Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Шахзода: “БАКТЫЛУУ БАШТАЛГАН ЖАШООМДУН БЫТ-ЧЫТЫ ЧЫКТЫ”

№196 4-10-август, 2006-ж.


Акыркы жылдары шаарыбызды Өзбекстан жылдыздарынын ырлары каптап кеткени жашыруун эмес. Тойдо болобу, кафеде болобу, өзбек музыкасы айлананы жаңыртып турат. Ушуга байланыштуу Өзбек эстрада жылдыздары Бишкекке биринин артынан бири келип, кыргыз күйөрмандарынын талабын канааттандырып кетип жатышат. Бул жолку сапар өзбек эстрадасынын жана киносунун жылдызы Шахзодага буюруптур...

Шахзоданын өз аты-жөнү – Зилола Мусаева. Ал 1979-жылы 28-июлда Ташкент шаарында төрөлгөн. Атасынын аспирантурада окугандыгына байланыштуу 1980-1987-жылдар аралыгында Москва шаарында жашаган. Атасы аспирантураны аяктаган соң кайрадан Ташкентке келишип, Зилола мыкты деген мектептердин бирине кирген. Музыкага шыгы бар кызга ата-энеси мектеп жашынан баштап жеке мугалим жалдашып, вокал боюнча сабак алдырышкан. 1997-жылы мектепти ийгиликтүү аяктагандан кийин Киев эл аралык Университетинин менеджмент факультетине тапшырган. Бирок, жандүйнөсүндө жашаган музыка күчтүүлүк кылып, окуусун таштап кетүүгө мажбур болгон.
1999-жылы «Жоним» аттуу топ түзүп, алгачкы эки айдын ичинде эле биринчи альбомун чыгарууга жетишкен. 2001-жылдан баштап Шахзода деген жаңы ысым менен чыга баштайт. Бир топ өзбек фильмеринде роль жараткан.
Атасы Мусаев Бахадыр – философия илимдеринин доктору, апасы Мусаева Майя – орус тили жана адабияты сабагынан мугалим, иниси Мусаев Эркин – жеке ишмер.

– Шахзода, бул Бишкекке болгон биринчи жолку сапарыңызбы?
– Ооба, Бишкекке биринчи жолу келишим.
– Концертиңизди ушундай деңгээлде өтөт деп күт­түңүз беле?
– Мага «Бишкекте «Фатима жана Зухра» фильми менен «Хаёт айт» ырың популярдуу» деп айтышкан. Бирок, мынчалык популярдуу деп ойлогон эмесмин. Залга толгон элди көрүп бир чети таң калып, бир чети өтө толкунданып турам. Таң калганымдын себеби, «Кантип эле Кыргызстанда менин ушунча күйөрманым болсун?» деген суроого жооп таба албай жатам. Келген элге, уюштуруучуларга ыраазычылыктан башка айтар кебим жок.
– Сизде актрисалык өнөр да бар экени кыргыз күйөр­мандарыңызга белгилүү. Атайын актрисалык билимиңиз барбы?
– Жок. Мен ал жагынан атайын билим алган эмесмин. Фильмде ойноо – менин бала чагымдан берки кыялым болчу. Мына ошол кыялым ишке ашып, «Севинч» жана «Фатима менен Зухра» жана башка фильмдерде роль жараттым. Көзгө оңой көрүнгөнү менен аябай түйшүк­түү иш экен. Албетте, кыйналдым, бирок, максатыма жетиш үчүн болгон мүмкүн­чүлүгүмдү жумшадым.
– Кайсы фильмдеги ролуңуз өзү­ңүз­гө көбүрөөк жагат?
– Башында анча тажрыйбам жок болчу. Ошондуктан, алгачкы фильмдерде аткарган ролдорума өзүмдүн анча көңүлүм тойбой калган. «Фатима жана Зухрада» болсо кино жаатын бир аз да болсо түшү­нүп калган адам катары ойногом. Анын үстүнө бул фильмдин сценарийи да биринчи эле мага аябай жаккан.
– «Фатима менен Зухрада» роль жаратууда эмнеден көп кыйналдыңыз?
– Ролду ийине жеткире ойноо үчүн көп ыйлаганга туура келди. Мына ошол жерлеринде ыйлаганымды окшоштура албай көп убара тарттым. Режиссёр көздөн жаш чыгара турган атайын глицерин колдонмокчу болду. Бирок, мен каршы болуп, эгер глицерин колдонсо роль ойнобой коюумду айтып туруп алдым. Ошентип, кинонун ыйлай турган жерлеринде өзүм ыйлагам.
– Жеке жашооңузга кайрылсак, өмүрлүк түгөйүңүз барбы?
– Өмүрлүк түгөйүм болгон. Сүйү­шүп жүрүп баш кошуп, дүң­гүрөтө той да кылганбыз. Жыл айланып уулдуу болдук. Тилекке каршы, жашоо биз ойлогондой болбойт экен. Кайсы бир себептерден улам бактылуу башталган жашоомдун бырын-чырыны чыкты. Азыр уулум Солих 9 жашта. Гимназияда эң жакшы баалар менен окуйт.
– Анын чыгармачылыкка кызыгуусу барбы?
– Уулум азыр окуусу менен гана алек болууда. Кээде менин репертуарымдагы ырлардан кыңылдап ырдап калат. «Бактылуумун» аттуу ырымдын клибинде үч кичинекей бала тартылган. Ошолордун бири менин уулум.
– Дагы балалуу болгуңуз келеби?
– Мен жаш балдарды аябай жакшы кө­рөм. Ошон үчүн эрте турмушка чыгып, балалуу болгом. Азыр балалуу болгум келер-келбестигин айта албайм. Учурда бир гана жумуш тууралуу ойлонуп жүрөм. Убагы келгенде балалуу болуштан качпайм.
– Коомдук транспортторго түшөсүзбү?
– Коомдук транспорт­торго түшпөгөнүмө өтө көп болду. Учурда өзүм­дүн кызыл түстүү «Хундай» маркасындагы машинам менен жүрөм.
– Өзүңүзгө жакпаган сапатыңыз барбы?
– Өзүмдүкүн бербеген кежирмин. Мына ушул сапатым өзүмө жакпайт.
– Өзбекстандын шоу-бизнесинде атаандаштык, көрө албастык деңгээли канчалык?
– Ийгилик болгон жерде атаандаштык, көрө албастык деген нерселер сөзсүз болот экен. Анын сыңарындай, мен жөнүндө да эмне деген гана ушактар чыкпады. Бирок, мен алардын бирине да көңүл бурбайм. Андай ушактардын ар бирине теригип отургандын ордуна талыкпай иштеш керек.
– Сахналаштарыңыздан өзү­ңүзгө атаандаш деп кимди эсептейсиз?
– Өзбекстанда азыр Лола, Райхон менен менин рейтингим бир. Бирок, мен аларды атаандаш катары көрбөйм. Бул менен мен өзүм­дү алардан бийик койгум келбейт. Биздин ар бирибиздин өзү­бүздүн имиджибиз, күйөр­мандарыбыз бар.
– Кыргыз эстрадасы жө­нүндө эмне айта аласыз?
– Менин кыргыз эстрадасы боюнча өтө кенен түшүнүгүм жок. Ошентсе да анын азыр өнүгүп жатканынан кабарым бар. Кыргыздан дагы-дагы таланттуулар чыгып, кыргыз эстрадасынын дең­гээли дүйнө­лүк масштабга чыгышына тилектешмин.


ШАХЗОДАНЫН 80 МҮНӨТТҮК КОНЦЕРТИ 800 СОМГО ЧЫКТЫ
Июль айынын аягында Өзбекстандын эстрада жана кино жылдызы Шахзода Спорт Ордосунда концертин бер­ди. Концерт айтылган убагынан 45 мүнөт кечигип башталды.

Азыр «Фатима менен Зухра» аттуу өзбек фильми бишкектик киносүйүүчүлөрдүн купулуна толуп турган учуру. Ошого байланыштуу андагы «Хаёт айт» деген ыр да радио­түйүн­дөрдө, кафелерде жаңырып, популярдуулуктун чокусуна чыкты. Мына ушул ырдын аткаруучусу жана фильм­де баш каармандын ролун жараткан өзбек эстрада жылдызы Шахзода бир чети кыргыз күйөрмандарын кубандырыш үчүн, бир чети өзү да пайдага маарыш үчүн Бишкекке келип кетти.
Сүйүк­түү каарманын жакындан көрүш үчүн келген элдин көп­тү­гүнөн залда отурганга эмес, турганга орун калган жок. Залдын чекесиндеги жана ортосундагы адам өтүүчү жерлерге да көрүүчүлөр жык толуп, сахна көрүнбөй калгандыктан, орундукта отурган көрүүчүлөр да концертти ордуларынан туруп, кээлери орундуктардын үстүнө чыгып алып көрүүгө мажбур болушту. Албетте, концертте «Хаёт айт» ыры кыйкы­рык-сү­рөөн, ышкырык, кол чабуу менен жакшы кабыл алынды. Күйөр­мандары берген гүлгө оронгон өзбек ырчысы концертинин аншлаг менен өтөөрүн күтпөгөнбү, толкунданып турга­ны билинип турду. Шахзода күйөрмандары менен сүрөткө тү­шүүгө каршы болгон жок. Бирок, гүлдү берип шылтоо кылып бетинен бир сүйүп калууга куштар болгон эркек күйөр­мандарынан жүзүн буруп кетип, аларды ыңгайсыз абалга калтырды. Айта кетчү нерсе, бул концертте ортодогу эки номерди эске албаганда, жалаң Шахзода ырдады.
Өкүнүч­түүсү, концерт бир саат он беш мүнөткө гана созулду. 300 сомдук билеттерди 800 сомго, арт жактагы орундарга 300-500 сомго билет сатып алганына кайыл болуп кирген көрөрмандар акчасына ичи ачышып калгандай болду. Албетте, билеттерди мынчалык обу жок көтөрүп жиберген алыпсатарлардын күнөөсү деңизчи, ошентсе да көпчү­лүк­­түн бул концерттен көңүлдөрү тоюп чыкканын байкаган жокпуз...

Даярдаган Азиза Сатимбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: