Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Мырзабек Айдаралиев: «АФРИКАЛЫК НЕГРЛЕРДИ ЖЕҢИП КОЙГОНБУЗ»

№207 20-26-октябрь, 2006-ж.


Кыргызстанда шоу-бизнестин деңгээли азыркыга салыштырмалуу бир топ төмөн кезинде эле «Аза Универсал» тобу түзүлүп, “Музыка”, “Өбүшөмүн деп” жана башка ырлары менен популярдуу болгон эле. Көп убакыт бою бир калыпта туруп калган бул топ акыркы убактарда “Көп эстеп” аттуу жагымдуу ыры менен учурдун популярдуу делген ырчыларынын сабына кошулду. Ар улуттан түзүлгөн бул топтун негиздөөчүсү жана жетекчиси – Мырзабек Айдаралиев. Мырзабек 1976-жылы Ноокат районунун Акбулак айылында төрөлгөн. Театралдык орто окуу жайын аяктаган. Үйбүлөлүү. Бир кыздын атасы. “Кыргызстан Обондору” радиосунун ди-джейи Назгүл Айдаралиеванын өмүрлүк жары.

– Мырзабек, алгач «Аза Универсал» тобунун түзүлүшү жөнүндө айтып өтсөңүз?
– «Аза Универсал» тобу мындан жети жыл мурун түзүлгөн. Бирок, анда топтун курамында башка жигиттер эле. Топту алып жүрүүдө алгач бир топ кыйынчылыктар болду. Финансы жагынан, уюштуруу жагынан дегендей. Мына ушундай кыйынчылыктарына чыдабай, эки жылдан кийин эле топту таратып жибергем. Ошентип, дагы эки жылдай убакыт жөн эле жүргөнбүз. «Кой, жөн эле жүрө бергенде эмне? Ырдап элге кызмат кылалы» деп топту кайрадан бутуна тургузуп, кайра түзүүнү чечтим да, азыркы курамды топтодум. Ал эми «Аза Универсал» деп аталышы жөнүндө көп эле окурмандар билишсе керек. Ошентсе да дагы бир жолу эскерте кетейин. “Аза” деген сөз Азамат деген досумдун атынан алынган. Ушундай бир эстрадалык топ ачуу анын максаты болчу. Тилекке каршы, максатына жетпей оорунун айынан бул дүйнөдөн өтүп кеткен. Ошол досумдун урматына топтун атын ушундай атагам. Ал эми “универсал” деген – менин мурунку балдарым да, азыркы балдарым да көп кырдуу таланттар. Башкача айтканда, актёрлору, бийчилери, ырчылары, жада калса спортсмендери бар.
– Азыркы жигиттериңиздин улуттары башка болсо керек?
– Ооба. Олег корей улутундагы жигит. Амир болсо татар. Экөө тең 27 жаштагы бойдок жигиттер. «Аза Универсалдын» биринчи курамы тарай электе ушул жигиттер бир ырыбызга бийлеп беришкен эле. Кийин көчөдөн көрүп калып бирге иштөө боюнча сунуш киргизип, ошондон бери чогуу иштешип келе жатабыз. Азыр шоу-бизнесте көп убакыт чогуу иштешиш оңой эмес. «Сен минтип айтыпсың», «сен тигинтип айтыпсың» деген сыяктуу сөздөр көбөйүп, бузукулар ортодон чыга калышат. Башка улут менен иштешкендин бир жакшы жери – алар ушундай сөздөргө көңүл бурушпайт. Алар бир гана иштешет. Азыр биз Олег, Амир үчөөбүз аябай ынтымактуубуз. Кандай жумуш болбосун биргеликте чечебиз.
– Сиздер өзгөчө бийлериңиздер менен элди өзүңүздөргө тарта билесиздер. Ушундай бийлерди кайдан үйрөн­гөн­сүздөр?
– Олегдин өзүнүн адистиги хореограф. Ал бийдин түрүн билет. Биз дагы бийди Олегден үйрө­нөбүз.
– Шоу-бизнесте бир калыпта токтоп калган «Аза Универсалды» учурда популярдуу болуп турган «Көп эстеп» аттуу ырыңыздар кайра жандандырып койду окшойт. Ушул ыр кандайча жаралып калды эле?
– «Көп эстептин» сөзү Камбараалы Бобуловдуку, обону меники. Бул ыр мындан эки жыл мурун эле жарыкка чыккан. Бирок, аранжировкасы жакшы чыкпай, элге сиңимдүү болбой калган. Муну бир гана жолу «Ала-Тоо» аянтындагы бир концертте ырдаганбыз. Эл да жакшы кабыл албай, бир чети өзүбүзгө жакпай калгандыктан, ошол боюнча ырдабай койгон элек. Кийин аранжировкасын Ильяз Абдыразаков жазып, кайрадан элге тартууладык эле, эл жакшы кабыл алып, минтип популярдуу болуп кетти. Айтканыңдай эле топтун кайрадан популярдуу болушуна бул ырдын салымы чоң болду.
– Бул ырдын клиби да өзгөчө көңүл бурууга татырлык. Аны кайсыл жактан тарткансыздар?
– Мурдагы жылы атайын жолдомо менен Араб Эмиратынын Маскат шаарына фестивалга барганбыз. Бул жакта кыш мезгили болчу, ал жакка барсак күн төбөнү куйкалачудай болуп ысык экен. Ошондо кырк күндүк убактыбызды текке кетирбей эки ырыбызга клип тарта келгенбиз. Ошонун бири ушул «Көп эстептин» клиби болчу. Бул клиптин тарыхы да өзүнчө окуя. Океандын жээгинде даярданып бийлеп жатсак, африкалык негр балдар келип калышты. Бир аз биздин бийлегенибизди карап турушту да, бийдин брейк түрү боюнча жарышуу тууралуу өздөрү сунуш киргизип калышты. Бирок, булар өздөрүнүн бийлерин жакшы бийлешкендери менен брейк боюнча бизден жеңилип калышты. Бир маалда «биз жарышабыз» деп жергиликтүү араб жигиттер келишти. Бирок, алар да жеңилип, алгач чычалашып, жергиликтүүлүгүнө салышып бизге үстө­мөндүк кылганга чейин барышты. Ошентсе да биздин талантыбызды сыйлашып кайра кечирим сурашып, кучакташып дос болуп алганбыз. Клиптегилер ошол досторубуз. Ырдын ортосунда окулган рэпти да ошол арабдардын бири окуп берген. Ал арабча рэп достук жөнүндө окулуп, бизге которгондо “Биз Мустафа аркылуу бул жигиттер менен таанышып, достошуп калдык...” деген маанини туюндурат. Африкалык, араб досторубуз менен азырга чейин интернет аркылуу кат алышып турабыз.
– Сиз өзүңүз музыкалык билимге ээ болгонсузбу?
– Менин музыкалык билимим жок. Музыка чөйрөсүнө аралашып калганыма өзүмдөн улуу агам “күнөөлүү”. Бир жылдары айылда музыкалык аппаратура сатып алып, солист издеп жүрбөй мени эле ырчы кылып алган. Мен анда 7-класста окучумун. Экөөбүз тойлорго барып ырдап калчу элек. Ошол бойдон искусство чөйрөсүнө кызыгып кеткем. Ошондуктан, мектепти бүткөндөн кийин ата-энем тапшырткан окууну таштап, Бишкекке келип актёрлукка тапшырып алгам.
– Демек, өз кесибиңиз актёр экен да?
– Ооба. Көп эле спектаклдерде роль жараттым. Ал эми кинолордон эпизоддук ролдордо ойнодум. Мисалы, “Эдем алмасында”, Венгриянын «Менин күндөлүгүм» аттуу фильмдерде.
– Башкаларга да клип тартып берип жүрө­сүз...
– Ооба. Азыр M&B аттуу студия ачып алгам. Бул Мырзабек жана Бекбол дегенди билдирет. Бекбол экөөбүздүн бул студиябызга азыр көп заказдар түшө баштады.
– Бир клипти толук бойдон бүтүргөнгө канча убакыт кетет?
– Бир айда толук бойдон бүтүрүп, ээсинин колуна тапшырабыз.
– Сыр болбосо бир клипти канча сомго тартасыздар?
– Мурун 300 доллардан башталчу. Азыр 500 долларга көтөрүп койдук. Себеби, клиптин сценарийин өзүбүз түзөбүз, өзүбүз тартабыз, кыскасы, баштан- аяк өзүбүз жооп беребиз. Мына жакында эле Сапар менен Артыктын «Атага» ырына клип тартып бүттүк. Анын чыгымы 1000 долларга жетти окшойт. Бирок, ошого жараша сапаттуу тартылды. Мындан башка да бир топ заказдар жатат. Клип эле дейсиңби, мындан тышкары мен телевидениеде да иштейм да. Биринчи каналдан, ОРТ, РТР каналдарынан Кыргызстандын кооз жерлерин даңазалап көрсөткөн рекламалардын баары менин колумдан чыгат. Аны Болот Тиллебаев тартып келет, мен жасап-түзөп, музыка кошуп, элге берем. Ошентип, саат алтыга чейин мамлекеттин жумушун аткарам. Андан кийин гана өзүмдүн иштериме киришем. Кээде уктаганга убакыт болбой, суткасына 1-2 гана сааттан уктаган учурлар болуп калат.
– Продюсерлик менен дагы деле алектенип жатасызбы же Ильяздан кийин бул ишиңизди таштап койдуңузбу?
– Ильяз менен жарым жылдай иштештим. Ал азыр чычалап «продюсерим эмес болчу» дегендей айтып жүрүптүр. Эмне десе да мейли. Андан мага эч нерсенин кереги жок. Ильяздын менин колумдан тарбияланып чыкканын баары эле билишет. «Бул бала кимден чыккан?» дешсе «Мырзадан» деген сөздүн өзү эле жетет мага. Ильяз өсчү жигит. Өсө берсин, мен анын талантын баалайм. Азыр башка окуучуларым бар. Алар да таланттуу улан-кыздар. Буюрса, алардын эл алдына чыгышына аз калды.
– Ушунча жумуштардан кийин кожоюн катары үйбүлөгө көңүл бурууга убакыт жетеби?
– Менин кожоюндук милдетимди аткарбай калганыма бир жылдай болуп калды. Ага чейин үйдө бир шруп да бошоп калчу эмес. Баарын убак-убагы менен өзүм бүтүрүп турчумун. Азыр болсо андай жумуштарды өзүм жасаганга убактым жетишпегендиктен, акысын төлөп би­рөө­гө жасатам. Ал эле эмес, үйбүлөм менен да жумалап сүйлөш­пөй калган учурларым болот. Мен барганда алар уктап калышат, эртең менен турсам кетип калышат.
– Кызыңыз канча жашка чыгып калды?
– Алтыдан жетиге карады. Аябай такылдаган, тың кыз. Тааныштар “Наз­гүл жыйырма жашында ди-джей болсо, кызың беш жашында эле ди-джей болот окшойт” деп калышат. Чын эле кичинесинен баштап эле радиого үндөрү жазыла баштаган. “Кыргызстан Обондорунда” “Чоң энемдин түйүнчөгүн­дөгү” жаш баланын үнү –ошол менин кызымдын үнү.
– Кызыңыздын эмнеге шыгы бар?
– Бийлегенге, ырдаганга шыктуу. Виктория Савченконун шоу-балетинде бийлечү. Бирок, анда кыргыздын менталитетине туура келбеген бийлер бар экен. Ошондуктан, андан чыгарып алдым. Андан көрө “Шаттык”, “Жаш кыял” сыяктуу бий ансамблдерине берейин деп жатам. А апасы болсо анын искусстводон тышкары эле болуусун каалайт. Таенеси врач кылам дейт. Чын эле азыртан врачтыкка жакындыгы сезилет. Ооруп калсаң дарыларды берип, үстүңө үйрүлүп түшүп калат.
– Жубайыңыздын радиодо иштегенинин сиздин чыгармачылыгыңызга таасири тийеби?
– Назгүл эле эмес, “Кыргызстан Обондорунда” мен өзүм да иштегем. Тааныш-билиштик кылып ырларымды бере турган болсом, ошондо эле пайдаланып калат болчумун. Же болбосо азыр деле Назгүл эле эмес, кимисине болбосун “менин ырымды коюп койчу?!” деп сурансам болмок. Бирок, мен антпейм. Эгер жакшы ыр болсо, эч кимден сурантпай эле ал өзү чыгып кетет. А чыкпай турган ыр канча акчаңды чачып, миң сүйрөсөң деле чыкпайт.
– “Көп эстептен” кийин дагы жаңы ырларыңыздар жаралып жатабы?
– “Көп эстептен” кийин дагы эки ыр жаздырганбыз. Алар да ийгиликтүү чыкты. Буюрса, элге сиңип, бизге дагы атак алып келишинен үмүтүбүз бар. Ыр эле жазып тим болбой, азыр “Аза Универсал” тобунун алдында дагы бир топ түзүп жатабыз. Ал бий тобу болмокчу. Муну Олег жетектейт. Кастинг боюнча тандап, азырынча жети адам алдык. Дагы алып, бийчилердин санын кыркка жеткирсек деген тилегибиз бар. Бийге кызыккан, бийдин бардык түрү боюнча Олегден сабак алам деген улан-кыздар болсо, бизге кайрылса болот.

Маектешкен Азиза Сатимбекова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: