Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Канатбек Сыдыгалиев: \

№181 21-27-апрель, 2006-ж.


Кыргызстанды дүйнөгө тааныткан эң көрүнүктүү кикбоксчулардын бири Канатбек Сыдыгалиев. Бул ысымы аттын кашкасындай таанымал "Куюн" кличкалуу Канатбекти элибизде билбегендер жоктур. Анткени, Канатбек көптөгөн ийгиликтеринин артында өз ысмын спорт тарыхына калтырып, эл сыймыгына арзып келет. Бир нече ири жеңиштери менен дүйнөгө атагы чыккан спортчу 1978-жылы 18-январда Талас районунун Арал айылында төрөлүп-өскөн. Кесиби боюнча экономист. Бойдок.

– Канатбек, жакында эле өткөн Президенттин Кубогу мелдешинде жеңишке жетиштиңиз. Ушундай учурда спортко жасаган алгачкы кадамдарыңыз тууралуу эскерүү жагымдуу болсо керек?
– Чынын айтсам, кикбоксёр болом деп ойлогон эмесмин. Болгону кичинемден мушташ өнөрлө­рүнө кызыгып, өз алдымча күрөш, каратэ менен машыгып жүрчүмүн. Бул чөйрөгө аралашып калганыма кумирим Брюс Ли түрткү болду десем болот. Брюс Ли катышкан кинолордун бирин калтырбай көрчүмүн да, анан андан көргөн ыкмаларды тамдын аркасына барып, кайталап жасачумун. Күрөшкөн жагынан айылдын балбаны болчумун. Айылда өткөн той-тамашалардан жеңишсиз келчү эмесмин.

– Алгач күрөшүп жүрсөңүз, кикбоксингге кандайча аралашып калгансыз?
– Мектепти бүтүп, шаарга окуйм деп келген учурум. Спортту сүйгөн жаным күрөшпөй калып, буулугуп кеттим. Жашаган жерим шаардын четинде болгондуктан, күрөшкө катышайын десем жол алыс. Ошентип жүргөн кезде үйгө жакын жерден кикбоксинг менен машыгуучу зал таап алдым да, катыша баштадым. Биринчи машыктыруучум Александр Артурович Гил болгон. Улуту немис болгондуктан, өз мекенине кетип жатып мага: "Спортту таштаба, сенден дүйнө чемпиону чыгат" деп мени Воиновго тапшырып кеткен. 1997-жылдан тартып Гермес-Профи клубунда Александр Воиновдун көзөмөлүндө машыгып келатам.

– Эң алгачкы таймашууңуз эсиңиздеби?
– Албетте, эсимде. 17 жашымда «Жаштар арасында Кыргызстандын чемпиону» деген наам үчүн орус улутундагы жигит менен таймашкам. Ошондо грамота жана шапке утуп алып, сүйүнүп шапкени иниме алпарып бергеним эсимде.

– Канча жашыңызда чоң ийгиликке жетишкенсиз?
– Эң чоң ийгиликтерге 21 жашымда жетишкем. Дүйнөнүн чемпиону менен Евразиянын чемпиону наамынын ээси болгом.

– Ийгиликтерге жетүүдө эмнелер роль ойнойт?
– Эң негизгиси, адамдын каалоосу, анан алдыга койгон максатына умтулуусу керек. Андан кийин машыктыруучу мыкты болсо ийгилик болот. Мындайча айтканда, машыктыруучу бул саяпкер. Саяпкер жаман болсо күлүк ат деле чуркай албайт эмеспи. Ошондуктан, машыктыруучунун ролу да чоң.

– Мушташка каныгып калгандыктан, рингге чыкканда эле атаандашыңыздын даярдыгын, деңгээлин билсеңиз керек?
– Биринчи раунд биздин тил менен айтылганда "разведка" деп аталат. Бул раундда мушташпастан, атаандашыңдын психологиясын билгенге аракет кыласың. Эгерде атаандашыңдын мүнөзүн толук өздөштүрүүгө жетишсең, андан ары кантип таймашуунун жолу белгилүү болуп калат. Бул мушташууда эң керек нерсе жана жеңишке жетишүүңө алып келет.

– Дайыма рингге чыкканда толкундануу сезимине кабылсаңыз керек?
– Бизде коркуу деген сезим болбогону менен толкундануу, анан көбүнчө элден сүрдөө болот. Ал эми күчтүү атаандаштар менен беттешкенде жеңилип калбайын деген жүрөксүү да болбой койбойт. Себеби, намыс керек да.

– Таймаш бүткөндөн кийин кандай абалда болосуз?
– Негизи, кикбоксинг – спорттун эң оор түрү. Ошондон улам Олимпиадалык оюндардын катарына да кошула албай келет. Албетте, жеңишке ээ болсоң, кубангандан мушташ учурунда алган жаракатың менен бутуңдагы кан уюулар сезилбей калат. Анан бир же эки жума дарыланып өз калыбыңа келгендин камын көрөсүң. Жеңилүү болсо, аны да көтөрө билүүң керек. Утулуудан улам чыйралып, кемчилигиңди толук өздөштүргөнгө өтөсүң.

– Чет жерде жеңгениңизден соң, Кыргызстандын гимни ырдалып, желеги көтө­рүлгөндө ыйлаган учуруңуз болгонбу?
– Жок, ыйлаган учурум болгон эмес. Ал эми толкундануу сезими жүрөктө уялап турганы ырас. Бул өтө жагымдуу учур. Чын эле ушул ийгиликти мен жасап жатамбы деген ары таң калуу, ары кубануу сезими коштойт.

– Эң эсте калаарлык беттешиңиз жөнүндө айтып берсеңиз?
– Американын Лас-Вегас шаарында дүй­нөнүн 4 жолку чемпиону америкалык Мануну рингден утуп алганмын. Беттеш жеңил болду деп айта албайм. Бирок, мекен алдындагы парзымды эстегенде демиме дем кошула түштү. Натыйжада, жеңиш меники болгон.

– Эң узакка созулган таймашыңыз ким менен болгон?
– Москвада өткөн Европа чемпиондугу үчүн француз спортчусу менен ат салышканымда таймашуубуз 10 раундга созулган. Акыры жеңгем.

– Мелдештерге катышуу үчүн чет жерлерге көп барат эмессизби. Ошондой учурларда башка өлкөнүн эли сизге аябай колдоо көрсөтүп, тосуп алган учурга кездешкенсизби?
– Кездешкем. Өзүңдү көрбөгөнү менен атыңды угуп жүргөндөр бар да. Мындай учур Америкадагы беттештин алдында болгон. Ошондой эле Москвада өзүмдүн күйөр­ман­дарым бар.

– Алгачкы раунддарда эле жеңишке жетишкен таймашуу эсиңиздеби?
– Мындан үч жыл мурун Америка-Кыргызстан таймашында америкалык менен беттешкеним эсимде. Ошондо мага көйрөң, өпкөсү жок кикбоксчу туш келип калыптыр. Анан да эң кызыктуусу, мен рингге чыгып кийинип жатсам, элдин баары тиги америкалыкты дүркүрөгөн кол чабуулар менен тосуп калышты. «Муну эмне мынча колдошот?» деп кыжырымдын келгенин сураба. Көрсө, ал рингге бийлеп чыгып келген экен. Ошондо жиним мененби, айтор, чыгаар замат нокаут кулаткам.

– Башка өлкөдөн иштешүү боюнча сунуштар түшкөнбү?
– Андай сунуштар көп эле болгон жана болуп келе жатат. Бул албетте жакшы жышаандын белгиси. Бирок, мен өзүмдү өз элимдин уулу деп эсептегендиктен, башкача айтканда, патриоттук сезимден улам Мекенимден башка жакка кетким келбейт. Ушул жерден айта кетчү нерсе, кичинемде эки жакка көп чыкпай, айылдын тарбиясын көрүп өскөнгөбү, айтор, өлкөмдөн көп убакыт чет жерде жүрө албайм. Ашып кетсе 10 күн жүрөм. Барчу жерине барам, көрчү жерин көргөн соң, үйдү көздөй шашам. Ал эми жеңиш менен келатканда канатым болсо учуп эле кетчүдөй болом.

– Туулган жер менен ата-энени айрып кароо мүмкүн эмес. Айтайын дегеним, ата-энеңиз кесибиңизге кандай карашат?
– Атамдын көзү өтүп кеткен. Эң өкүнүчтүүсү, атам менин ийгиликтериме күбө боло алган жок. Бирок, Брюс Лидей болууну кыялданып жүргөн кичине кезимде эле, атам дайыма "Менин балам баралы келгенде мыкты спортчу болот" деп айтып калчу. Ал эми апам менин бардык ийгиликтеримдин күбөсү болуп келе жатат.

– Канча бир туугансыз?
– Жети. Эң кенжеси менмин.

– Ар нерсенин чеги бар эмеспи. Анын сыңарындай спорттон качан кетем деп ойлойсуз?
– Азыр мен 28 жаштамын, спортто болуп турган курагым. Ал эми качан кетээримди убакыт көрсөтөөр.

– Спорттон кетсеңиз, эмне менен алектенесиз?
– Көпчүлүк спортчулар спорттон кеткенден кийин жолун таппай калышат. Мен дагы ушундай кырдаалга туш келип калбайын деп азыртан спорт менен бирге өз кесибимди, экономисттикти да аркалап кетүүгө аракет жасап жатам.

– Талас жергеңизге бат-бат эле барып турасызбы?
– Таймаш болгондон кийин сөзсүз үйгө барып келем. Анан дагы үйгө баратканда Манас атанын күмбөзүнө кайрылып, сыйынып өтүү мага адатка айланган. Жакын арада дагы барганы турам. Кыргыз-Түрк «Манас» университетинин студенттери мен жөнүндө кино тартып жатышат. Ошого айылыма барып, өзүм окуган мектебимди тартып келүүгө камданып жатабыз. Кино майда тартылып бүтөт.

– Кайсы стилде кийинүүнү жактырганыңызды жана машинаңыздын маркасын билсек болобу?
– Спорттук да, классикалык түрдө да кийинсем өзүмдү ыңгайлуу сезем. Негизи, студент кезимде классикалык кийимдерди көп кийчүмүн. Ал эми машиналардан мага "БМВ" жагат. Ошондуктан, учурдагы темир тулпарымдын да маркасы "БМВ".

– Мүнөзүңүздүн жаккан жана жакпаган жери?
– Жакпаганы – тез эле жиним келип кеткени, ал эми жакканы – кечиримдүүлүгүм.

– Спортчулардын ичинен кимдер менен доссуз?
– Спорт дүйнөсүндөгү кан досум Жанболот Амантаев.

– Бош убактыңызда эмне менен алектенесиз?
– Кызыктуу китептерди окуйм, бильярд ойнойм же досторум менен жаратылышка чыгып эс алам.

– Эми ашкана жаатына келсек. Тамак-аш жасоого кандайсыз?
– Болгону жумуртка кууруганды билем.

– Ичимдикке жана тамекиге болгон мамилеңиз кандай?
– Тамеки тартпайм. Ичкиликке келсек, кыйышпас достор арасында, анан жакшылыктарда уурттап-татып коём.

– Сиздин оюңузча спортчулар сүйүүгө кандай мамиле жасашат?
– Бардык адамдардай эле катуу сүйүп калса, алар деле кыйналышат дегендей. Анан дагы сүйүү деген сезим спортчу болосуңбу, башка болосуңбу карабайт да.

– Алгачкы сүйүүңүз кимге арналган?
– Эми бул бала кезде болгон. Классташ кызымды жакшы көрчүмүн. Бирок, сезимимди ал кыз билчү эмес. Класстагылар мени ага жабыштырып коюшчу. Ал кыздын апасы орус тилинен сабак берчү. Бир күнү апасы кызын жакшы көрөөрүмдү билип калып, урушуп койгон. Ошондон кийин ал кызга сүйлөбөс болгом.

– Ушул куракка чейин үйлөнбөй жүргө­нүңүздүн сыры эмнеде?
– Жашыргандай эч кандай деле сыры жок. Болгону кудайдын буюрган күнү келбей жатса керек.

– Кандай кыздарды жактырасыз?
– Кыргызымдын эле ыймандуу кыздарын.

– Күйөрман кыздарыңызга кандай мамиле жасайсыз?
– Негизи, мен адамдын мага жасаган мамилесине карата жооп кылам. Эгерде чын эле менин талантымды сыйлаган болсо, анда сөзсүз урмат менен кайрылам. Ал эми сүйүүсүн арнагандарга акырын айтып түшүндүрүүгө аракеттенем.

Даярдагандар: Жаркынай Нусубалиева, Нурбек Абдыкадыров



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: