Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Тынчтыкбек Кожобеков: “КЕЛЕЧЕКТЕ КҮЙҮМДҮҮ КҮЙӨӨ БОЛООРУМ АНЫК”

№190 23-29-июнь, 2006-ж.


Тынчтыкбек Кожобеков: “КЕЛЕЧЕКТЕ КҮЙҮМДҮҮ КҮЙӨӨ БОЛООРУМ АНЫК”

Тынчтык, азыр таанымал журналист болуп калдыңыз. Кичине кезде эле чыгармачылыкка шыгыңыз бар беле?
– Ооба, кичине кезимде эле чыгармачылыкка жакындыгым сезилчү. Анын үстүнө табият дагы менин шыгымды ойготту болуш керек. Менин балалык кезим тоодо, ата- энемдин жанында өттү. Кичинемден аябай шок бала экенмин. Бир жолу тоодогу шар аккан сууга агып кетип, бир өлүмдөн аман калганым эсимде. Анан менин атамдын инисинин баласы Төлөбек экөөбүз эгиздей ээрчишип жүрүп чоңойдук. Экөөбүз тең чамалаш элек. Аны үйдөгүлөр “Кара-Такай “деп мени болсо “Сары жөжө” деп коюшаар эле. Ошо “сары жөжө” кезимде эле бир нерселерди чиймелеп калчумун. 8-класстан кийин Каракол шаарындагы лицейде окуп калдым. Ошол учурдан баштап макалаларымды газетага бере баштадым. Кыялымда чоң журналист болсом деген ишеним пайда болду. Макалаларым “Ысыккөл кабарлары”, “Билим шамы” деген газеталарга чыгып жүрдү. Ал эми чыныгы эмгек жолум «Асаба» гезитинен башталган. Андан соң көп газеталарга иштеп жүрүп, анан радиого келдим.
– Гезиттен радиого өтүү кыйын болдубу?
– Жок, кыйын деле болгон жок. Мен алгач журналистиканын биринчи курсунда окуп жүргөндө эле өзүмө журналистиканын үч тармагын: радионун, теленин, газетанын “кухнясын” үйрөнүп чыгам деп убада берген элем. Анан ал тилегиме жетпей калып атпаймынбы. Тилекке каршы, беш жылым радио менен газетада эле иштөөгө жетти. Анын үстүнө окуп жүргөндө агай-эжейлер: ”Тынчтык, сен радионун баласысың. Ошол жакты эле көздө” дешкен эле. Менин шуулдап тың жүргөнүмдөн ушинтип айтышса керек. Ошентип, радиого отурукташып калдым.
– Атыңыз кайсы радиодон чыга баштады?
– Алгачкы эфирге ушул “21-кылым” радиосунан чыккам. Мени эң биринчи Динара Жусаева чыгарган эле. Бирок, үч айдан кийин ”Кыргызстан обондору” радиосуна кеттим. Алып баруучулук жөндөмүм менен атым чыгып, элге ушу радиодон таанымал болдум десем болот. Андан соң “Азаттык” радиосунда иштедим. Кайрадан насип буйруп КТРдин баш директорунун чакыртуусу менен “21-кылым” радиосуна келдим.
– 21-кылымдын мурунку продюсери Динара Жусаева менен учурда мамилеңиздер кандай?
– Кадимкидей эле. Эми бул кызмат анын таятасынан же менин чоң атамдан мураска калган орун эмес да. Бул мамлекеттик кызмат. Эртең бирөө келип ”Тынчтык, сен кете бер. Рахмат эми” десе мен деле кетем. Эч ким мага бул кызматты түбөлүк­кө берген жок. Анткени, ар бир кызматтын деңгээли, мезгил талабы деген бар. Ал эми Динара эже менен жакшы мамиледебиз. Ал кишинин сегиз жылдык кызматы бар бул жерде. Ошону сый­лайм.
– Кызматтын чоң жоопкерчилигинен корккон жоксузбу?
– Жок. Бул мен үчүн карьерамдын биринчи баскычы гана. Мен келечекте медиамагнат болом деген тилегим бар. Буюрса, ошого жетем. Анын үстүнө жоопкерчиликтен корккондой жамаатыбыз аябай чоң дегендей деле эмес. Сырт кабарчыларыбыздан тышкары 18 киши иштейт.
– Кызмат абалы адамды өзгөртөт деп ойлойсузбу?
– Өзгөртөт. Бирок, кандай жагына өзгөртөт ал адамдардын өзүнө гана байланыштуу болот. Кай бири ошол мансабына манчыркап, башкаларды жогорудан карап теңсинбей калат. Алардын ичинен мурун бир сындырым нанды бөлүп жеген досторун карабай калгандар бар. Кай бири тескерисинче жакшы жагына өзгөрөт. Жок эле дегенде анын тышкы келбети, адаттары өзгөрө баштайт.
А сизде кандай өзгө­рүү­лөр болду?
– Мендеби, мен өтө деле өзгөргөн жокмун. Болгону мүнө­зүм мурункуга караганда курч, ишенимдүүрөөк боло баштады. Мурун болсо жумшак, ак көңүл болчумун. Азыр керек жерден катаал болгонго үйрөндүм. Элге эле эмес, биринчи кезекте өзүмө катуу талап коё баштадым. Бардык нерсеге жоопкерчилик менен карап калдым. Алтургай, чет жерде жүр­гөндө деле мынчалык жоопкерчиликти сезген эмес экенмин.
– Сизди Түркиядагы окуусун таштап кеткен деп айтып жүрү­шөт. Ушул чын­бы?
– Таштап деген сөз туура болбой калат го. Ал жакка атайын эл аралык келишимдин негизинде барган элек. Окуп жүрдүм, көптөгөн досторду күттүм. Бирок, ал жак мага негедир көңүлсүз, жагымсыз сезиле берди. Абасы башка, жашоо образы башка дегендей. Биздин чөйрөдөгү мүнөздөр жок, биздеги аңгыл-дөңгүл жолдор жок. ”Кыргызстан обондору” радиосунда иштеп жүрүп кеткен элем. Ошогобу, баягы шаң жок. Анан каникулга келгенде мурунку бирге иштегендерим Арстан, Лилия, Медерлер “Эмне кыласың ал жакта? Кетпей эле кой, бизде кал” деп көндүрүп коюшту. Өзүм деле араң жүргөн окшойм, калып калдым. Бирок, ал жактан көп эле пайдалуу нерселерди үйрөнүп келдим. Сайт ачуу жөнүндө идеяны да ошол жактан ойлонгом.
– Ал сайтты ачканыңыз тууралуу айтып берсеңиз?
– Мен Түркияда жүргөндө Кыргызстан жөнүндө эч кандай сайт таба албай койдум. Бардыгы эле орус тилинде, эски материалдар. Кыргыз ырларын укканга, кыргызча пикир алышканга мүмкүнчүлүк жок. Ошондо кыргызча сайт ачсам деп тилек кылган элем. Сайтта адамдар кыргызча баарлашып жатканын элестетип кыялданчумун. Анан дос балдарга идеямды айттым. Алар колдоп беришти. Бирок, Түркиядан ачканга мүмкүнчүлүк болгон эмес. Келгенден кийин эле катуу кириштим. “Кыргызстан обондорунан” кеткенимдин бир себеби да ошондон эле. Ошентип, студия ачып калгам. Көрсө, катуу каалаган тилегиңди Кудай берет экен. Мына азыр менин сайтыман көптөгөн адамдар керектүү маалыматын алып жатышат.
– Сиздин ийгилигиңизге сизден ашып сүйүнгөн адамдар барбы?
– Албетте, баласынын ийгилигине ата-эне өзгөчө кубанса керек. Бирок, тилекке каршы, ата-энем мен сегизинчи класста окуп жүргөндө авто кырсыктан улам кайтыш болуп кетишкен. Быйыл он төрт жыл болду. Жакында эле барып куран окутуп келдим. Он биртууганбыз. Мен эң кичүүсү­мүн. Ким билет, балким, ата-энем тирүү болсо, кетмен чаап айылда жүрмөкмүн же Москвада жүрмөкмүн. Анткени, атам: “Мен уулумду Москвадан окутам” деп тилек кылчу эле. Ал эми менин эркелигимди көтө­рө турган бир жакшы апам бар. Өзүмдүн апам эмес. Тууганчылыгыбыз деле жок. Ал менин группалаш кызымдын апасы. Таанышып калып бир кездерде чогуу турган элек. Ошол Нурила апам менен бардык кылык-жоругумду көтөрөт. Эркелеп да, акыл сурап да апама барам. Ал ар дайым кеңешин айтып “андай бол, мындай бол” деп түз жолго салган да ошол. Өзүнүн баласындай көрөт. Моралдык жактан ар дайым колдоо көрсөтүп келет. Ошол апамды аябай жакшы көрөм.
– Өзгөчө кызыктуу, сизге унутулгус таасир калтырган учур болду беле?
– Негизи, тоого чыгып эс алганды жакшы көрөм. Түркиядан келгенден кийин дос балдарыбыз менен Ысыккөлдөгү Бөкөнбаев айылындагы Тастарата деген чокуга чыккан элек. Үч миң сегиз жүз метр бийиктикте жайгашкан. Чокусуна чыгып “Манас атанын ташказаны” бар деген сөздү угуп, ошону издеп барып таппай койгон элек. Чокуга чыксаң көл жер шарына окшоп тептегерек. Анан да үстүнөн буу чыгып тургандай көрүнөт экен. Булуттар да жапжакын сезилди. Чокудагы таштарга бастырылган жылтырак баштыктарды таптык. Алардын ичинде 1960-жылдары альпинисттер жазып кеткен жазуулар сакталган. Ушунчалык сулуулукту көргөн эмесмин. Ошол минуталарды такыр унута албайм. Кайгырган да, кубанган да күндөрүм болду. Бирок, ушул нерсе эч эсимден кетпейт.
– Сүйүү бар экенине ишенесизби?
– Ооба, өзүмө ишенгендей ишенем.
– Өзүңүздүн башыңыздан өт­көн беле?
Чоң сүйүү деп деле айта албайм. Бирок, азыр ойлосом ошол кызды жакшы көрчү экенмин. Бул окуя мен студент болуп жүргөндө болгон. Ал кыз биз менен бирге окуган шаардык кыз эле. Анан группадагы бир бала экөөбүз аны ич ара тирешип талашчубуз. Эч кимге билгизбей, алтургай, өз ара сөз кылбай көз караштарыбыз менен талашчу элек. Мээримдүү, түшүнүктүү, анан аябай чыгармачыл кыз эле. Менимче, мени ошонусу менен тартса керек. Бирок, акырында экөөбүздү тең карабай кеткен.
– Мурда сизди көп учурда кепкачан көрчү элек. Азыр деле кепка кийип жүрөсүзбү?
– Азыр көп кийбей калдым. Кийем, бирок, жумуштан тышкары эркин жүргөн мезгилдерде. Негизи, өзүм жеңил кийингенди жакшы көрөм. Бул жакка ишке келгенде бир да костюмум жок болчу. Анан бир досум келип “кой эми, бул кызматка келгенден кийин костюм кийип жүрбөсөң болбойт” деп жакында эле костюм белек кылды.
– Өзүңүз качан үйбүлө күтө­сүз?
– Кудай каалаган күнү.
– Үй ишине кандайсыз?
– Айылда өскөндүктөнбү, чарбачылык кылууну жакшы көрөм. Кийин үйбүлөм тура электе самоор кайнатып күтүп турсам деп кыялданам. Негизи, креслодо чалкалап жатып алган күйөө болбой, күйүмдүү күйөө болоорум анык.
– Канча балалуу болгуңуз келет?
Кудай канча берсе ошончо. Балдарымды аябай эркелетет болушум керек. Анткени, балдарды аябай жакшы көрөм.
– Эгерде сизди сыртыңыздан бир кыз жактырып калса кандай мамиле жасаар элеңиз?
– (күлүп) Кана, ал кыз кайда экен? Негизи, күйөрман кыздарым деле бар. Алар менен жолугуп, пикир алышып дегендей жакшы эле мамиледе жүрөм. Бирок, андан ары кетпейм.

Даярдаган Нуржамал Жийдебаева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: