Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ПРОДЮСЕР ЖАНА ЫРЧЫ

№201 8-14-сентябрь, 2006-ж.


ПРОДЮСЕР ДЕГЕН КИМ ЖАНА ЭМНЕ ЖУМУШ АТКАРАТ?
Продюсер – бул ырчынын чыгармачылыктагы «атасы» же «апасы». Шоу-бизнес өнүккөн башка өлкөлөрдө продюсер иштешип жаткан ырчысынын чыгармачылыгы үчүн өз чөнтөгүнөн каражат жумшап, кайсы бир убакыттан соң, ал каражатын эселеп кайтарып алат. Бирок, бизде көбүнчө чыгармачылык үчүн чыгымды продюсер менен ырчы теңме-тең чыгарышат. Ошондой эле ырчынын ырына, сахнадагы кийимине, имиджине, кыскасы, бардыгы продюсердин көзөмөлүндө болот. Алар кандайдыр бир убакытка чогуу иштешүү боюнча келишим түзүшөт. Алардын түшкөн пайданын канча пайызы продюсерге, канча пайызы ырчыга тийээрин макулдашуу менен өздөрү чечишет жана бул пункт келишимде көрсөтүлөт.

ЫРЧЫЛАР ПРОДЮСЕРИНИН КӨЗҮ МЕНЕН

Ассоль Молдокматова:

– Мен өзүмдүн карамагымдагы ырчыларды бири-биринен бөлүп карабайм. Албетте, ар кимисинин өзүнчө мүнөзү, өзүнчө таланты бар. Мен аларга катуу талап коём. Заманга жараша бардык нерсеге жаңыча көз караш менен карап, жаңыча ой жүгүрткүлө дейм. Ар дайым алар менен сүйлөшкөндө биринчи эле “эмне жаңылыгыңар бар?” деп сурайм. Алар да ошого көнүп калышкан. Ошого жараша ар дайым изденүүнүн үстүндө жүрүшөт. Мен балдарымдын баарына, анын ичинде Урматка катуу ишенем. Андан келечекте мыкты ырчы чыгат.

Канат Култаев:
– Мирбек мага али наристедей эле сезилет. Анткени, анын мүнөзү ошондой. Бирок, ага карабай өтө тырышчаак, аракетчил бала. Кандай гана иш кылбасын, баарын сапаттуу, майын чыгара жасаганды жакшы көрөт. Анын бирден-бир максаты – ырларын келечекте чет өлкө­нүн ырларынын деңгээлине жеткирүү. Ал эми кемчилигин айта кетсем, Мирбек өтө эле уйкучу. Ушул уйкучулугу кээде ишибизге тескери таасирин тийгизип койгон учурлар болот. Болбосо, ал көп нерсеге жетише турган жигит. Болгону кыргыздар азырынча Мирбектин ырдоо стилине түшүнүшө элек. Дагы 5-6 жылдан кийин бул стиль Кыргызстанга кенен жайылат болуш керек.

Динара Эсенгулова:
– Султандын үнү чанда кездешчү үндөрдөн. Ошондуктан, анын сахнада көпкө жашаарына мен ишенем. Султан аябай аракетчил, эмгекчил бала. Бирок, бир аз көктүгү бар. Кээде өз билгенин такыр бербей “кылам дедим кылам” деп туруп алат. Бул адатынын кээде пайдасы, кээде зыяны тийип калат. Ошондой эле унутчаактыгы да бар. Койгонун койгон жерге калтырып коёт да, артынан мен терип жүрөм. Кыскасы, аз убакыттын ичинде Султан менин өз баламдай эле болуп калды. Ал эми Бегимай жөнүндө айта кетсем, ал азырынча жаш. Сахнада тажрыйбасы да жок. Анын жаштыгын эске алып, азырынча көп иштетпей жатам. Жөн гана сиңдим катары жардамымды берип, чыгармачылыктын түйшүгүн өзү көрүп, быша берсин деп жайына койгом. Убактысы келгенде ал менен олуттуу иштешүүгө өтөм.

Асыл Аппасова:
– Биринчи жолу көргө­нүмдө Мирбектин мага бетиндеги уячасы жаккан. Ырчыга сырткы келбети да чоң таасирин тийгизет. Чыгармачылыкта болсо репертуарды тандоо жагына келгенде ырга болгон табити жакшы. Элге кандай ыр жагаарын билет. А мүнөзү жөнүндө айтсам, ал оор басырыктуу, оңой менен бирөөгө ачылып сүйлө­бөгөн бала. Анан да эркелик жайы бар. Мага апасындай эле эркелейт. Бирок, бизди чыгармачылык көбү­рөөк байланыштыргандыктан, мен көп эркелетип чектен чыгарбайм.

Назгүл Насиева:
– Гүлмира кичине кезинен турмуштун оор-жеңилин көрүп чоңойгон кыз. Ошондуктан, анын мүнөзү боорукер, ак көңүл. Анан сахнаны аябай сүйөт. “Сахнада ырдап жаткан жеримден жаным чыгып кетсе ыраазы элем” деп өзү да айтып калат. Бирөө­нүн көңүлүн такыр калтыра албайт. Ошондуктан, ким эмне десе эле макул боло берет. Анан өзүнүн таламын талаша албаган жайы бар. Бул да болсо көңүлү боштугунун белгиси болсо керек. Биз атайын келишим түзгөн эмеспиз. Ошентсе да мен Гүлмирага колумдан келишинче жардам берип жатам. Койгон талаптарымдын бири – тезинен арыктоо. Азыр бий жана вокалдан сабак алып жатат.

Ырчы кыз Нелянын продюсери «Кыргызстан Обондору» радиосунун ди-джейи Арстанбек Абдыманов экен. Тилекке каршы, Неляга мүнөздөмө бердирүү үчүн Арстанбекке телефон чалганыбызда кандайдыр бир табышмактуу себептерден улам продюсер Неля жөнүндө айтуудан баш тартты. Же Арстанбекке таланттуу кыздын жакшы жактарын айтып, аны мактоо келинчегинин алдында «неудобно» болду бекен?..

Тынчтыкбек Кожобеков:
– Мен Съездге төрт жылдан бери продюсер катары иштеп берип келаткам. Бирок, жакында бул ишимди токтоттум. Себеби, Съездди эми баралына келип жетти деп эсептейм. Аны эми гастролдорго такай алып жүргөнгө менде убакыт жок болуп жатат. Анын үстүнө кинопродюсерлик жумуш менен да алектенсемби деген пландарым бар. Ошондуктан, Съездге продюсерлик кылуу жумушун мен кайра эле өзүбүздүн досубуз Акжол Нишановго өткөрүп бердим. Акжол мыкты дипломат. Ал менин Съездди ушул деңгээлге жеткенге кошкон салымым үчүн 5 миң доллар акы пул берди. Мен аны бер деп сураган деле эмесмин, жөн гана өз көңүлүнөн чыгарып, ушунча акча таштап кетти. Эми мен Съездбектин жоопкерчилигинен гана кутулганым болбосо, мурункудай эле жардамымды аябай, жакын дос бойдон кала бермекчимин.

Мырзабек Айдаралиев:
– Мен Ильяз менен иштегениме көп деле болгон эмес болчу. Экөөбүздүн ортобузда эч кандай келишим деле түзүлгөн эмес эле. Жөн гана мен ага колумдан келген жардамымды берип, продюсер катары иштеп берип жаткам. Ишибиз жакшы уланып кетсе, башкалар сыяктуу расмий түрдө келишим түзүп иштешебиз деген да пландарыбыз бар болчу. Тилекке каршы, экөөбүз жалпы тил табыша алган жокпуз. Ортодо бир аз пикир келишпестиктер болуп, өз-өз жолубуз менен кеттик. Азыр Ильяздын ким менен иштешип жатканынан кабарым жок. Өзүм болсо башка жаңы таланттарды даярдап жатам. Аларды жарыялаганга азырынча эртерээк.

Маектешкен Азиза Сатимбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: