Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Чыңгыз Мырзаев: «БАНКАДАГЫ МАЛИНАНЫН ВАРЕНЬЕСИН ООЗУМА КУЮШТУ»

№208 27-октябрь-2-ноябрь, 2006-ж.


– Чынгыз, сени күйөрмандарың мурун ди-джей катары таанышса, эми ырчы катары да баа бере башташты. Сурайын дегеним, сен кичине кезиңде ырчылыкка шыктуу белең же алпаруучулуккабы?
– Мен кичинемде эле ырчы болгум келчү. Бирок, кызыгы, биздин үйдөн дегеле ырга шыктуу эч ким жок. Менин таланттуу болуп калганыма балким, айылдын кооз табияты таасирин тийгизгендир, балким, канымда бардыр. Балалык чагымда ата-энемдин колунда жалгыз болуп, эрке өстүм. Кылам дегенимди кылып, алам дегенимди алдырып тынчумун. Менин туулган жерим Каракулжа району болгону менен ал жерде 6 жашыма чейин эле чоңойдум да, андан кийин 1-классымдан баштап Чаткалда өстүм. Таякем прокурор болуп ишине байланыштуу эки жакка которулуп турчу. Биздин Чаткалга барып отурукташып калганыбыздын себеби да ошол таякеме байланыштуу. Атам сүрөтчү болуп, апам бухгалтер болуп иштечү. Мен болсо биринчи класска барганда эле классташтарыма анекдотторду айтып бергеним эсимде. Баары күлүшүп “дагы айтып бер” дешсе кайра-кайра айта берчүмүн. Эми ойлосом ди-джейликке болгон шыгым ошол классташтарыма айтып берген анекдотторумдан башталса керек. Ошентип, мектеп босогосун аттагандан баштап эле активдүүлүгүмдү көрсөтүп, ошол боюнча мектепти бүт­көнчө мектеп сахнасынан түшкөн жокмун. Алгач манас айтчумун, андан соң комуз, кийин гитара үйрөнүп, үн кошуп ырдап жүрчүмүн. И-и, баса, ырдап эле тим болбой куудулдукту да катырат элем. Бир жолу кайсы бир салтанатта башыма жоолук салынып чыгып, Дөөлөт Мадымаевди дал өзүндөй кылып туураганымда көрүүчүлөр эле эмес, калыс­тардын да күлө берип боору эзилип калган. Ушундай өнөрлөрдүн арты менен бир канча кароо-сынактарга катышып, райондун, областтын борборуна чейин барып келгем.
– Ырларыңдын сөздөрүн өзүң жазат экенсиң. Ыр жазууга да эрте жашыңдан аралаштың беле?
– Эң биринчи апама арналган ырымды 5-классымда жазганым эсимде. Классыбызда өтө эле жаман окуган бала бар болчу. Ошол ырларды жазып эле бизге окуп бере берчү. Эми ойлосом, тигинден, мындан бир саптан алып эле ар кайсы жактан көчүрө берчү экен. Жогорудагы ырымды “ушул начар окуган бала эле ыр жазганда мен жаза албаймынбы?” деп ошол классташыма атаандашып жазгам.
– Ата-энең сенин бул өнөрүңдү кандай кабыл алышчу эле?
– Мени бардык жагынан, анын ичинде талантымды да колдогон – бул менин ата-энем. Алардын музыкага жакындыгы болбосо да менин чыгармачылыкка аралашканымды кош колдоп колдошту. Чаткалдан бул жакка көчүп келгенибизге үч жылдай болуп калды. Көчүп келгенибиздин да себептеринин бири мага байланыштуу.
Эсимде, 7-8-класстарымда өзүнчө эле гитара үйрөнүп алып, ал менен ооруп жүргөнүмдө атама “гитара сатып бериңиз” деп көп айтаар элем. Биздин айыл Чаткалдын эң төрүндөгү айылдардын бири. Бир күнү атам райондун борборуна бара жатып гитара ала келем деп сөз берди. “Ала келбесе деле керек, тоонун ортосундагы райондо кайдагы гитара сатылмак эле?” деп ойлодум. Ошентсе да үмүтүмдү үзбөй күтө бердим. Атамдын келээр маалы болгондо такыр эле жолдон көзүмдү албай калдым. Бир маалда жолдун боюна автобус келип токтоду да, автобустан колуна гитара кармап атам түшүп келе жатат! Эми кубаны­чым тимеле койнума батпайт. Ошол күндөн баштап гитара колумдан түшпөй калды.
Атамдын мени өзгөчө кубанткан ошол белегин азыр деле колдонуп жү­рөм.
– Анан өзүң кызыккан музыка жаатында жогорку билимге ээ боло алдыңбы?
– 9-классты бүткөн соң кичинемден берки кыялымды орундатып Жалалабаттагы техникумдун музыка бөлүмүнө тапшырдым. Ал жакты ийгиликтүү аяктаганымдан соң кайрадан айылга келип, музыка сабагынан мугалим болуп бир жыл иштедим.
– Жаш болуп туруп түйшүктүү жумушта иштегенден кыйналган жоксуңбу?
– Чын эле мен анда өтө эле жаш болчумун. Башкача айтканда, 19 жашта. Мугалим болуп келип, өзүмдөн 2-3 жаш эле кичүү окуучуларга сабак берип, класс же­текчи болуп калдым. Алгач сүрдөп, бир аз кыйынчылыктарга туш болдум. Бирок, кайра бат эле көнүп, мектеп жетекчилеринин мактоосуна арзый баштадым. Ал эле эмес, “Жылдын мыкты мугалими” де­ген наамга көрсө­төбүз дешкен. Бирок, жогору жактагылар “өтө эле жаш” деп ма­кулдугун бербей коюшкан.
– Кокусунан окуучу кыздарың менен сүйүү романын түзүп жиберген учурларың болбоду беле?
– Кээ бир кыздар башкача көз караш менен карап же мени көргөндө шыңкылдашып күлүп калгандарын байкачумун. Ал эле эмес, кичине нерсени чоң нерсеге айлантып “Чыңгыз агай баланча менен жүрөт экен” деген сөздөр да окуучулар арасында тарап кеткен учурлар болгон. Бирок, мен окуучу менен мугалимдин ортосундагы чекти катуу сактачу элем.
– Ошол бойдон мугалимдик кесипти аркалап кете берүүнү каалаган жоксуңбу?
– Балким, иштесем ошол бойдон иштеп кете бермекмин. Бирок, мугалимдик айлык акынын өтө эле аздыгы менин мектептен кетүү­гө себепчи болду. Мектептен кеткен соң айылдык клубга жетекчи болуп да иштедим. Бирок, ал жерде да болгон жок. Чөйрөм­дөгүлөрдүн “сен шаарга барып билим алышың керек. Сенден бир нерсе чыгат” деген сөз­дөрү, бир чети өзүм­дүн да каалоом мени Бишкекке жетелеп келип, Искусство инсти­­тутуна тап­­шырт­ты. Азыр анда 4-курстамын.
– Ырчы досторуң Султан, Мирбек менен ошол жактан достошсоң керек эле?
– Ооба. Мен окууга келгенде орто билимим болгон үчүн дароо эле 2-курс­ка отургузушкан. Ошентип, мен Мирбек, Султан, Акбарлардын группалашы болуп калгам. Алгач бири-бирибиз менен анча ишибиз жок эле жүрчүбүз. Кийинчерээк эле жакын болуп кеттик. Чамасы, бизди чыгармачылык жакындатты окшойт.
– Институтта да активдүүлүгүң менен башкалардан айырмалана алдыңбы?
– Институтта жакшы окудум. Коомдук иштерге катышканды жакшы көрчү­мүн. Окууга жаңы келгендеги алгачкы айларда эле сиздердин “Супер-Инфо” гезитинин “Фотороман” рубрикасына тартылууга туш болуп калгам. Ошондо деканым тамашалап: “Институттагы кыздар сага аздык кылып, гезитке чыгып Кыргызстандын бардык кыздарына көрүнөйүн дедиңби?” деп калчу. Кыязы, ошондо эле мага бата тийген окшойт.
– Азыр сырттан окуйсуңбу?
– Ооба, сырттан окууга которулуп ал­гам. Анткени, былтыркы жылдын жай айында телевидениеге алпаруучулардын кастинги жарыяланып калганын угуп, кастингден өтүп кеткем. Ал жакта жарым жылдай иштедим. Бирок, эфирге чыкчу эмесмин. Эфир артында аба-ырайын окучу элем. Ошентип иштеп жүргөн күн­дөрүмдүн биринде “Кыргызстан Обондору” радиосуна кастинг жарыяланып калганынан кабардар болуп калдым. Радиодо ди-джей болуп иштегенге ушунчалык кызыкчумун. Өзүмдү бир сынап көрүүнү чечип, радиого барсам, ал жактан тапшырмаларды берип көрүшүп, акыры жагып калсам керек, радиого жумушка алышкан. Буйрук экен, эми минтип кыялымда гана элестетип жүргөн жумушумда иштеп жатам.
– Түз эфирде оңтойсуз абал жаралып, өзүңдү ыңгайсыз сезген учур­­ларың болду беле?
– Эфирге алгач чыгып жүргөнүмдө мындай абалдарга туш болгом. Бир жолу шашып жатып сүйлөбөй турган жерден эле сүйлөй бериптирмин. Бир маалда тыңшасам, мени менен жарышып эле реклама кетип жатат. Туура эмес жерден сүйлөп жатканымды дароо сездим да, абалдан чыгыш үчүн тамашалап: “Сен кимсиң?” деп койдум. Бирок, баары бир адашканым билинип калган. Мындан башка эфир убагында угармандарга катуу уят болгон учурларым боло элек.
– Үйүңдөгүлөр сенин программаларыңды угушабы?
– Башында башка жумуштарын таштап коюшуп калтырбай угушчу. Азыр көп маани бербей калышты. Бирок, менин саат канчадан канчага чейин чыгаарымды билишет. Кокусунан чыкпай калсам “Каякта жүрөсүң?” деп дароо эле телефон чалышат.
– Акыркы күндөрү эки чылбыр, бир тизгинди колго алып ырчылык менен да алектенип жүрбөйсүңбү. Эки ишти бирдей алып кетүү кыйын эмес бекен?
– Ырчылар жаркырап-жайнап сахнага чыгып ырдап койсо эле алардын жу­мушу оңой көрүнөт. Чындыгында эң кы­йын жумуш ырчылардыкы экен. Анын сыңарындай сахнанын түйшүгүн мен да сезип жатам. Бирок, экөө бири-бирине тоскоолдугун тийгизбейт.
– Акыркы убактарда эфирден ке­те баштаган жаңы клибиң көрөр­мандардын купулуна толгону байкалууда. Ушул клибиңдин тарты­лы­шы жөнүндө айтып берсең?
– Бул клип үч күн бою тартылды. Мен минген мотоциклди көчөдөн көрүп калып, ээсинен ижарага сурап алганбыз. Клип тартууда көп кызыктуу окуяларга туш болдук. Клип кыздын атасы болуп аткарган байкенин үйүндө тартылды. Мени урганда кандын ордуна эмне колдоноорубузду билбей турсак ошол байке үч литрлик банкага жабылган малинанын вареньесин алып келиптир. Аны оозума да куюп жатышат, башка жагыма да төгүп жатышат. Бүт жагым шире болуп, улам оозума куйганга таттуусунан көңү­лүм айнып чыкты.
Клипти Мырза Айдаралиев тартты. Элге жакса, демек, биз максатыбызга жеттик. Буюрса, алдыда элиме мындан да жакшы клиптерди тартуулайм деген пландарым бар.
– Чоң сахнага чыга баш­­­та­ганыңа канча болду?
– Жарым жыл болуп калды.
– Ушул жарым жылдын ичинде репертуарыңа канча ыр топтодуң?
– Алгач эки-үч эле ырым бар болчу. Концертке карата дагы жаңы ырларды жаздырып, ондон ашырдым. Булардын көпчү­лүгүнүн сөздөрү өзүмдүкү.
– Аз убакыттын ичинде эле жеке концерт берүүгө бел байлап жатыпсың. Азыр эртерээк эмес беле?
– “Ойчул ойлонгончо тобокелчи кыр ашат” дегендей, мен бардык нерсеге тобокел кылганды жакшы көрөм. Эмнеси болсо да убагында көрөбүз да. Элге жакшы маанай тартуулайын деп колумдан келишинче эле аракет кылып жатам. Концертте элге көп сюрприздерди даярдап жатам. Буюрса, концертке келген менин күйөрмандарым арманда калышпайт.
– Сүйгөн кызың барбы?
– Азырынча сүйгөн кызым жок. Мага өмүрүмдө бир жолу сүйүү келген. Эми ой­лосом, ал деле балалык сүйүү экен. Ошондон бери бир да кыз көңүлүмө жак­пай жүрөт.
– Ошентсе да күйөрман кыздарың көп болсо керек?
– Бир күндө элүү-алтымыш жолу телефон чалып, сүйлөбөй трубканы коюп койгон күйөрмандарым бар. Мен алардын баарын сыйлайм.

Маектешкен Азиза Сатимбекова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: