Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КЫЛЫМ КАРЫТКАН КАРЫЛАР

№570 04-октябрь-10-октябрь, 2013-ж


Карынын жана наристенин жылмаюусунда жүрөк жылыткан жылуулук бар. Карылардын батасын алуу жагымдуу, атүгүл парз. Андыктан Кыргызстандын 7 дубанын кыдырып кылымды ашкан энелерди Кутман карылардын күнү менен куттуктап батасын алдык. Катаал мезгилдин акылман каармандары менен маек назарыңыздарда.

ЫСЫК-КӨЛ ОБЛУСУ

Зайне Жумакунова:«БИЙЧИ АТАЙ ӨМҮРЗАКОВ МЕНИН ЧӨБӨРӨМ»

    • Туулган жери – Ысык-Көл облусу, Тоң районунун Темир-Канат айылы
    • Балдары – 2 уул, 1 кыз, 18 небере, 48 чөбөрө, 15 кыбырасы бар
    • Учурда 109 жашта

Биз барганыбызда апанын чөбөрөсү үйлөнүп, үйдө той болуп жаткан экен. «Ниетиңер жакшы экен, той үстүнөн чыктыңар» деп жетине албаган Зайне апа башынан өткөн тагдырын баяндап отурду.

– Зайне апа, баскан жолуңузга кызыгып келип калдык...
– 12 бир туугандын кичүүсүмүн. 1916-жылы үркүн убагында эл менен Кытайга үркүп барып, кайра кайтып келгенбиз. Кулакка тартуу башталып, атам менен энем айдалып кетти. Айылдагы мектептен 2-классты аяктап, андан ары окубай калдык. Себеби «кулак баскан жерди баспагыла» деп балдар бизден качышчу. Кийим-кечебиз жок, эптеп курсак тойгузабыз. Кулакка айдалган атам каза болуп, эки жылдан кийин энем келди.

– Канча жашыңызда турмушка чыктыңыз?
– Мен бешикте жаткан кезимде атамдар кудалашып коюшкан экен. 14 жашымда өзүм менен тең адамга турмушка чыктым. Кайненем жетелеп жүрүп баарын үйрөттү. Уй саап, казанга нан жапкандан жүдөп жүрүп кийин сонун эле оокат кылып кеттим. Балалуу болгондон кийин кожоюнумду аскерге алып кетип калышты. Андан соң фронтко кетти. Ал кезде кайнатам да, кайненем да оорулуу, балдар кичине болчу. Күндүз жайдак атка секирип минип кой кайтарып, кечкисин кир жууп, отун алчумун. 1943-жылы кожоюнум согуштан курман болду деген кара кагаз келди. Ошентип жесир калдым.

– Канча балаңыз бар?
– Эки уул, бир кыз төрөдүм. Эки балам каза болуп калды. Кызым 74 жашта. Учурда 18 небере, 48 чөбөрө, 15 кыбырам бар. 109 жашка келсем да бардык чөбөрөлөрүмдүн аттарын, туулган күндөрүн жазбай билем. Бийчи Атай Өмүрзаков чөбөрөм. Сыналгыдан бийлеп чыкканда көзүмө жаш алып, кыймылдабай отуруп көрөм.

– Узак жашоонун сыры барбы?
– Эртең менен эрте турам. Ушуга чейин ооруканага жатып, дары ичкен эмесмин.Адамдын өмүрү ар бир кыймыл менен байланыштуу. "Көп кыймылдасаң ден соолукка пайда" деген туура окшойт. Үйдө отуруп калганыма аз эле болду. Былтыр эле өзүм чөп оруп келип, эрикпей майда кылып туурап, анан жөжөлөргө берчүмүн. Бош отура албай, жок дегенде тоок багайын дечүмүн.

ОШ ОБЛУСУ

Сайнек Кулназарова:«МЕН КӨРБӨГӨН КҮН КАЛБАДЫ»

    • Туулган жери – Алай району, Таргалак айылы
    • Балдары – 2 уул, 3 кызы, 32 небере, 58 чөбөрө, 20 кыбырасы бар
    • Учурда 108 жашта

– Сайнек апа, майрамыңыз менен! Сизди куттуктап келдик.
– Рахмат, айланайын, атайын келипсиңер.

– Жаш кезиңизди кандай өткөрдүңүз?
– Ээ, айланайын, биздин күнүбүздү ит да көрбөсүн. Кайры деген теңтушум бар болчу, жаш кезинде эле көзү өтүп кетти. Экөөбүз бутубузга эчкинин терисинен байпак кийип алып, төөнүн көзүндөй нан менен кенедей айран алып өгүз кайтарганы Алайдын Сопу-Коргонундагы Кара-Талаа деген адырга кетчүбүз. Өтүк деген нерсе болгон эмес. Эс алып отуруп, «Кудай бизди неге жасады экен, жасабай эле койбойбу» деп ыйлачубуз. Нандарыбызды сууга алпарып алып айран менен аралаштырып жутуп, ыйлап-ыйлап кош айдайт элек. Азыркы заман – жыргал заман, кызым.

– Канча баланы тарбияладыңыз?
– 2 уул, 3 кызым бар. Чоң уулумду 1932-жылы төрөгөм. Балдар жаш кезинде, 1969-жылы абышкамдын көзү өтүп кетти. 12 рубль пенсиям менен балдарымды жалгыз чоңойттум. Кийин чоң кызым менен бир уулум каза болду. Азыр Анарбү кызымдын колундамын. Небере, чөбөрөлөр "таенелеп" бири кетсе, бири келип кабар алып турушат. Мен көрбөгөн күн калган жок.

БАТКЕН ОБЛУСУ

Нишанбүбү Күлчиева:«КӨР КАЗГАН КҮНДӨР ДА БОЛГОН»

    • Туулган жери – Баткен районунун Ак-Татыр айылы
    • Балдары – 1 кызы, 7 небереси, 16 чөбөрөсү бар
    • Учурда 113 жашта

– Амансызбы, Нишанбүбү апа, ден соолугуңуз жакшыбы?
– Жакшы, балам, эл катары жүрөбүз. Ден соолугум жакшы эле. Балдарым карап жатышат. Тең курбуларымдан мен эле калдым. Калгандары бардыгы өтүп кетишти. Эми бул Кудайдын берген жашы экен да.

– Башкармага турмушка чыккан экенсиз, жашында сулуу болгон дешет...
– Кыз кезде баары жакшынакай болушат да. Мен жолдошум башкарма болсо да эл катары иштечүмүн. 11 жашымда турмушка чыккам. Аял ушинтип иштейт экен деп эле иштеп жүрө берген экенмин. 2 перзенттүү болдук, бирок алар каза болуп калышты. Карыганда, 48 жашымда дагы бир кыздуу болдук. Кызымды бакканда кыйналып, аркама көтөрүп чөп, буудай оруп жүрүп чоңойттум. Атасы ат үстүндө жүрүп каза болду. Жолдошум өлгөндөн кийин көп азап күндөрдү өткөрүп кызымды чоңойтуп, азыр анын төрүндө ысык чайын ичип отурам. Башымдан өткөн окуяларымды айтып берсем, силерге жомоктой сезилет. Азыр аялдар көр казбайт, биз согуш убагында эркектер жок, өлгөн адамдарга көр казып жүргөн күндөрүбүз болгон.

– 1-2 жыл мурда өкмөт тараптан тамыңыздын чатырын алмаштырып беребиз дешкенин кулагым чалды эле?
– Сөз менен айтып кетишкен. Бирок дагы деле оңдоло элек. Мени караган кызымдын 7 баласы бар. Мени да жакшы карайт, неберелерим да көңүлүмө карап турушат. Кышында тамдын башынан суу өтөт. Оңдошобу-жокпу, билбейм.

ТАЛАС ОБЛУСУ

Арызан Мамыралиева:«КҮЙӨӨМӨ УЧКАШТЫРЫП УЗАТЫП ЖИБЕРИШКЕН»

    • Туулган жери – Талас облусу, Бакай-Ата району
    • Балдары – 2 кыз, 1 уул, 16 небере, 28 чөбөрөсү бар
    • Учурда 100 жашта

– Арызан апа, өзүңүз тууралуу кеп салып бербейсизби?
– Кагылайын, кыска-нуска айтып берейин, болбосо тамагым ооруп кыйналам. Биз эки бир тууган элек. Бир кыз, бир уул. Агам каза болуп калды, мен болсо чегинен ашкан эрке болуп өстүм. Атам эмне сурасам таап келчү, барам деген жакка барчумун. Ат токуп берип, мени мингизип алып ээрчитип жүрөр эле. Ошондо 10 жаштын ары жак, бери жагында болсом керек. Эркеликтин айынан көп эле тил угуп жүрдүм. Кийин үркүн башталды. Канча адам кырылып кетти. Жүзү курусун, эстегим келбейт.
Арызан апа паспорту боюнча быйыл 100дө. Бирок 16-жылдагы Үркүндү көрүп, андагы каргашалуу окуяларга аралашып жүргөндүгүнөн улам анын паспорттогу датасы туура эмес болуу керек деп балдары күмөн кылашат. Кандай болсо да небере-чөбөрөлөрүнүн жакшылыктарына күбө болуп, бар болсун.

– Канча жашыңызда турмушка чыктыңыз?
– Ал кезде жаздык менен бир уруп көрүп, кулабай калсаң күйөөгө берип жиберишкен да. Мени 15 жашымда эле күйөөгө берип салышкан. Келин болуп келгеним да кызык. Анда азыркыдай шаан-шөкөт кайда? Ата-энем Акматаалы деген жигиттин атына учкаштырып эле узатып коюшкан. Ал жигит менден 7 жаш улуу болчу. 2 кыз, 1 уулду тарбиялап өстүрдүк.

– Небере, чөбөрөлөрүңүздү санап бербейсизби?
– Аны келин-уулумдан сура, кагылайын, мен алардын санын билбейм.

Суроомо Арызан апанын уулу Райым Мамыралиев төмөндөгүчө жооп берди:
– Учурда неберелери 16, ал эми чөбөрөлөрү болсо 28. «Супер-Инфо» гезитин баарыбыз билебиз. Эң көп нускалуу, элге жагымдуу, кызык гезит. Карылардын күнүндө минтип белек тартуулап келгениңиздер үчүн чоң рахмат. Дайыма ийгиликтин үстүндө, апамдай болуп узак өмүр сүрүп, бактылуу болгула!

ЧҮЙ ОБЛУСУ

Бурулай Кыдыралиева:«ЭЛ АМАН БОЛСУН!»

    • Туулган жери – Талас облусу, Манас айылы
    • Балдары – 3 кыз, 1 уулу, 16 небереси, 13 чөбөрөсү бар
    • Учурда 113 жашта

Бурулай апа өмүрүнүн көпчүлүк бөлүгүн Талас жергесинде өткөргөн. Мындан 30 жыл мурун Чүй бооруна бала-чакасы менен көчүп келген. Жакындан бери гана баса албай үйдө отуруп калат. Учурашып, Карылар күнү менен куттуктоо үчүн келгенибизди угуп эле апа сөз баштап калды:

– Мени сыйлап келсеңер, сыйдын үстүндө болгула. Небере-чөбөрөлөрүңөр "Эмне жумуш аткарып жиберейин?" деп тегерегиңерде чуркап турсун. Мына мен 110 жаштан аштым.

– Ден соолугуңуз кандай, апа?
– Жакшы, балам. Аз убакыт болду, баса албай калдым. Туруп, бир маал намаз окуп жатчумун. 28 жашымдан тарта намаз окудум. Менин көп жашаганымдын себептери көп. Өмүрү бирөөгө үнүмдү өктөм чыгарып сүйлөгөн эмесмин. Кезинде тоодо жылкы саап, суусап келген жолоочуларга, айыл-апага ичирдим. Согуш маалында тылда иштедим. Машак тердик. Чоң Чүй каналын курууда да салым кошком. Эми канал куруу деген оңой иш эмес экен. Кыйналдык. Бирок мекен үчүн, эл үчүн жаныбызды сабап иштедик. Тамакты тууралап ичтим.

– Кайсы заман көбүрөөк эсиңизде калды?
– Бардык заман эсимде. Дүйнөдө тынччылык эле болгону жакшы. Эл аман болсун, элдин ичинде биз аман бололу!

НАРЫН ОБЛУСУ

Нурбүбү Макулиева:«НЕБЕРЕЛЕРИМЕ АРНАП ЖАЗДЫКЧАЛАРДЫ ЖАСАЙМ»

    • Туулган жери – Нарын облусу, 8-март айылы
    • Балдары – 1 кызы, 5 небереси, 13 чөбөрөсү,1 кыбырасы бар
    • Учурда 104 жашта

Кызыгы, Нурбүбү апа азыр деле колуна шиш алып, түстүү жиптерден түймө түйүп, алардан кооз жаздыкчаларды жасайт. «Көзүм өткөндө "чоң таенем жасап кеткен оокат эле" деп куран окуй жүрүшсүн» дейт каарманыбыз.
– Абышкам экөөбүз бир кыздуу болуп, атын Какин койдук. Кудайга шүгүр, азыр ошол кызымдын балдарынан сый көрүп, төрүндө отурам. Кызымдын кайтыш болгонуна 5 жылга айланды. Күйөө балам өз баламдан артык сый көрсөтөт. Жээн неберелерим көзүм менен айланып турушат, ыраазымын баарына.
Биз көргөн кыйын күндөрдү эч кимиңер көрбөгүлө, айланайындарым.Согушту көрдүк, ач калдык, азаптуу күндөрдү баштан өткөрдүк. Абышкам мергенчилик кылып бир айылды баккандыктан, согушка жибербей алып калышкан. Мен тылда иштеп, азыркы алтын иштетилип жаткан «Кум-Белде» металл казып иштечүбүз. Аты бар эле ал металлдын, азыр эсимден чыгып жатат. Казылып алынган металлдан танкелер жасалат дешчү. Анда айлык алып иштемек кайда, 4 кесим нанга бир күн кечке иштейбиз. Тапканыбызды үйгө алып келер элек.
Учурда таңкы 3төн өткөндө же 4тө турам. Намаз окуйм, балдарымдын өмүрүн тилейм, көп тилектерди айтам. Уйкум жакшы, качпайт, кайсы маалда болбосун жатып эс алып алам. Анан минтип түймөм менен алек болом.

ЖАЛАЛ-АБАД ОБЛУСУ

Райла Осмонова:«КҮЧҮБҮЗ АЗ БОЛСО ДА, ЭРКИБИЗ БЕКЕМ ЭЛЕ»

    • Балдары – 11 уулу, 50 небереси, 38 чөбөрө, 3 кыбырасы бар
    • Учурда 103 жашта

Райла ападан узак жашоонун гана эмес, сулуулукту сактоонун сырларын да үйрөнсө болот. Апа дайым жүзүн муздак суу менен жууйт экен.

– Ден соолугуңуз кандай, күүлүү турасызбы?
– Жакшымын, кызым, Кудайга шүгүр. Болгону улам ооруп, арыктап кетип жатам.Карылык да. Балдарым очор-бачар, мен үчүн алардын амандыгы эле дем.

– Өз заманыңыз тууралуу айтып берсеңиз...
– Биз эмгек менен жашадык. Абышкам экөөлөп колхоздун кой, жылкысын кайтарчубуз. Койлорго тоют камдоо үчүн чөп чабыкка чыгар элек. Күндүзү мындай турсун, түнү айдын жарыгында чөп чаап алалы деп далалат кылчубуз. Ойлосом, атала ичип күчүбүз аз, алсыз болгонубуз менен, эркибиз бекем болгон экен. Нанга зар болгон күндөр өтпөдүбү. Ошондуктан нандын убалынан катуу коркуп турам. Азыркы жаштар "кыйналдым, тажадым" десе жылмаям. Биз көргөн күндөрдү силер көрбөгүлө.

– Узак жашоонун сыры эмнеде деп ойлойсуз?
– Сыры эмгекте, тазалыкта. Бетиңерди жылуу суу менен эч качан жуубагыла деп баарына эле айта берем. Муздак суу адамды жаш көрсөтөт, сергитет. Мен кандай гана күндү көрбөдүм дейсиңер. Сулунун аталасын ичип, жылаңайлак талаада орок оруп, чалгы чаап жүрүп балдарымды чоңойттум. Дайыма кыймылда болуу адамдын өзүнө жакшы. Мендей болуп көп жашайсыңар.

– Майрамдарда кандай белек алганды каалайт элеңиз?
– Өкмөттүн пенсияны көбөйтүшүн каалаар элем.

Айзат Анарбекова,
Уулбү Каныбекова,
Бегайым Тажибай кызы,
Гүлназ Атантаева,
Максат Кудайбердиев,
Гүлжан Асанкожоева,
Гүлжан Эшбаева

koom@super.kg



Кылым карыткан карылар

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(9)
07.10.2013. 12:41 
Тайпасы:
Жаран
Комментарийлердин саны:
269
Катталган:
06-09-2010
Соӊку аракети:
04-10-2018 23:46
Жынысы:
Белгисиз
Калаасы:
Italia,Sardegnia.
0
Apalar aman bolsun,kubandyrat bizde da kop jawagandar bar ekenine,kyrgyz elim kop jawka 4yksyn!
07.10.2013. 17:07 
Тайпасы:
Жаран
Комментарийлердин саны:
596
Катталган:
06-03-2012
Соӊку аракети:
27-09-2018 06:22
Жынысы:
Белгисиз
Калаасы:
Эски шаар
0
Карыганда адам жаш баладай болуп калат деген чын эле.Карылар биздин кутубуз,"торунон да кору жакын калган",ошондуктан сыйлашыбыз керек.Бар болгула,ден соолукта болгула.
07.10.2013. 19:38 
Тайпасы:
Түйүлдүк
Комментарийлердин саны:
4
Катталган:
02-12-2011
Соӊку аракети:
10-02-2015 00:31
Жынысы:
Белгисиз
0
МашшАллах, энелерибиз аман болсун! Баарынан да ушул жашка келип, эмгек кылгандары жана намаз окугандары жакты.
08.10.2013. 01:54 
Тайпасы:
Жаран
Комментарийлердин саны:
0
Катталган:
17-09-2013
Соӊку аракети:
21-11-2018 04:33
Жынысы:
Белгисиз
0
Апаларга таазим! Ден соолукта болуп, уул-кыздарыныздын сый-урматын корунуздор!
08.10.2013. 12:02 
Тайпасы:
Кыймылы жок
Комментарийлердин саны:
60
Катталган:
28-02-2012
Соӊку аракети:
30-12-2014 14:03
Жынысы:
Белгисиз
Калаасы:
Санкт-Петербург
0
Аман болушсун!бизгеда ушундай омур ден соолук насип этсин.мурдаакылар коп балалуу болушкан эле,бул энелерибиздин балдары азго.
08.10.2013. 13:43 
Тайпасы:
Жаран
Комментарийлердин саны:
120
Катталган:
05-09-2013
Соӊку аракети:
02-03-2018 07:56
Жынысы:
Белгисиз
0
Кары уйдун куту эмесби карыларыбыз коп болсун. Бизге да кудайым ушундай жаштардан насип этсин
08.10.2013. 18:51 
Тайпасы:
Тартип бузгандар
Комментарийлердин саны:
5
Катталган:
29-09-2013
Соӊку аракети:
09-02-2015 11:16
Жынысы:
Белгисиз
Калаасы:
Ош эле
0
ээх ичим ачышып кетти апаларды коруп
Super TV
08.10.2013. 22:17 
Тайпасы:
Кыймылы жок
Комментарийлердин саны:
118
Катталган:
13-01-2013
Соӊку аракети:
12-11-2014 08:24
Жынысы:
Белгисиз
0
rahmat silerge super info uwintip karilarga barip turganinarga!
09.10.2013. 14:46 
Тайпасы:
Жаран
Комментарийлердин саны:
117
Катталган:
23-09-2012
Соӊку аракети:
16-10-2018 15:36
Жынысы:
Белгисиз
Калаасы:
каракол
0
аман болсун апалар
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: