«УУЛУНУН ОРДУНА ОРУСИЯДАН СӨӨГҮ КЕЛДИ»

«Көр тириликтин айынан кырчындай уулдарыбыз чет өлкөгө кетип, кайтпай калып жатат»,- деп кеңсебизге Жолдубай мырза кайрылды. Биз кеп кылчу жигит Эркинбек Жамангулов Нарындан чыккан чыгаан улакчылардын бири болчу. Бул тууралуу Көк бөрү федерациясынын вице-президенти Жолдубай Сүйүнбаев айтып берди.

«ШАМАЛ МЕНЕН ЖАРЫШКАН УЛАКЧЫ ЭЛЕ»
– Эркинбек 19 жашында улуттук ат оюндары боюнча Республикалык 1-спартакиадада көк бөрүдө мыкты оюн жаратып, эл оозуна алынып калган эле. Ат жалында шамалдай ойноп, элге укмуш оюн көрсөткөндөрдүн катарында жүргөн улакчы болчу. Акыркы жолугуп сырдашканда «Орусиядан келгенден кийин айылдын балдарын колдон келишинче көтөрөбүз» деп бир топ жакшы максаттарды пландап коштошконбуз.
Орусиянын Тула шаарына иштегени кеткен. Үйлөнгөнүнө деле эки-үч жылдай болуп калса керек эле. Окуя 2013-жылдын 31-июлунда болгон. Ошол каргашалуу күнү Кыргызстандан Эркинбектин Самат деген тууганы Тулага барып калат. Меймандос, ак жүрөк жаны тууганын коноктомокко жанында иштеген эки кыргыз жигитти ээрчитип, төртөө кафеге барышат. Ошол жерден орус балдар тийишип, ар кайсы сөздөрдү айтышат. Намыстанып биздин төрт бала да сес көрсөтүп, натыйжада чоң жаңжал чыгып кетет. Эркинбекти бири ошол кафенин өрт коопсуздугунан коргоочу щитте тагылып турган темир менен чаап салыптыр. Башынан оор жаракат алган Эркинбек каза табат, ал эми берки балдар да жабыркап, бири ооруканага түшөт.
Эркинбекти өлтүргөн адам азыр абакта, териш­тирүү иштери жүрүп жатат дейт. Эми мөө­нө­түнөн эрте бошоттуруп жибербей, элчиликтин кийлигишүүсү менен Орусиянын тие­ше­лүү органдары өз жазасын берет деген ишеничте турабыз.

«БИР АЗ КҮНДӨ КОЛУКТУСУНА МОСКВАГА КЕТМЕК»
– Колуктусу Толкун да Москва шаарында иштечү. Туладагы жумуштарын бүтүрүп, ал жакта иштеген теңтуштары менен коштошуп, жакында колуктусунун жанына бармак экен. Жок дегенде эле артында туяк калса эмне деп арман кылып жатабыз. Балалуу боло элек болчу.
Канчалаган кыргыз жарандарыбыз кырсык басып, чет өлкөлөрдөн өлүм таап жатышат. Анан калса алардын сөөгүн алып келиш дагы көптөгөн кыйынчылыктарга турат. Бул жерде элчиликтин иш­мер­дүүлүгү өтө чоң мааниге ээ деп эсептейм. Дагы жакшы, Эркинбектин ага-туугандары, достору, теңтуштары бар экен. Бишкектеги бир агасы 40 000 сом жумшады, сөөк алып келүүгө. Андан сырткары бул жактан да балдар 25 000дей каражат топтоп, баш-аягы 65 000 сомдун тегерегиндеги акчага аба каттамы аркылуу алынып келинип, туулган жери Жалгыз-Терек айылына коюлду. Артында эли, теңтуштары, жубайы сыздап кала бердик.
Жалпы эле жаштарга чет жер, бөтөн элде этияттап, артымдагы туугандарымды, мекенимди кайра кайрылып көрсөм экен деген тилек менен абайлап жүргүлөчү дээр элем.

Гүлжан Асанкожоева
naryn@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (46)
azia9393
2013-09-24 00:20:49
чет жерде ботон жерде тыынч эле журсок жаткан жери жайлуу,жаны жаннатан болсун. тууган уругуна сабырдуулук.
0
nurik9090
2013-09-24 04:06:29
жаткан жери жайлуу болсун жердешибиздин,туугандар тынч журойлучу кее бирибиз опкону колго кармап алабыз ичип алып тынч журойлучу.
0
Aruuzat_19
2013-09-24 07:05:48
ээээ туугандар! баарыбыз тиричилик деп журобуз, 50 гр. киргенден кийин калганы да кирет да. анан ушуга окшогон окуялар болуп жатат, анан бул жакта акча табуу оной корунот мекендештерибизге, КРда 5-6 мин сом аран айлык алышса, бул жакта ар 15 кунго акы берип жатса тез эле уйроно калышат, анан кийин эле пиво, аракты иче башташат... баары эстен чыгат, бала-чака, ата-эне, урук-тууган, мекен деген тушунуктор...
0
Aruuzat_19
2013-09-24 07:09:05
Озу бир жылга деп келебиз анан эле бул жактагы орустарга тен келишибиз керек деп чыгабыз, мекенден нени максат кылып келгенибизди эстен чыгарбасак, ушуга окшогон окуялар азыраак болот беле... Ал эми КРдагы чондорубузга, ажобузга кресло менен эле заграницадагы счеттору керек, карапайым элге жалган-жашыкты гана айтышып курсактарын тойгозушуп коюшат...

Сабыр кылыныздар демекчимин маркумдун туугандарына, жаткан жери жайлуу болсун!!!
+3
Aidana91
2013-09-24 10:01:22
Эжемдин 19жаштагы кызынын олугу келди. Россиядан. Жалгыз кыз болчу,уулу да жок.Айтууларына караганда балкондон ыргытылган. Эжем ажырашып кызы экоо эле жашачу.
0
rozka
2013-09-24 13:20:47
Менин кайынагам дагы 8жыл мурун киши колдуу болуп олгон акчабыз жок ар кимден карыз сурап кыйналып зорго алып барганбыз . бироонун элинде журобуз баардыгынар тынч жургуло КУДАЙЫМ КОЛДОСУН БААРЫБЫЗДЫ
+4
kolya121212
2013-09-24 17:54:59
жакшы кылмышкер камакта экен. откондо эле бир баланы инвалид кылган эрнис казакты кое берип иттик кылышпадывы биздин эле менттер.аман болгула.
+3
askat1985
2013-09-25 01:39:14
Тынч эле журолучу кыргыздар коп эле дардандабай
0
Mamalashka_2013
2013-09-26 18:16:44
Жаткан жери жайлуу болсун....ээх балким кафеге барбаганда баары башкача болмок беле....
0
Zhan.Choyubekov
2013-09-27 02:27:22
Жайы жаннатта болсун,калган өмүрүн бир туугандарына берсин.
0
kristiano
2013-09-27 22:03:21
кудайым ар бирибизди озу сактасын ылайым тууган уруктарына жубайына сабыр берсин
0
jiku_83
2013-09-28 05:30:13
баарыбыз еле чет олкодо жургондор окшойбуз аман бололучу. кундо тиленем кудайдан аман есен уй булоомо жетейинчи деп.
0
Ulan72
2013-09-28 20:16:17
Жаткан жери жайлуу болсун сабыр кылыныздар
0
burusli91
2013-09-28 20:50:35
сабыр кылыныз жатканы жайлуу топурагы торколуу болсун Омин
0
aika-77
2014-05-11 09:20:16
Мекенибизде жакшыраак жумуш болсо айлык акы жакшы болсо ушинтип ботон эл ботон жерде кор болот белек....Менде Россияда иштейм мекенге болгон кусалык кун санап кучоп барат айла жок.....
0
№ 568, 20-сентябрь-26-сентябрь, 2013-ж
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА