Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЫРЧЫЛАР ДА ЭКИ ТАРАПКА БӨЛҮНҮШТҮБҮ?

№210 10-16-ноябрь, 2006-ж.


2-ноябрдан 8-ноябрга чейин уланган Конституциялык реформа үчүн уюштурулган митингде карапайым элдин катарында аттуу-баштуу ырчылар да келишип, митингди колдогондорун билдирип өз өнөрлөрүн тартуулап берип жатышты. Ошол эле убакта 7-ноябрь күнү антимитингге чыккан Жогорку Кеңештин алдына топтолгон элге башка ырчылар кошулушту. Ал эми жөн гана ырчылык милдетин аткарып, элди тынчтыкка үндөп эки жакка тең ырдагандар да болбой койгон жок. Булардын арасында өз ыктыяры менен келгендери да, чакыруу менен келгендери да болуп, атүгүл, акчага ырдагандар да болду деген каңшаар кепти кулагыбыз чалды. Кыскасы, бул митингдерден соң ырчыларыбыз да экиге бөлүнүп калгандай болду.

ИБРАГИМ ЖУНУСОВ:
– Азыркы бийлик көп жакшы иштерди жасаганын көпчүлүк билбей жатат. Биринчиден, бизге окшогон бюджеттик мекемелерде иштегендердин айлыгын 70 пайызга кө­төр­дү. Экинчиден, Бакиев эл башына келгенден бери Россия, Казакстан, Өзбекстан менен мамилелерибиз чыңалды. Мен Бишкекке жете албай, Ошто митингге каршы чыгып жатышкан 20 миңдей киши алдында үч күн сүйлөдүм. Мага оппозиция тараптан: «Сен эмнеге бийликти колдоп жатасың? Биз тарапка өтпөйсүңбү?!» деген телефон чалуулар болду. Бирок, менин оюм тигил жакка өтүү, бирөөнү жаман көрүү, бирөөнү өлтүрүү эмес, жөн гана элди тынчтыкка үндөө.

БЕК БОРБИЕВ:
– Мен башынан эле бийликти колдоп, Бакиев-Кулов тандеми үчүн ырдап келатпаймынбы. Ошол позициямдан кайтпай дагы эле бийлик тараптамын. Мыйзамдуулукту колдоп жатам да. Мыйзамдуулукту колдобогондо эм­не, кылмышкерлерди колдоюнбу? Эгер мый­замды сыйлабасак, колдобосок, анда өлкөдө анархия пайда болот. Биз ошол анархияны болтурбоо үчүн күрөшүшүбүз керек.

ТОКТОБҮБҮ ЧЕРИКЧИЕВА:
– Бийлик бизге эмне жамандык кылды? Мына, мен мамлекеттик жумушта иштейм. Биздин айлыгыбызды көтөрдү. Оппозиция тарап ырчыларды сатып алып ырдатып жатат. Мага деле ачык эле акча сунуштап, чакырышты. Мен барбай койдум. Мейли, Бакиев бийликтен түшсүн дейли, ордуна ким келет экен? Келген убакта да мындан жаман болсо эмне кылабыз? Кудай деп тынч эле жашай бергендин ордуна элди дүрбөтүп, сатып алып кыйкыртышты. Мен оппозициянын кыймыл-аракетине жүз пайыз каршы чыктым.

ГҮЛНУР САТЫЛГАНОВА:
Мен бийликти. президентти колдоп жүргөнүм ырас. Албетте, Реформаны да колдойм. Бирок, аны шашылыш түрдө кабыл албай, президент шашпай иштеп чыкканга мүмкүн­чүлүк беришибиз керек болчу. Ошентсе да мен элдин тынчтыгы үчүн, түндүк-түштүк болуп бүлүнүүгө жол бер­бөө үчүн ырдап жатам.

РАСУЛ МАМАТКУЛОВ:
– «Элчи менен ырчыга өлүм жок» демекчи, биздин, ырчылардын тилеги – тынчтык. Кан төгүл­гөн­гө жеткирбейли, элди экиге бөлгөнгө жол бербейли деп элди алаксытып митингде ырдап жүр­дүм. Бирок, чындыгында мен оппозициянын кээ бир мамилелерине каршы болдум. Жарга такагандай эле туруп-туруп «Конституцияны кабыл алабыз» деп элди дүрбөт­көндөрү туура эмес болуп калды. Буларга жаңы конституция керек болсо, өткөн жылы 24-мартта кабыл алышы керек болчу.

НУРИСА АБАЗОВА:
– Менин митингде ырдаганымда эч кандай саясий көз караш жок. Мен болгону элди тынчтыкка үндөп, ырчылык милдетимди аткарып бийликти жактоочулар тарапта ырдадым. Эгер аркы тарап чакырса, ал жакка да бара бермекмин. Мага негизгиси тынч жашасак болгону.


САЛАМАТ САДЫКОВА:
– Башкалар сыяктуу эле мен дагы Курманбек Салиевичти жакшы үмүт менен шайлагандардын арасында элем. Бирок, биздин үмүтүбүз акталган жок. Бүгүнкү бийликтин эң өкүндүргөн жери – өлкө­дөгү башаламандыкка жол берип жатканы, элди бөлүп-жарганы болуп жатат. Бул нерсени сокур киши гана көрбөй калбаса, элдин баарына айдан ачык эле көрүнүп турбайбы. Чындык издеп алты күн бою чыркырап турган элди көрүп, мен үйдө отура алган жокмун. Мени бир депутат кел деп чакырган деле жок. Же болбосо кээ бир ырчылардай болуп эч кимден акча сураган жокмун. Өз каалоом менен чын дилимден барып, карапайым элди колдоп жүрдүм. Бул менин адамдык парзым деп эсептейм.

ЫНАК ОСМОНАЛИЕВ:
– Мен Таласта жүргөм. Борбордо саясий абал курч экенин угуп, атайын Бишкекке келдим. Менин оппозицияны колдоп ырдашымдын себеби, акча үчүн эмес, көңүл үчүн эмес же тааныш-билиштик эмес. Ушундай көй­гөй­лүү турмушта качан чындык, адилет жашоо болот деген эле ой менен катыштым. Президент кеткенде жашообуз оңолуп кетет деп мен да, башкалар да кепилдик бере албайбыз. Бирок, элдин ишеничин актап иштесе жакшы болмок.

МИРЛАН ЖЕТИГЕНОВ:
– Мен негизи саясатка да аралашчу эмес элем. Бирок, бул жолу өлкөдөгү саясий кырдаалга кайдыгер карап, үйдө тынч жата алган жокмун. Бийликтин кемчилигин бетине коюп эл толкуп жаткан соң, демек, алар бекеринен толкуган жок да. Мен болсо ар дайым эл мененмин. Анткени, бизди ырчы кылган да эл, колдогон да эл, өчүрүп коё турган да эл.

АСЫЛБЕК ӨЗҮБЕКОВ:
– Ырчылар – эл адамдары. Ошондуктан, учурдагыдай кырдаалда ырчылардын милдети чыңалган абалды, чыңалган элди жумшартуу болуп саналат. Ал эми чыңалган абалды, чыңалган элди жумшартууда ырдын, музыканын таасири чоң. Мен аянттагы эл алдына ушул максатта чыгып, өнөрүмдү тартууладым.
Ал эми бул ырчы тигил тарапты, тигил ырчы бул тарапты жактап ырдоодо дегендин өзү менимче бир жактуу түшүнүк. Анткени, ар адамдын коомго, саясатка жана башкага өз көз карашы бар. Конституция боюнча митингге чыгууга, эл алдында пикирин айтууга акысы бар. Болгону ырчылар бардыгын акылга калчап сүйлөп, абалды курчутуп жиберүүдөн качышыбыз керек.
Эл түндүк-түштүккө бөлүнүүдөбү дегенге болсо эл антип бөлүнбөй эле жашоо жакшырса экен деп митингге чыгып жатат дейт элем. Анткени, оппозиция тарапта да, бийлик тарапта да түштүк-түндүктүн эли аралаш жүрбөйбү!?

НАЗМИ:
– Мен башка кыргыз жаштары сыяктуу башынан эле Конституциялык реформаны жактачумун. Митинг учурунда эл менен кошо аянтка чыгып, ырдап жүрдүм. Мына эми көпчүлүк болуп көздө­гө­нүбүзгө да жеттик. Мындан ары тынчтык болуп, элибиз бай болсо деген тилегим бар.

Даярдаган Азиза Сатимбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: