Ильяз, Медина:«КУДАЙЫМ БАЛА БЕРСЕ ЭЛЕ, КАЛГАНЫН ЭПТЕП КЕТЕБИЗ»
Убакытты бекеринен шар аккан сууга салыштырбайт. Кечээ эле кол кармашып турмуш жолуна аттанган Ильяз Абдыразаков менен жубайы Мединанын уулу Розан 1 жаштан ашып калыптыр. Тун уулунун тушоосун кесип, алар 2-октябрь күнү элге той беришти.
– Саламатсыңарбы, ата-энелик парзыңарды аткаруу кыйынчылык туудурган жокпу? Ильяз: – Саламатчылык, тойго куш келипсиздер! Ооба, ата-энелик милдетти мыкты болбосо да, колдон келишинче аткарып жатабыз. Балалуу болгондо аябай толкунданган элем, азыркы абалым андан да күч. Медина: – Уюштуруу иштери, лимузинде келгенден тарта такка отургузууга чейин менин идеям болду. Балабыз үчүн баарын жасаганга даярбыз.
– Розан силердин тун уулуңар, дагы канча балалуу бололу дейсиңер? М.: – Жараткандын бергенине жараша. Кудайым бала берсе эле, калганын эптеп кетебиз.
– Көпчүлүктү көрсө эле Розан ыйлап жатат, көпчүлүктү көтөрө албайт окшойт? М.: – Жаш бала да баары бир, мынча элдин баары ушул үчүн келгенин түшүнбөй жатпайбы (күлүп). Уйкусу келип калды, анан минтип ыйлап, кыялын көрсөтүп баштады.
Розандын чоң атасы КУБАНЫЧБЕК АБДЫРАЗАКОВ жана чоң энеси УУЛКАН ТЕМИРОВА: – Саламатсыздарбы, небере өзүңдүн балаңдан да таттуу болот дешет. Аны сезип жаткан чыгарсыздар? Кубаныч мырза: – Саламатчылык. Биринчиден, гезитиңерге терең ыраазычылык. Бир сан калтырбай окуган гезитимдин жакшылыгыбызга ар дайым күбө болушу мен үчүн аябай чоң кубаныч. Рахмат силерге. Розан биздин эң улуу неберебиз да, эркелетип жатып эзилип кетебиз. Ар бир кылыгы, сүйлөгөн сөзү бизге кымбат. Уулкан айым: – Башкалар канчалык эркелетпесин, баары бир мени башкача жакшы көрөт. Ыйлап калса да мени көрөр замат кыткылыктап күлүп кирет. Анан ушунун баарын көрүп туруп кантип эзилбейсиң. Апасына да мынчалык тартылбайт же мен көп карагандыктанбы, айтор, мага талпынып калса, ичим жылый түшөт.
– Дайыма небереңиздин жанында жүрсөңүз, алгачкы айткан сөзү да эсиңиздедир? – Биринчи эле «ата» деген сөздү айтты, андан кийин эле «бер, бер» дегенди үйрөндү. Айтор, өзүнүн жанын багыш үчүн керектүү сөздөрдү билет (күлүп).
– Күндө бир кыялын көрсөтүп жатса керек? – Башында кудум Ильяздай токтоо эле. Барган сайын чоң атасына окшоп шоктонуп баратат. Бир орунда туруш деген жок, тыбырчылап эле ары жөрмөлөп, бери жөрмөлөй берет. Бирок басканга келгенде жалкоолугу кармап калат. Бир-эки кадам таштап, анан көтөр деп кирет.
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (55)
Rostov-on-Don
2013-10-09 22:20:56
Розан омурун узун,ден-соолугун чын,ата-энене куйумдуу жигит бол!Розан Иляздын эле копиясы экен.Айпери Кубик кызы сулуу болуп калыптыр.
0
Rostov-on-Don
2013-10-09 22:20:56
Розан омурун узун,ден-соолугун чын,ата-энене куйумдуу жигит бол!Розан Иляздын эле копиясы экен.Айпери Кубик кызы сулуу болуп калыптыр.
0
eliza89
2013-10-10 00:20:06
"Береке"тобунун бийчи кызы Ильязды аз жерден башка чаап алайын деди го.Коруп алып кулуп жибердим)))
0
aktad
2013-10-10 10:45:17
омурун берсин!
0
Gulzada91
2013-10-10 12:38:47
Ии мотурайган бирнерселерди кобурап коёт омурлуу ,атандай атактуу бол!
0
infomit
2013-10-10 15:33:52
негизи жакшы. бирок ушул кантип кыргыздардын салтына туура келсин, ашыкча чыгым. Сыягы, Иляз акчасын кайда коротушту билбей калган го.
0
kama_future_millioner
2013-10-10 16:32:45
Омуру узун болсун ылайым
+1
perfecto
2013-10-11 01:25:48
Абдан ширин бала экен.АЛЛАХ эне-атасынан айырбасын ИНШААЛАХ.
Розанга бактылуу балалык каалайм, омурун узун, акылдуу, кыргыздын сыймыктанган алдарынан болсун!
(АМИН)
+1
arafat.86
2013-10-11 12:23:24
Бактылуу болсун ылайым
0
Positive
2013-10-12 00:10:18
вааауу мазззаагоооуууу мен дагы ушундай уй-булолуу ушундай бала хочууууууууууууууууууу он такой пупсик ммммах семейное счастье вам
0
ladynur
2013-10-13 00:57:37
Ильяздын таланты гана эмес мунозунун жонокойлугу да жагат.Розандын ден соолугу чын болуп омуру узун болсун жана ата энесин сыйлаган, атасындай эл керегине жараган жигиттерден болуп чонойсун!!!
0
ladynur
2013-10-13 00:58:24
Мындай тойлордон дагы коп-коп откоргуло
0
Love_kg
2013-10-13 14:23:18
Апасына да мынчалык тартылбайт же мен көп карагандыктанбы,подчеркнула что она больше за ребенком смотрит ))))))
