Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Актан Исабаев, Кыргыз Республикасынын Эмгек сиңирген артисти:«БИР АЙДА КАЗАКСТАНДЫ БАГЫНДЫРГАНБЫЗ»

№574 01-ноябрь-07-ноябрь, 2013-ж


Бийи Майкл Жексондон кем калбаган, шыңга бойлуу, кең далылуу, кара тору өңүнө апаппак кийими куп жарашкан, өзгөчө үнү бар Актан Исабаев эсиңиздедир. Бир кездеги көп кыздардын сүймөнчүгү, «стиляга» жигит, азыр нукура кыргыз дөөлөттөрүн сактоону көздөгөн, илим-билимге сугарылган, сөөлөттүү мырзага айланган. Ырчынын балалык чагынан башталган маегибиз балдарынын балалыгына чейин барып токтоду.

– Актан мырза, кепти балалыктан баштасакпы деп турам...
-Негизи, кыргыз тегин айтыш керек экен, өзүмдүн тегим Көлдөн болот, бирок балалыгым Бишкек шаарында өттү. Кызыгы, агам (ред. Аслан Исабаев) экөөбүз жаш кезибизден орустар менен аралашып жүрсөк да, орусча такыр билчү эмеспиз. Анткени атам Чалагыз Исабаев, энем Самара Токтакунова экөө тең кыргыздын улуттук аспабында ойногон, үйдө жалаң кыргыз тилинде сүйлөгөн адамдар эле. Кичинебизден тартып нукура кыргызча тарбия алдык.

– Ата-энеңиз да өнөр адамдары эмеспи, алар гастролдоп кеткенде кимдер менен калчу элеңиздер?
-Атам менен апам дүйнөнүн төрт бурчун, ааламдын алты континентин бүтүндөй кыдырып келишкен. Биздин үйдө дүйнөлүк карта илинип турар эле. Ата-энем кайсы өлкөгө кетсе, ошол жерге түстүү кнопканы сайып койчумун. Бир кездерде ошол карта кызыл-тазыл болуп кнопкага толуп калганда, мен картаны карап «кантип ушунча көп өлкөнү адам аз убакыттын ичинде кыдырып чыга алат?» деп таң калган элем. Алар келсе бир жума, ашып кетсе он күн эле үйдө болуп, кайра гастролго кетишчү. Бизди таенем, таежелерим карашчу.

– Көп учурда Самара эженин аты аталып, атаңыз көп айтылбагандай сезилет. Атаңыз тууралуу билгенге кызыкдарбыз...
-Атам уникалдуу адам эле, мындай адамдар жүз жылда бир төрөлсө керек. Эч качан адамдарды кичине-чоң, бай-кедей деп айырмалап же бөлчү эмес. Колу ачык, шайыр жана март адамдардын бири болчу. Улутун, элин жана жерин өтө баалаган адам эле. Эсимде, 1986-жылы Японияга барганда атам кыргыздар тууралуу сүйлөп берген. Ошол маегин угуп жатып япондор гана эмес, өзүмдүн атама өзүм суктанган элем. Анткени Кыргызстандын географиялык өзгөчөлүгүнөн тартып, элинин пейилине чейин таттуу, маанилүү баяндап берген. Бир эле учурда жетекчи (ред. "Камбаркан" фольклордук ансамблинин негиздөөчүсү), тамада, куудул, прозаик, музыкант болчу.

«Кыргызстандан чыккан негрлер» аталып жүргөн кез».

– Атаңыздан кандай өнөр үйрөнө алдыңыз?
-Аслан көбүнчөсү достору менен убакыт өткөрөр эле, атамдын жанында дайым мен жүрчүмүн. Атам тамакты даамдуу жасачу, мага тамак жасаганды да атам үйрөткөн. Француз тамагы – жульенди өзгөчө жакшы жасачу. Атам экөөбүз торт да жасачубуз. Ал кезде «Зебра» деген торт популярдуу болчу. Мен өз колум менен торт жасап, таеже, таякелеримдин туулган күнү болсо, менден белек деп дасторконго тартуулачумун.
Биздин үй-бүлөдө бир жакшы салт бар эле. Өз колубуз менен тамак жасап, ата-энемди тосуп алчубуз. Кээде энем чет өлкөгө жалгыз кеткен убактарда, үйгө конок келе тургандай сервировкасынан бери ойлонуштуруп сонун дасторкон жасап, мен, Аслан, атам үчөөбүз гүл менен тосуп алчубуз.

– Сиз дагы таттуу айтып берет экенсиз, атаңызга окшош болсоңуз керек?
-Азыр Аслан экөөбүз тең эле атама окшошуп калдык. Мен Асланга караганда татынакайраак болчумун башында (күлүп). Кийин одурайып мурдум чоңоюп, каштарым өсүп, кебетем башкача болуп калды. Башында энеме окшош элем...

– Экөөңүздөр тең музыкант болсоңуздар, кичинеңерде атаандашуу күч болгондур?
-Жок, атаандашуу болгон жок. Агам экөөбүз Мукаш Абдраев атындагы музыкалык мектепте окудук. Мен фортепиано, агам скрипка бөлүмүндө окучу. Экөөбүз аспаптарда ойноп Ташкентке чейин барып, сыйлык алып келгенбиз. Кичинебизден музыка дүйнөсүнө бирдей жана тең салмакта сугарылып чоңойдук.


«Исабаевдердин династиясы. Атам Чалагыздан алган тарбияны уулум Эмирге берсем дейм»

– Күзгүгө карап туруп «мен ырчы болом» деп качан чечтиңиз?
-Ата-энем гастролдо жүргөндө Америкадан, Франциядан жана башка өлкөлөрдөн ырлар жазылган винил пластинкаларды көп алып келишчү. Ар дайым сапаттуу, жакшы музыканы көп укканым, менимче, түрткү болду. 6-класстан баштап эстрадалык ийримге бардым. Ал жерде азыркы «Город 312» тобунун солисти Светлана Назаренко менен бир топто болчубуз, «Ак кеме» тасмасына тартылган Нургазы Сыдыгалиев барабанда отурчу, Ырыскелди Осмонкулов, Жылдыз Осмоналиева болуп баарыбыз бир жерде элек. Топ «Аракет» деп аталчу, анын жетекчиси Рафаэль Сарлыков эле. Кечкисин англисче, итальянча жана орусча ырларды жандуу ырдап кечелерди, дискотекаларды өткөрчүбүз. Менимче, ошол убакта ырчы болорум чечилсе керек.

– Сизди «Элес» тобуна экинчи өмүр берген адам катары да таанышат. Бул топко кантип келип калдыңыз?
-«Элес» 1986-жылы уюшулган топ. Кийин жетекчиси Азамат Ашырбековдун «ушу топту кайра алып чыгалы» деген сунушу менен келгем. Мага бул сунуш кызык болду, максатыбыз шайкеш келип, иштешип калдык. 5 жигит болуп «Элести» жандандырдык. Азамат Ашырбеков бас гитарада жана топтун жетекчиси, мурунку солист Адил Чекилов, Сергей Соколов урма аспапта, Игорь Кофанов гитарада жана мен болуп жакшы ийгиликтерге жетиштик. 1999-жылдан кийин жеке чыгармачылыкка өттүм. «Ыр майрам», «Энекем», «Сүйөм сени», «Сагыныч» жана башка ырларым чыкты. Жеке ырчы болуп жүрүп эле 2002-жылы музыкалык студия ачтым. Ошол кезде белгилүү ырчылардын арасынан мен биринчилерден болуп жаш ырчыларга колдоо көрсөтүп баштагам. Ошолордун арасынан менин студиямдан Ома, Раллия, Максат Бегалиев, Селима деген таланттуу ырчылар чыкты. 2005-жылга чейин жакшы эле иштеп жүргөнбүз. Анан төңкөрүш болуп кетти, бийлик алмашып, өзгөрүүлөрдүн себебинен чыгармачылыкты таштап эмес, «бир аз куржунга сала турайын, кайра кайтып келем» деген ойдо башка иштер менен алек боло баштадым. Бизнес, тиги-бу дегендей...

– Өзгөрүлүштөрдүн себептерине кененирээк токтоло кетсеңиз...
-Чыгармачылыгымды жыйыштырганымдын бирден-бир себеби жаңы бийликтин айланасындагылардын мага болгон мамилеси болду. Мурунку мамлекет башчыбыздын тегерегиндеги адамдар, өзгөчө Айдар Акаев менен мамилебиз жакшы болчу. Мамлекеттик мааракелерге Айдар мени, Ырыскелдини жана башка таланттуу ырчыларды чакыртып, өзгөчө сый мамиле көрсөтөр эле. Эл арасында "Актан менен Айдар экөө дос" деген сөз да тарап кеткен. «Айдардын досу» деген имиштен улам мага бут тосуулар боло баштады. Ошол убакта кийинки бийликтин алдында баркымды кетирип, актанып же болбосо жалдырап өзүмдү басынткым келген жок.

– Ошентсе да күйөрмандарыңыз дагы деле сиздин ырларыңызды күтүп жүргөндөй сезилет. Чоң сахнага кайтып келүү тууралуу оюңуз барбы?
-Мынчада кайтып келем деп калпычы болуп калбайын деген ойдо олку-солку болуп турам. Быйыл бир аз аракеттер бар. Азыр деле жакшы ырлар бар, буюрса, жакында ыр жаздырам деп турам. Таланттуу балдар да бар, аларды карап, угуп туруп «ушуларды чыгарыш керек» деген ойлор да келет.

– Өзүңүздүн уулуңуздун музыкага шыгы барбы?
-«Балам, балалуу болгондо билесиң» деген кеп туура экен. «Ушулар менден жакшы турмушта жашасын, көңүлү ток болсун, менден бийик ийгиликтерге жетишсин» деп эле калкалап турат экенсиң. Улуу балам Эмир азыр 21 жашта, Америкада, Нью-Йоркто иштейт. Узаткандан 2 айдан кийин эле «Ата, «Apple» компаниясына ишке орноштум» деп бизди сүйүнттү. Бул компанияга ишке кирүү оңой эмес, атүгүл кыргыз уулу иштеп жатканына ишенүүнүн өзү кыйын. Сүйлөшкөн кызына сөйкө салып койгон элек, Кудай буюрса, кийинки жылы кайната статусуна да жетет окшойм. Өзү алгач Москвада окуган, кийин Канадада окуду, эми элине кереги тийген жигит болсун деп эле тилейм. Музыкалык таланты да бар, үнү меникинен да жакшы.
Бири 7, бири 4 жаштагы эки кызым бар. Жашоодо аталык таттуу сезимдер бар экенин кыздуу болгондо билдим. Улуу кызым Аяра кичинесинен тартып көркөм гимнастика менен машыгат. Таймаштарда дайым биринчиликти алат. Экинчи кызым Арнель өзгөчө таланттуу, ырдатып көрүп шыгы бар экенин байкап калам. Кудай буюрса, чоңойгондо өзү каалап "ата, ырдайм" десе жардам берем. Азыртадан эле кызымдын актёрдук таланты бар, чакан роликтерге жана клиптерге тартылат.

– Жеңебиз менен кандайча таанышып калгансыз?
-Тун уулум биринчи келинчегимден. Жанат экөөбүз эрте баш кошуп, уулдуу болгонбуз. Жаштык кылдыкпы, тилекке каршы, ажырашууга туура келди. Кийин тагдыр мени Гүзаль аттуу кызга жолуктурду. Келинчегим менен 1998-жылы таанышкам. Ошол кезде ал Германияда окуп жүргөн эле. Кат жазышып, жакшы дос болуп жүрдүк. Ал окууну бүтүп келгенден кийин, 2005-жылы баш коштук. Сүйүктүү жарым, эң жакын жана ишеничтүү шеригим, жардамчым.

«Жубайым мени бардык жагынан колдойт».

«Кызым Аяра жеңиштери менен кубантып жүрөт».

– Сахнага жаңы чыгып жатканда дүйнөлүк ырчы болом деп айтканыңыз бар эле...
-Дүйнөлүк ырчы болоюн деп мен сурансам, Майкл Жексон болбой койду да (күлүп). Дүйнөлүк аренага чыксам деле болмок. Ошол кездерде түркиялык продюсерлер «Энекем» деген ырды жаздырганда «сен ушул ырыңды түрк тилине которуп ырдап чыксаң, андан ары Европага таанылып кетесиң» деп мени Түркияга чакырышты. Бошобой бара албай калгам.

– Казакстанда да иштеп жүрдүңүз, кызыктуу күндөрдөн кеп салып берсеңиз?
-1993-95-жылдары Казакстанда «Даана» деген ыр-бий тобу менен жүрдүм. Алгач ирет Казакстанда бир жерде балдар менен отуруп калдык, баары байлардын балдары экен. Тим эле укмуш, жарым-жартылай англисче, французча сүйлөшүп болушпайт. Ал эми мен эмне, Абдраевди бүткөн жөнөкөй музыкант (күлүп).
Ошентип отурсак, бири «Ты вроде стиляга, пиджак японский, волосы дыбом, что о себе расскажешь?» деп калды. Эч кандай деле япон күрмөсү эмес эле, бирок көпчүлүк кийимдеримдин түзүлүшүн өзүм ойлонуштуруп, тиктирип алчумун. «Жок, мен мындай эле...» деп коргонсом да болушпай, «анда ырдап бер» деп калышты. Пол Маккартнинин, «Битлз» тобунун ырларын ырдап берсем ойлонуп, «кана, ордуңдан турчу» дешти. Турсам «ии, боюң узун экен, булчуңдарың деле жакшы, керек болсо чыңдайбыз» дешти. Анан «Актан, бизди карап тур, балким, сени тобубузга алабыз» деп бийлеп киришти. Карап турсам, бийлери тим эле укмуш. Ошентип, алардын сунушу менен топко кирип калдым. Алар менен 2 ай бийлерин үйрөнүп, даярдандык.
Аппак күрмө, ак топу кийип, кара көз айнектер менен Кыргызстанда эле эмес, Орто Азиядан биринчилерден болуп афроамерикалык стилдеги бий программасы менен Казакстандын аренасына чыктык. Чындыгында эле көз кубанта турган жигиттер элек, баары бойлуу, келбеттүү. Упузун болуп сахнада 5 жигиттин турганы деле өзгөчө болчу. Ошол кезде популярдуу болгон МС Хаммер, Жанет Жексон, Пола Абдул сыяктуу жылдыздардын стилиндеги бийлерди жакшы постановка менен сахнага алып чыкканыбызда казактар далысынан эле жатып калышты. Бир айдын ичинде Казакстандагы бүт кечки клубдарды «тытып» чыктык. Ошол клубдарды кармаган байлар бизди Орусиядан, Франциядан, Германиядан келген ырчылар менен кошо чакыра башташты. «Биринчи силер ачасыңар, анан Алла Пугачёва ырдайт, анан тиги-бу» деп... Анткени биз чыкканда зал тикесинен туруп кол чаап, концертке ылайыктуу маанайды ачып берчүбүз.

– Актан мырза үчүн даңазалуу доор болгон экен да...
-Ошондой болду, бирок казактардын ичи тарып баштады. Биз андан кийин Москваны багындырууну чечтик. Орусияга жол тартуу учурунда менин сокур ичегим "чыркырап", ооруканага жатууга туура келди (күлүп). Ошентип, мен мекенимде калып, балдар куржундарын көтөрүп Москвага сапар алышты. Балдар Моквадагы «Беверли Хиллз» клубунда ырдап жатышса, белгилүү актёр Чак Норрис келип угуп калыптыр. Ал абдан жактырып, баарын Америкага алып кеткен. Америкада 10 чакты штатты кыдырып концерт беришкенден кийин Нью-Йоркто отурукташып, кийин тарап кетишти.

– Ошол жигиттердин аттары эсиңиздеби?
-Нурдин Кудайбергенов, Эмил... фамилиясын унутуп жатам, Ёма дечү элек. Алмаз Авазов, Нурбек Тилешалиев.

– Сизге келген кыздардын каттарын кийин китеп кылып чыгарам деген элеңиз, убакыт келип калбадыбы?
-Ошол каттардын кайда экенин таппай жатам, бир жерге үйгөндөй болдум эле (күлүп). Бирок табылат деп ойлойм. Чындыгында кызык нерселер бар.

– Убакыт тартыш деп калдыңыз, учурда эмне менен алексиз?
-Акыркы 12 жылдан бери «Ансамбль Мурас» аттуу коомдук фондун жетектеп келем. Ал эми жакында «Макал Арт» аттуу чыгармачылык уюмун жана «Мурас Арт» продакшн студиясын түздүк. Кичинекейлерге арналган «Макалдат» деген көркөмдөлгөн китеп жыйнагынын биринчи чыгарылышы жарык көрдү. Китептеги ырлардын автору – Кыялбек Урманбетов. Азыркы учурда китептин сценарийи менен музыкалык жана ыр коштоолорун жазып жатабыз. Уюмда өзүнүн ишин билген кесипкөй жана чыгармачыл балдар чогулган. Атасам, Алтынбек Максүтов, Тынчтык Турдалиев, Улан Адамалиев, Талант Төлөбаев, Ринат Мырзаев менен Эмил Мамбетакунов, Анара Султангазиева деген мыкты адистер иштешет.

– Өзгөчө маек болду, сизге чоң рахмат!

«Кыздарым роликтерге, клиптерге тартылып жүрүшөт».

«Кичинекейим өзгөчө таланттуу кыз».

Нуржамал Жийдебаева
Адилет Бектуров
star@super.kg


"Жакында кайната болом" дейт Актан Исабаев (1-бөлүк)

"Жакында кайната болом" дейт Актан Исабаев (2-бөлүк)

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  5 
Комментарийлер(36)
Super TV
02.11.2013. 22:58 
Тайпасы:
Кыймылы жок
Комментарийлердин саны:
4
Катталган:
16-10-2013
Соӊку аракети:
10-11-2013 00:28
Жынысы:
Белгисиз
0
убагында элестин ырлары мн ооруганбыз,группа таркап кеткенде ыйлаганбыз,эх жаштык кез...
Super TV
02.11.2013. 23:52 
Тайпасы:
Жаран
Комментарийлердин саны:
11
Катталган:
24-10-2011
Соӊку аракети:
05-05-2018 15:37
Жынысы:
Белгисиз
0
токтоо, маданияттуу жакшы адам экен. башка ырчыларыбыз да Актан байкеден улгу алып, байкедей интервью беришсе тантырап орусча кыргызча суйлошпой...
Super TV
03.11.2013. 21:15 
Тайпасы:
Кыймылы жок
Комментарийлердин саны:
4
Катталган:
08-07-2013
Соӊку аракети:
14-09-2015 02:41
Жынысы:
Белгисиз
+2
чыгармачылыгынызды сыйлайм сиздей адамдар коп болсун
Super TV
03.11.2013. 21:18 
Тайпасы:
Жаран
Комментарийлердин саны:
24
Катталган:
10-06-2011
Соӊку аракети:
22-06-2018 14:02
Жынысы:
Белгисиз
0
Актан байке, сиздин атанызды-Чалагыз байкени менин апам жакшы билет экен, агам болчу деп коп айтып калат, бизге агам деп коп айтып берет, сизге чыгармачылык ийгилик!!!
Super TV
04.11.2013. 09:10 
Тайпасы:
Супермодератор
Комментарийлердин саны:
2058
Катталган:
22-02-2011
Соӊку аракети:
20-09-2018 12:36
Жынысы:
Белгисиз
Калаасы:
...
0
jusupova,
Сын-пикирлер info@super.kg же admin@super.kg электрондук даректерге жазылып жөнөтүлүшү керек.
04.11.2013. 09:52 
Тайпасы:
Жаран
Комментарийлердин саны:
76
Катталган:
14-03-2009
Соӊку аракети:
20-09-2018 10:08
Жынысы:
Белгисиз
0
Ушундай сонун байке экен, таасирлендим аябай)))
04.11.2013. 10:50 
Тайпасы:
Кыймылы жок
Комментарийлердин саны:
21
Катталган:
07-12-2012
Соӊку аракети:
21-09-2015 12:49
Жынысы:
Белгисиз
0
Мага да абдан жагат!Иштеринизге ийгилик!
04.11.2013. 11:12 
Тайпасы:
Жаран
Комментарийлердин саны:
130
Катталган:
25-04-2012
Соӊку аракети:
10-09-2018 14:24
Жынысы:
Белгисиз
Калаасы:
Ош, Узген.
0
Chynynda bawka kiyinchuu, anda biz jaw elek. Televizordon korup kalchuum. Kaydagy kiyimderdi kiyip alat dechuum. Korso owol mezgilde ele, evropa, amerikadagydai kiyinip bawtaptyrda.
04.11.2013. 12:55 
Тайпасы:
Жаран
Комментарийлердин саны:
18
Катталган:
03-08-2013
Соӊку аракети:
16-09-2018 22:23
Жынысы:
Белгисиз
0
мм... соонун маек куруп бериптир тамашакойлугу жакты.
04.11.2013. 13:37 
Тайпасы:
Жаран
Комментарийлердин саны:
33
Катталган:
18-05-2007
Соӊку аракети:
20-09-2018 10:58
Жынысы:
Белгисиз
0
Фирмачтардын фирмачы. 'Энекем' деген ыры абдан журогумо жакын. Уксан кулак эс алат дегендей. Жок дегенде бир жылда бир ыр жаратып турса деле сонун болмок.
04.11.2013. 13:53 
Тайпасы:
Жаран
Комментарийлердин саны:
596
Катталган:
06-03-2012
Соӊку аракети:
20-09-2018 14:13
Жынысы:
Белгисиз
Калаасы:
Эски шаар
0
Чыгармачылыгын абдан баалайм.Эч кимге окшобогон стили бар чыныгы талант.Азыркы ырчылардын 10у бириксе да Актанга жетиши кыйын го.Элестин ар бир ырын сүйүп укчубуз.Өзгөчө "Энекем" ыры жакчу. Дале болсо сахнадан күтөбүз.
Super TV
04.11.2013. 16:12 
Тайпасы:
Жаран
Комментарийлердин саны:
690
Катталган:
10-03-2010
Соӊку аракети:
21-09-2017 13:32
Жынысы:
Белгисиз
0
Актан болсо, ммммм.... Актан да! Мен сыйлаган инсан. Кабатыр болбосун да, сынынан кетпей эле турат. Анын үстүнө ак пейили ого бетер көркүн ачып турат да.
Super TV
04.11.2013. 17:13 
Тайпасы:
Жаран
Комментарийлердин саны:
690
Катталган:
10-03-2010
Соӊку аракети:
21-09-2017 13:32
Жынысы:
Белгисиз
+1
Ушундай адамдар додо-додо болсо
04.11.2013. 18:01 
Тайпасы:
Жаран
Комментарийлердин саны:
115
Катталган:
21-10-2013
Соӊку аракети:
20-06-2017 01:54
Жынысы:
Белгисиз
0
аябай соонун маек болуптур кызыктууу
04.11.2013. 18:15 
Тайпасы:
Жаран
Комментарийлердин саны:
68
Катталган:
12-05-2013
Соӊку аракети:
20-09-2018 09:56
Жынысы:
Белгисиз
0
Студент кезде Алмаз радиосунан бир кундо 10 жолу ырын уксак да тажачу емеспиз.
04.11.2013. 18:34 
Тайпасы:
Кыймылы жок
Комментарийлердин саны:
7
Катталган:
24-09-2013
Соӊку аракети:
04-12-2013 18:07
Жынысы:
Белгисиз
0
канча жашта экен
04.11.2013. 18:38 
Тайпасы:
Кыймылы жок
Комментарийлердин саны:
7
Катталган:
24-09-2013
Соӊку аракети:
04-12-2013 18:07
Жынысы:
Белгисиз
0
аккан арыктан суу агат дешет го ата энеси таланттуу адамдар
04.11.2013. 18:40 
Тайпасы:
Жаран
Комментарийлердин саны:
128
Катталган:
11-04-2013
Соӊку аракети:
10-01-2018 14:40
Жынысы:
Белгисиз
0
Жакшы маек болуптур. Баланыз менен эки тамчы суудай окшош экенсиз. Бар болунуз,ийгилик каалайм.
04.11.2013. 19:10 
Тайпасы:
Кыймылы жок
Комментарийлердин саны:
8
Катталган:
19-10-2013
Соӊку аракети:
14-03-2014 18:58
Жынысы:
Белгисиз
0
2000-жылы ОШ-3000 мааракесинде ошто ырдаган.Ошондо жанынан коруп группадагы кыздар болуп аябай суктанып,(суйуп)баарыбыз оозубуздан тушурбой копко чейин соз кылган элек.Азаматсыз Актан байке!уй булонуздо бакыттын нуру чачырасын.Анан албетте таланттуу комузчу Самара Токтакунова энебизге таазим!!!!
05.11.2013. 12:53 
Тайпасы:
Кыймылы жок
Комментарийлердин саны:
28
Катталган:
15-12-2012
Соӊку аракети:
27-02-2014 14:59
Жынысы:
Белгисиз
-1
ото мактанып жибериптирго
05.11.2013. 14:51 
Тайпасы:
Жаран
Комментарийлердин саны:
12
Катталган:
23-06-2013
Соӊку аракети:
19-06-2018 23:15
Жынысы:
Белгисиз
Калаасы:
Москва
0
сонун ырчы уну да ырлары да аябай жакшы озгочо Энеке деген ыры
05.11.2013. 15:00 
Тайпасы:
Жаран
Комментарийлердин саны:
31
Катталган:
25-11-2012
Соӊку аракети:
19-09-2018 12:48
Жынысы:
Белгисиз
0
Азаматсыз ишинизге ийгилик!!! Сиз мн сыймыктанабыз бар болунуз
Super TV
05.11.2013. 18:49 
Тайпасы:
Жаран
Комментарийлердин саны:
95
Катталган:
10-06-2011
Соӊку аракети:
08-05-2018 22:40
Жынысы:
Белгисиз
0
коп нерсени камтыган тарбия жаатында сонун маек болуптур!
Super TV
06.11.2013. 00:36 
Тайпасы:
Жаран
Комментарийлердин саны:
95
Катталган:
10-06-2010
Соӊку аракети:
05-06-2017 09:29
Жынысы:
Белгисиз
Калаасы:
Город зеленого цвета...
0
Ийгилик сизге, сиздей таланттуу, билимдүү, тарбиялуу адамдар кыргыз маданиятында көбөйсө экен ылайым. Атаңызды жакшы эскерип кетиптирсиз, ал адамды бир эле сиз эмес, жалпы кыргыз эле эскерип, урматтап жүрүүсүнө татыктуу. :)
Super TV
06.11.2013. 18:24 
Тайпасы:
Кыймылы жок
Комментарийлердин саны:
5
Катталган:
06-11-2013
Соӊку аракети:
29-12-2013 23:13
Жынысы:
Белгисиз
0
азаматсыз!ойлогом аябай бой которгон болуш керек деп.мен жанылышыптырмын!,корсо абдан акылдуу конулу таза,кыргыздын алдынкы жигиттеринин катарын толуктаган адам экен.ийгилик,уй-булолук бакыт каалайм.менин да балам сиздей акылдуу болсо экен.
09.11.2013. 16:58 
Тайпасы:
Кыймылы жок
Комментарийлердин саны:
167
Катталган:
27-10-2013
Соӊку аракети:
17-10-2016 00:22
Жынысы:
Белгисиз
0
Талантуулардын чыныгы талантуу баласы!!!
09.11.2013. 23:37 
Тайпасы:
Кыймылы жок
Комментарийлердин саны:
41
Катталган:
26-04-2013
Соӊку аракети:
19-06-2016 18:20
Жынысы:
Белгисиз
0
сизге ийгилик каалайм Актан байке
10.11.2013. 10:02 
Тайпасы:
Жаран
Комментарийлердин саны:
43
Катталган:
27-10-2013
Соӊку аракети:
28-06-2017 18:42
Жынысы:
Белгисиз
0
Актан байкеге ийгилик каалайм
10.11.2013. 21:19 
Тайпасы:
Жаран
Комментарийлердин саны:
114
Катталган:
22-02-2011
Соӊку аракети:
27-08-2018 12:42
Жынысы:
Белгисиз
Калаасы:
Бишкек.
0
Азамат! Эрке талтаң эле кичинекейинде,Мыкты жигитке айланыптыр. Атанын уулу!
Super TV
26.11.2013. 01:40 
Тайпасы:
Кыймылы жок
Комментарийлердин саны:
3
Катталган:
09-04-2013
Соӊку аракети:
24-12-2015 11:07
Жынысы:
Белгисиз
0
Талантынызга таазим менин оз ойумда сизди кыргызча суйлобогон бой которгон инсан болсо керек деп ойлочумун нукура кыргызча маек курганыз мен учун чооон туртку болду.Азаматсыз маегиниз аябай жакты жонокой,маданияттулугунуз чыгармачылыгынызга дагы да болсо ийгилик,бар болунуз аман болунуз!!!!
1
2
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: