Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Айпери Кубик кызы: “АТАМДЫН АТЫ МЕНЕН САХНАДАН ОРДУМДУ ТАПТЫМ”

№356 28-август - 3-сентябрь, 2009-ж.


“Аккан арыктан суу агат” дегендей, куудул, ырчы Кубик Калыковдун кызы Айперинин ырларын учурда кичине балдарга чейин сүйүп угушат. “Табышмак” ырына тартылган алгачкы клиби да жаман болгон жок. Ырчы кыз клипте ырга гана эмес, бийге да жөндөмдүү экенин көрсөттү. Болгонун болгондой, жасалмасыз бетке айткан бул селки бүгүн “Дилмаек” рубрикасынын коногу.

– Айпери, окуу да жакындап калбадыбы, каникулуң кандай өттү?
– Каникулда атайын бир иш менен деле алек болгон жокмун. Кечээ апам экөөбүз кышка даярдык көрүп, салат жасадык. Бүгүн окууга камынып өзүмө, иниме, сиңдиме кийим-кечек алып келдик.
– Кийимди кайдан аласың жана ким тандашат?
– Бутиктерден, каалаган кийимимди таппасам, “Дордой” базарына барам. Кийимди апам тандашат. Өзүм сатып алганда тез эле жыртылып калат. А апам сатып берген кийим 3-4 жыл жөн эле чыдайт. Апам экөөбүздүн ортобуз бир топ жаш болгону менен, бардык нерсеге табитибиз бирдей. Ошон үчүн апам жактырганды ойлонбостон эле ала берем.
– Туулган күнүңдө атаң машина белек кылбады беле, айдап жүрөсүңбү?
– Укмуш эле айдап калдым. Жол чырактан бир машина жай токтоюн деп баратса, мен катуу барып анын ордуна туруп алам. Айрымдары башын чайкап жол бошотушса, айрымдары сөгөт. Окуу башталса кичүү сиңдим Аймээрини машинам менен окууга алып барып, алып келип турам. Атам “биздин үйдүн шоопуру сенсиң” деп тамашалап жатат. Машина айдаганды 2-3-классымда эле үйрөнгөм. Атам ошондо эле мени рулга отургузуп койчу. Анан өзүбүздүн көчөдө айдап жүрө берчүмүн. 9-класста окуган иним Улан да 2-классынан үйрөнгөн. Азыр ал менден жакшы айдайт.
– Жол чыракка токтогондо жигиттер тийишеби?
– Андай учурга туш боло элекмин. Өткөндө апам болуп “Дыйкан” базарына баргам. Апам машинадан түшкүчө араба түрткөндөр чогулуп калышты да, “Айпери Кубик кызы го” деп мени каратып туруп эле сүйлөшүп киришти. Алар мага “машина минип алган турбайбы, бул жерге келип кыпчылып токтогонун кара” деп мазактагандай мамиле кылышты. Мындай сөздөргө көңүл деле бурбай калдым акыркы күндөрү. Кээде түшүмө кирбеген сөздү элден укканда өчүп эле калам.
– Учурдан пайдаланып, мен дагы бир суроо берип алайынчы. Сени “Акбар Сүйүнбаев менен жүрөт” деп уктум...
– Эми Акбар болдубу? Мурун жигитим Султан, анан Ильяз Абдыразаков, анан Алихан болгон. Акбар экөөбүз чыныгы жакын достордонбуз. “Айтчы, гүлүм” деген ырды дуэт жаздырганбыз. Гастролго чыгышыма дайыма колдоо көрсөтүп келет. “Сүйүшөт” деген ушак. Жадакалса бир жолу атама радиодон чалып, “Акбарды күйөө бала кылганы жаткан турбайсызбы?” дешиптир. Анда атам: “Кызымдын азыр сүйө турган учуру эмес. Бул жалган”,- дептир. Аткарчу ишимди акырын кылып жүрө берсем, бир күнү мага деле сүйүү келеттир. Орозонун күнүндө калп айтпай эле коёюн, сүйүп көрө элекмин. Учурдан пайдаланып айта кетейинчи, мага ыймандуу, адамгерчиликтүү, жөнөкөй жигиттер жагат.
– Атаң менен чөйрөң бир. Чогуу жүргөнүңөрдө сени тааныбагандар атаңа жабыштырып алышы мүмкүн да, туурабы?
– Атам экөөбүздүн “Ата-эне” деген дуэтибиз менен сахнага кадам шилтеген элем. Ушул ырды тартканы бир жолу КТРге барып калдык. Ошондо оператор балдар “оо, Кубик байке, дайыма сулуу-сулуу кыздар менен жүрөсүз да” деп жатышпайбы. Атам “койгула, балдар, бул менин кызым” деп араң ишендирген. Атам мен ырдап чыккыча “кызым бар” деп элге жарыя кылган эмес. Өзү кичинекей болуп жаш баладай жүрсө эле көпчүлүк мендей чоң кызы бар деп ойлобосо керек. Мени чын эле улуу муун көп таанышпайт. Азыр жаш ырчылар көп эмеспи. Эгер атам болбосо мен деле аты жакшы таанылбай жаткан көп ырчынын бири болуп кала бермекмин. Атамдын аты аркылуу сахнадан өз ордумду таптым.
– Кубик байке сени “той-топурда ырдатпайм” деди эле...
– Биз жакта, башкача айтканда, түштүктө ырдап жатканыңда ар кайсы жериңе акча кыстара берет. Айрыкча байлар “акча үчүн ырдап жатасың да” дегенсип төшүңө акча кыстарышат. Атам ушундай көрүнүштөрдү көрүп, мени тойлорго чыгарбайм деген. Бирок аяш атам Борончу “өзүнө жакшы, үнү ачылат, акча табат” деп айтып атамды макул кылдырды.
– Шоу-бизнестеги досторуң тууралуу айта кетсең...
– Кыздардын достугуна ишенбейм. Беш жашымдан бери бир кыз менен жакын курбу болуп жүргөм. Анан ал “сен ырчы болуп элге таанылып кеттиң. Мен сенден калып калдым” деп ич күйдүлүк кылды. Ошондон кийин баары бир кыздардын ортосунда көрө албастык болорун билдим. Негизи, менин эң жакын досторум ырчылар Акбар, Кайрат, Урмат, Султан. Булар менден жашы жагынан улуу, бирок мен аларды досторум деп эсептейм. Башка чөйрөдөн дос күткүм келбейт. Таанышсаң эле жөнөкөй кызга эмес, ырчыга мамиле кыла башташат. Анан артыңдан “Айпери Кубик кызы менен тааныштым. Жөнөкөй эле кыз турбайбы” деп сөз кылышат. Досторумдун баары жигиттер болгонгобу, мүнөзүм орой. Ачык, болгонун болгондой бетке айткан, бирок шайыр, сөзүнө турган кызмын.
– “Мүнөзүм эркектердикиндей” деп жатпайсыңбы, мушташып көрдүң беле?
– Түндүк-түштүк деп кыргыздардын бөлүнгөнүн ушунчалык жек көрөм. Жалал-Абадда кара жумуштарга өзбектерди иштетебиз да. Аларга жинибиз келгенде “сарт” деп тилдейбиз. Ошол сөз борборго келгенимде “жалал-абаддык сарт” делип мага айтылып жатпайбы, анан жиниң келет да. Мындай сөздү классташ баламдан укканда өзүмдү талаада иштеген өзбек аялдарындай сездим. Ал балага жиним келип, кадимки эркектерче мушташып кеткем. Эркектердин талуу жерин билем да, ошол жерине тээп-тээп салдым. Менин бетим көгөрдү. Биздин мушташтан кийин тигил бала ооруканага көрүнүп жүрдү.
– Туура эмес иш кылып алганыңда Кубик байке урушпайбы?
– Атам сахнада күлүп жүргөнү менен, үйдө катуу. Ошентсе да ата-энем бизди катуу уруп-сого элек. “Атанын сөзү – атылган ок” деп коюшат эмеспи. Атам мурун бир нерсе десе эле ыйлай берчүмүн. Азыр ал катуу айтпай калдыбы же мен эс тарттымбы, ыйлабай калдым. Иним менен сиңдимди ата-энеме жеткирбей эле мен тарбиялайм. Чогулуп алып чымчылашып ойногонубуз менен, экөө тең менден ыйбаа кылып турушат.
– Ий, баса, Орусияга барган сапарың тууралуу сөз кылсаң...
– Шайлоонун алдында Орусиянын шаарларын кыдырып, сегиз күндө тогуз жолу концерт бердик. Ал жакка чыгармачылыктагы жакындарым менен баргам. Шаарлары кооз экен. Бирок орустардын бизге жасаган мамилеси жан кейитти. Тамак жегени кафеге кирсек эле “чёрныйлар эмне киришти?” дегенсип жактырышкан жок. “Канча нан? Дароо айтпайсыңарбы!” деп кагып-силкишти. Аларга тил кайтарайын десең, орустар чогула калып сабап салчудай. Дүкөнгө кезекке турсам, менин кезегим келсе дагы “токтой туруңуз” деп орустарды тейлешти да, аягында мага көңүл бурушту. Ушундай мамилеге катуу ирээнжидим. Бутуна туруп калган кыргыздар “биз конок кылабыз, жүргүлө” дешкенде “өх” дедим. “Туул­ган жердин топурагы алтын” деген сөздүн баркын ошондо түшүндүм.
– Атайын келип, маек куруп бергениңе рахмат. Ишиңе ийгилик

Айпери жөнүндө кыскача

  • 1991-жылы Базар-Коргондун Чоң-Курулуш айылында туулган.
  • Кыргызстан Эл аралык университетинин 2-курсунун студенти.
  • Репертуарында 10 ыры бар.
  • 3 биртуугандын улуусу.
  • Максаты – жашоодо өз ордун табуу.
  • Акыркы жолу мындан эки жыл мурун мушташкан.
  • Күлүп жүргөнү менен, бир ачуусу келсе жинине тийген адамга каршы колу-бутунун иштеп кеткенин өзү да билбей калат.
  • Үйдө чаң соргуч менен жарышып ырдайт.
  • Жаан куюп жатканда, машинасын катуу айдап, жай музыканын ыргагында кыялданганды жактырат.
  • Эч ким жокто бекинип алып ыйласа бугу чыгып, жеңилдеп калат. Көбүнчө кинодогу актёрлордун ыйлаганын туурап, окшоштурганча кайталап туурай берет.
  • Мүнөзү апасыныкына окшош.
  • Палоону, шорпону даамдуу жасайт.
  • Көп боёнбойт.
  • Ырчылыкты өмүр бою алып кетүү оюнда жок.
  • «Табышмак» деген ырынын клибинде чоң көз айнектин жарашпаганы туурасында көп сын укту. Аны өзү да моюнга алат.

Сүйүн Кулматова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(7)
31.08.2009. 20:14 
Тайпасы:
Кыймылы жок
Комментарийлердин саны:
4
Катталган:
25-07-2009
Соӊку аракети:
02-03-2010 10:53
Жынысы:
Белгисиз
0
Ачканда биринчи окуганым эле ушу тема болду, жакшы кыз, жонокой.
06.09.2009. 09:02 
Тайпасы:
Кыймылы жок
Комментарийлердин саны:
3
Катталган:
20-01-2009
Соӊку аракети:
02-10-2011 20:40
Жынысы:
Белгисиз
Калаасы:
бишкек
0
молодец так держать
06.09.2009. 11:04 
Тайпасы:
Кыймылы жок
Комментарийлердин саны:
8
Катталган:
12-09-2008
Соӊку аракети:
04-05-2012 09:02
Жынысы:
Белгисиз
Калаасы:
Токтогул
0
жол чырак дегени эмне? светофорду ушинтип кыргызчага которушту беле? андай болсо шаардын кочоолорун жарык кылып турган фонарьларды эмне деп айтса болот?? кичине ойлонуп туруп которбойсунарбы! светофор менен фонарьдын максаты эмнеде биринчи ошону ойлонуш керек да. эгер светофор жол чырак делсе анда ал эмне кочоолорду жарык кылыш учун орнотулганбы урматтуу редакция??
06.09.2009. 11:07 
Тайпасы:
Кыймылы жок
Комментарийлердин саны:
8
Катталган:
12-09-2008
Соӊку аракети:
04-05-2012 09:02
Жынысы:
Белгисиз
Калаасы:
Токтогул
0
экинчиден, бул кыздын тарбиясы жок окшойт. озбектерди кемсинтип айтыптыр. алар качантан бери бизге кул болуп калды эле?? жон эле дооруй бербей анча-мынча ойлонуп суйлош керек да.
17.09.2009. 01:39 
Тайпасы:
Кыймылы жок
Комментарийлердин саны:
40
Катталган:
07-07-2009
Соӊку аракети:
02-01-2014 22:55
Жынысы:
Белгисиз
Калаасы:
Evropa
0
Jetigen tuura aitat.Tamtandap suilop kojuptur go.Tobosu korunup oosgo alyngan adam da ushintip suuiloibu kokui.Bis Osbekterdi Sart dep tildeibis dep.Kichine madanijatty uirotso bolmok ata enesi urushkandy uirotpoi.Demek Ata enesi da oshentip suiloit da"tildeibis degenine karaganda".
23.09.2009. 17:16 
Тайпасы:
Кыймылы жок
Комментарийлердин саны:
50
Катталган:
11-09-2009
Соӊку аракети:
26-12-2012 22:59
Жынысы:
Белгисиз
Калаасы:
Бишкек
0
Биздин кыргыздын жузун корсоткон адамдардын катарына кирип калгандан кийин озуна карап суйлогонду уйронуш керек, а эгерде уйроно албаса ошо сарттардай болуп карапайым эле адам болуп журо берсе болмок. Ото кызыл бат онот дегендей тез эле жылдыз болуп чыга келген учун тартиби жок деп ойлойм.
31.01.2010. 14:48 
Тайпасы:
Кыймылы жок
Комментарийлердин саны:
5
Катталган:
06-06-2009
Соӊку аракети:
15-12-2013 00:45
Жынысы:
Белгисиз
0
жакшы мага оло жагасын кантсем сага жетем
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: