КАДАМЖАЙДА ЧЕК АРА ПОСТТОР АЧЫЛДЫ

Баткен облусунун Кадамжай жана Пүлгөн калктуу конуштарынын 40-50дөй жашоочусу акцияга чыгышты. Алар өзбек тараптан коюлган транзиттик трассадагы «Япаги» көзөмөл-бажы постун, ошондой эле «Вуадиль автожолу», «Кадамжай автожолу» көзөмөл-каттоо пункттарында жабылган чек ара жана бажы көзөмөлдөрүн ачуу талабын коюп, Пүлгөн-Кадамжай автотрассасын жаап салышты. Эл чогулган жерде укук коргоо органдары жана жергиликтүү бийлик өкүлдөрү калкка түшүндүрүү иштерин жүргүзүштү.
24-сентябрь күнү КРнын чек ара ведомствосунун жетекчиси, полковник Курманакун Матенов менен Өзбекстандын улуттук коопсуздук кызматынын чек ара аскерлеринин колбашчысы полковник Рустам Эминжановдун сүйлөшүүлөрүнүн натыйжасында өзбек тараптан коюлган «Япаги» көзөмөл-бажы посту жана «Вуадиль автожолу» көзөмөл-каттоо посту ачылды.

Бегайым Тажибай кызы
batken@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 569, 27-сентябрь-03-октябрь, 2013-ж