Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СУЛТАН САДЫРАЛИЕВ: «КӨЧӨДӨ СЕМИЧКЕ САТЫП ОТУРГАН КЫЗДЫ СҮЙҮП КАЛСАМ, ОШОНУ АЛАМ»

№176 26-31-март, 2006-ж.


СУЛТАН САДЫРАЛИЕВ: «КӨЧӨДӨ СЕМИЧКЕ САТЫП ОТУРГАН КЫЗДЫ СҮЙҮП КАЛСАМ, ОШОНУ АЛАМ»

Кыргыз эстрадасына кошулган жаштардын шары менен сахнада Султан Садыралиев деген ысым пайда болду. Көп кыздардын көңүлүнөн орун таба алган бул жаш ырчы Искусство институтунун элдик ырлар бөлүмүндө 2-курста окуйт. Султан беш бир туугандын кичүүсү. Бойдок.

– Султан, сени бирөөлөр казак дешсе, кээ бирөөлөр кыргыз дешет. Деги сенин улутуң ким?
– Менин каным кыргыз. Бирок, мен эле эмес, менин атам да тээ бала чагынан Казакстанда өсүп калган. Анткени, чоң атам Садыралы каза болгондо чоң апам атамды ээрчитип казакка турмушка чыгып кетиптир. Ал кезде атам 8-9 жаштарда экен. Ошол боюнча Казакстандын Тараз областында чоңоюп, ошол жактан үйлөнүп, балдары, биз дагы ошол жактан тарбияланып калганбыз. Апам казак кызы. Менин улутум боюнча эки түрдүү айтып жүргөндөрүнүн себеби ошондон.

– Анан Кыргызстанга качан келдиңер?
– Атам «Биз кыргызбыз, өз мекенибизге кетишибиз керек» деп ар качан эле айтып жүрчү. Ошентип, мен 9-класста окуп жүргөндө Таластын Алексеевка айылына көчүп келгенбиз. Тилекке каршы, ал жерде үч жыл жашагандан кийин кайра Казакстанга көчүп кеттик. Анткени, апам Кыргызстанга такыр эле көнбөй койду. Анын үстүнө бул жакта айлык акы да аз экен. Учурда ата-энем, бир туугандарымдын баары Казакстанда. Үйбүлөбүздөн бир гана мен кыргызча билем. Үйгө барганда кыргызча аралаштырып сүйлөп калсам, атам кадимкидей сүйүнүп, менин Кыргызстанда жүрүп, кыргызча билгениме сыймыктанып калат. Азыр менден үмүтү чоң. «Балам, сен Бишкекте калып, ошол жактан там алсаң, сенин артыңан биз да барып калабыз» деп көп айтат.

– Казакча окуп жүрүп эле Таласка келип кыргызча окуй баштаганыңда кыйналдың беле?
– Аябай кыйналгам. Биринчи жолу диктант жазганым эсимде. «Манас» эпосу жөнүндөгү текст болчу. Ошол диктанттан минус эки алгам. Ошондон кийин бир классташ кызым күн сайын үйүнө алып барып диктант жаздырчу эле. Бир айдай үйрөнүп жүрүп кийин ага да барбай койдум. Мен кыргызча жазганды азыр деле билбейм.

– Мектепте башка жактан келгендерди бөлүшөт го. Сени да ушинтип бөлүшчү беле?
– О-оо, андай бөлүнүүлөргө көп эле жолу туш болгом. Мени «казак» деп коюшчу. Чоң класстын балдары «Казак, бул бала менен урушасыңбы?» «Тигил бала менен урушасыңбы?» деп күн сайын балдар менен мушташтырышчу. Анан да кыздар эшиктерге учтуу нерселер менен кырып «Казак, мен сени сүйөм» деп жазышып, жанына домбрамдын сүрөтүн тартып коюшчу. Анткени, мен Таласка келген күндөн баштап эле домбра менен ырдап, мектепте өткөн кароо, конкурстарга катыша баштагам. Ошонун айынан мен 11-классты бүткөнгө чейин дээрлик окуган деле жокмун. Ырга болгон кызыгуум күчөгөндөн күчөп, натыйжада, окуума тескери таасирин тийгизди.

– Азыр институтта кандай окуйсуң?
– Жакшы окуйм деп айта албайм. Сабакка барбасам кайдан жакшы окумак элем?

– Эмне, сабакка барбайсыңбы?
– Мурун көбүрөөк барчу элем. Азыр жумуштар көбөйгөн сайын сабакка бармай азайды. Барсам да бир класска кирип алам да, кечке фортепиано ойноо менен алектенем.

– Популярдуу боло электеги Султан менен популярдуу болуп калгандагы Султан Садыралиевдин кандай айырмасы бар?

– Мен өзүм өзгөргөн деле жокмун. Бирок, менин чөйрөм өзгөрдү. Мурда көзүнүн төбөсү менен карап жүргөн кээ бир балдар азыр «досторум». Же тескерисинче, мурда жакшы мамиледе жүргөндөрдүн айрымдары азыр мени анча жактырбай калышкан. Анткени, «Эмне үчүн бул популярдуу болуп чыгып кетти да, биз чыга албайбыз?» деп көрө албагандарды да тапса болот.

– Башка студенттер катары эле сен дагы жатаканада жашайсыңбы?

– Ооба, Искусство Институтунун жатаканасында жашайм. «Таластык кыз» деп ырдап жүргөн Мирбек Иманбеков экөөбүз бир бөлмөдө турабыз.

– Элге анча-мынча таанылып калганда көпчүлүк менен жашаган ыңгайсыз бекен?

– Бир топ эле ыңгайсыз экен. Бир күнү Мирбек экөөбүз музыканы катуу кылып коюп алып бөлмөдө секирип бийлеп жүргөнбүз. Кийгендерибиз болсо шортик, футболка. Бир убакта эле эшик шарт ачылып он чакты кыз бөлмөгө кирип тизилип туруп калса болобу! Акырында бир группалашым кирип кыздарга: «Мына, көрдүңөрбү, эми убада кылганыңарды бергиле!» дебеспи. Көрсө, баягы группалашым «Султан Садыралиев ушул бөлмөдө жашайт» десе классташтары ишенбей, мелдешип кетишкен экен. Ушуга окшогон көрүнүш эки жолу кайталанды. Группалашыңа бир нерсе дейин десең, «Эмне, сен жылдыз болуп кеттиң беле?» дей салат. Айла жок жакшы сүйлөп кутуласың. Анан да «Сен жатаканада жашайсыңбы?» деп ишенбей таң калышкандары кызык.

– Жатаканада ачка калган күндөрүң болду беле?

– Албетте. Студенттик мезгил ошондой ачка калган күндөр менен эсте калат да. Таштай болуп катып калган нандарды сууга малып жеген, кыздарга гитара менен ырдап берип тамагын ичкен күндөрдү мындан үч ай мурун эле башыбыздан өткөргөнбүз. Азыр болсо, мындайча айтканда – «жизнь малина».

– Султан, сен көпчүлүк элге Замир Арыкбаев экөөңөр ырдаган «Кудача кыз» аттуу дуэт аркылуу таанылдың. Демек, сени чоң сахнага Замир алып чыктыбы?

– Менин кенен чөйрөгө таанылышыма Замирдин салымы бар. Бирок, мени Замир алып чыкты деп баса белгилеп айта албайм. Себеби, мен Замирге жолуга электе эле «Ай энем», «Гүзал кыз» аттуу ырлар менен эл алдына чыгып, жада калса «Ай энемге» клип да тарттырган болчумун. Бирок, негедир ал клибим ийгиликсиз чыгып калып, калың элге тарата албай калгам. Ал эми «Кудача кыздын» казакча вариантын мен 7-класста окуган кезимден эле ырдап келатам.

– А Замир экөөңөр кандайча ырдап калгансыңар?

– Бир тойдо ошол ырды ырдаганымды Замир көрүп калып, дуэт ырдоо жөнүндө сунуш киргизген. Анан ырды ал кыргызчага которуп, экөөбүз ырдап калганбыз.

– Акыркы кездерде бул ырды жалгыз ырдап чыгып жатасың. Замирден кызганып өзүңчө жаздырып алгансың го?

– Жок. Кызганган деле жокмун. Болгону мага дуэт ырдагандын жакпаган жери – ыр менен кошо биринчи чыккан ырчынын аты аталат экен да, экинчи чыккан ырчы көзгө көрүнбөй калат экен. Мисалы, мурда Замир Арыкбаевдин «Кудача кызы» деп айтылчу. Азыр болсо «Махабатым» менен кошо менин атым айтылат да, Акбар мага таарынып калат.

– Акбар менен кандайча иштешип калдың эле?

– Акбар Сүйүнбаев менин группалашым болот, бир жатаканада да жашайбыз. Акбардын үнү мага башынан эле жакчу. Чогуу иштешкенди ага мен сунуш кылгам. Азыр ынтымакташып, жакшы иштешип жатабыз. «Жалкоолонбой мурдатан эле аракет кыла берсек болмок экен» деп азыр өкүнүп калабыз. Мурун экөөбүз тең жалкоо болчубуз. Аныбыз менен ишибиз жок бөлмөдө бутту асып жатып алып, радиодо ырдагандарды сыначу элек. Андан да арыбыз жок жаныбыз: «Ой, мындан көрө мен жакшы ырдайм» деп койгонубузчу! Азыр ошолорду ойлоп алып, өзүбүзгө өзүбүздүн жинибиз келет.

– Сүйлөшкөн кызың барбы?

– Бар болчу. Азыр жок. Чыгармачыл адамга аны бардык жагынан түшүнгөн түгөй керек экен. Менин мурдагы кызым мени толук түшүнчү эмес. «Сен мени тигил жакка алып барбайсың», «Бул жакка алып барбайсың» деп эле нааразылана берчү. Анын ою менен болоюн десем, менин убактым тар. Анан да мен күйөрман кыздарыма өтө аяр мамиле жасайм да. Аны түшүнбөй кызым мага телефон чалган күйөрмандарымды телефонду менин колуман жулуп алып урушуп салчу. Ушундай түшүнбөстүктөрдүн айынан экөөбүздүн жолукпай калганыбызга көп болуп калды.

– Алгачкы сүйүү сага качан келген?

– 11-класста окуп жүргөндө таластык бир кызды сүйүп калгам. Анын үйү мектептен алыс болгондуктан, эртең мененки саат жетиде автобуска чыгып, мектепке барчу. Мен болсо күн сайын таң атпай саат алтыда туруп, жуунуп-тазаланып алып аялдаманы көздөй зуу койчу элем. Аны автобуска чыгарбай сабактан алып калчу элем да, саат экиге чейин экөөбүз сейилдеп жүрүп, анан ал сабактан келген киши болуп үйүнө кетчү. Кийин мен окууга келе бергенде мамилебиз солгундап отуруп, азыр такыр алыстап кеттик. Менин алгачкы махабатым деп ошону эсептейм.

– Апаң казак кызы болсо сени «казак аял ал» дебейби?

– Үйбүлө күтүү жагынан ата-энем мага киришпейт. Башында «Бизге врач келин алып кел, ооруп калсак карайт» дей беришчү. Ошондо мен апама: «Апа, эгер мен көчөдө семичке сатып отурган кызды сүйүп калсам, ошону алам» дегем.

– Бизге караганда Казакстанда шоу-бизнес көбүрөөк өнүккөнү жашыруун эмес. Эгер сен аябай популярдуу болуп кетсең, Казакстанга кетип калбайсыңбы?

– «Дарак бир жерден көгөрөт» дейт го. Менин чыгармачылык чыйыр жолум Кыргызстандан башталган соң, канчалык популярдуу болуп кетсем да бул жакта эле болом. Анткени, мен кыргызмын.

Маектешкен Азиза Сатимбекова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  5 
Комментарийлер(6)
18.12.2013. 14:16 
Тайпасы:
Кыймылы жок
Комментарийлердин саны:
45
Катталган:
18-02-2012
Соӊку аракети:
20-08-2015 02:19
Жынысы:
Белгисиз
+1
жакшы
16.11.2014. 08:17 
Тайпасы:
Кыймылы жок
Комментарийлердин саны:
39
Катталган:
09-10-2014
Соӊку аракети:
10-07-2016 11:56
Жынысы:
Белгисиз
0
Султан аябай жаш экен...
16.11.2014. 08:18 
Тайпасы:
Кыймылы жок
Комментарийлердин саны:
39
Катталган:
09-10-2014
Соӊку аракети:
10-07-2016 11:56
Жынысы:
Белгисиз
0
Созундо турупсун
06.04.2015. 10:54 
Тайпасы:
Супермодератор
Комментарийлердин саны:
1625
Катталган:
05-09-2011
Соӊку аракети:
20-09-2018 23:48
Жынысы:
Белгисиз
Калаасы:
Супер-Инфо
0
SULUU-KYZ, баш тамгалар грамматикалык эрежелерге ылайык колдонулушу керек. Билдирүүңүз өчүрүлдү!
17.12.2015. 09:39 
Тайпасы:
Жаран
Комментарийлердин саны:
240
Катталган:
03-06-2013
Соӊку аракети:
21-09-2018 00:19
Жынысы:
Белгисиз
0
Азыр бир топ оор басырыктуу , убакыт!
23.05.2016. 19:49 
Тайпасы:
Жаран
Комментарийлердин саны:
65
Катталган:
05-01-2016
Соӊку аракети:
19-11-2017 00:37
Жынысы:
Белгисиз
Калаасы:
Real Madrid
+1
Азыр болок
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: