Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«ЧАГЫЛГАНДЫН» АВТОРУ КАКЕН АЛМАЗБЕКОВ ЖӨНҮНДӨ БАЯН

№575 08-ноябрь-14-ноябрь, 2013-ж


Бар бекен эсте баягы,
Бак чети, айыл аягы?
Күн чыга ишке бараттык,
Күч алып жаштык баяны.

Жылдызы жанса маңдайда,
Жыргабай турган жан кайда.
Демейде бир топ узак жол,
Деги эле кыска андайда.

«Албырып шаттык жүзүңдө» аттуу бул ырдын саптарын кайсы кыргыз гана билбейт. Ар бир сабында күчтүү сезим, жаштыктын илеби жатат. Мындай куюлушкан саптар калем кармаган ар бир эле акындын колунан келе бербеси анык. Кудай берген таланттын ээси Какен Алмазбеков туурасындагы эскерүү назарыңыздарда.

КӨП ЫРЧЫНЫН АТАГЫН АРТТЫРГАН
Акын Какен Алмазбеков 1934-жылы Чүй өрөөнүндөгү Шалта айылында төрөлгөн. Ошол эле айылдагы жети жылдык мектепти бүткөндөн кийин ордо калаадагы №5-кыргыз орто мектепте билим алган. Таланты өөрчүп турган 57 жаш курагында, 1991-жылы дүйнөдөн кайткан акындын артында бир уул, бир кыз калган.
Термелери, дастандары, ырлары «Жыргал», «Мелдеш», «Ырлар», «Кимде айып?» аттуу жыйнак болуп чыккан. Орозбек Кутманалиев, Замирбек Үсөнбаев, Малик Аликеев, Дүйшөнбек Үкүев, Зейнеп Шакеева сыяктуу атактуулар акындын сөзүнө жазылган ырларды аткарып, алар көпчүлүктүн жүрөгүнөн түнөк тапкан. Агайдын ырлары менен атак-даңкка сапар алгандар да болгон десек жаңылышпайбыз.

Кечирип койсоң
Жыл өттү көрбөй калганга,
Жык толду жүрөк арманга.
Өкүнүч мени мыжыгат,
Өзүңдү эстей калганда.

Жоодурай калсаң көз ирмеп,
Жок эле сенин өзүңдөй.
Көңүлгө улам чок салган,
Көз кайда сенин көзүңдөй.

Эркелей калсаң асылып,
Эт жүрөк чери жазылып.
Аралай кирип кетчү элек,
Алмалуу бакка жашынып.

Бул кезде анын бири жок,
Буркурайт жүрөк тили жок.
Бир сөзгө анча таарынып,
Каякка кеттиң жиги жок?

Сен үчүн далай ырдадым,
Дагы эле келет ырдагым.
Кетирген күнөөм мойнумда,
Кечирип койсоң, жыргалым.

«САГЫНАМ» КАКЕН АЛМАЗБЕКОВДУКУ
Гезитибизге «Сагынам» аттуу ырдын тарыхы тууралуу баян жазганбыз. Белгилүү акын Майрамкан Абылкасымова «бул ырдын автору Жапар Чабалдаев» деп маек куруп берген эле. Бирок ал ыр Какен Алмазбековго таандык экенин карындашы Сания эже келип айтып отурду. «Сагынамдын» сөзү Какен агама таандык экенин Майрамкан жакшы билчү, тескери сүйлөгөнүн кантип түшүнөрүмдү билбей турам» деди. Ал эми Майрамкан эже «Жапар Чабалдаев ырда мындай ой камтылса деген сунушу менен Какен Алмазбековго текст жазып берүүсүн өтүнгөн экен. Ал киши текст жазып бергени менен, көп жылдар аты аталбай, аткаруучу Жапар Чабалдаевдин ысымы айтылып калган. Ырды Жапар мага арнап ырдап жатса, менин эсимде сөзү дагы Чабалдаевге таандык бойдон калыптыр» деди.
Какен агайдын эл ичинде ооздон-оозго алынып ырдалып жаткан ыры бир гана «Сагынам» эмес. «Чагылганды» ким гана билбейт, Зейнеп Шакееванын аткаруусунда эл тааныбады беле? «Элес» тобунун аткаруусундагы «Кайдасың?» деген ырды ар бир ыр ышкыбозу созуп калган десек жарашат. «Угузчу бир сөз» аттуу чыгарма орто муун үчүн азыр деле хит. «Жыпары белең баланын?» деген ырын айтпай кетсек болбос.

КРнын Эмгек сиңирген артисти Дүйшөнбек Үкүев:«КАКЕН АГА КЫЙЫН ШАХМАТЧЫ ДА БОЛГОН»
– Какен агам менен чогуу иштешмек түгүл, чогуу шахмат да ойночубуз. Ал кишинин шахматты жакшы ойноорун мындан билсең болот. Ыр жазарын угуп жүргөм, бирок шахмат ойногону акындык өнөрүнөн да даңазаланып бизге жеткен. Мен да шахматты жакшы ойночумун, атайын издеп барып таанышкам.
Отуруп алып кээде бир күн кечке шахмат ойночубуз. Сүйлөшкөн сөзүбүз жалаң ыр жөнүндө болор эле. Анын үч ырына обон чыгаргам. Ал байкем жаңы чыгарма жазарда 100 граммдан сеп этип койчу, анан эле шумдук ырларды жазып калчу. Ал кезде «Сейил» деген ресторан бар эле, Байдылда Сарногоев баштаган акын-жазуучулар ошол жерден чыгышчу эмес. Ресторанга кирип бирден кружка сыра алганда эле эл чогулуп калчу. Какен агам куйкум сөздү укмуш сүйлөчү, отургандардын боорун эзип.

Зейнеп Шакеева: «ЧАГЫЛГАН» ОШОЛ КЕЗДЕГИ СҮЙҮШКӨНДӨРДҮН ГИМНИНЕ АЙЛАНГАН»
– Сөзү канчанчы жылы жазылганын билбейм. Менин колума 1967-жылы тийди. Аксуубай Атабаев «менде «Чагылган» аттуу ыр бар, угуп көрчү, жакса ырдап чыгарсың» деди. Жактырдым. «18 жаш», «Чагылган», «Таалайбек» деген үч ырды бир күндө жаздырып салдык. Ошентип, менин Зейнеп Шакеева атым бир эмес, дароо үч ыр менен чыккан. Үчөө тең бат эле элге алынып, ооздон-оозго өтүп ырдалып кетти. «18 жашты» жаштыгын сагынган, артта калган күндөрүнө кусаланган адамдар ырдаса, «Чагылган» сүйүшкөн жаштардын гимнине айланган.

Чагылган
Көрүшкөндө көздөр тике карабай,
Эрке мүнөз, уяң өскөн баладай.
Жүрөк сырын жүзүбүздөн байкашып,
Баратабыз гүлдүү бакты аралай.

Биз ал күнү таанышканбыз жаңыдан,
Жарым карыш чыккым келбейт
жаныңдан.
Аппагыңды көрүп алчы дегенсип,
Аңгыча эле жарк дей түштү чагылган.

Жарк дегенде неге сени карадым?
Жүрөк булкуп, жайнап турду жамалың.
Дагы-дагы жарк дей түшсө экен деп,
Ошондо мен чагылганды самадым.

Басылат го, туралы деп кичине,
Баш катабыз бир күрмөнүн ичине.
Ошол түндү дал ошентип өткөрдүк,
Неге мынча сүйүү кызык кишиге?

Адил Чекилов:«АЛА-ТОО ТАҢШЫЙТТЫ» БАРАКТАП ОТУРУП ЖАКТЫРЫП КАЛГАНБЫЗ»
– Кыргыздын эстен кеткис ырлары камтылган «Ала-Тоо таңшыйт» деген жакшы ыр топтому бар эмеспи. Ошону барактап отуруп «Кайдасың?» деген ырды «Элес» тобунун жигиттери жактырып калган элек. Анан Актан Исабаев экөөбүз «ырды биздин топ ырдап чыксын» деп калдык. Ал кезде «Оп майда» менен элге белгилүү болуп калганбыз. Анан эле Актан экөөбүз тең топтон кетип калдык. Нурлан Мамбетов келип «Кайдасыңды» ырдап чыкты.

Кайдасың?
Биз жүргөн айлуу түн кайда?
Биз үзгөн жыпар гүл кайда?
Көзүңдөн секет болоюн,

Көрүнүп койчу бир кайра.
Жалбырак, жайдын кечи эле,
Жанаша баскан кез эле.
Тамаша кыял сөз айтсам,
Таарына түштүң тез эле.

Кыялым чертип түркүн күү,
Сен карап койсоң сүйкүмдүү.
Тымызын ичим тызылдайт,
Сагындым сенин күлкүңдү.

Малик Аликеев:«БИР ЫРЫ МЕНИН КОЛУМА ТИЙБЕЙ КАЛДЫ»
– Какен агайдын «13 жашар баланын арманы» деген ыры мен кичине кезде радиолордон көп берилчү. Радио менен кошо жарышып ырдап чоңойгом. Борборго келгени ал ырды жаздырып ырдап чыккам. Бир жолу жумуштар менен Алмазбековдун үйүнө бардым. Жалгыз турат экен, үйү толтура кагаз. Мага «сага ылайыктуу бир ыр жазып жатам, бүткөндө бир кайрыл» деген. Анан эле көзү өтүп кетти. Ошентип, ал ыры менин колума тийбей калды.

Сүйүн Кулматова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(11)
11.11.2013. 10:19 
Тайпасы:
Жаран
Комментарийлердин саны:
52
Катталган:
22-02-2011
Соӊку аракети:
22-10-2018 10:28
Жынысы:
Белгисиз
Калаасы:
Бишкек.
+1
Өмүрүнүн акырында чыгармачылык кечесин өткөрүп, ошондо элге таанылган. "Тан атпай баары ошондо,тан атпай барам бозого"-деп ал кезде Ош базардын сайында бозокана бар эле,ошол ж-дө кечеде ыр айтып , көрүүчүлөрдүн черин жазган эле.Ал кече акындын биринчи жана акыркы кечеси болуп калды.
11.11.2013. 21:59 
Тайпасы:
Кыймылы жок
Комментарийлердин саны:
31
Катталган:
11-11-2013
Соӊку аракети:
06-05-2016 20:07
Жынысы:
Белгисиз
0
Чагылганды мен да, байкем да жакшы коруп угабыз.
12.11.2013. 01:21 
Тайпасы:
Жаран
Комментарийлердин саны:
42
Катталган:
29-10-2013
Соӊку аракети:
15-11-2018 23:49
Жынысы:
Белгисиз
0
Кайталангыс талант!
12.11.2013. 08:46 
Тайпасы:
Жаран
Комментарийлердин саны:
34
Катталган:
29-04-2013
Соӊку аракети:
04-07-2018 07:36
Жынысы:
Белгисиз
0
Саламатсыздарбы супер инфо? Алмаш чойбекова жонундо кенениреек маалымат берип койгулачы сураныч? Жашоо турмушу начарлап, каарылар уйундо деп уктум эле
12.11.2013. 19:26 
Тайпасы:
Жаран
Комментарийлердин саны:
126
Катталган:
10-11-2012
Соӊку аракети:
10-06-2018 22:29
Жынысы:
Белгисиз
Калаасы:
Кыргызстан.
0
Бизде тируундо сыйлабайт и барктабайт.олсо ее зор акын еле деп кала беребиз.
13.11.2013. 13:25 
Тайпасы:
Кыймылы жок
Комментарийлердин саны:
19
Катталган:
12-04-2013
Соӊку аракети:
26-06-2014 01:31
Жынысы:
Белгисиз
Калаасы:
Ордолуу Ош шаары
0
Талантына таазим этебиз!ырлары соонун
14.11.2013. 09:50 
Тайпасы:
Кыймылы жок
Комментарийлердин саны:
19
Катталган:
21-05-2013
Соӊку аракети:
05-11-2015 18:08
Жынысы:
Белгисиз
0
кубулжуп жазган ыра куйкуму келет уугуга баратам менда ыр жызып сабына сына жараша.ех бир келдин бир кеттин.омурлуу болду ырлар.бул саптарды окуп алып менда ыр жазып адым ен жакшы
16.11.2013. 16:14 
Тайпасы:
Жаран
Комментарийлердин саны:
29
Катталган:
12-05-2013
Соӊку аракети:
14-03-2017 00:39
Жынысы:
Белгисиз
0
Кайталангыз талант гана туболуктуу ырларды жаратса керек. Не деген гана ырлар; 'ЧАГЫЛГАН', '18 ЖАШ'!!!
17.11.2013. 01:46 
Тайпасы:
Жаран
Комментарийлердин саны:
25
Катталган:
10-12-2012
Соӊку аракети:
25-10-2018 20:46
Жынысы:
Белгисиз
0
азыр да хит бул ырлар баары билишет. Очпос талант
19.04.2014. 23:17 
Тайпасы:
Жаран
Комментарийлердин саны:
1
Катталган:
28-08-2010
Соӊку аракети:
07-02-2017 14:55
Жынысы:
Белгисиз
0
Супер Инфо - кыз жигит айтышын жуктоп койгулачы сураныч ...
21.04.2014. 12:35 
Тайпасы:
Супермодератор
Комментарийлердин саны:
2109
Катталган:
22-02-2011
Соӊку аракети:
16-11-2018 17:44
Жынысы:
Белгисиз
Калаасы:
...
0
barmen,
Саламатсызбы! Сунушуңузга рахмат, аракет кылабыз.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: