылгандардын кобу менимче турмушту биле элек жаштар.
0
jonsons
2013-09-27 16:09:14
бул келин болсо озун аппапак кылып жертва болуп корсотуптур, кээ бир моменттерге ишенич кыйын
+1
Bagysh
2013-09-28 15:45:05
Баарына ыйман сабыр берсин бир гана Кудайдан тиле тилегинди берет.
0
№ 568, 20-сентябрь-26-сентябрь, 2013-ж
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА