«СЕМИЗ КОЗУ» ЭМИ СҮТ МЕНЕН ТАЗАЛАНГАН!

«Alsuu» компаниясынын «Семиз козу» деген өзгөчө аталыштагы спирт ичимдигинин өлкө рыногунда пайда болгонуна бир жылдын жүзү болду. Чыкканына жыл толгон бул спирт ичимдиги учурда сүт менен тазаланып, даярдала баштады. Аталган компаниянын директору Гулиев Гапал Мохуббатович менен жолугуп, «Семиз козу» тууралуу кенен маалымат алдык.

– Гапал Мохуббатович, «Семиз козунун» чыкканына бир жыл болду. Бир жыл ичинде «Семиз козу» кандай ийгиликтерди багындыра алды?
– «Семиз козу» өткөн жылы жаңы жылды утурлай сатыкка чыгарылган. Учурда Кыргызстандын рыногунан өз ордун таап келатат. Бул аралыкта «Семиз козунун» кардарларынын табитин таап, талаптарын орундатууга аракет кылдык. Массалык маалымат каражаттары аркылуу ар кандай оюн-акцияларды уюштуруп, ондогон тирүүлөй семиз-семиз козуларды тартууладык. Элдин талабына карап өндүрүмүбүздү бир гана үлгүдө, 0,5 литр өлчөмүндө чыгарып келебиз.

– Оригиналдуу аталыштагы өндүрүм учурда сүт менен тазаланып, даярдалып жатыптыр. Ушул тууралуу кенен айтсаңыз...
– Ооба, учурда табигый таза сүт менен тазалап иштөөгө өттүк. Рынок үчүн биздин бул уникалдуу технологиябыз СССР учурунда Кремлдин жана өкмөт өкүлдөрүнө сунушталуучу арактарда гана колдонулган. Демек, сапаты, тазалыгы мактоого арзый турган. Мындай өндүрүмдөр көбүнчө карапайым калк үчүн кол жеткис болуп, саналуу гана чөйрөнүн сүйүктүү спирт ичимдиги болуп келген. Адатта, спирт ичимдигин ичкен күндүн эртеси дене салмактанып калат эмеспи. Анан да калыптанууга көп убакыт талап кылынат. Арак сүт менен тазаланганда организмге келе турган зыяндар азаят. Ошол себептүү сүттүн коюулугу жана сапаты тыкыр көзөмөлгө алынып иштелүүдө.

– Жакшы. Айтсаңыз, «Семиз козуну» каяктан сатып алса болот?
– «Семиз козу» башкы кеңсебиз жайгашкан Кара-Балта шаарында өндүрүлөт. Ош шаарында да филиалыбыз бар. Өлкө ичинде бардык аймактарда сатыкка чыгып, жакшы кабыл алынып келет. Бардык дүкөндөрдөн сатып алса болот. Эл анын сапатын баалайт. Андан тышкары акцияга катышып, семиз козу утуп алуу мүмкүнчүлүгүнөн пайдаланууга аракеттенишет. Чет элдик досторго, тааныштарга да белекке берип жатабыз. Ага кошумча чет элдиктер бул спирт ичимдигин белек катары сатып алып, өз мекендерине алып кетишет. Байкап көргөн чет элдик коноктор анын мыкты сапатын, даамын жактырышууда.

– Эмнеге «Семиз козу» деп аталып калган?
– Жергиликтүү салтка, улуттук колоритке байланыштуу ушундай аталышты туура көргөнбүз. Чет жерден келген коноктор «Семиз козунун» которулганын угуп, биздин дарегибизге мактоо сөздөрүн узатып калышат.
Учурда спирт ичимдиктеринин түрү көп. Биринчиси экинчисинен айырмаланып турат. Бул жаатта биздин айырмабызды айтсак, «Семиз козу» тазалыгы, жумшактыгы, даамдуулугу жана табигый кошулмалар менен өзгөчөлөнөт. «Семиз козунун» курамына кошулган заттардын баары: жаңгак, сүт, бал – таза, табигый. Эл биздин ичимдикке карата химиялык кошулмаларсыз иш алып барарыбыздан шек санабай эле койсо болот.

Максат Кудайбердиев