Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Сыймык Бейшекеев: «ЭЛҮҮ СОМУМДУ АЯП, ҮЙГӨ ЖӨӨ КЕТКЕМ»

№195 28-июль-3-август, 2006-ж.


– Сыймык, рос­сия­дан гастролдоп жакында эле келген экенсиз. Сөзүбүздү кандай барып келгендигиңиз туурасында баштасак?
– Бул жолу Россия эле эмес, Кытай жергесине чейин тобум менен гастролдоп барып келдим. Айрыкча Россиядагы туугандарыбыз жылуу маанай менен тосуп алышты. Концертибиз да жогорку деңгээлде өтүп жатты десем болот. Илгери ата-бабаларыбыз жашап өткөн Энесайга, азыркы Енисейге барганымда абдан толкунданып жаттым. Себеби, ташка чегилген кыргыз жазуулары, ар кандай кыргыздын тарыхый эстеликтери жүрө­гүмдү кандайдыр бир жылытып турду. Кыргыз калкы ушундай улуу эл экенибизге сыймыктандым. Бул жолку Россиядагы гастроль ушунусу менен кызык болду.
– Россияга тобуңуз менен бирге Гүлмира Рысбаеваны да кошо ала кеткен элеңиз. Ошондон улам Динара Акулова экөөңүздөрдүн ортоңуздарда пикир келиш­пөө­чү­лүк­төр пайда болгон турбайбы?
– Динара эже экөөбүз сый гана мамиледебиз. Мен эжени колдон келишинче сыйлаар элем. Гүлмирага жакшы тарбия берип, ушунчалык түшү­нүктүү, жароокер, кичипейил кыз кылып чоңойткон экен. Гастролдун түйшүгүн, чыгармачылыктын ысык-суугун Гүлмира терең түшүнүп калыптыр. Буюрса, анын келечеги али алдыда. Гүлмираны мен биротоло солистка кылып алган эмесмин. Топтогу солисткамдын паспорту бүтпөй калгандыгына байланыштуу гана ала кеткем. Гүлмира ал кезде өз алдынча иштеп жүргөндүктөн, Динара эже менен нааразыланышып калганга себеп болгон эмес. Ошондуктан, экөөбүздүн ортобузда эч кандай талаш-тартыш деген нерсе жок.
– Айтсаңыз,Энесай таасирлери жаңы чыгарма жаратууга түрткү бердиби?
– Албетте, таасирин тийгизбей койгон жок. Айрым обон-кайрыктар көкү­рөгүмдө сакталып келет. Жаңы обондорду кээде бир нерсеге таасирле­нүүнүн негизинде жаратсаң, ал сенин көңүлүңдөгүдөй жаралаары анык. Буюрса, элиме жаңы обондорумду жаңылык менен тартуу кылам.
– Обон демекчи, алгач кайсы обонуңузду кандайча жаратып калдыңыз эле?
– 1992-жылы эң алгач “Бегайым” деген ырыма биринчи жолу обон жараткан элем. Бирок, ал ырым убагында негедир көңү­лүмө толо бербеген. Ошондон улам аны ырдап чыккан эмесмин. Анан ага удаа эле “Гүл­байра” деген обонумду жаздым. Тилекке каршы, анын да багын ачып, элге кеңири жеткире албадым. 2004-жылы гана чыгармачылыгыма 10 жыл толуп, Бишкекке чоң концерт бергенимде “Гүл­бай­раны” эч өзгөрт­бөстөн мурда кандай жаралса ошол боюнча ырдап чыктым. Бул ырды буга чейин досторума, окуткан агайларыма ырдап бергенимде жакшы ойлорун айтышкан. Бирок, негедир алгачкы обондорумдун кемчилиги көп деген ойдо аларды ырдагандан абдан тартынчумун. Ошентсе да “Гүл­байра” романтикалуу ырларымдын бири болуп калды.
– Алгачкы сахнадагы Сыймык менен азыркы Сыймыктын учурда кандай айырмачылыгы бар?
– 18-19 жаш курагымда кырчындай жаш жигит элем. Жүрөгүм курч, көп нерсени баамыма албаган жалындаган мезгилим өтүп кетти. Ал эми азыр болсо 32 жашка толуп, жашоонун оош-кыйышын түшүнүп, турмушка олуттуу көз караш менен караган салабаттуу адам болдум. Адамга кайсыл жерден кандай мамиле кылышты, кимге кандай сүйлөштүн баарын аңдап билдим. Кагылдым-согулдум, улуу инсандардын тарбиясын, батасын алдым дегендей. Бирок, турмуш-шартка байланыштуу кааласаң-каалабасаң да мүнөз өзгөрүлүп турат экен. Менимче,18 жаш менен 32 жаштын ортосундагы өзгөрүү өтө чоң деп ойлойм.
– Чыгармачылыктын оор түй­шүгүн башыңыздан көп кечирсеңиз керек?
– Чыгармачылыктын түйшүгүн албетте көп эле тарттым. Дагы деле тартып келатам. Себеби, чыгармачылыктын чеги болбойт. Ошондуктан, адам дагы-дагы эмгектенүүсү зарыл. Негизи, чыгармачыл адамды жан дүй­нөсүн жарып чыгалбай жаткан чыгармасы көп кыйнайт. Ошентсе да бул түйшүк­төргө чыдап, сахнадан көп нерсени таптым десем жаңылышпайм.
– Мисалы?
– Мисалы, эстрададан өз ордумду таптым. Ал эми терс жагы – гастролдоп ар кайсы булуң-бурчта ысык-суукка карабай жүрүп, бронхит оорусуна чалдыгып, денсоолугумду начарлатып алдым. Мени ушул нерсе кыйнап келет. Чындыгында биздин, ырчылардын күлгүндөй жаштык кезибиздин эң кызыктуу күндөрү жолдо, төрт дөңгөлөктүн үстүндө өтөт экен. Бирок, албетте бул нерсеге эч качан өкүнбөйм. Анткени, канчалык кыйналсам да кыргыз маданиятына аз да болсо өз салымымда коштум деп ойлойм.
– Чыгармачылык даңгыр жолуңузда жетишкендигиңиз жана кемчилигиңиз кайсы болду?
– Менин негизги максатым – комуз менен ырдоо эле. Окуу жайды да өзүм көксөгөн фольклор жаатында аяктагам. 1990-1995-жылдар аралыгында жаштар комуз өнөрүн негедир баалабай, ага кайдыгер карап калышкан. Жүрөгүмдү ушул нерсе ооруткан. Ошондон кийин менин алдыга койгон максатым, комуз менен эстраданы айкалыштырып, жаштарды фольклор жаатына тартып, аларды андан ары алып кетсем деген ой пайда болгон.
– Оюңуз ишке аштыбы анан?
– Жаштарды комузга тарта албай койдум деп кесе айтуудан алысмын. Учурда азыркы жаштар комузда ырдаган ырларымды берилүү, кызыгуу менен угуп калышты. Жеке концерттеримде комуз менен ырдаган ырларымды, дастандарымды кайрадан ырдоомду суранып турушат. Мында менин бир гана кемчилигим – эстрадага 80 пайыз кирип кеткеним болду. Болбосо, комуз өнөрү менен кеткенимде, көптөгөн жакшы дастандарды чыгарып, элге дагы далай жакшы нерселерди тартуу кылып тур­макмын. Негизи, мен акындыкка, төкмөчүлүк­кө абдан кызыкчумун. Жамакчылык да менде бар болчу. Бул да теңирдин берген белеги болсо керек, бирок,аны да убагында өркүндөтүп кете албай калдым. Мезгилдин агымы менен жеңил-желпи ырларды ырдап кеткенимди моюнума алам. Менин бир гана жоготкон нерсем – комуз өнө­рү­нө кош көңүл мамиле жасап, ушул жагынан аксап калганым болду. Бирок, чындыгын айтсам, эстрададан агарып-көгөр­дүм, элге кеңири тааныла алдым.
– Уулдарыңыз Авазбек менен Азамат көп­төн бери ырдап чыкпай калышты го?
– Чындыгында Азаматты чыгармачылыкка гана көңүлүн бурдуруп коюудан алысмын. Анткени, ал окуусуна жетишип жакшы окуш керек. Азыр Азамат англис тилин үйрөнүү менен алек болуп жатат. Бирок, ырды да таштабастан ырдап келатат. Эми уулум келечекте ыр­чы болобу, же башка кесиптин ээси болобу, аны убакыт өзү көрсөтөөр. Ал эми Авазбек болсо чыгармачылыкка эми толук кандуу киришет деп ойлойм. 9-классты бүтүп Күрөңкеев окуу жайына тапшырып студент болду. Кудай буюрса, Авазбектен үмүтүм зор.
– “Элдик таланттарды издейбиз” деген конкурсту үч-төрт жыл кызуу өткөрүп келдиңиз эле. Кийинки жылдары негедир конкурсуңуз өтпөй калды?
– Буюрса, ушул күздө туулган кү­нүмө карата жеке концертимди бергенден кийин продюсерлик борбор ачуу алдында турам. Ырчы болсом деп көксөгөн жаш таланттардан топ түзүп, мыкты ырчыларды даярдап чыгарсам деген көптөн берки тилегим бар. Бул абдан чоң, жакшы долбоор. Кастинг өткө­рүп топко он улан-кызды тандап алабыз. Алар вокал сабагынан тартып, бий өнө­рүнө чейин мыкты мугалимдерден сабак алышмакчы. Мугалимдердин айлык акыларына чейин сүйлөшү­лүп бүт­тү. Ал эми “Элдик талаттарды издейбиз” деген конкурсту дагы өткөр, баш байгеге машина коёбуз» деген демөөр­чүлөр чыгып жатат. Буюрса, убакты-сааты келсе ал конкурсту да өткө­рөм. Бирок, биринчи продюсерлик борбордун ишин алдыга жылдырып алуу керек болууда.
– Эмне үчүн тобуңузга солистка алып чыкпай калдыңыз?
– Жакында эле топко Айпери деген кызды солистка кылып алдым. Азыр ага жаңы ырларды жаздыруу менен алектенип жатам.
– Мурда тобуңузда ырдап кеткен солисткаларыңыздан кимиси чыгармачылыкта өз ордун таап кете алды?
– Ди-джейлик өнөрү, жагымдуу үнү менен Жанара Үтүрова өз жолун таап кете алды. Бек менен бир жыл иштешип аз да болсо элге таанылып калгандан кийин Нуриса да менин тобумда иштеп кеткен. Ал азыр чоң ырчылардын бири болуп калды.
– Акчаңыз жок калып, алыс жерге чейин жөө баскан учуруңуз болгонбу?
– Андай учурлар көп болгон. 1993-жылы филармонияга концерт берип калдык. Концерт бүткөнчө кеч болуп кетиптир. Концерттен 50 сом гонорар алып үйүмө жөнөдүм. Ал кезде жаңы үйлөнүп, бир тыйындын көзүн карап турган учур болчу. Алган акчамды жол киремден аяп, Аларча конушуна жөө кеткем. Таксилерди тоссом кымбат сурашат. Ошондо жолдо кетип баратып: “Кийин машинелүү болуп калсам, түнү кеч калган адамдын баарын жөө калтырбай алып кетем” деп кыялданганым эсимде.
– Өзүңүзгө окшош адамды жолуктурдуңуз беле?
– Токтогулдук Мирбек деген менден бир жаш кичүү жигит менен Токтогулдан таанышып калгам. Чындыгында Мирбек мага окшошуп кетет экен. Өзү­ңө окшош адамды көргөндө сөзсүз толкундануу, сүрдөнүү болбой койбойт экен. Азыр Мирбек менен катташып турам.
– Кличкаңызды билсек болобу?
– Бала кезимде сары болгондугумдан туугандардын баарысы сары дей беришчи. Чоң апам болсо Сарстан деп эркелетчү. Ал эми классташ балдарым атамдын атынан кличка коюшуп, башкача айтканда, Токтогулду кыскартышып Токо деше турган. Азыр ырчылар арасында Сыймык элемин.

Маектешкен Рахбар Алымкулова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: