Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АПАМ ЖАПКАН НАНДЫ САГЫНАМ...

№355 21-27-август, 2009-ж.


Ар бир эне үчүн бул дүйнөдө бир гана баласы сүймөнчүктүү, ал эми бала үчүн апасы кол жеткис асыл жан эмеспи. Бул жолку рубрикабыздын коногу театр, кино жаатында салмактуу орунду ээлеп келе жаткан актёр – Дүйшөн БАЙДӨБӨТОВ.

«Апам эч качан сүрөткө түшкөн эмес»

– Апамдын аты Жибек. Апам эч качан үнүн катуу чыгарып, бирөө менен урушкан жан эмес. Айылдагы жамандык-жакшылыктардын баарынын дасторконун өзү тейлечү. Атам экөө тең куран, намаз окуган ыйман жолундагы молдо адамдар эле. Шариятта сүрөткө түшүүгө тыюу салынат эмеспи, ошол себептен экөө тең сүрөткө түшүшкөн эмес. Бирок экөөнүн тең элеси күнү бүгүнкүдөй карегимде.

«Балдарын жоготуп...»

– 1930-жылдар аралыгы Совет бийлиги орноп, байларды кулакка тартуу башталбады беле. Ата-энемдин да жылкысы, бирин-экин малы бар экен. Анын үстүнө, айылда биринчи болуп кирпичтен там курган да менин ата-энем болуптур. Өзү теңдүү колунда барлардын малы алынып, өзүлөрү алыска айдалып жатканын көргөн ата-энем төрт баласын, кичине оокатын алып Ысык-Атадан Түпкө ат араба менен кетишиптир. Арадан эки жыл өткөн соң Ысык-Атага кайтып келатышып, каргашалуу окуяга кабылышат. Боом капчыгайындагы Кызыл-Көпүрө деген жерге келишкенде алдыдан УралЗИС машинасы чыга калат. Машинадан үрккөн ат арабасы менен сууга түшүп кетет. Ошондо бири экиде, экинчиси үч жашта болгон агаларым сууга агып кетишиптир. Ата-энем ошентип эки баласынан айрылышкан экен.

«Апамдын каттамасы»

– Апам тамакты укмуш жасачу. Же мен эртеден-кечке көчөдө ойноп жүрүп, анан ачка болуп жегенгеби, кыскасы, даамдуулугун сураба. Азыр тамакка даам бере турган канча татымды кошпоюн, баары бир апамдын тамагына караандабайт. Каттамага каймак сыйпап казанга бышырчу. Апамдын каттамасы деле бир арбычу эмес да. Анткени жаңы эле казандан алары менен ысык бойдон колунан жулуп кетем. “Күндө туусам, күндө жок” деп апам улам каттама жасап, мага жедирип коюп отура берчү.
Апам уй саап жатканда тепирейип жанында дайыма даяр болчумун. Кичине саары менен эле чака менен бөтөлкөмө ысык боюнча куюп берчү. Кандай бөтөлкө экени эсимде жок, бирок упчу териден жасалган болчу. Апам уюн саай берчү. Мен болсо сүт ичип отурар элем. Бөтөлкө менен ушинтип 11 жашка чейин сүт ичип жүрүп чоңойдум.

«Апам балбан болчу»

– Атам күзүндө кыш камын көрүп, жылда бир бодо сойчу. Бир жолу согум жегени айылдыктар биздин үйгө чогулушту. Келгендер чара-чара болгон этти жеп киришти. Апам мени 49 жашында төрөгөн. Анын үстүнө, үйдүн кичүүсү элем. Эркелигим башымдан ашчу. Этти тегеректеп отургандардын бири дагы мага көңүл бөлгөн жок. Жиним келгенинен “эттин баарын жеп салышты. Мага бир тоголок эт беришкен жок!” деп элдин көзүнчө кыйкырып кирдим. Анан эле апам жетип келип, мага болушам деген чоң апам Калбүбү экөөбүздү дыркыратып сүйрөп чыкты. Негизи, апам эки адамды жөн эле көтөрүп койгон балбан аял эле.

«Апамдын ордуна атам жазалаган»

– Бир жолу апамдын “кой-айын” капарыма албай, тентектик кылып жатканымды көргөн атамдын жаны кашайып кетти. “Мага сендей баланын кереги жок!” деп сүйрөп келип, алдына отургузду. Алгач эмне кыларын түшүнгөн жокмун. Анан эле чылапчын алдыртты. Чөнтөгүнөн бычагын алып чыгып, эки алаканын жайып бата кыла баштады. Бата тиленгенден кийин малды мууздарын билем да. Тыбырчылап, жандалбастап качууга аракет жасай баштадым. Кайдан?! Кичинекей мени эки тизеси менен кыпчып алган. Менин ашынган тентектигимди атам апамдын ордуна ушинтип жазалаган. Ошондон кийин кадимкидей мага эс кирип калды.

Күтүү

– Апам баш-аягы 16 бала төрөгөн. Тигинтип эки баласы кичине кезинде эле сууга акса, эр жеткен үч баласы аскерден кайтпай калган. Үйдүн алдында тепкич бар эле. Апам ошол тепкичте күндө күн батышты карап, агаларымды күтүп отурчу. Жүн тыта турган же ийик ийире турган болсо да апамдын жасап жаткан ишине ошол тепкич күбө болчу. “Түндө түшүмө киришти. Эртең кечинде келип калат го, жок дегенде бирөөсү...” деп эле нуру өчкөн көздөрү менен ыйламсырай берчү. Ошол көздөрдү, анан сөздөрдү эстесем, ичим туз куйгандай ачышат.
Мен анда 5-класс болчумун. Капысынан апам катуу ооруп калды. Байкуш апамдын аты жаман ооруга кабылганын кайдан билдим. Ошентип, 60 жашында үч баласын эшик алдында күтүп жүрүп, келбес сапарга кетти...

Башынан кандай кыйынчылык өткөрбөсүн, баарына чыдаган – аялзаты. Бул жарыкта эч бир теңдеши жок апаларыбыз дайыма балдарынын, жакындарынын маңдайында бар болушсун. Силерге таазим, урматтуу апалар!

Сүйүн Кулматова
lira@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: