Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Айя Садырова: “УРМАТ УСЕНОВ ЭКӨӨБҮЗДҮН ОРТОБУЗДА МАХАБАТ ЖОК”

№197 11-17-август, 2006-ж.


– Айя, сизди күйөрмандарыңыздин бири казак кызы десе, экинчиси кыргыз деп ушул суроонун жандырмагын таба албай келишет. Негизи, кайсы элдин кызы болосуз?
Мен эки элдин тең кызымын десем болот. Анткени, ата-энемдин канында казактын да, кыргыздын да каны бар. Ошондуктан, менде казактын каны көппү же кыргыздын каны көппү өзүм да билбейм. Жалпысынан алганда мен үчүн айырмасы деле жоктой. Тили тектеш, боордош эки элдин кызымын десем болот.
– Ал эми балалыгыңыз кайда өткөн?
– Мен Кыргызстанда төрөлгөм. Бирок, кичине кезимде эле Жамбылга (азыркы Тараз шаары) көчүп кеткен элек. Анткени, атам аскер адамы болгондуктан, биз бир жерден бир жерге көчүп жүрчүбүз. Акыры Жамбылга отурукташып калдык. Кичине кезимде эле менин музыкага болгон шыгымды байкашкан ата-энем мени музыкалык мектепке беришкен эле. Ал жактан скрипка, домбра, гитара сыяктуу музыкалык аспаптарды үйрөн­дүм. Эсимде, 6-классымда эң биринчи жолу алгачкы ырымды жазып, гитара менен ырдап чыккам. Бул менин музыка дүйнөсүнө болгон биринчи кадамдарым десем болот.
– Балалыгыңызда эсиңизде калган окуялар...
– Эмнегедир кичине кезимде эркек балдардын арасында жүр­гөндү жактырчумун. Алар менен эркектердин оюнун ойноп жүрө берээр элем. Кыздардын жанында өзүмдү капаста калгандай сез­чүмүн. Мен куурчак да ойнобой, кыздардай юбка да кийчү эмесмин. Менин гардеробум шым, футболкалардын коллекциясынан турчу. Бирок, юбка, көйнөк болчу эмес. Биринчи жолу жогорку класста юбка кийип барганымда классташтарым чочуп, мени түшүнбөгөн көз караштары менен карап калышканы эсимде. Азыр деле көпчүлүк убакта шым кийип жүрөм. Сахнага гана көйнөк кийип чыгам.
– Ал эми чоң сахнага кантип келип калдыңыз?
– Мен 2004-жылы Кыргызстанга, Бишкек шаарына келип Жусуп Баласагын атындагы университетке тапшырган элем. 1-курста окуп жүргө­нүмдө мага Талгар Жакшылыков деген эң жакшы адам жолугуп калды. Ал көп жаштарды тарбиялап чыгарган белгилүү адам. Ошол адамдын жардамы менен музыка дүйнөсүнө сүңгүп кирдим. Кийин Ассоль Молдокматованын жардамы менен көп ийгиликтерге жетиштим. Ошентип, Кыргызстанда менин чыгармачылык тушоом кесилген деп айтсам да болот. Азыр өзүм Казакстанда жашасам да дээрлик бардык ырларым бул жакта жаралган.
– Сахнага чыгууга тоскоолдуктар болдубу?
– Албетте, тоскоолдуксуз ийгиликке жетишпейт эмессиңби. Ырдап чыгуу мага оңойго турган жок. Ошентсе да мен көз­дө­гөн максатыма жетем. Ошондой эле бул жак­та кесиптеш досторум дагы мени колдоп келишет.
Кесиптеш досторуңуз катары кимди айта аласыз?
– Сахнада жүр­гөндүн бардыгы эле менин кесиптеш досторум дегенден алысмын. Анткени, кө­ңүл, мамиле төп келбей туруп, дос болууга таптакыр мүмкүн эмес. Досторум катары “МКД” тобунун балдарын, анан Урмат Усеновду айта алам. Ал эми өйдө­кү муундан Гүлнара Тойгонбаева менен мамилем жакшы.
Урмат экөө­ңүз­дөрдүн ортоңуздарда жашыруун сүйүү бар деп уккан элек. Бул тууралуу эмне айта аласыз?
– Ооба, бул тууралуу сөз чыгып кеткен экен. Сыягы, бул сөз экөө­бүздүн биригип дуэт ырдап чыгуубуздан улам чыкса керек. Ал эми менин кыргызча «Сен» аттуу ырды ырдап чыгуума Урмат чоң жардам берди. Анткени, кыргызча ырдаганымда тилимде өтө эле билинген акцент бар эле. Урмат талыкпастан мени менен отуруп, ар бир сөзүмдү оңдоп жатып дуэтибизди жаздырган элек. Ошондо мага анын адам катары дагы бир жакшы сапаты ачылды. Бирок, Урмат экөөбүздүн ортобузда достук мамиледен башка эч нерсе жок. Бул адам менин эң жакын досум. Мен Урматтын талантын, өзүн да өзгөчө сыйлайм. Урматта мен жигиттерде жактырган сапаттын бардыгы бар. Ошентсе да экөөбүз болгону доспуз.
– Балким буга сиздин сырдуу “кавалериңиз” тоскоол болгондур. Мурунку интервьюларыңызда да ал бизнес жаатында иштээрин жана жакшы мамиледе экениңизди айтып өткөн элеңиз?
– Жигитимден мамилемди үзгөнү­мө көп болду. Жашоо негизи ушундай драмалары менен кызыктуу болсо керек. Төрт жыл жакшы мамиледе жүргөн адамың менен ажырашуу оңойго турбайт экен. Азыр мен бул тууралуу тең салмакта отуруп айтып жатам. Бирок, учурунда көз жаш, көңүл чөгүү, бардыгы болгон. Мен азыр гана менин жолум ал адамдыкынан башка экенине толук көзүм жетти.
Ажырашууңардын себеби эмне болду?
– Менин эркиндикти көксөгөнүм, карьерам тоскоол болду окшойт. Анткени, азыр мен чыгармачылыктын жолунда бара жатам. Мен багындыра турган дагы далай ашуулар бар. Жигитим аны түшүн­гүсү келбеди көрүнөт. Акырында бири-бирибизди кыйнабай бөлүнү­шүп кетишти туура көрдүк. Кыскасы, азыр мен эркин куш­мун (күлүп).
Демек, сиз үчүн карьера бардыгынан жогору турат экен да...
– Мен үчүн чындыгында эле карьера жогору турат. Анткени, мен кичине кезимден өзүмдү чыгармачылык үчүн курман кылганга даяр болуп келгем. Көп адамдар, анын ичинде апам да: “Чыгармачылык үчүн көп курмандык керек. Сен ошого даяр бол, кызым” деп айтып келген. Чыгармачылык мен ойлогондон да чоң курмандык талап кылаарын кийин түшүндүм. Улуу агамдын каза болушу менин өмүрүмдө оор жоготуу болду. Ошол күнү “Акапелла” тобу концерт берип жаткан. Мен анда жаңы эле чоң сахнанын босогосун аттап жаткан кезим болчу. Агам коюлаар күнү мен аргасыз эл алдына чыгышым керек болду. Ошончо эл күтүп жатса, баш тарта алган жокмун. Микрофонду кармаган колум калтырап, ыйлап ырдап жаттым. Ошол күнү гана менден сахна чоң курмандыкты, жоопкерчиликти талап кылаарын түшүндүм. Мына ушундан эле чыгармачылыкка болгон мамилемди түшүнсөңүз болот.
Сиз жалгыз эле ырчылыктын артынан түшпөс­төн, жазуучулук талантыңыз да бар...
– Жакында Казакстанда “Сүйүү жалыны” деген китебим жарыкка чыкты. Бирок, Бишкекте али сатыкка түшө элек. Анда эки адамдын тагдыры, сүйүүсү деги эле жашоо тууралуу жазылган. Күзүндө Кудай буюрса, жеке концертимди, ошондой эле китебимдин бет ачарын Бишкекте өткөр­сөм деп даярданып жатам.
Кайсы жакта күйөр­ман­да­ры­ңыз көбүрөөк?
– Албетте, Кыргызстанда күйөр­мандарым көп. Бирок, келечекте Казакстанда да атым чыгат деп ишенем. Азыр деле Казакстандан “Сени жылдыз кылып чыгарабыз. Сенин талантың бар” деген сөздөрдү айтышып, иштешүүгө сунуш киргизгендер бар. Бирок, продюсер менен иштеп, анын талабына моюн сунуу мен үчүн кыйыныраак болуп калат деп ойлойм. Анткени, өзүм көз карандысыз болгонго, эркиндикке биротоло көнүп алгам.
Азыркы учурда жаш жылдыздар өзгөчө популярдуу болуп кетти. Сиз күчтүү атаандаштыктан коркпойсузбу?
– Эмнесинен коркмок элем? Албетте, чыгып жатышат. Бирок, эл алдында чыккан ар биринин өз жүзү, өз таланты бар эмеспи. Сахнага чыгуу – бул ар бир артисттин алдына коюлган сыноо. Ал сыноодон ким өтүп, ким калат келечек көрсөтөт. Мисалы, менин оюмча Урмат сахнада көпкө кармалат болуш керек. Анткени, анда сырткы келбет да, талант да, сахна адамына жараша турган мүнөз да бар. Мен Урматтын келечегине терең ишенем. Мен сыйлаган жаш ырчылардын арасында Темир, Замир Мырза да бар. Бирок, таптакыр таланттан куржалак, эки күндүк ырчылар да арабызда жок эмес. Алардын арасына мен Самандарды кошоор элем.
Сиз кийинки кездерде эмнегедир Бишкектеги концерттерге катышпай калдыңыз. Кокус Казакстандын шоу-бизнесине кетүү оюңузда жокпу?
– Мен кийинки кездерде көрүнбөй калганымдын себеби, Азыркы учурда Казакстанда «Той» деген журналдын маданий директору болуп иштеп жатам. Бул жумушум дагы мага өзгө­чө кызыктуу. Ал эми Казакстанда ырдаганга эмнеге болбосун? Азыр деле Казакстандын радиолорунан ырларым кетип жатат. Мени Кыргызстанда тааныгандай таанышпаса да атымды билишет. Бирок, мен эч качан Кыргызстандын сахнасынан кетпейм деп ойлойм. Анткени, баары бир мага бул жак жакыныраак сезилет. Албетте, ал жакта шоу-бизнес аябай эле өнүккөн. Бирок, мен өз күчүмө ишенем.
Үйбүлөңүз тууралуу айтып берсеңиз?
– Менин эки агам бар. Атам менен апам биздин келечегибиз үчүн эч нерсесин аябайт. Үйбүлөдө болсо мени эркелетишет. Апам – менин эң жакын адамым. Эч кимге айтпаган сырларымды апама айтам. Бардык жагынан мени колдоп келген да ошол адам. Сахнада да, үйдө да таянганым апам. Алтургай, сахнага кийген кийимдеримди да ирээттеп берет.
Негизи, өзүңүздүн стилистиңиз барбы?
– Жок, атүгүл, ал жөнүндө ойлонуп да көрбөптүрмүн. Мен өзүмдүн табитиме жараша өзүм кийинем. Ал эми кийимдердин стилин өз кыялымдан жаратып, анан кийим тиктирем. Бирок, сахна кийимдеримди көп учурда даяр эле сатып алам.
Кайда эс алганды жакшы көрөсүз?
– Мен үчүн эс алган жерим өзүм­дүн үйүм, ата-энемдин жанында. Анан өзүмдүн итим менен сейилге чыкканды жакшы көрөм. Жаман ойлор унутулуп, кийинки жумуштарым, пландарымды ирээттеп алганга сейилдөө жардам берет.
– Күйөрмандарыңыз сизди кайсы концерттен көрө алышат?
– Буюрса, күйөрмандарым мени күз айларында жеке концертимден жолуктура алышат. Бул концертке мен азыртан даярданып жатам. Даярдык болсо ойдогудай.

Маектешкен Нуржамал Жийдебаева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: