Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АБАЙЛАҢЫЗ, КОМПЬЮТЕР ВРАЧ ЭМЕС!

№569 27-сентябрь-03-октябрь, 2013-ж


«Томография», «Компьютердик дарт аныктоо», «Адамдын бардык органдарын 1500 сомго текшерип беребиз». Учурда ушул сыяктуу баракчалар ар бир көчөдө, жадакалса коомдук транспорттордун ичинде да чапталып турганын көрүүгө болот. Карапайым калктын далайы мындай жарнактардын курмандыгы болуп келет.

«БИЗДИ АЛДАП КОЮШТУ»
Кеңсебизге баш баккан НУРГҮЛ АСЫЛБЕКОВА (аты-жөнү өзгөртүлдү) аттуу окурманыбыз кандайча алдамчылардын кылтагына илинип калганын төмөнкүдөй баяндады:
– Үстүбүздөгү жылдын июнь айында күйөөм экөөбүз Бишкек шаарындагы Сүйүмбаев жана Токтогул көчөлөрүнүн кесилишинде жайгашкан менчик клиникага кайрылдык.Клиника деп айтылганы менен, ал жерде 2 гана айым иштейт экен. 1 сааттын ичинде компьютерден текшерип, экөөбүзгө тең «ашказаныңар ооруйт» деп жыйынтык чыгарып беришти. Анан күйөөмө 10 миң сомго, мага 8 миң сомго бир компаниянын дарыларынан жазып беришти.
Мындан тышкары өздөрүндө атайын ысык суу бар экен. Ага 3 ирет түшүү керек дешти. Ысык сууга бир жолу түшүү акысы – 800 сом. Күйөөм экөөбүз алардын айтканы боюнча ысык сууга түшүп, дарыларын сатып алып ичтик. Бирок эч кандай жыйынтык чыкпаганынан 1 айдан соң кайра барсак, көчүп кетишиптир.

«ЖҮРӨГҮҢ ООРУЙТ»
Каарманыбыздын сөзүнөн кийин ГҮЛҮМКАН аттуу таанышым айтканды эстедим. Ал төмөнкүлөрдү айтып берген эле:
– 2007-жылы иш издеп жүргөм. Таанышым «Бир жерде жакшы жумуш бар экен, барып көрбөйсүңбү» деп калды. Айткан дарекке барсам мени орто жаштагы аял тосуп алды. Анан иштөө эрежелери менен тааныштырды. Анын айтуусу боюнча, мен компьютерде отуруп, медициналык билимим жок болсо да келген кардарларга «врачмын» деп айтып, билбесем деле аларга диагноз коюп, бир компаниянын дарыларын сатышым керек экен. Өзү «барып кардар таап келем» деп кетип, бир кезде Казакстандан келген бир аялды ээрчитип келди. Аны компьютерден текшеримиш болуп, «жүрөгүң ооруйт» экен десе, кардар аял ишенип калды. Анан ошол жерден жазып берген дарыларды сатып алды. Берки эже заматта анын 4-5 миң сомун алдап алып койгонун көрүп өзүмчө жаман болдум. «Иштебейм» деп кетип калгам.

«КОМПЬЮТЕРГЕ ЭМЕС, ВРАЧКА ИШЕНГИЛЕ»
Жогорудагы сөздөрдөн кийин менчик медициналык ишканалардын ишмердүүлүгүн иликтеп көрүүнү чечтик. Алгач Улуттук госпиталдын башкы дарыгеринин орун басары БАКЫТ ТӨЛӨГӨНОВГО кайрылдык:
– Биз Ысык-Көлдөгү бир айылга барсак, ооруканада «Томография – 1500 сом» деп илинип турат. Кандай, эмне болгон томография экендиги жазылган эмес. Сураштырсак, ал жакка көп киши текшерилет экен. Карапайым адам үчүн 1500 сом чоң акча. Чындыгында, бул накта шарлатандык. Бир заматта эле бардык органыңды текшерип, «бул жериң ооруйт» деп таап коё турган аппарат жок. Компьютердик текшерүү эч качан диагноз коё албайт, ал жөн гана врачка дартты аныктоого жардам берет, диагнозду врач коёт. Алардын чыгарган диагнозун көрсөңүз жүрөк түшөт. Бирөөнүкүн көрсөм, боор, өт, ашказан, иши кылып бардык органдарын эле ооруйт деп чиймелей бериптир. Ал диагнозду Саламаттыкты сактоо министрлигине «текшерип бергиле, көзөмөлдөйлү» деп өткөргөм. Андай болсо ооруканаларды жаап, врачтардын деле кереги жок болуп калбайбы. Ошондуктан жанагы жайнаган жарыялардын көпчүлүгү жалган.
Биз деле компьютерден текшерүүгө бейтаптарды жиберебиз. Компьютердик текшерүүгө эгерде врач жиберсе гана барып текшерүүдөн өтүш керек. Элдин жаңылганы, компьютерден текшерилгенди дарылануу катары көрүшөт. Арасында көптөн бери иштеп келген жакшы менчик клиникалар деле бар деңизчи, бирок алдамчылык менен акча тапкан менчик клиникалар көп.

«СҮФ! КЕЛЕ АКЧА!»
Миң уккандан бир көргөн артык эмеспи. Шаар ичиндеги бак-даракка чапталган «Томография, 1500 сомго адамдын бардык органын текшерип беребиз» деген жайнаган жарыянын бириндеги номерге чалып көрдүк. Телефонго айым жооп берип, Чүй-Панфилов көчөлөрүндөгү мурунку «Бейиш» элдик медициналык борборунун 3-кабатында жайгашкан иш бөлмөсүнө чакырды.
Барсак, кенен бөлмөдө орто жашап калган 2 аял отурат. Биринин алдында кадимки ноутбук, кулагында тыңшагыч менен музыка угуп жаткан экен. Бизди көрө сала жанына отургузду. Анан текшерилмекчи болгон кесиптешиме биз келгенде өзү музыка угуп отурган тыңшагычты кийгизип коюп, ар кайсы суроону жаадыра баштады. Бизде жашыруун камера менен диктофон иштеп жатты. Улам «бул жериң ооруйбу?» деп сурап коёт. «Жок» десе «аа» деп коюп, кайра ноутбугуна үңүлөт. Улам экөө эки жактан тибеттик бир компаниянын дарыларын, буюмдарын айтып, «ошондон ичсең, кийсең, колдонсоң жакшы болуп кетесиң» деп жатышты. Акырында алар кесиптешимди «таза» деп жыйынтык чыгарышты да, 1500 сом алышты. Төлөнгөн акча үчүн квитанция, томографтын өзү кайда? Жообу оңой эле, алар жок болчу. Ал эми бизди «текшерген» айымдын медициналык билими бар экенин бир Кудай билет... Эгер кардар «оорудум» деп келсе оорукчан, «эч жерим оорубайт» деп келсе таза кылып жыйынтык чыгарып бере беришет тура деген ойдо калдым.
Андан соң «Ош базарындагы» соода борборлордун биринин жер төлөсүндө жайгашкан «УЗИ» деп жазылып турган кичинекей бөлмөгө кезек күтүп отуруп баш бактык. Ал жерге 2 кесиптешим кирип текшерилди. Ак халатчан эжекебиз 15 мүнөткө жетпей биринен 150 сом, экинчисинен 350 сом алып жолго салды. Баарынан кызыгы, «бөйрөгүм ооруйт» деп бөйрөк тушун көрсөтүп кирген кесиптешиме «ал жер ашказан» деп текшербестен дароо кандайдыр бир дарыларды жазып бере салды. А УЗИден ашказан ооруйт экенин ал кантип билди?

«АШЫКЧА ДАРЫ ЖАЗА БЕРИШЕТ»
Чыккан соң жыйынтыгын салыштырып көрмөкчү болуп Улуттук госпиталдын УЗИсине түштүк. Ал жерден бир кишини текшерүү үчүн жок дегенде 15-20 мүнөт сарпталарын, УЗИге түшкөн соң сөзсүз кан, заара сыяктуу анализдерди да тапшырыш керек экендигин билдик. Акырында эки тараптын УЗИсинин жыйынтыктарын көтөрүп алып Улуттук госпиталдын терапевт дарыгери ЖЫПАРА АКМАТОВАГА бардык:
– Эки УЗИнин тең жыйынтыктарын карап чыктым. Менчик УЗИде жазган жыйынтык боюнча, биринчи бейтапка «өтүнө суук тийген, бооруна таасир эткен, кан басымы төмөн» деп жүрөт. Текшерсем, боору таза экен. Өтү да жакшы. Ал эми кан басымы чын эле төмөн. Анан ашыкча эле дарыларды жазып коюптур. Менин оюмча, муну 2 дары менен эле айыктырса болот. Ал эми экинчи бейтап (экинчи кесиптешим) тууралуу айтсам, бардык органдары таза. Ашказанын болсо түтүк салып текшермейинче «ооруйт» же «оорубайт» деп айтуу мүмкүн эмес.


«МЫНДАН АРЫ КӨЗӨМӨЛДҮ КҮЧӨТӨБҮЗ»
Мамлекеттик ооруканаларда орун жоктугу, айрым бир дарыгерлердин орой мамилеси, шалаакылыгы менчик клиникалардын көбөйүшүнө алып келип жатабы? Менчик клиникалардын лицензиясы барбы? Аларды ким көзөмөлгө алат? Ушул сыяктуу суроолорубузга Саламаттыкты сактоо министринин орун басары, КРнын башкы санитардык врачы КУБАНЫЧБЕК ЧОЙБЕКОВ жооп берди:
– Жеке менчик клиникалар Бишкек жана Ош шаарында көп. Иликтеп көрсөк, 2012-жылдын аягына чейин орто эсеп менен 4800гө чукул жеке менчик клиникалар, медициналык бөлмөлөр лицензия алышыптыр. Лицензиясы жок иштеп жаткандары мындан да көп болушу мүмкүн. Жакында эле Бишкек шаардык санитардык-эпидемиялык көзөмөл уюму, Ооруларды алдын ала көзөмөлдөө департаменти жана Саламаттыкты сактоо министрлигинин Лицензия берүү бөлүмүнүн кызматкерлери менен биргеликте комиссия түзүп, шаардын базарларында канча менчик медициналык ишкана бар экенин, алар мыйзамдуу иштеп жатабы деп текшердик. Бир эле мисал, «Ош базарынын» ичиндеги соода борборлордун жер төлөлөрүнөн эле 44 менчик медициналык ишкана текшерилип, анын үчөөнүн гана лицензиясы бар болуп чыкты.
Ал эми 1-2-кабаттарында алтоонун гана лицензиясы бар, 35инин лицензиясы жок экен. Чынын айтканда, текшерип жатып өзүбүздүн жүрөгүбүз түштү. Элестетсеңиздер, бир УЗИ бөлмө бар экен, ал жерде кардарын текшерип жатат. Жанындагы бөлмөдө ортосуна кичинекей эле тосмо коюп алып акушер-гинеколог аборт кылып жатат. Андай шартта, тар бөлмөдө кантип иштеп жатышат? Кардарынан ошол учурда көп кан кетип өлүп калса эмне болот? Ошондуктан азыр иликтөө жүргүзүп жатабыз. Убагында ушундай мыйзамсыз иштерге барып, иштөөгө уруксат берген кызматкерлерди аныктап, аларды жоопко тартышыбыз керек. Анан мындай көрүнүштөр дагы кайталанбаш үчүн көзөмөлдөп турушубуз кажет.

Албетте, ден соолугу үчүн эч ким акчасын аябайт эмеспи. Бирок акчаны жөн гана ак халат кийген актёрдук чеберчилиги күчтүү алдамчылардын колуна карматып жиберип же акчадан, же ден соолуктан жок ортодо калууну каалабасаңыз, анда сак болуңуз.

Асхат Субанбеков
koom@super.kg



Абайлаңыз, компьютер врач эмес!

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(17)
30.09.2013. 09:15 
Тайпасы:
Кыймылы жок
Комментарийлердин саны:
583
Катталган:
16-05-2011
Соӊку аракети:
06-09-2016 10:59
Жынысы:
Белгисиз
Калаасы:
Бишкек
0
кудай сактай кор коркуп калдым ай оо кудай сактай кор
30.09.2013. 13:40 
Тайпасы:
Кыймылы жок
Комментарийлердин саны:
3
Катталган:
07-09-2013
Соӊку аракети:
13-01-2014 12:54
Жынысы:
Белгисиз
0
Чындыгында эле ошондой. Азыр аябай кобойуп кеткен. Мен да мындан он жыл мурун ошондойлорго кабыла кала жаздагам.
Super TV
30.09.2013. 15:42 
Тайпасы:
Тартип бузгандар
Комментарийлердин саны:
383
Катталган:
24-08-2011
Соӊку аракети:
28-04-2014 16:59
Жынысы:
Белгисиз
0
Давление А/Д 60-95 томон дейт ал туура эмес деп ойлойм.Анткени ар бир адамдын озунун норм давлениеси болот.Мисалы меники А/Д 60-90 мен озуму прекрасно сезип журом,эгер меники идеальный 80 на 120 болсо менин давлением которулуп кеткен болот.
30.09.2013. 17:32 
Тайпасы:
Кыймылы жок
Комментарийлердин саны:
28
Катталган:
19-02-2013
Соӊку аракети:
15-03-2014 05:22
Жынысы:
Белгисиз
0
ой Кыргызстанда ден соолук менен ойногон оюнчук еле болуп калды.Жайында тишимди дарылатмак учун Бишкектен стоматолог караштырсам Ош базарында еми айтбай еле койсом болот.Эч санапистансия деген карабайт,сасыган жытынан еле качтым.Ошентип Ысык-Колдон Кызыл -Суудан жасаттым,гече еле окууну буткон жар жаш балдар иштейт екен.Укол сайганды да билишбейт под кожа сайганбы озу да билбейт уйго гелсем тандайым шишип гуйуп калыпыр ооруганынан Бишкеке 2-стом-о барсам врач еже жардамын аяабай ренгенге
02.10.2013. 16:02 
Тайпасы:
Жаран
Комментарийлердин саны:
388
Катталган:
25-09-2012
Соӊку аракети:
18-09-2018 18:59
Жынысы:
Белгисиз
0
Bahar, санапистанция эмес САНЭПИДЕМСТАНЦИЯ туугандар бир аз катасыз жазганга аракет кылалычы.
30.09.2013. 17:46 
Тайпасы:
Кыймылы жок
Комментарийлердин саны:
28
Катталган:
19-02-2013
Соӊку аракети:
15-03-2014 05:22
Жынысы:
Белгисиз
0
тартып дары жазып аран 1 ай дегенде айыкты.Ошондон кийин врачтарды билип калдым .Бир жолу да диагнозтикага барсам ешиктен 1 айал алдап баардык жеринди текшеребиз деп апарып жон еле ноут бук менен карап акчамды алып дары да жазып берген.Анын резултатын врачка апарсам жаратбай койгон ал аферис деп.Ушундай жалган медиктерди текшере горгулооооо...
30.09.2013. 17:59 
Тайпасы:
Тартип бузгандар
Комментарийлердин саны:
40
Катталган:
05-05-2013
Соӊку аракети:
07-06-2014 04:28
Жынысы:
Белгисиз
Калаасы:
Россия):(
0
MоСКквада клиникалар кудум эле ушундай
Super TV
30.09.2013. 18:15 
Тайпасы:
Жаран
Комментарийлердин саны:
3
Катталган:
14-01-2013
Соӊку аракети:
09-08-2018 12:25
Жынысы:
Белгисиз
0
Берекетин подвалына тушсонуздор коросуздор медиктерди .
30.09.2013. 18:33 
Тайпасы:
Кыймылы жок
Комментарийлердин саны:
186
Катталган:
23-10-2012
Соӊку аракети:
15-07-2015 16:21
Жынысы:
Белгисиз
Калаасы:
Ош
0
эмнеге ушундай илинген рекламалардын адреси боенча барып текшерип жаптырышпайт,баары башынан сасышкандар....
30.09.2013. 21:59 
Тайпасы:
Жаран
Комментарийлердин саны:
94
Катталган:
07-08-2013
Соӊку аракети:
16-11-2018 08:52
Жынысы:
Белгисиз
+1
Асхат азамат. Ар дайым актуалдуу элге керектуу кызыктуу маалымат жазат. Ийгилик сага.
01.10.2013. 01:25 
Тайпасы:
Тартип бузгандар
Комментарийлердин саны:
114
Катталган:
27-03-2013
Соӊку аракети:
24-03-2014 18:04
Жынысы:
Белгисиз
Калаасы:
Суперстан!
0
Жакшы маалымат.
01.10.2013. 11:52 
Тайпасы:
Тартип бузгандар
Комментарийлердин саны:
158
Катталган:
29-08-2011
Соӊку аракети:
18-03-2014 23:53
Жынысы:
Белгисиз
Калаасы:
Кара Кулжа Октябрь
0
Ошон үчүн мамлекеттик ооруканаларга текшерилгиле, бирок ал жака да "акча" беришке туура келет
01.10.2013. 12:24 
Тайпасы:
Жаран
Комментарийлердин саны:
188
Катталган:
27-04-2012
Соӊку аракети:
15-11-2018 19:55
Жынысы:
Белгисиз
0
Мамлекеттик ооруканаларга жолдомо кагаз аркылуу текшерилсен баасы жеке клиникаларга салыштырмалуу бир топ эле арзан болот.
01.10.2013. 14:53 
Тайпасы:
Жаран
Комментарийлердин саны:
155
Катталган:
01-07-2009
Соӊку аракети:
27-07-2018 14:39
Жынысы:
Белгисиз
0
Азыр Бишкекте кайда барба, томография 1500 сом деп илинип турат. Жадакалса маршруткаларга да жарнама берип салышкан. Адамдын өмүрү менен ойногондон коркпогон врач аттууларга наалат!
02.10.2013. 10:42 
Тайпасы:
Тартип бузгандар
Комментарийлердин саны:
350
Катталган:
17-11-2010
Соӊку аракети:
11-02-2014 11:16
Жынысы:
Белгисиз
Калаасы:
Ош
0
Оштогу обл.больницадагы EPOKA деген туура эле чыгарат болду бекен аа? Мен УЗИге тушум эле да
02.10.2013. 16:48 
Тайпасы:
Жылдыз
Комментарийлердин саны:
80
Катталган:
20-12-2012
Соӊку аракети:
16-07-2017 16:36
Жынысы:
Белгисиз
Калаасы:
Кыргызстан
+1
Сонун макала,браво.Билип алдык :) .
03.10.2013. 15:58 
Тайпасы:
Кыймылы жок
Комментарийлердин саны:
117
Катталган:
20-05-2013
Соӊку аракети:
02-09-2014 16:16
Жынысы:
Белгисиз
+1
азамат суперчилер!жакшы маалымат!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: