Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Нэля: «ЖИГИТИМ ЫРДАГАНЫМА КАРШЫ БОЛБОЙ КАЛДЫ»

№187 2-8-июнь, 2006-ж.


– Неля, биринчи жолу сахнага чыгып, ырдаган ырың кайсы болду эле?
– Алгачкы жолу 3-класста окуп жүргөн кезимде мэрия тарабынан уюштурулган "Наристе аземи" деген конкурста "Телефон" деген ырды ырдагам. Азыр Асылбек Өзүбеков ырдап жүргөн "Мен күйүп барам, өрттөнүп барам" деген ыр ошол ырдын негизинде жазылган. Мен кичинекей кезимде бир күнү Көлдөн Асылбек Өзүбековго жолугуп калганбыз. Ал кезде Асылбек байке менен мамам чогуу иштешчү. Ошондо Асылбек байке "ырдап берчи" деп суранганда ушул ырды ырдап бергем. Ыр жагып калганбы, Асылбек байкенин ошол ырды кайра-кайра ырдатканы эсимде. Кийин обонун да, сөздөрүн да башкачараак кылып, бирок, кайырмасын ошол бойдон калтырып Асылбек байке жанагы ырын жазган.
– Айтып өткөн конкурстан орун алдың беле?
– Экинчи орунду алгам. Биринчи орунду азыр "Моби-моби" деп ырдап жүргөн Латившах алган болчу. Ошондо ага магнитофон, мага "Денди" деген оюнчук беришкен эле. Конкурстан кийин Латившах келип: "Кел, белектерибизди алмаштырабыз. Менин магнитофонум сонун" деп аябай көндүргөнүнө карабай алмаштырбай койгом. Ал "Дендинин" айынан апамдан канча жолу таяк жедим! Түндө апам уктап калганда акырын туруп алып ойночу элем.
Ал эми Латившах менен жакында эле "Хит-парадга" чогуу тартылдык. Ал мени тааныган жок. Кичинекей кезибиздеги ошол окуяны эстетип коёюн деп ойлогом. Бирок, кененирээк сүйлөш­көнгө убакыт болгон жок.
– Ошол конкурстан кийин чыгармачылыкка аралашып кеттиңби же ошол бойдон токтоп калдыңбы?
– Токтоп калмак кайдан?! Ошондон кийин сахнада ырдагым келип эле туруп алдым. Анан бактыма жараша Асел Турдалиева менен таанышып, анын тобунда эки жылдай ырдап жүрдүм.
– Асел Турдалиева менен кандайча таанышып калдың эле?
– 5-класста окуп жүргөн мезгилим болсо керек эле. Ал кезде апам телевидениеде иштечү. Апамды ээрчип ал жакка көп бараар элем. Бир күнү дагы адатымча телевидениеде жүрсөм, Асел Турдалиева келип апам менен сүйлөшүп калды. Апам Асел эжеге менин таланттуу кыз экенимди, конкурстарга катышып жүргө­нүмдү айтып берди. Ошол эле жерден Асел эже мени апамдан ырдатам деп сурап алганда ушун­чалык катуу сүйүнгө­нүм такыр эсимден кетпейт. Ошондон көп өтпөй эле ырларынан жаздырып берип, өзү менен кошо эки айлык гастролго алып чыгып кетти.
– Өзүң кичинекей болсоң, анан эки ай ата-энеңден алыста жүр­гөнгө кантип чыдадың?
– Мага гастроль десе эле аябай кызык нерсе туюлган. Ошол кызыгуум бир жума тараган жок, эки жу­ма тараган жок. Анан үчүнчү жума дегенде тажай баштадым. Мен ошентип, тажап жүргөн кезимде апам­­дын туулган жери Алабука районуна туш келип калдык. Ал жактан таякелеримди, таежелеримди көргөндө "ушул жерде калам" деп көшөрүп туруп алдым. Асел эже бул жагыма, тигил жагыма чыгып атып айласы кетти. Мен ыйлап такыр болбой калдым. Бирок, канчалык ыйлаганыма карабай Асел эже: "Мен сени апаңдан алып келгем, апаңа алып барып тапшырышым керек" деп болбой мени андан аркы айылдарга алып кетип калган. Бир айылга барганда залдын эң жогорусундагы отургучка отуруп алып шолоктоп ыйлаганым эсимде. Ошентип, эки ай чыдагам. Гастролдон кийин Асел эже Бишкекке алып келип, ата-энемдин колуна аман-эсен тапшырган. Кийин анча-мынча конкурс, фестивалдарга катышып, бирок, чоң сахнага чыга албай жүргөн кезимде атам дүй­нөдөн өтүп кетти. Ал кездерде ырдагым келгени менен шарт жок болчу. Ошентип, атамдын жылдыгын күттүм. Анан иштеп, апама жардам бе­рүү­нү максат кылып, кафеде ырдай баштадым. Кафеде эле ырдоо менен чектелбей, өзүмдүн ырларымды жаздырып, аз-аздан элге да алып чыга баштадым. Эми минтип элге аздыр-көптүр белгилүү болуп калдым окшойт.
– Музыкалык билимиң барбы?
– Беш жыл­­­­­­­дык музыкалык мектепте комуз бөлү­мүн­дө окугам. Кийин жогорку окуу жайга музыка жагына тапшырайын десем, атам каршы болуп койгон. Атам сүрдүү, бир айтканынан кайтпаган катуу мүнөз киши болчу. Ошондуктан, атамдын сөзү­нөн чыга албай музыкалык жогорку билимге ээ боло алган жокмун. Атамдын каалоосу боюнча Улуттук Университеттин экология факультетине тапшыргам.
– Азыр деле колуңа комуз алып, үн кошуп каласыңбы?
– Көптөн бери колума комуз кармай элекмин. Убагында аябай кызыккан элем. Үйдө эле ойной бербей, дааратканага кирип алып ойногонумду эстесем, азыр күлкүм келет. Даараткананын ичинде ойногондо комуздун үнү жаңырып чыкса, ошол мага кызык сезилсе керек. Анан да майрам күндөрү короодогу орус кемпир-чалдарды топтоп, комуз ойноп берчү элем. Экинчи кабаттан биринчи кабатка отургучтарды ташып, магнитофон алып чыгып өзүнчө эле чоң концерт уюштурчумун. Орус кыздарга кыргызча ырларды жаттатып, болбогонуна койбой айттырчумун. Анан алдын-ала берилип коюлган "чакыруу кагазы" менен келген кемпир-чалдар тизилип отурса, биз аларга концерт койчубуз. Биз ал үйдөн азыр башка жакка көчүп кеткенбиз. Азыр да кээде барып калсам, орус кемпирлер "сен кетип бизге эч ким комуз ойноп бербей калды" деп калышат.
– Окууңду бүткөн соң өз кесибиң менен кетесиңби же таштап коёсуңбу?
– Мен окууну быйыл бүтүп жатам. Балким, өз кесибим менен кетем деп экологдорго ылайык жумуштарды сураштырсам, айлыгы миң сом экен. Андан көрө ырдап жүрө берейин деп чечтим. Менин азыркы жумушумда миң сомду бир күндө тапса болот.
– Жашыруун болбосо чогулткан акчаңды эмнеге жумшап жатасың?
– Чыгармачылыкка эле жумшайм. Азыр болсо жаңы машина алуу үчүн топтоп жатам. Бир айдын ичинде миң доллар табам деп алдыма максат коюп алып, азыр катуу иштеп жаткан кезим. Кээде үйдө­гүлөрдү бир жумалап көрбөй калган учурларым болот. Анткени, мен жумуштан келгенде баары уктап калышат да, эртең менен мен ойгоно электе кетип калышат. Кээде мен жумуштан барганда мамам ойгонуп, экөөбүз бир топко чейин сүйлө­шүп отурабыз.
– Бир эле убакта чыгармачылыкка да, жумушка да, окууга да кантип жетишесиң?
– Мен ырдаган кафе окуган жеримдин эле жанында. Түштө окуйм, окуудан кийин эле жумушка кирип кетем. Түшкө чейин же дем алыш күн­дөрү башка жумуштарымды бү­тү­рөм. Анын үстү­нө астыңда машинаң болсо жумуштарың да тез эле бүтөт экен.
– Мугалимдериң ырчы кыз деп колдоо көр­сө­­­түшөбү?
– Жаш мугалимдер түшүнү­шүп, колдошот. Ал эми картаң агайлар тескерисинче жактырышпайт.
– Жигитиң барбы?
– Ооба. Ал экөөбүз мен мектепте окуп жүр­гө­нүмдө эле таа­ныш­канбыз. Үйлөрүбүз жакын болчу. Ал эми кыз-жигит катары сүйлөшүп жүргө­нүбүзгө үч жылдай болуп калды.
– Сенин ырдап жүргөнүңө анын мамилеси кандай?
– Башында ырдаганыма каршы болчу. Аз-аздан көндүрүп отуруп, азыр биротоло көндүрүп койдум. Анын шаарда кийим саткан дүкөндөрү бар. "Ошол дүкөн­дөрдүн бирине эле иштеп ал" деп көп айтат. А менин бир жерде эле отура бергим келбейт.
– Жигитиңдин кийим саткан дүкөн­дөрү болсо сен өзүңө кийим тандоо жагынан башыңды оо­рут­пайт экенсиң да?
– Тилекке каршы, анын дүкөн­дөрүндө эркектердин кийимдери сатылат. Жигитим да "эгер аялдардын кийими болсо сенин айыңдан дүкөндө кийим калбай калмак экен" деп айтып калат. Ошондой болсо да жигитим чыгармачылыкка коротомбу, башкага коротомбу, менден акчасын аябайт.
– Качан турмушка чыгайын деп турасың?
– Кийинки жылы үйлөнөбүз деген пландарыбыз бар. Үйбү­лөлүү болгондон кийин чыгармачылык токтоп калышы мүмкүн. Ошондуктан, ушунча эмгегим текке кетпесин деп үйлөнүү жөнүндөгү планды мен улам эле артка сүрүп жатам.
– Балалык сүйүү башыңдан өттү беле?
– Бала бакчада жүргөн­дө бир орус баланы жакшы көрчү элем. Күн сайын бала бакчадан келип алып "ошол баланы үйгө алып келеличи, биздин үйдө жашасынчы?!" деп апама ыйлай берчү экенмин.
– Азыр репертуарыңда канча ырың бар?
– Тогуз ырым бар.
– Концерт коюу сенин да планыңда барбы?
– Күзүндө берсемби деп турам. Ага чейин клиптеримди тарт­тырып, өзүмдү телевидениеден көбүрөөк көрсөттүргөнгө аракет кылам. Болбосо көпчүлүгү менин ырларымды радиодон угушат экен. Ошол радио угуп жүргөндөр өзүмдү көрүп "Неля деген сенсиңби?" деп таң калып сурап калышат.

Маектешкен Азиза Сатимбекова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21166;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: