Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ОшМУнун ректору, профессор Каныбек Исаков:«ОШ МАМЛЕКЕТТИК УНИВЕРСИТЕТИ ИЗДЕНҮҮ, ИЙГИЛИК ЖОЛУНДА»

№576 15-ноябрь-21-ноябрь, 2013-ж


Ош Мамлекеттик университети акыркы 2 жылда бир топ жетишкендиктерди багындырды. Аз убакыттын ичинде чоң университетти алдыга алып чыгуу, албетте, жетекчиден көз каранды. Ийгилик сырлары туурасында ОшМУнун ректору, профессор Каныбек Исаков менен ой бөлүштүк.

МЕЗГИЛДИН ДЕМИН СЕЗГЕН ЖАМААТ

– Каныбек агай, акыркы учурда ОшМУда жаңы саамалыктардын, жаңы ачылыштардын саны улам арбып бара жатат. Университеттеги жаңыланууларга токтоло кетсеңиз...
– Бүгүн мезгилдин демин сезип, заман менен тең жарышканга аракеттенүүдөбүз. Анткени өлкөбүздүн билим берүүсүндөгү реформалардан артта калбай, чоң изденүү менен алдында баратабыз деп айта алам. ОшМУну коомчулуктун кызыкчылыгын колдогон, гумандуу идеяларды коомго сунган, үлгү боло турган университет болсун деген ниетте иштөөдөбүз. 2012-жылы биринчилерден болуп экономика багытында эл аралык аккредитациядан өттүк. Учурда эл аралык жана улуттук көз карандысыз аккредитациядан өткөрүүгө 20га жакын адистиктерди даярдап жатабыз. Эл аралык билим берүүнүн интеграциясына аралашуу – башкы максатыбыз.
Ушул жылы 300 миң доллардын айланасында инвестиция тартуу менен Конфуций институтун ачып, 100дөн ашуун студенттерди кабыл алдык. Бул институт материалдык-техникалык базасы жагынан дүйнөлүк талаптарга жооп берген инвестициялык чоң долбоор болуп калды.
Андан сырткары ЮСАИД уюму менен биргеликте 100 миң доллардан ашуун каражатка 3 көз карандысыз тестирлөө жана дистанттык окутуу борборлорун ачтык. Студенттерге өз билимдерин, эмгегин реалдуу баалоого жол ачылды.
Кабыл алууну онлайн режиминде өзгөчө ачык-айкындуулукту камсыз кылуу менен өткөрдүк.
«Билим» лицейи ачылып, учурда 150дөн ашуун улан-кыздар окуп жатат. Лицейди ачууда улуттук нарк-насилге үндөгөн жана заманбап билим берген борбор болсун деген максатыбыз болду.
Жакында Түркия менен 5 миллион доллар каражатка бир окуу корпусун жана жатакана курууга келишим түзүлүп, «Ыйман» лицейин ишке киргиздик. Балдардын жүрөгүнө ыйман сиңирген, акыл-эсине билим үрөнүн сепкен ажайып билим борбору болот.
Бөбөктөрдүн жан дүйнөсүнө улуттук баалуулуктарды сиңирип, дүйнөлүк алдыңкы усулдар менен тарбия, билим бере турган 140 орундуу «Зирек» балдар бакчасы ачылганына саналуу гана күндөр болду. Бул жерде 3 тилди үйрөтөбүз, улуттук тарбия беребиз. Университет өзүнүн бала бакчасынан тартып докторантурага чейин иштей турган билим берүү деңгээлдерин түздү.
ОшМУ – классикалык университет болуп саналат. Себеби университетте 72ден ашуун адистик даярдалат. Университеттин медицина факультетинин окуу корпусунун алдында максималдуу түрдө пайдаланса, 200 орундуу дарылануу орундары бар, үч кабаттуу 3 миң чарчы метр аянтты түзгөн, заманбап типтеги медициналык клиника курууну баштадык. Буюрса, 2014-жылдын сентябрь айына ишке киргизебиз. Бул клиника илим менен өндүрүштү, теория менен практиканы айкалыштырган борбор болот.

«ИНДИЯ МЕНЕН БИРГЕЛИКТЕ ЖАҢЫ ТЕХНОЛОГИЯЛАР БОРБОРУН АЧАБЫЗ»

– Агай, жогоруда инновация жөнүндө кеп кылып калдыңыз, инновация, интеграция, инвестиция, интеллект, изденүү, ишеним, ийгилик деген ураандын алдында иш алып барып жатканыңызды укканым бар, буларды кененирээк чечмелеп берсеңиз...
– Азыр биздин алдыбызда үч чоң милдет турат. Биринчиси, эл аралык билим берүүдө кандай ийгиликтер жаралып жаткан болсо, алгылыктууларын иргеп алып, кыргыз турмушуна алып келип, ошол аркылуу өнүгүүнүн жолун табышыбыз керек. Ошол себептен билим берүүдө да эң мыкты усулдар, системдер калыптанып келе жатат. 2 жылдан бери кредиттик технологияга өтүп жатканыбыз эл аралык интеграцияга аралашуунун бир жолу. Бир топ адистиктер боюнча магистрлерди даярдап жатабыз. Магистратура системин күн сайын өркүндөтөбүз. PhD докторантураны түзүүнүн моделин иштеп жатабыз.
ЮСАИД менен биргеликте түштүк жергесинде эки баскычтуу билим берүү системине өтүүнүн технологиялары боюнча окуу лабораториясын ачалы деп жатабыз. «Кредиттик окуу технологиясы бизге кандай натыйжаларды жана кандай сабактарды берди? Кандай кемчиликтер кетти?» деп аныктап алып, аны жайылтуучу механизмдерди иштеп чыгышыбыз абзел. Ал үчүн парламент, өкмөт, министрлик тарабынан кабыл алына турган мыйзамдын жоболору иштелип чыгышы керек. Лабораторияда эки баскычтуу билим берүү системине зарыл долбоорлорду иштеп чыгып сунуштайлы деп жатабыз.
Кыргызстанда биринчи жолу билим берүүнү башкарууну автоматташтырган электрондук систем түздүк. Ал эми инвестиция деген чоң процесс. Эгер окуу жайдын жамааты изденүү менен иштеп жаткан болсо, ошол эмгекти эл аралык грант берүүчү түрдүү мекемелерге көрсөтүп, ишендире алса, анда ал жерде инвестиция пайда болот. Жардам сурап жалдыраган жерибиз жок, бирге иштешүүнүн жолун сунуштап жатабыз. Индия өлкөсү менен 1 миллион долларга инвестиция алганга келишимге кол койгонбуз. Университетте Кыргыз-Индия биргелешкен жаңы технологиялар борбору иштеп баштайт. Ал жерде санариптүү аппаратуралар, жаңы программалык жабдуулар болот, студенттерибиз өлкө өндүрүшүнө керектүү жаңы программаларды түзүшөт.

«ИНВЕСТИЦИЯЛАРДЫ ТАРТУУ БАГЫТЫНДА ИШТЕП ЖАТАБЫЗ»
– Ал эми изденүү, ишеним, ийгилик бул жогоруда айтылып өткөндөрдү толуктап турат. Ар бир факультеттин жамааты ректорду гана карап отурбастан, ар бири өз жумушуна изденүү менен мамиле кылсын деген багыт. Ишеним дегенде ар бирибиз өзүбүздүн күчүбүзгө, бири-бирибизге ишенишибиз керек. Ошол себептен бардык жерге ушул ураандарды илдик. Университет бир эле билим берүүдөн эмес, илим изилдөөдөн, өндүрүштөн, патенттерди сатуудан жана башка булактардан акча каражаттарын табууга күчүн жумшаш керек.

– Ар дайым жаңы нерсеге умтулган жетекчисиз. Сиз жакында эле Евросоюз өлкөлөрүндө иш сапарда болуп келипсиз. Ал жактан ОшМУнун өнүгүшүнө тийиштүү жагдайларды байкай алдыңызбы?
– Кайсы жерге барбайын, университетте пайдасы тие турган тарбиялоо, билим берүү системин өнүктүрүүгө аябай көңүл буруп, баш-отум менен кирип кетем. Эмнени көрсөм, эмнени түшүнсөм баарын кагазга жазып келем. Швециянын 1700-жылдары курулган Гётеборг университетине бардык. Ал окуу жай экологиялык жактан тазалыкты даңазалаган университет катары сертификат алыптыр. Ал жерден менин өзгөчө кызыкканым, магистратура менен докторантура болду. Ал эми Эстониянын Тарту университети 1632-жылы курулган. Ал окуу жайдын студенттери скайпты ойлоп табышкан. Анан бир спутникти Айга учурушуптур, азыр экинчиси даярдалыптыр. Буларды көрүп туруп «Биз кайсы деңгээлдебиз, алар кайсы деңгээлде?» деп ойго батам. Совет мезгилинде биздин 10дон ашык окутуучуларыбыз физика боюнча илимий иштерин Тарту университетинен жакташкан. Ошондой эски салттарыбызды кайрадан жандандыруу келишимдерин түздүк.

«ТАЛАНТТУУ ЖАШТАРГА КЕҢЕШИМДИ БЕРҮҮДӨН ЭС АЛАМ»
– Сиздин ОГПИге ректор болуп барып жасаган ийгиликтериңизди коомчулукта суктануу менен айтып жүрүшөт. Андан кийин ОшМУну да бир топ алдыга жылдырдыңыз. Булардын баарына күбө болуп турган адамда «Кантип эс аласыз?» деген суроо жаралбай койбойт экен...
– Мен жумушка келгенде чыныгы формамды сезем, ден соолугум да чыңалып калат. Изденип, бир нерсе жаратканга дайыма аракет кылам. Ошол себептен дем алыш күндөрү да иштеп турам. Ошол эле ОГПИде мен барганда эки ректорду кетиришип, ректор аттууга такыр ишеним кетип калган экен. Мага да алгач ошондой ишенбестик пайда болду. Бирок убакыт баарын көрсөтүп, жамаат 6 айда кантип ишке түшүп кеткенин билбей калды. Себеби бирөө жарымды күтүп отурбастан өзүм баш-отум менен ишке кирип кетем. Мага жардам бергендер менен идея бөлүшүп иштешип кетем.
ОГПИнин облигин, ички мазмунун таанылгыстай өзгөрттүк. ОшМУда да ынтымак, изденүү, ийгилик жаратууга жамааттын акыл-эсин багыттадык. Жамааттын ар бир мүчөсү бүгүн жаңыланууну, өзгөрүүнү, өнүгүүнү сезип жатат. Тынымсыз көркөм адабияттарды окуганга, дүйнөлүк руханий лидерлердин ойлорун окуп-үйрөнүүгө аракет жасайм. Студенттер менен пикир алышуудан, таланттуу улан-кыздарга устаттык кеп-кеңешимди берүүдөн эс алам.

– Эл камында жүргөн жетекчини, жаштардын билим алуусунда эмгектенип келген педагогду учурда эмне түйшүккө салат?
– Бүгүнкү күндө тарбиялоо системин алсыратып алдык. Эгемендүүлүк жылдарында төрөлгөн бала учурда 22ге чыкты. Мына, ал бала өзү ата-эне болгонго даяр болуп калды. Союз ыдырап, эгемендүүлүккө өткөн жылдары ал кыйналып турган үй-бүлөдөн кандай тарбия алды? Эртең өзүнүн баласына кандай тарбия берет? Ошон үчүн адамгерчиликке тарбиялоону, адамдык мамилелерди калыбына келтирүүнү, ыйманга тарбиялоону катуу колго алып жатабыз. Азыр жан дүйнөсү өзүмчүлдүк сезимге толгон жаштардын катмары пайда болду. Четтен түрдүү маданияттар кирип, биздин улуттук тарбияга кысым жасап жаштарыбызды тартып кетүүдө. Ушул тапта биз байкоочу болуп, кол жайып отура бербешибиз керек.

«СЕН КӨЙГӨЙДҮ АЙТЫП ЖАТКАНДА ӨЛКӨБҮЗДҮ СҮЙҮП, АЯП ТУРГУН»

– Анда сиздин «жаштарды гумандуулукка, ыймандуулукка тарбиялоо» деген демилгеңиз ушул себептен көтөрүлгөн экен да?
– Албетте. Жаштарды биздин улуттук аң-сезимге туура келбеген, өлкөнүн өнүгүшүнө терс таасирин тийгизген адаттарынан арылтуу керек. Мени кубандырганы, жаштардын көпчүлүгү адамдык баалуулуктарга умтулуп жатканы. Эртеңки Кыргызстандын образын түзүүчү адам бала бакчадагы тарбиячы, мектептеги мугалим, университеттеги профессорлор болушу керек. Ал жаш жаран заманбап билимге эгедер, жүрөгүндө адамдык сапаты бар, жардам сурагандарга колун сунууга даяр болгон адам болуш керек.
Кыргызстандагы кемчиликтерди, жетишсиздиктерди таап, айтууну модага айландырбадыкпы. Бирок мен айтар элем, сен көйгөйдү айт, бирок ошону айтып жатканда өлкөбүздү сүйүп, мамлекетибизди кадырлап тургун. Ошондо гана мекенибиздин чыныгы патриоттору болобуз. Ар бир инсан «Мен ушул сөзүм менен, ушул жүрүм-турумум менен мекениме доо кетирип жаткан жокмунбу?» деп ойлонуш керек. Антпесе, жеке укугубузду талап кылып жатып, мамлекетибиздин укугун тепсеп алдык. Кандай саясий күчтүн таасиринде болбойлу, жүрөк согуп турганда Кыргызстаныбызды сүйүп, аяп, коргоп турушубуз керек. Бул ойду идеологиялык калыпка салып, аң-сезимге жеткирүүбүз зарыл.

– Сиздин атыңыз чыкканда ОшМУ элестелет. Ар бир кадамыңыз, ар бир оюңуз университетке байланган. Кеч жумуштан чыгып алып университетке тийиштүү мекемелерге көз салып чыгарыңызды уккам. Мунун да окуу жайга тийгизген таасири болсо керек?..
– Ооба, кайсы жер начар болсо ишти ошол жерден баштайм. Аны билиш үчүн, кемчиликтерди көрүш үчүн бардык нерседен кабардар болуу керек. ОшМУ – аябай чоң тармактуу университет. Ош шаарынын 21 жеринде окуу корпустары, 8 жеринде жатаканалары бар. Түн жарым болобу, таң заардан болобу декан, кафедра башчы кимге болбосун байланышып, тийиштүү жумуштар жөнүндө сурап тактап, анан сөзсүз өз көзүм менен көргөнгө аракет кылам. Жетишсиз нерсени тийиштүү жетекчилерге тапшырып, ойлогон ишимди эртерээк ишке ашырганга шашам.

– Жакында Айтматовдун айкелин тургузду деп уктук?..
– Чыңгыз Айтматовдун айкелин эмне үчүн эки жерге тургуздук? Ал – кыргыздын идеологиясы, улуттук сыймыгы, руханий лидери. Дүйнөгө Айтматовдон башка ким менен сыймыктана алабыз? Түштүктүн эч жерине Айтматовдун айкели коюла элек. Университетте айкели турсун, студенттер жанына туруп сыймыктанып сүрөткө түшсүн. Анын ким экенин билишсин, унутушпасын. Айтматовдун дүйнөсүнө аралашсын деген ой менен тургузулду.

– Спорт жаатында да оозго аларлык иштерди жасаганыңыз жөнүндө айтпай кетпесек болбойт...
– Спорт бул университеттин башкы көрсөткүчтөрүнүн бири. Жакшы даярдыктан улам биз быйыл Республикалык Универсиадада өз лигабызда баш байгени алып, Жогорку Лигага чыктык. Казань шаарында өткөн Дүйнөлүк Универсиадада Кадыр Келсинбеков деген студентибиз байгелүү коло медалды тагынды. Спорттун 12 түрү боюнча ички федерацияларды түздүк. Федерацияларды проректорлор жетектеп, камкордук көрүшөт. Педагогика жана дене тарбия факультетинин алдында заманбап футболдук аянтча, арт жагына чоң теннистик корт курдук. Кампусубузда да табигый газондуу футболдук талаа жана волейбол, баскетболдук аянтчаларды жасадык.

Түркиянын Кастамону университетинин ректору Сейит Айдын менен келишим түзүү учуру.


Конфуций институтунун ачылыш аземи.«Таланттуу, жигердүү студенттерге тынбай кємєк кєрсєтүп келебиз».

Конфуций институтунун ачылыш аземи.

Уулбү Каныбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(10)
18.11.2013. 21:43 
Тайпасы:
Кыймылы жок
Комментарийлердин саны:
17
Катталган:
09-11-2013
Соӊку аракети:
14-01-2016 20:23
Жынысы:
Белгисиз
0
Кыргызстандагы ВУЗдардын ректорлорунун эн мыктысы. Ишинизге ийгилик!
18.11.2013. 22:58 
Тайпасы:
Кыймылы жок
Комментарийлердин саны:
30
Катталган:
17-07-2013
Соӊку аракети:
31-08-2014 04:29
Жынысы:
Белгисиз
0
Менда бир убактарда Ушул ОшМУда Контр стайк ойнойт елем агайлар менен кандай сонун убакытар
19.11.2013. 02:19 
Тайпасы:
Жаран
Комментарийлердин саны:
143
Катталган:
04-10-2011
Соӊку аракети:
04-01-2018 01:30
Жынысы:
Белгисиз
+1
ушул системасы чирик универ жонундо жазбай эле койбопсунар. ал ачылды бул ачылды дейт, мугалимдерин зачетто 50 сомдон алганын токтоттубу? же токтотуп 100 сомдон алып калганбы? ошол борборлордун ачылганы менен мугалимдеринердин билим денгээли томон болсо мне пайда? туалеттер ремонттолгонбу? эмеректеринер жаныландыбы? компьютерный класста он компьютерден ону иштеп калганбы? декандарынар интернеттен дистанционный билим алабы же дале гороскоп окуйбу? доскага жазганга мел барбы? мына ошол жонундо
11.02.2014. 09:22 
Тайпасы:
Жаран
Комментарийлердин саны:
5
Катталган:
11-01-2014
Соӊку аракети:
22-05-2018 11:00
Жынысы:
Белгисиз
Калаасы:
Ош
0
janet, )) Зачеттор, мен окуп жүргөндө, 250 дөн эле. Бир эжеке экзаменге 1000 сом алган. Сунушум бар, кадрларды жакшы тандашыңар керек. Ойлоп көрсөңөр, П
19.11.2013. 02:29 
Тайпасы:
Жаран
Комментарийлердин саны:
143
Катталган:
04-10-2011
Соӊку аракети:
04-01-2018 01:30
Жынысы:
Белгисиз
+1
маек курсанар дурус болмок. мен тапшырган жылы Мурзубраимов ректор болчу, конверттерди оз алчу анда да ичин ачып карап, студенттерди мал сымал шайлоого айдаар эле. Орозбеков да ректордон депутат болду, мени шайласанар контракттын баасын тушуруп берем деп, анысы ошол бойдон калды. Азыр эми кандай иштеп атасын Каныбек агай? Сен да Бектемир агайындай чон там салдынбы винный погреби менен? канча толойт студенттер? кандай билим алып атат? жооп жаз ушул жерге, коменттерди окуй турганынды билем
19.11.2013. 14:04 
Тайпасы:
Жаран
Комментарийлердин саны:
78
Катталган:
07-06-2013
Соӊку аракети:
11-03-2017 21:42
Жынысы:
Белгисиз
0
ОшМУ-КОРРУПЦИЯНЫН чордону. Мактанаарлык билим деле бербейт,анткени мугалимдери деле анча билимдуу эмес. Анткени аларды жумушка тааныш-билиш жолу менен алышат. Мисалы, геофагында,жалан эле Матикеевдин жакындары,жердештери иштейт,билимдери ото тайкы.
Модератор admin_media түзөттү 19.11.2013 14:11
20.11.2013. 12:16 
Тайпасы:
Жаран
Комментарийлердин саны:
12
Катталган:
13-02-2012
Соӊку аракети:
21-03-2018 12:17
Жынысы:
Белгисиз
Калаасы:
Ош
0
Сиздер 15 жыл баштагы корунушту жазыпсыздар, азыр жанылануу процесс жыл сайын озгоруп жатбайбы. Эгер чындыкты билгениздер келсе, Ош МУга келип, коруп кетиниздер. Чындыгында жанылануу болуп жаткандыгын козунуздор мн коросуздор.
21.11.2013. 18:28 
Тайпасы:
Жаран
Комментарийлердин саны:
39
Катталган:
20-05-2013
Соӊку аракети:
12-06-2017 14:33
Жынысы:
Белгисиз
0
Озум Ош МУну аяктап ал жерде мугалим да болуп иштеп журдум. 40тай коллективдин ичинен 5-6 мугалимдин эле билими талапка жооп бербесе калгандарыныкы билими ото тайкы болчу. Озу отуп жаткан предметти озу жакшы тушунчу эмес, анан кайдан студент оздоштурмок эле. Билим алууга талпынган студенттер коп болчу. Мугалимдин билиминин тайкылыгынан эчтеке билбей эле бутушту. Ош МУга ишке жайгашуу жалан тааныш жана акча менен бутчу. Капнчалаган студенттин убалына калышты, жалко просто
11.02.2014. 09:40 
Тайпасы:
Жаран
Комментарийлердин саны:
5
Катталган:
11-01-2014
Соӊку аракети:
22-05-2018 11:00
Жынысы:
Белгисиз
Калаасы:
Ош
0
Программалоо тилинен сабакка мугалимдер кирет эле, алар мисалы, ошол программаны компьютерге орното албай, бизден тест(андан кийин акча) алат эле.
Окуу пландары эскирген, керексиз, акча гана алган сабактар өтө көп.
Сунушум бар, Каныбек Абдуваситович, айлык акыны көбөйтүп, чыныгы, өз ишин билген мугалимдерди, аз санда болсо да, ишке тартсаңыздар. Антпесе, эч нерсени билбеген лаборанттар мугалим болуп калып кетип жатышат.
30.03.2014. 13:53 
Тайпасы:
Жаран
Комментарийлердин саны:
10
Катталган:
15-01-2012
Соӊку аракети:
15-11-2018 18:16
Жынысы:
Белгисиз
Калаасы:
Бишкек
0
Каныбек Абдуваситовичти жакшы билем. Ал жетекчи болуп, баарган жерине байрак илип, домбура кагат. Бирок мааниси озгорбойт. Бирок ал кишинин саясый позициясы ар дайым озгоруп, кубулуп турат.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: