Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Акбар Сүйүнбаев: «СҮЙГӨН КЫЗЫМ МЕНИ ЧОҢ БАЛДАРГА САБАТТЫРЫП КОЙЧУ»

№213 1-7-декабрь, 2006-ж.


– Акбар, өзүңдүн ырга шыктуу болуп калышыңа кимдин же эмненин таасири тийди деп эсептейсиң?
– Кээ бирлердин талантынын өсү­шүнө атасы же апасы, же дагы башка нерселер себепчи болот экен. Менин ыр дүйнөсүнө аралашып калганыма сүйүү түрткү болгон десем болот. 7-класста окуп жүргөнүмдө бир классташ кызымды катуу сүйүп калгам. Укмуш сулуу болбосо да эмнегедир ошол кызга айылда кызыкпаган, аны жактырбаган жигит жок болчу. Ошол жигиттердин катарында сүйүү деген ушул экен деп эле ал кызды акылымдан адашып сүйүп алыптырмын. Бирок, сүйгөнүм мени тоготчу эмес. Жада калса өзүн сүйүп жүргөн улуу балдарга мени сабатып койчу. А мен болсо намыстанып токтоп калмак тургай андан бетер сүйүп, такыр эле кыздан үмүтүмдү үзө алчу эмесмин. Поэзияга болгон алгачкы чымындарым да ошол кезде чыккан. Балалык сүйүүмдү арнап, арзып жүргөн адамым бир күнү мени эле эмес, айылдагы өзүн сүйүп жүргөн бардык жигиттерди таштап шаарга келе берген. Кызды ушунчалык сагынгандыктанбы, «Алыстасың» деп биринчи жолу ошондо колума калем алып, ыр жазгам. Ошондон кийин ырларым биринин артынан экинчиси, анан үчүнчүсү болуп жарала берди. Сөз жазып эле тим болбой, ал сөздөрүмө бир күнү обон жазууга киришкем.
– Музыкалык аспаптарда ойногонду билчү белең?
– Жок, бир дагы музыкалык аспапта ойногонду билчү эмесмин. Угуу жөндөмдүүлүгүм менен эле ар кандай кайрыктарды ойлоп таап, жаттап калчумун. Көбүнчө талаада торпок жетелеп жүрүп айлананы жаңырта ырдап обон жаратчу элем. Алыстагы сүйгөн кызымды эстеп бир обонумду көзүмдөн жашымды куюлтуп ыйлап жаратканым эсимде. Ошентип, 9-класска келгенче билинбей эле жыйырма ырды обону менен жаратып салыптырмын. Алардын көпчүлүгү албетте, сүйгөнүмө арналган ырлар болчу.
– Акыры сүйгөнүңдүн жүрөгүн багынта алдыңбы же ошол бойдон жетпей калдыңбы?
– 7-класстан эле ал шаарга келе берген дебедимби. Шаарда мектепте окучу да, каникул сайын айылга барчу эле. Мен да тынч калып калбай барган сайын сүйүүмдү айтып, «экөөбүз жүрүп алалычы?» деп сурана берчүмүн. Же аным сунушумду кабыл алсачы?! Ошентип, тажабай үч жыл артынан калбай чуркадым. Акыры аядыбы, 10-класска келгенимде кыз-жигит болууга макулдугун берди. Менин сүйүнгөнүмдү сураба. Бирок, ушундан кийин экөөбүздүн сүйүүбүз аз гана убакыт жашады. Мектепти бүтүп, Түркияга окууга кеткен болчу. Көп өтпөй эле анын жүрүш-турушу боюнча жагымсыз кабарларды укканда катуу көңүлүм калып, сүйүүм өчүп калды.
– Ырдын сөзүн жазып, обонун го жаратыптырсың. Аларыңды өзүң ырдачу белең?
– Өзүмдүн ырларым жарала электе эле мектептеги кайсы бир майрамда Бек Борбиевдин «Алло, алло» деген ырынын пародиясын ырдап, мектепте «ырчы бала» атыккам. А өзүмдүн ырларымды ырдагандан эмнегедир тартынчумун.
– Чоң сахнага алгачкы жолу качан чыктың эле?
– Аны чоң сахна деп деле айтпайм, мектептеги курагымда эле Райхан Абдувалиева менен иштешип жүргөнүмдө райондун борборлорундагы сахнага чыккам.
– Ал менен кандайча иштешип калдың эле?
– Бир күнү айылга Райхан Абдувалиева тобу менен концерт коюп барып калды. Мен анда спорт менен машыккан, башка балдарга салыштырмалуу бир топ олбурлуу бала элем. Ошол концертте өзүмчө эле досторумду топтоп, концертте тартип бузуулардын алдын алып, айылдагы хулиган балдардан Райхан эжелерди коргоп бердик. Концерт тынч өтүп, Райхан эже менден кийинки айылдарга да барып жардам берип коюусун өтүндү. Ал айылга барганда интермедия ойной турган бала жок болуп калып, ордуна мен ойногонго туура келген. Ошентип, концерттин кызыгына батып кетип жарым жыл Райхан эже менен жүрө бериптирмин.
– Жарым жыл бою мектепке барбай койдуңбу?
– Мен 9-классты бүткөн соң райондун борборундагы кесипчилик лицейине тапшырып, ал кезде ошол лицейдин мал доктурлук бөлүмүндө окучумун. А лицейде болсо атам директордун орун басары болуп иштечү. Ошондуктан, атама ишенип жүрө берсем керек.
– Демек, сахна турмушун сага Райхан эже үйрөткөн экен да?
– Ооба. Гастролдун, ырчылыктын жакшы-жаман жактарын ошондо сезе баштагам. Менин ошондо эле ырдагым келчү. Бирок, Райхан эже: «Сенин үнүң жок, ырдай албайсың» деп айтчу. Ошол кезде бир топ аттуу-баш­туу ырчылар менен таанышып калып, кийин Мухтар Атаналиев менен, Нуриса Абазова менен да иштешип жүрдүм.
– Азыр билим алып жаткан Искусство институту көксөп келген окуу жайыңбы же кокусунан туш болуп калдың беле?
– Мен алгач мал доктурлук кесибимди улантайын деп Агрардык академияга тапшыргам. Бирок, өтпөй калып, андан кийин төрт окуу жайга тапшырдым. Тилекке каршы, бирине да өткөн жок­мун. «Эми эмне кылсам?» деп башым маң болуп келатып кокусунан Искусство институтуна туш келгем. Кирип, ар бир эшикти ачып карап жүрүп бир эжеге туш келип калдым. Ошол эже мага көңүл буруп, документтеримди тапшыртты эле, эртеси барсам өтүп кетиптирмин. Азыр ошондо окуп калганыма ыраазымын. Анткени, тагдыр мени Султан, Мирбектерге туш кылып, ошол досторумдун жардамы менен минтип атым элге таанымал болуп калды. Мен өзүмдүн чоң концертте Айчүрөк Иманалиеванын артында музыкалык аспапта ойноп турганымды кыялданчумун. Бирок, ырдап чыгып, азыркыдай күйөрман топтоого жетишем деп үч уктасам түшүмө кирген эмес.
– Шоу-бизнестин ар кандай өйдө-төмөнүнөн улам Султан, Акбар, Чыңгыз сыяктуу досторуң менен урушуп кеткен учурларың болду беле?
– Кээде катуу урушуп, бири-бирибизди жек көрүп калган учурларыбыз болот. Эки-үч күн таарынышып жүрөбүз да, кайра эле издешип баштайбыз. Канткен менен доспуз да.
– Мушташкан учурларыңарчы?
– Султан экөөбүздүн «Махабатым», Мирбектин «Таластык кызы» жаңыдан популярдуу болуп, атыбыз эл оозуна алына баштаган кезде Мирбек экөөбүз мушташып кеткенбиз. Дал Жаңы Жыл күнү болчу. Бөлмөгө кирип барсам, Мирбек чоочун балдар менен отуруптур. Алардын кө­зүн­чө Мирбектин кличкасынан айтып чакырып койсом, «сен эмнеге мени кличкамдан айтасың? Мен азыр Мирбек Иманбековмун» деп мага атырылып жүрөт. Кечирип кой десем укпай, экөөбүз коридордо мушташып кеткенбиз. Бирок, эртеси эле бири-бирибизден кечирим сурашып, кайра табышып алганбыз.
– Күйөрман кыздарың көппү?
– Телефон чалып, тынчымды алгандар көп эле болот. Бирок, алар менин күйөрмандарымбы, Султандын күйөр­ман­дарыбы, өзүм да тү­шүнбөйм. Бир жолу бир кыз чалып: «Акбар, сиздин ырларыңыз мага жагат» дейт. «Рахмат» десем, «Сиздин сахнадагы өзүңүздү алып жүргөнүңүз, кыскасы, өзүңүз жагасыз» дейт. «Рахмат, силердей күйөрмандарым бар экенине кубанычтамын» десем, «Акбар, Султандын телефонун бере аласызбы?» деп өчүрсө болобу? Ошентсе да өзүмдүн чыныгы күйөрмандарым да жок эмес.
– Алдыда кандай пландарың бар?
– Концертимди өткөрүп алгандан кийин эки айдай сахнага чыкпай турайын деп ойлоп жатам. Анткени, ырларымдын стилин, өзүмдүн имиджимди өзгөртөйүн деп жатам. Ушуларды ишке ашырып алган соң буюрса, кайра сахнага чыгам.

Маектешкен Азиза Сатимбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21442;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: