Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Болот Тентимишев: КИНОГО ТАРТЫЛУУ ҮЧҮН ОН КҮНДӨ ОН КИЛОГРАММ АРЫКТАДЫМ

№186 26-май-1-июнь, 2006-ж.


– Болот, актёрлукка бала кезиңизден умтулуп жүрүп келдиңиз беле же күтүүсүздөн келип калдыңызбы?
– Албетте, актёр болууну кичине кезимден тартып самап келгем. Мектептеги өздүк көркөм чыгармачылык кечелерге үзбөй катышып турчумун. Ошентип жүрүп сахнага жүрөгүм берилип калгангабы, айтор, актёрлук кесипти аркалагым келди. Мектепти бүткөн соң, 1988-жылы Ленинграддагы театралдык институтка тапшырып өтүп кеттим. Ошондон кийин актёрлук түйшүктүн чыйырына түшүп, сахнадан өз ордумду таптым десем болот.
– Актёр болушуңузга ата-энеңиз каршы чыккан жокпу?
– Жок, каршы болушпады. Анткени, ата-энем актёрлукка шыктуулугумду бала кезимден эле байкашып, мага ар тараптан колдоо көрсөтүп келишкен. Ленинградга окууга тапшыраарда ак баталарын берип жөнөтүш­көн. Алардын мага кылган эмгегин актоону парзым деп эсептейм.
– Балалык күндөрдү эстегеңизде алгач көз алдыңызга эмнелер тартылат?
– Чоң энемдин куюлуштуруп жомок айтканы, менин кулак төшөп жанында отурганым элестейт. Чоң энем кошокчу, жомокчу, кыскасы, көркөм сөздүн устаты эле. Кантсе да эски кишилер да. Жомок айтканда тимеле төгүлчү. Жамактатып, көркөмдөп бир башкача ыр түрүндө айтчу эле. Азыр эстесем, ошолорду кулагыма куюп калбаганыма өкүнөм. Маанисин бузбай айтып бергеним менен ал кишиникиндей уккулуктуу кылып айтуу кайда. Тилекке каршы, чоң энем бул дүйнөдөн көзү өтүп кеткен. Менин сахна адамы болуп калганыма, сөзмөрлүгүмө, түздөн-түз болбосо дагы кыйыр түрүндө чоң энемдин таасири тийди десем жаңылышпайм. Кээде так ошол балалыктын жылт эткен күндөрүндөгү көрү­нүш­төр­дү сатира кылып сахнага алып чыккан учурларым болот.
– Окууну аяктаган соң, эмгек жолуңузду каяктан баштадыңыз?
– Окууну Ленинграддан баштаганым менен ортодо аскерге барып, кызматымды өтөп келдим. Ошентип, окуумду Бишкектен улантууга туура келип калды. Андан соң легендарлуу Арсен Өмүралиев атындагы Бишкек шаардык драмалык театрга 1993-жылы кирип, 1997-жылга чейин иштедим. Бул театрда иштөө мен үчүн актёрлуктун чоң мектебинен сабак алуу болду. Ал жерден мен деген режиссёр, актёрлор менен иштешип, тажрыйба топтодум. Анан 1997-жылы "Тунгуч" театрына которулуп келдим.
– "Тунгучтагы" аткарган ролдоруңузга канааттанасызбы?
– Кудайга шүгүр, канааттанбайм дегеним болбос. Айта кетсем, Чыңгыз Айтматовдун "Ак кеме" повестинин негизинде Нурлан Абдыкадыров "Ак бешиктин тилеги" деп жазган чыгармадагы каарман Орозкулдун ролун айтсам болот. Көп эмгектенүүмдүн аркасында ошол спектакль менен фестивалга катышып, байгелүү орунга илингенбиз. Албетте, мен ушул жана башка жетишкендиктер менен эле чектелип калгым келбейт. Анткени, чыгармачыл адам өзүнө канааттанган күнү чыгармачылык жолу бүтүп калышы мүмкүн. Андыктан, ар дайым изденүүнүн, жаңылануунун үстүндө жүрүш керек деп ойлойм.
– Акыркы убактарда кино жаатына да ыктап жүрбөйсүзбү, баш-аягы канча фильмге тартылдыңыз?
– Кино тасмадагы эң чоң ролум жакында тартылып, элге тартууланган "Аталардын керээзиндеги" Айдардын образы болду. Бул киного чейин кыска метраждуу эки кино тасмага түшкөм. Негизи, кино жаатына кайрылсам, "Аталардын керээзинен" бир топ тажрыйба топтоп, актёрлук деңгээлимди жогорулатууга мүмкүнчүлүк ала алдым.
– Бул фильмге кандайча тартылып калдыңыз?
– Негизи, Кыргызстанда чоң фильм тартылаарда бардык жаш актёрлор катышууга жан үрөп чуркайбыз. Бул жолу деле ошондой болду. Кино сынакка көптөгөн актёрлор катышып, иргелдик. Акырында биринчи турга мен да илинип, Кудай жалгап андан өтүп кеттим.
– Сынактан өтүүдө кыйынчылыктар, тоскоолдуктар болдубу?
– Кыйынчылыктарга көп дуушар болдум деп деле айталбайм. Акыркы фотосынак болоордо "Тунгуч" театры менен бирге Ошто гастролдоп жүргөнбүз. Ошол мезгилде фильмдин режиссёру Нурбек Эген телефон чалып, чакырып калды. Анын өтүнүчү менен Оштон эртең мененки саат 9да Бишкекке самолёт менен учуп, 10до фотосынакка катышып, акыркы турга кабыл алынганымды билдим. Анан окуп чыгуу үчүн фильмдин сценарийин алып, кайра Ошко учуп кеттим. Кечинде болсо күндөгүдөй концертке катышып калдым.
Башкы каармандын ролу тийгенде фильм тартуучулардан "бир аз арыкташың керек" деген талап болду. Ошол талапты аткарыш үчүн он күн ичинде он килограмм арыктоого туура келди. Себеби, ал кезде мындан толугураак болчумун. Күндө таң атпай спорттук аянтчага келип чуркайм, тамакты ылгап жейм. Негизгиси, арыкташ үчүн тамакты тартыш керек экен. Ага да көндүм. Ошондой эле кыска мөөнөттө сценарий боюнча мен сүйлөй турган французча сөздөрдү өздөштү­рүү да оңойго турган жок. Француз тили боюнча түшүнүгүм жок болгондуктан, аны үйрөнүү мен үчүн чымчыктын тилин үйрөнгөндөй болду. Наташа да "Жинди, келесоо, кой, жылкы" деп кыргызча сүйлөп тартылган жери бар. Ошол съёмка тартылып бүткөндөн кийин Наташа мага: "Болот, сени эми түшүнүп атам. Биздин тилди жаттап роль аткарганыңа баа бердим. Тилдин кыйынчылыгын жакшы түшүн­дүм" деген сөздө­рүн айтып, ыраазы болгон.
– Фильмдин башынан аягына чейин французча өзүңүз сүйлөдү­ңүзбү?
– Ачыгын айтканда, кинонун аяк жагында француз жигит дубляж кылды. Бирок, ага чейинкисин жаттаганым боюнча өзүм сүйлөп аттым. Бул жагы келишимде каралган болчу. Съёмка учурунда көп деле түшүнбөстүктөр болгон жок. Себеби, дайыма котормочу жүрдү.
– Фильмдеги өнөктөшүңүз менен кантип тил табыштыңыз?
– Тилекке каршы, фильмдеги өнөгүм Наташа Ренье менен эки жарым ай бирге киного тартылып жүрсөк да, кенен-чонон олтуруп сүйлөшө алган жокмун. Бул бир жагынан француз тилин толук билбегендигимден болсо, экинчи жагы анын да, менин да жумуштарыбыздын көп болгонунда болду.
– Азыр Наташа Ренье менен байланышып турасызбы?
– Жок. Себеби, ал Европанын көп өлкөлө­рүндө киного тартылып, бош убактысы ченелүү экен. Байланышууга деле мүм­күн­чү­лүктөр жок. Анын актёрлук чеберчилигине баа бердим. Ал жөнүндө айтып берүүгө чындыгында сөз жетпейт.
– Аталган фильмде Изабелдин ролундагы Наташа менен "ачык тартылган" жерлериңиздер бар экен. Бул биздин менталитетке туура келеби жана муну келинчегиңиз кандай кабыл алды?
– Эми ал "ачык тартылган" жерлерди жумуш деп түшүнүш керек. Киного тартылууда актёр сценарийдеги талаптарды аткаруусу керек. Мисалы, жылаңачтануу – трюк сыяктуу. Ал эми келинчегим чыгармачылыкты туура түшүнө билген актриса, ырчы Сайра Эсенбаева. Ал экөөбүздү театр жолугуштуруп, театр баш коштурган. Сайра Москвадагы театралдык институтту бүтүп келген. Ал мени менен кошо "Тунгучта" эмгектенет.
– Киного тартылууда Францияга канча күнгө барып келдиңиз?
– Он күндөй жүрдүм. Киного тартылган жерлерден башка жерлерди көрө албадым. Себеби, шаарды кыдырып эс алганга мүм­күнчүлүктөр болгон жок.
– Сыр болбосо фильмден канча гонорарга ээ болдуңуз?
– Эгер уруксат берсеңиз, мен ал жөнүндө ачык айтпай эле койсом. Тээ бала кезде окууга аттанып атканымда эжем: "Болот, актёр болсоң жаман болбойсуң. Жакшы окуп,­ мыкты актёр болсоң, жакшы киного тартыласың. Анан гонорарың эле сени багыт коёт" деген насааттарын айткан. Мына ошол эжемдин сөзү туура келип, талыкпаган эмгегимдин үзүрүн аз да болсо эми көрүп жатам десем жаңылышпайм.
– Съёмка учурундагы кызыктуу окуялардан айта кетпейсизби?
– Фильмде кичинекей Нурсултан Изабелди сүйүп калып, дайым гүл терип келип берип турат. Кыскасы, Нурсултандын образында жашы жетелек кичине баланын сүйүүсү чагылдырылат. Съёмка жүрүп жаткан болчу. Нурсултандын чай ичкен стол­дун алдына жөрмөлөп келип Изабелге гүл сунган жери бар. Съёмка башталганда режиссёр Нурсултанга "Нурсултан, бок, бок посмотри" десе, ал айланасын элеңдеп карай берди. Кадр болсо өтүп жатат. Кайра түрдү­рүүгө да болбойт. Алар өтө кымбат экен. Аргасыз ага мейли дешти. Съёмка тартылып бүт­көндөн кийин бала: "Бок, бок эле дейсиңер жанымда бок жок экен го" дейт. Көрсө, Эген Нурсултандын орусча тү­шүн­бөгө­нүн унутуп калып, орусча сүйлөй бериптир.
– "Тунгучта" жүргөн­дүгүңүз менен кино чыккандан кийинки популярдуулугуңуздун айырмасы өзүңүзгө билиндиби?
– Билинди деп ишенимдүү айта алам. Мисалы, фильм прокатка чыккандан кийин фильм тууралуу рекламалык роликтер, көрнөк­төр илинип, массалык реклама жүргү­зүлдү. Кино тасмадан жүзүм элге кеңири тарады. Ушундан кийин мен өзүмө Болот Тентимишев деген ысымды алдым дей алам. Ал эми фильм чыга электе эл мени куудул, тамашакөй жигит катары "Боха" деп таанышчу.
– Башка ки­но тасмаларга тартылууга чакырыктар болуп атабы?
– Буюрса, болуп жатат. Эрнест Абдыжапаровдун "Боз салкын" аттуу фильмине эпизоддо тартылуу алдында турам.
– Театр режиссёрлугуна ооп жатыптыр деп уктук?..
– Туура, режиссёрлукка ык тартканымдын себеби, былтыркы 24-марттагы окуя болду. Спектакль "Мен, революция – менин сүйүүм" деп аталат. Жамал Сейдакматова эженин айтуусу боюнча болгон окуяны чагылдырып, өзүм сценарий жазып, өзүм аткарып, өзүм режиссёрлук кылдым. Менин бул эмгегимдин кандай чыкканын көрүүчү­лөр өздөрү таразалаар.
– Алдыда дагы кандай пландар сизди күтүүдө?
– "Тунгучка" келгенимде театр менен Көл өрөөнүндө гастролдо болуп, алгач эл оозуна алынган элем. Ошондон улам ал тарап мага жакшылыктын башаты катары сезилип калган эле. Ушул себептен келинчегим Сайра экөөбүз чыгармачылык кечебизди да жакында эле көл өрөөнүнө өткөрүп келдик. Ошол чыгармачылык кечебиз Бишкекте июнда "Болот менен Сайранын тамаша сандыгы" деген ат менен өткөнү турат. Андыктан, концертке кызуу даярданып, буга чейинки чыгармаларыбызды топтоп, "отчёттук" концерт катары элге тартуулайлы деп турабыз. Негизи, быйыл мени "1" деген сан жакшы жагынан ээрчип жүрөт. Айта кетсем, 1-жолу фильмдеги башкы каармандын ролун аткарып, 1-жолу режиссёрлук кылып, 1-жолу чыгармачылык кечемди өткөрүп, кызым Карина 1-классты бүткөнү турат.
– Кызыктуу маек куруп бергениңизге рахмат.

Маектешкен Рахбар Алымкулова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: