Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МЕКТЕП ФОНДУНА ЧОГУЛТУЛГАН АКЧА КАЙДА КЕТЕТ?

№570 04-октябрь-10-октябрь, 2013-ж


«Апа, класс жетекчибиз фонддун акчасын сурап жатат». Бул сөздөн баласы мектепте окуган шаардык ата-энелердин кулагы жедеп бүткөн. Ошол мектептердеги фондго чогулган акчанын кайда жумшаларын иликтеп көрдүк.

ФОНД ТУУРАЛУУ
Ата-энелер фонду – мектептин жеңилин жерден, оорун колдон алуу максатында ата-энелер тарабынан түзүлөт. Бирок бул ар бир ата-энеге милдеттүү түрдө эмес. Фондго шарты бар, өз ыктыяры менен гана ата-энелер акча берсе болот. Тилекке каршы, Бишкектеги көпчүлүк мектептерде директорлор, мугалимдер, ата-энелер кеңешинин башчылары атасынан калган карыздан бетер окуучулардан «Качан бересиң?» деп классташтарынын көзүнчө сурап, анын ата-энесине чейин чалып доолаган учурлар кездешет. Бул биринчи кезекте ошол окуучуга классташтарынын арасында моралдык зыян алып келиши толук мүмкүн. Ал окуучу досторунун алдында уялып, басынат. Экинчи кезекте социалдык абалга бөлүнүүгө алып келет. Кээ бир ата-энеге белгиленген суммадагы акча аз, ал эми ошол эле сумма айрым үй-бүлөлөр үчүн көп болушу мүмкүн. Медалдын экинчи жагын карасак, ата-энелер жардам бербей койсо, мектепти оңдоп-түзөөгө өкмөттөн бөлүнгөн каражат суусаганда эриниңди жалангандай эле болуп калбайбы?..

«ФОНДГО АКЧА БЕРҮҮГӨ ЧАМАБЫЗ ЖОК»
Каарманыбыз КАЙЫРГҮЛ (аты-жөнү өзгөртүлдү) ата-энелер фонду тууралуу буларга токтолду:
– 5 бир тууганбыз. Менден кийинки 3 бир тууганым Бишкек шаарындагы №83-мектепте окуйт. Жаңы окуу жылы башталганда алардын ар бирине класс жетекчилери «Жылына 2 миң сомдон ата-энелер фондуна төлөш керек» дешти. Ал сумманы төлөө биз үчүн оор, 2 миң сом биздин үй-бүлө үчүн чоң акча. Анткени мен өзүм келишимдик негизде 20 миң сом төлөп колледжде окуйм. Мындан тышкары баарыбыздын күнүмдүк чыгымдарыбыз (жол кире, окуу куралдары, кийим жана башкалар) да бир топ сумманы түзөт. Класстык фондго өзүнчө 250 сомдон төлөп, көп китептерди да өзүбүз сатып алабыз.
Шартыбыз туура келбей жаткандыгын түшүндүрсөк, бир класс жетекчи гана жеңилдетип, «мейли, 1000 сом бергиле» деди. Ошондо үчөөнө жалпы 5 миң сом төлөөбүз керек. Ата-энелер чогулушунда «Мектепти күзөткөн балдарга, пол жуугандарга, андан тышкары классты оңдоого акча бериш керек» деп көпчүлүк макул болуп коюшту. Мектепти деле кыйратып оңдошкон жок, жөн гана класстын ичин сырдап коюшат. Анан ата-энелерден акчаны кадимкидей талап кылышат. Негизи, оңдоого мамлекеттин бюджетинен акча бөлүнөт да.

«АКЧАНЫ АТА-ЭНЕЛЕР КӨЗӨМӨЛДӨЙТ»
Каарманыбыздын бул сөзүнөн кийин Бишкек шаарынын №83-орто мектебине барып, директору СУЛТАН КАЛЫГУЛОВДОН жооп алдык
:
– Мектепти оңдоого жылына бюджеттен 120 миң сом бөлүнөт. Ага болгону 4 класска линолеум, сыр алабыз. Мындан тышкары 1-кабаттан 3-кабатка чейин оңдой турган, сырдай турган класстар толтура. Анан айла жок ата-энелердин жардамына таянабыз. Эми алардан кандай жардам? Мисалы, бул сырды өкмөт берди дейли. Аны сырдаганга да киши керек. Билесиңер, жумушту эч ким бекер жасабайт. Ата-энелер кеңеши өздөрүнчө акылдашып акча чогултушат да, бирөөнү жалдап оңдотушат. Ата-энелердин жыйналышында канча жолу «Акча бербей эле өзүңөр келип 1 күн жардам берип койгула» деп айттым, болушпайт.
Фондго ата-энелер өз ыктыяры менен гана акча беришет. Биз аларды мажбурлабайбыз, алардан сурайбыз. Сурабасаң эч ким жардам бербейт. Биздин мектепте 1474 окуучу окуйт. Былтыр ошонун ичинен 400 гана баланын ата-энеси мектепке жардам берген. Ал акчага биз спорт залды, жыйындар залын жана кээ бир класстарды баштан аяк оңдоодон өткөрдүк. Мектепке видеобайкоочу камера орноттук. Андан тышкары күзөтчү, пол жуугучтарга айлык төлөнөт. Ата-энелердин арасында өзүнчө комиссия түзүлүп, алар чогулган акча кайда кетип жатканын көзөмөлдөп турат. Биз акчаны мектептин эмнесине керек болсо арыз жазып, банк аркылуу гана алардын уруксаты менен алабыз.

«ЭЧ КИМДИ МАЖБУРЛАБАЙБЫЗ»
Ал эми аталган мектептин жалпы ата-энелер кеңешинин төрагасы БЕКБОЛОТ ӨМҮРГАЗИЕВ төмөнкүлөрдү билдирди:
– Өзүңүздөр билесиздер, мектептин акыбалы начар, өкмөттүн казынасында акча жок. Анан жалпы ата-энелер жыйналыш өткөрүп, мектепке жардам берүүнү чечкенбиз. Ата-энелер өз каалоолору менен акча беришет. Эч кимди мажбурлабайбыз. «Мынчадан чогулталы» деп ар бир класстын ата-энелери өздөрү чечишет да, 100-150 сомдон айына чогултуп беришет. Кээ бир кыйналган, көп балалуу ата-энелер деле бар. Аларды кыйнабайбыз. Айына 30-50 сомдон беришсе деле болот. Эч ким «мынча беришиң керек» деп кыйнабайт.


«МУГАЛИМ ОКУУЧУДАН АКЧА СУРАБАШ КЕРЕК»
Ата-энелер фонду тууралуу Билим берүү жана илим министрлиги эмне дейт? Бул суроого аталган министрликтин Мектепке чейинки, мектептик жана мектептен тышкаркы билим берүү башкармалыгынын жетектөөчү адиси ГҮЛШАН АБДЫЛДАЕВА жооп берди:
– Мугалимдердин айлыгына, жарыкка, сууга жана мектепти оңдоого ар бир мектепке балдардын санына жараша өкмөттөн акча берилет. Анан мектепке жардам берем десе, ал ата-эненин өз каалоосу. Бирок мектептин директору болобу, мугалими болобу «ай сайын мынчадан чогулткула» деп бааны коюуга укугу жок. Класс жетекчи окуучудан акча сураса бул – мыйзамды, балдардын укугун бузуу. Эгер бизге ата-энелерден ошондой арыздар түшсө, анда ошол мектептин мугалимине, директоруна прокуратура менен биргеликте чара колдонуп, жоопкерчиликке тартабыз. Ата-эне «мектепке 5 сом жардам кылайын» же «таптакыр бере албайм» десе да өзүнүн укугу. Биздин мыйзам боюнча, окутуу – бекер! Кээ бир ата-энелер кеңешинин төрагалары бар, өздөрүнүн кызыкчылыгын көздөп, «акча таба коёюн» деп мектептин директору менен сүйлөшүп алышып, башка ата-энелерди да мажбурлашат.
Азыркы учурда биздин ведомство ИИМ менен биргеликте ошондой мектептерге чара көрүп жатат. Эгер өз каалоолору менен чогултуп калышса, анда окуучулардан фонддун акчасын мугалим чогултпаш керек. Аны ата-энелер кеңешинин мүчөлөрү чогултат. Айрым ата-энелер айылдан же башка жактан көчүп келишет эмеспи. Алардын каттоосу жок да. Анан жаңы көчүп келген жеринен балдарын мектепке бергенде «каттообуз бул жакта эмес, балдарыбызды мектептен чыгарып салбасын» деп коркушуп, мугалим сураган акчасын кармата беришет. Айтарым, ал аймакта каттоосу жок болсо да, окуучу өзү каалаган мектепте билим алууга укугу бар. Эч бир мугалим каттоосу жок деп окуучуну мектептен чыгара албайт.

Биз бир гана мектептеги ата-энелер фонду тууралуу жаздык. Мындан тышкары баланы мектепке киргизүү үчүн шаардын борборунда жайгашкан, өздөрүн «элита» санап алган мектеп-гимназиялар 30-40 миң сомго чейин «фондго» төлөп коюуну талап кылары айтылып келет.
Эгерде баласын мектепке бере албай кыйналган ата-энелер болсо, редакциябызга кайрылсаңыздар болот.

«Супердин» сурак бурчу
АТА-ЭНЕЛЕР ФОНДУНА ЧОГУЛТУЛГАН АКЧА КАЙДА ЖУМШАЛАРЫН БИЛЕСИЗБИ?

Алмазбек Сагынбеков:
– Мектепке акча чогултуу балдарыбыз үчүн го, макул болобуз да. Менин 4 балам мектепте окуйт, ай сайын ата-энелер фондуна ар бирине 300 сомго чейин беребиз. Мектепти оңдоо, андан тышкары класска тиешелүү ар кандай буюмдарды алыш керек. Анын бардыгын камсыздоого өкмөттүн акчасы жетпейт да.

Фиделбек Усупов:
– Балам окуган мектепте ата-энелер фондуна акча сурашпайт. Болгону 1-класска барганда ата-энелер өз ыктыяры менен 2000 сомдон чогултуп мектепке жардам бергенбиз. Андан тышкары ай сайын күзөтчүгө деп 200 сомдун тегерегинде акча беребиз.

Гүлдар Акматова:
– Жок, билбейм. Ата-энелер фондуна дешип мектептен айына 200-300 сомдун тегерегинде акча сурашат. Сураганын берип коёбуз. Анан аны кайсы жакка жумшашат, эмне сатып алышат кызыгып деле сурап көрбөптүрмүн.

Камчыбек Тагаев:
– Билишимче, мугалимдер окуу куралдары жетишпегендиктен ата-энелерден жардам сурап жаманатты болот. Кызым мектепте окуйт. Мурда №1-гимназияда окучу. Айына 300 сомдон берчүбүз. Быйыл №66-гимназияга котордум эле, азырынча акча сураша элек.

Гүлпари Батыркулова:
– Неберем мектепте окуйт. Уулума бербей өзүм багып алгам. Ага фондго деп 150 сом, эжекесинин туулган күнүнө 280 сом төлөдүм. Андан кийин дагы 280 сом терезеге деп алышты. Фонддун акчасы кайда кетип жатканына түшүнбөйм. Ал акчаны табыш бизге кыйын, өзүм болгону 2800 сом пенсия алам.

Бакыт Мукашев:
– Айына ата-энелер фондуна 150 сомдон төлөйбүз. Бул сумма балдарыбыз үчүн эч нерсе эмес. Ал акча мектепке керектүү буюмдарды алууга жумшалат да. Мисалы, класска бор, сыр, парда сыяктуу керектүү буюмдарды алышат.

Асхат Субанбеков
koom@super.kg


Мектеп фондуна чогултулган акча кайда кетет?

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(17)
Super TV
05.10.2013. 12:20 
Тайпасы:
Жаран
Комментарийлердин саны:
64
Катталган:
14-09-2013
Соӊку аракети:
19-09-2018 00:54
Жынысы:
Белгисиз
+1
ммм Бишкекте дейсинер, бизде Караколдо деле акча толойбуз! Шарты жокторду деле кыйнап сурашат, айла жок беришет...
Super TV
05.10.2013. 19:58 
Тайпасы:
Жаран
Комментарийлердин саны:
95
Катталган:
10-06-2011
Соӊку аракети:
08-05-2018 22:40
Жынысы:
Белгисиз
0
мен окуганда 100 дон болчу фонд кийин жоюп таштаган! китепке 30 толочубуз,бирок азыркыга сейин бекер алабыз.
Super TV
05.10.2013. 22:39 
Тайпасы:
Кыймылы жок
Комментарийлердин саны:
225
Катталган:
08-12-2012
Соӊку аракети:
17-09-2014 22:29
Жынысы:
Белгисиз
0
Бул жон гана шылтоо! Мисалы биздин мектептин мугалимдери дайыма проектерди жазышып мектепти евро ремонттон откозушту, бардык класстарга жаны стол, стул, доскалар алынды. Мамлекеттин бюджетсиз эле баары жасалды, ички жасалгасы Бишкектеги коп мектептерге салыштырмалуу ото кооз жана Свердлов рай акимиаттын ичинен таза! эч кимден акча сурабай этпей эле проектердин негизинде жасашты. Окуучулар полду жууганга да, ата-энелер фондуна да эч качан акча жыйнабаган, китептер бекер берилет.
Super TV
05.10.2013. 22:47 
Тайпасы:
Кыймылы жок
Комментарийлердин саны:
225
Катталган:
08-12-2012
Соӊку аракети:
17-09-2014 22:29
Жынысы:
Белгисиз
0
Мектеп директорунан коп нерсе коз каранды! Иштин ыгын билген кишиге кызматты берууго же аны башчы кылууга кесиптештери да аракет кылуусу керек. Лейлек районуна караштуу Кулунду айылындагы В. И. Ленин мектебинин эмгек жамааты кутуу болгону учун мектеп Кыргызстандагы эн кооз мектептердин бири деп эсептеймин, Бул мектепти эн мыкты денгээлге которулуусу учун Турдубаева Анархан жана Искандаров Рахматулла ж.б. мугалимдердин салымы чон! Чындыгында мектеп жана анын ички жасалгасы суктанаарлык!
07.10.2013. 13:31 
Тайпасы:
Кыймылы жок
Комментарийлердин саны:
4
Катталган:
11-10-2011
Соӊку аракети:
18-10-2016 14:22
Жынысы:
Белгисиз
+1
Эч кимди мажбурлашпай директорлор, бирок фондго акча токпогон класс жетекчини тируулой отко сызгыргандай акыбалга жеткизишет. фондго акча толобогон бала класста "чочун" балага айланат. албетте ар кандай писхологиялык чабул башталат, балдар тарабынан биз толоп жасаткан партада эмне отруасын деген сыяктуу. ошон учун мамлекет же расмий уруксат бериш керек фондду милдеттуу турдо, же расмий тыйуу салыш керек фондго акча которгонго.
07.10.2013. 15:40 
Тайпасы:
Жаран
Комментарийлердин саны:
317
Катталган:
21-11-2010
Соӊку аракети:
11-06-2018 00:40
Жынысы:
Белгисиз
Калаасы:
пгт Шамалды-Сай
0
Акчасы барларго берип коюп кутулабыз.Акчасы жокторчу?Мажбурлабайбыз дешет.Каякта мажбур эле суратат.Кароолчусуна,пол жуугучуна да айына ата-эне төлөйт айлыкты.Эми мугалимдер эле калды ата-эне айлык төлөй элек.
07.10.2013. 16:18 
Тайпасы:
Кыймылы жок
Комментарийлердин саны:
46
Катталган:
26-06-2012
Соӊку аракети:
23-02-2014 01:48
Жынысы:
Белгисиз
0
биз окуган убакта пол жууган,королчуга мамлекет толочу, аа азыркы фонду угушум тан калышту эмнеге айна толошу керек ата эне балдарын окутканы учунбу эмне кызык .
07.10.2013. 16:24 
Тайпасы:
Кыймылы жок
Комментарийлердин саны:
46
Катталган:
26-06-2012
Соӊку аракети:
23-02-2014 01:48
Жынысы:
Белгисиз
0
Кана и кайдагы бекер билим алуу акча талап кылышып жатышбайбы мугалимдер.
Super TV
07.10.2013. 21:05 
Тайпасы:
Кыймылы жок
Комментарийлердин саны:
0
Катталган:
20-08-2013
Соӊку аракети:
27-10-2013 23:08
Жынысы:
Белгисиз
0
biz mekteptin koluna emes bankka toloybuz al kanday bolot?
08.10.2013. 05:24 
Тайпасы:
Кыймылы жок
Комментарийлердин саны:
117
Катталган:
20-05-2013
Соӊку аракети:
02-09-2014 16:16
Жынысы:
Белгисиз
0
ушундай жол менен кете берсек, жакшы болбойт аягы!!
08.10.2013. 17:11 
Тайпасы:
Жаран
Комментарийлердин саны:
34
Катталган:
11-08-2013
Соӊку аракети:
18-09-2018 22:57
Жынысы:
Белгисиз
0
Менин балам шаардагы гимназиялардын биринде окуйт. Бир жылда мен 4500-5000 сомдон ашык (кошумча окуу деп коюшкан сентябрь-январь үчүн - 1600 с. же 1800с., пол жууганына, кайтарганына - 500 с., бассейн -500 с; февраль-июнь - дал ушул эле акчалар) акча төлөйм. Мектеп тогуз ай окуса, биз он айга төлөйбүз, мындан тышкары 1000 сом (сөзсүз түрдө)жардам деп төлөнөт, кассага, 500 сом класс фонду, ремонтко 200 сом да алы
08.10.2013. 23:11 
Тайпасы:
Жаран
Комментарийлердин саны:
114
Катталган:
22-02-2011
Соӊку аракети:
27-08-2018 12:42
Жынысы:
Белгисиз
Калаасы:
Бишкек.
0
Бул акча толомдөрдүн баары ыктыярдуу болуш керек.Бизде мажбурлап төлөтүшөт.Мугалим 45 мин.сабак өтүш керек,кайсы маалда акча чогултат? Ким анда сабак өтөт?Мугалимдин милдети сабак өтүү,акча чогултуу эмес.Бизде директорлор баш болуп, мугалимдер төш болуп, функционалдык түздөн-түз милдеттерин унутуп коюшкан.Мектепте иштегендердин ата-энеден акча сураганга акысы жок!
08.10.2013. 23:18 
Тайпасы:
Жаран
Комментарийлердин саны:
114
Катталган:
22-02-2011
Соӊку аракети:
27-08-2018 12:42
Жынысы:
Белгисиз
Калаасы:
Бишкек.
0
2003-жылкы "Билим берүү боюнча" мыйзамда,башка мыйзам, актыларда мугалимдер окуучуларды басмырлап, кадыр-баркына доо кетирип акча сураганга укугу бар деп көрсөткөн эмес.Конституцияда так, даана жазылган.Бала өңүнө,динине,улутуна карабастан акысыз билим алууга укуктуу. Мамлекет ошол кызматтарды акысыз камсыз кылып берет!Ошондуктан, эчкимден коркпогула. Мектепке акча толөбөгүлө!
08.10.2013. 23:47 
Тайпасы:
Жаран
Комментарийлердин саны:
114
Катталган:
22-02-2011
Соӊку аракети:
27-08-2018 12:42
Жынысы:
Белгисиз
Калаасы:
Бишкек.
0
Мектептин жетишпегендерин толуктап берүүгө ата-эне эмес бийлик милдеттүү. Себеби мектеп мамлекеттин эсебинде!Ата-энелер кем карчын 11 жыл бою толуктап жаман үйрөтүп жемкорлукка жол ачып койдук.Бюджеттен бөлүнгөн акчалар кайда? Анын эсебин сураган ким? Коомчулук өзү байкоо салып, мектептин,шааркеңешинин бюджетинин мектеп үчүн деген статьясынын сарпталышын караш керек.
Super TV
09.10.2013. 20:02 
Тайпасы:
Тартип бузгандар
Комментарийлердин саны:
428
Катталган:
15-09-2008
Соӊку аракети:
31-01-2017 11:25
Жынысы:
Белгисиз
Калаасы:
г.Бишкек
0
Ата энелер фондуна ким канча толойт, ал оз эрки дегенге кошулбаймын. Менин карындашым 2012чи жылы Эркиндик/Москва кочосундогу 6чы гимназияга которулганда, директору 20000 сом сураган. Болгондо да фондко толойсунор деген. Ошол фонддон алып алабыз озубуз деген. Биз аны бергенден кийин гана окуганга приказ чыккан. Толобосок чыкмак эмес.. Андан тышкары бир жылдын ичинде анысына мунусуна деп чонтогубузду кагып бутту. Быйыл гана карындашым ЖОЖго отуп, тынчып калдык)
Медиа-портал
01.04.2016. 09:13 
Тайпасы:
Кыймылы жок
Комментарийлердин саны:
4
Катталган:
09-11-2012
Соӊку аракети:
04-07-2016 09:35
Жынысы:
Белгисиз
0
Бул тереңге кирген, чечилбей турган коррупциялык жол. Мектеп директору баш болуп, завучтары төш болуп акча үчүн, аны чогултуш үчүн иштешет. Чыныгы билим берейин деген мугалим 20-30 эле пайызды түзөт.Жогорудагы фактылар далилдеп турат.Ата-энелер комитети деген буга кошумча. Эмнеге гана акча чогултпайт Эсепсиз.Ошо үчүн директорлор Джип, завучтары да кымбат машиналарды айдап жүрүшөт. Мис.№69гимназия.
Медиа-портал
02.04.2016. 04:16 
Тайпасы:
Жаран
Комментарийлердин саны:
22
Катталган:
25-02-2012
Соӊку аракети:
18-09-2017 00:29
Жынысы:
Белгисиз
Калаасы:
bishkek
0
oi tim ele akcha toloboson janindy suurup alyshat. men balamdy 7000 som tolop mektepke kirgizgem,anan ar bir aisaiyn 600som toloim.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: