Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Айтурган Темирова: «РАДЖ КАПУР МЕНИ ИНДИЯ КИНОСУНА ТАРТЫЛУУГА ЧАКЫРГАН»

№191 30-июнь-6-июль, 2006-ж.


– Айтурган эже, сизди элиңиз белгилүү актриса катары таанышат. Эми ырдап чыгууну чечкен экенсиз. Буга ким же эмне түрткү болду?
– Мен Чехияда үч жыл бою жалаң тил үйрөнүү менен алек болдум. Тил билбеген кезимде өзүм менен өзүм элем. Чөйрөм тар болчу. Кийин тилди үйрөнүп, эркин сүйлөп калганымдан баштап тааныштарды күтүп, алар менен аралаша баштадым. Бир күнү конокто музыка жаатынан жакшы кабары бар бир инсан менен чогуу отуруп калдык. Ал менден кыргыздар, биздин үрп-адатыбыз тууралуу сурап отуруп, акыры сөз кыргыздын музыкасына өсүп жетти. Ушундан улам ме­ни «кыргызча ырдап берчи?!» дей баштады. Мен мындан бир канча жыл мурун театрда иштегенде ырдап жүрчү «Эскерүү» деген ырды созолонтуп кирдим. Ушул ушул болду. Баягы музыкант мени өзүнүн концерттерине ала кетип жүрдү. Кайсы жерге концерт коюп барбайлы элдер мени аябай жакшы тосуп алып жатышты. Сахнадан кетирбей суранышат. Кайра ырдайын десем, «Эскерүүдөн» башка ырым жок. Диск жаздыруу да ушундан улам оюма келди.
– Диск Кыргызстандан чыктыбы?
– Үстүбүздөгү жылдын кыш айларында келгенде бул жактагы композиторлор Камчыбек Букалаев, Эрик Кадырбаев, Райхан Бейшеналиевалар менен таанышып, ырларымды жаздырып кеткен элем. Бул жактан ырларымды гана жаздырып кеткеним болбосо, жасалгалоо, башка нерселеринин баары Прагадан даярдалды. Сапаттуу болот деп ошол жактан чыгартууну сунуш кылышты.
– Анда сапатына жараша сарпталган чыгымы да бул жакка караганда кымбат болсо керек?
– Албетте, бир топ кымбатка түштү. Мен демөөрчү тапканды да билбейт экенмин. Диск чыгартуунун чыгымы жолдошумдун чөнтөгүнөн кетти.
– Дискиңиз Чехияга да таратылдыбы?
– Келишим боюнча алар тарап чыгарган дискинин 60 пайызын алып, өздөрү сатышмак. Сатыкка чыгыптыр деп уктум. Мен болсо бул жакка эки жарым миң даанасын ала келгем.
– Компакт-дискиңизден кайсы багыттагы ырларды уга алабыз?
– Компакт-дискке атайын эч ким ырдай элек ырларды чогулттум. «Аруузат» деп аталган бул альбомдогу ырлардын баары фольклор жанрындагы чыныгы кыргызча ырлар.
– Эже, жолдошуңуз менен кандайча таанышып калдыңыз эле?
– Жолдошумдун кесиби геолог. Орто Азияга жумуштары менен келип турат. Өз улуту чех болгону менен Американын атуулу. Павел экөөбүз мындан бир канча жыл мурун кокусунан таанышып калганбыз. Бир жыл жөн гана мамилелеш болуп жүрдүк. Кийин сүйүп калганын айтып, чогуу түтүн булатуу тууралуу оюн билдирди. Мен дагы ойлонуп көрүп, каршы болгон жокмун. Анткени, анын бир жыл ичинде кандай адам экенин сынымдан өткө­рүп бүткөн болчумун. Анын дагы мен сыяктуу биринчи үйбүлө­сүнөн жолу болгон эмес экен. Азыр Чехиянын Брно деген шаарында жашайбыз. Кайнене-кайнатам аябай жакшы кишилер. Алар менен чогуу жашабасак да бат-бат кабар алышып турабыз. Мен жолдошумду сүйөм, жолдошум мени сүйөт. Мен өзүмдү чексиз бактылуумун деп эсептейм.
– Экөөңүздөр кайсы тилде сүй­лөшөсүздөр?
– Ал орус тилин эң жакшы билет. Кыргыз тилинде да анча-мынча сүйлөп калат. Бирок, экөөбүз орус тилинде баарлашабыз.
– Уул-кызыңыз кайда?
– Кызым Сүйүтай Бишкекте. Эки уулдун энеси, жолдошунун сүйүктүү жары. Өзү аябай билимдүү кыз. Чет өлкөлүк компаниялардын биринде иштейт. Уулум Чыңгыз болсо Франциядан аспирантураны, магистратураны бүтүп, учурда ошол жакта университетте мугалим болуп иштейт. Үйлөнө элек.
– Кыргызстанга канча убакытта бир келип турасыз?
– Кызымды, неберелеримди сагынып кеткенде бир жылда бир келип турам. Уулум болсо мага жакын турат. Ага бир жумада бир жолу эле автобуска түшүп алып барып калам.
– Чехиядан актри­салык карьераңызды улантуу жө­нүн­дө ойлондуңуз беле?
– Ойлошун го ойлонгом. Бирок, тил билбесең кино түгүл театрга албайт эмеспи. Мына жакында гана театрга, андан кийин киного тартылууга чакырышты. Андыктан, карьерамды эми баштаганы турам. Бирок, кичине ролдорду беришет экен. «Сиз Кыргызстандын чоң актрисасы экенсиз. Кичине роль берип койсок таарынбайсызбы?» деп жатышпайбы. «Жок, таарынбайм. Мен негизгиси өзүм сүйгөн кесип менен иштесем болду» дедим. «Азырынча ушуну ойноп туруңуз. Бара-бара чоң ролдорго өтөсүз» дешти.
– Акыркы тартылган фильмиңиз кайсы болду?
– Геннадий Базаровдун «Карагыз» фильми болду. Чакырышты эле, атайын келип, тартылып берип кеттим.
– Сиз киного гонорарына карап тартыласызбы?
– Жок. Мен азыркы кыргыз киносунун абалын жакшы түшүнөм. Жогоруда айтылган фильмге да дээрлик бекер эле тартылып бергем. Режиссёр «бизде акча жок» деп жагдайды тү­шүн­дүргөн­дө чын дилимден эле тартылууга макулдугумду бергем. Анын сыңарындай, азыр деле жакшы киного тартылууга чакыруу болсо гонорарын эске албай эле тартылып бермекмин.
– Алгачкы тартылган фильмиңиз кайсы болгон?
– «Ысык­көл­дүн кызгалдактарындагы» Калийчанын ролу алгачкы жараткан ролум болгон. Анда болгону 8-класста окучумун.
– «Ак кеме» фильминде индия ырын созолонто ырдаганыңызды кыргыз киносүйүүчүлөрү билишет. Ошол ыр өзү­ңүздүн үнүңүз менен ырдалды беле?
– Өзүм ырдагам. Болгондо да сөздөрүнүн маанисине карабай эле радиодон угуп жаттагам. Сценарий боюнча мен кыргызча эле ырдашым керек болчу. Кийин ал ырды негедир Орозбек Кутманалиевге беришип, мага индияча ырды жаттатып коюшкан. Кийин ушул фильм менен Ташкентке фестивалга барып калбайлыбы. Барсак, ал жакта индия киножылдызы Радж Капур жана башкалар жүрүшөт. «Мына, ырдабайм десем болбой силер жаттатып... Эми уят болом» деп ыйлактап жүрөм. Биздикилер «Ой, эч нерсе болбойт» дешет. Бир маалда карасам, Радж Капур менен котормочусу мени көрсө­түп эле бир нерселерди сүйлөшүп жатышыптыр. Андан бетер жүрөгүм түш­тү. Анан мен жакка басып келе жатышат. «Ии, өлгөнүм ушул экен. Азыр мени уят кылышат» деп турсам эле котормочусу «Айтурган, бул ырды өзүңүз ырдадыңыз беле?» деп калды. Сыр бербей «Эмне экен?» десем, «Радж Капур аябай жакшы ырдаптыр деп жатат» дебеспи. «Өх» деп бир дем алып алдым да: «Ооба, өзүм ырдагам!» дедим сыймыктана. Ошондо Радж Капур индия киносуна чакырмай болуп, мени мактап, батасын берген.
– Ушул эле фильмдеги Бугу Эне алып чыккан бешиктеги бала сиздин кызыңыз экен дешет. Ошол чынбы?
– Ооба, ошол Сүйүтай болчу. Съёмканын ошол жерине келгенде эч ким баласын бербейт. Ким бермек эле? Мен анда 6 айлык кызымды көтөрүп алып киного тартылып жүргөмүн. Бир маалда эле мени бирөөгө кошуп дүкөнгө жөнөтүп калышты. Мени менен дүкөнгө чогуу барган жигит бир нерселерди сүйлөп эле мени алаксытып турат. «Кызым уктап жатат. Ойгоно электе кетели» деп чыйпылыктасам да болбойт. Акыры дүкөндөн чыктык. Съёмка тартылып жаткан жерге жакындаганда тыңшасам, менин кызымдын ыйлаганы угулуп жатат. Карасам, бешик тээ көлмөнүн ортосунда жүрөт. Көрсө, мени алдап дүкөнгө жөнөтүп жиберишип, бешикке менин кызымды бөлөй салышыптыр. Бардык коопсуздуктар каралган болчу, ошентсе да кызымды колума алганча жүрөгүм оозума капталып кала жаздаган.
– Мурунку тартылган фильмдериңизди көргөндө кандай абалда болосуз?
– Албетте, жаштыгымды эстейм. Советтик доорду эстейм. Менин ар бир жараткан ролумда өзүмдүн тагдырымдын үзүмдөрү камтылган.
– Алдыдагы пландарыңыз кандай?
– Айтылып өткөн диским жакшы сатылып, киреше алып келсе, ошонун акчасына күзүндө концерт уюштурууну пландаштырып жатам. Ал концерт өзүм актриса болгондуктан, театралдаштырылган формада өтмөк­чү. Ал үчүн өтө көп эмгек жумшалаарын сезип жатам.

Маектешкен Азиза Сатимбекова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21166;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: