Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Бактыбек Мамытов: «ДИКТОР БОЛГОНГО ЧЕЙИН САКМАЛЧЫ, КУРУУЧУ, ЖҮК ТАШЫГЫЧ БОЛУП ИШТЕГЕМ»

№214 8-14-декабрь, 2006-ж.


АЛМАЛУУДА ӨТКӨН БАЛАЛЫК

Наристенин киндик каны тамган жерди адатта кичи мекени деп коёт эмеспи. Бактыбек аганын кичи мекени Чүй боорунда жайгашкан Ысыката районундагы Алмалуу айылы.
Ушул айылда 1950-жылдын 3-мартында жарык дүйнөгө келген. Атасы Камчыбек менен энеси Сакен карапайым адамдар болушкан. Бактыбек ага 7 бир туугандын улуусу. Ал учурда ата-эне тун уулду тарбиялап багууда чоң энеге берүү адаты болгондуктан, Бактыбек чоң эненин колунда тарбияланат.
«Башталгыч класста окуп жүргө­нүмдө аябай жакшы окучу элем. Кийин улам класстан жогорулаган сайын шоктугум чыгып, баягыдай үлгүлүү ба­ла болбой калдым. Ал кез бир башкача доор эле. Оюбузда оюндан башка эч нерсе жок. Анын үстүнө мени чоң энем тарбиялагандыктан, өз атамды байке деп, апамды Сакен деп койчу экем кичинемде. Алар менен сүйлө­шүп, жакындап калганымды көргөндө чоң энем кадимкидей таарынып: «Ой чаар ичеги десе, атасы-энесине жакындап калганын» деп урушуп коё берээр эле. Балалыгымды эстегенде чоң апамды көп эстейм» деп эскерет Бактыбек агай.
Бактыбек ага балалык күндө­рүн­дө бир чоң дос күткөн. Жан­дүйнөсүнө жакын бул досу – китептер эле. Китеп десе жантыгынан жата калып окучу. Ал убакта айылдарга электр жарыгы келе элек учур. Элдер чырак колдонуп оокат кылышчу. Ошол чыракты уурданып жагып алып түн бир оокум болгончо китеп окуп чыккан күндөрү болгон. Кээде толкуп түрмөктөлө келе калган ыр саптарын кураштырып да жиберээр эле. Балким, бул өнөр ага апасы Сакенден жуккан болуу керек. Анткени, апасы чукугандай сөз тапкан, кошокчу адам болгон экен. «Айылда анда кызыл үй (азыркыча китепкана) деген боло турган. Анда китептер аз эле болчу. Мен андагы китептерди кеминде 2-3 сыйра окуп чыктым окшойт» деп эскерет ага. Ошондон улам акын же жазуучу болууну тилек кылып, ал тилегин тээ көкүрөгүнүн түп­кү­рүнө сак­тап келген. Бирок, тагдыр жазмышы аны өзү каалагандай акын кылбастан, башка өнөр жолуна түшү­рүп, бирок, дагы да болсо маданиятка тийиштүү ардактуу кесипти аркалаткан.

КЕЛЕЧЕККЕ БАГЫТ АЛГАН ЖОЛ

Өмүр чыйыры уланып, кечээги «кы­зыл үйдү» тытып жүргөн тестиер бала бойго жетип, келечек жолго багыт алат. Ооба, Бактыбек аганын алдындагы чоң максаттарынын бири жогорку окууга өтүү болчу. Табиятынан зирек көкүрөгү кайдадыр белгисиз жакка алып учуп, өз мүмкүнчүлүгүнөн чоң нерсени талап кылып, кайра «ай ушу менин колумдан келээр бекен» деген бушайман ой менен кыжаалат болуп жүрөт. «Ошол кезде кыштакта агроном, ветврач дегендер аябай бааланчу. Ошондон уламбы, ата-энем: «Айыл чарба институтуна тапшырбайсыңбы?!» деп кеңеш берип калды. Ичимден филология жагына тапшыргым келип жатса да ата-энем каалап жатпайбы деп айла жок айыл чарба институтуна тапшырып калдым. Андан акыркы экзаменден кулап калсам болобу!.. Моюнга алыш керек, химия сабагын жакшы өздөштүрбөгөн элем да... Ошентип, өтпөй калдым» дейт.
Кийинки жылы өзү каалаган Улуттук университеттин филология факультетине тапшырып өтпөй калат. Ошол эле факультетке 4 жолу тапшырат. Үч ирет конкурстан өтпөй калып, Кудай буйруп кийинки жылы өтүп кетет. «Ошол 3 жылдын ичинде колхоздо мен иштебеген иш калган жок окшойт. Мен мектепке лаборант да болуп иштедим. Куруучу, завклуб, сакмалчы, жүк ташыгыч болуп да иштедим. Айтор, айылда мен аралашпаган, иштеп көрбөгөн жумуш калган жок. Бирок, негедир өзүмө ошол жумуштардын бири да жакпай кыйнала берчү­мүн. Менин ордум башка жакта экенин сезип, өзүмдүкүн издей берээр элем. Көрсө, мен өзүм билбей маданият чөй­рөсүн, ушул кесипти издеп жүр­гөн экем.»

АЛГАЧКЫ ЖАНА ТҮБӨЛҮК СҮЙҮҮ

Окуп калган Улуттук университеттен Бактыбек ага өзүнүн бактысын жолуктурат. Жигиттин көңүлүнө чырак жагып, көңүлүн ээлеп алган бийкечтин аты Жамиля эле. Көптөн бери издетип таптырбай жүргөн кыялындагы бийкечи ушул экенин дароо сезген экен Бактыбек ага. Экзамен берип жүргөн учурда эле көрүп-билип, сыртынан жактырып жүрөт. Бактыга жараша, ал кыз дагы окууга өтүп, экөө бир группада окуп калат. Группанын старостасы болуп шайланып калган Бактыбек ага өзү­нөн беш жаш ки­чүү бийкечтин жүрө­гүнө кантип ээ болууну көз­дөп жүргөн кезинде студенттерди айыл чарба жумушуна жөнө­түп калышат. Ошол Жумгал районунун Кайырма айылында иштеп жүрүш­көн­дө эки жаштын көңүлү би­ри-бирине төп келип, махабаттары күч алат. Бактыбек аганын ак пейил, токтоо мүнөзү, бийик адам­керчилиги кыздын жүрөгүнө да от салат. Арадан аз жыл өтүп, Жамиля эже ага­нын куттуу босогосун аттап, кай­ненеси салган ак жоолуктун ээси болгон.
Ошол күн­дөн ушул күнгө чейин Жамиля эже Бактыбек аганын жан шериги, кеңешчиси, кыйын кезеңде жө­лөп-таяган таянычы болуп келет. Эженин кесиби да филолог болгону менен Улуттук телеканалда көп жылдар бою режиссёр болуп эмгектенген. «40 жыл турмуш кургандан кийин жарың менен бир бүтүн болуп калат экенсиң» дейт Бактыбек ага жубайы тууралуу. «Жамиля менин врачыма да айланды. Эшиктен кирип келгенде кабагым менен тең айланып, ооруп калсам, өзүнүн эм-домун жасап жатып айыктырып алат. Ошондуктан, «эми апам деле болуп калдың го» деп тамашалап калам. Бактылуу ата-эне 2 кыз, 4 уулду тарбиялап өстүрүшкөн.

ЧЫГАРМАЧЫЛЫККА ЧЫЙЫР

Дикторду эч кандай окуу жай даяр­дап чыкпайт эмеспи. Ошондой кесиптин ээси болуу Бактыбек аганын үч уктаса түшүнө кирген эмес. Бул кесипке кокусунан эле туш болуп калганын айтып ага күлүп отурду. «Биз айыл-чарба жумушунан кайткандан кийин Абдил Шерматов деген журналист: «Бактыбек, силер айыл чарба ишинде кандай иштерди жүргүзгөнүңөр тууралуу кыскача баяндама жазып кел, запись кылабыз» деп калды. Мен эки барактай текст жазып алып агайга барсам радиодон окутту. Биринчи окуганда эле менин үнүм, дикциям радиодо иштегендерге жагып калды. «Сен жакшы жазат экенсиң. Мындан ары биз менен байланышып тур» дешти. Ошентип, радиого материал алып келип иштей баштадым. Алар мага анча-мынча гонорар төлөп турушчу» дейт Бактыбек агай.
Агайдын жагымдуу үнү эле эмес, келишимдүү келбети дагы көзгө илине баштайт. «Сен ушул кесиптин артынан түшүп көрбөй­сүңбү» деген сөздөрдү угуп, өзү да шерденип жүргөн убагында «телеге диктор керек» деген жарыяны окуп калат. Мурунтан көкү­рөгүн уя­лап жүргөндөнбү, агай токтолбостон конкурска катышып, өтүп кетет.
«Ал кезде дикторлор эфир баш­­талганда чыгып, программалар менен тааныштырып турчу. Алгач ошентип чыгып жүрдүм. Анан азыркы «Кыргызстан» маалымат программасын (мурунку «Жаңылыктарды») алып барууга өттүм. Ошентип, диктор болуп калган элем. Мына, быйыл диктор болуп иштегениме 33 жыл болду. Көп ийгиликтерге жетиштим. Бир гана аткарылбай калган тилегим – акын болбой калганым» дейт Бактыбек ага. Ар бир иште келишпестиктер болот эмеспи. Бактыбек аганын жолунда бут тосуулар да болгон экен. Агай өзү айткандай токтоолугу, моюбаган кайраты менен жеңип, «дарак бир жерден көгөрөт» дегендей, Бактыбек ага азыр кесиптештеринин арасында кадыр-баркка ээ болуп келет.

«БАЛАМ БАКТЫМ, БАЛАМ БАЗАРЫМ»

Ырас, жашоодо кубаныч-кайгы эриш-аркак жүрөт эмеспи. Бактыбек аганын турмушунда да оор жоготуулар болду. Ата-энеси, эки бир тууганынын кайтыш болуп кеткени аганын өзөгүн өрттөп келет. Бирок, баарынан оор жоготуу 19 жаштагы чырактай жан­ган кызынын бул дүйнө менен кош айтышып кеткени эле. Атына заты жарашып, нурдай жылуулук чачкан Нур аттуу кызы белгисиз себептер менен канкорлордун колунан каза табышы атасынын капталын эңшерип кеткендей болду. Ушул сыяктуу оор жоготуулар Бактыбек аганын денсоолугуна да зыянын тийгизбей койгон жок. Азыр ага оорулуу жүрөгүн уул-кыздарынын, неберелеринин кубанычы менен дарылайт. Бактыбек аганын жашоосунда үйбү­лөсүнөн, балдарынан ыйык эч нерсе жок. Кызы Кыял, уулдары Аян, Улан, Урмат, Нурбек жа­на неберелери тегеректеп мээрим тө­гүп турушат. «Уу­лумдун атын Аян койгонумдун себеби, кадимкидей аян көргөн элем. Түшүмө бир укмуштай кооз куш кирди. Жанына барсам менден качпай колума конуп алды. Мен болсо «шумдук, мынчалык кооз куш болорбу» деп таңкалып жатып ойгонуп кеттим. Ойгоноорум менен уулдуу болобуз дедим. Ошентип, уулум төрөл­гөндө атын Аян деп койгом. Кийинки уулум төрөл­гөндө колума сабы узун, жалтырак бал­та алып жаткан экем. Ошол Уланым азыр бою узун жигит болду» деп эскерет ага балдары жөнүн­дө.

СЫЙЛЫКТАРЫ ЖАНА НААМДАРЫ

Бактыбек ага маданиятка кошкон салымы үчүн көптөгөн сыйлыктарга ээ болгон. Атай кетсек, 2000-жылы кыргыз телекөрсөтүүсүнүн отличниги, 1993-жы­лы Кыргыз Республикасынын Эмгек сиңирген артисти, 2006-жылы Даңк медалы жана башка бир топ сыйлыктарга та­тыган. Учурда «Арноо концерти» көрсө­түүсүнүн редактору жана алып баруучусу, КТРдин алдындагы «ТВ-студиясынын» диктору.
Сөз соңунда элине ак кызматын аябай келген чыгаан инсан Бактыбек Мамытовго мындан ары да бакыбат турмуш, чыгармачылык ийгилик каалайбыз.

Бактыбек аганын ырларынан

АЙЫЛЫМА

Алмалуунун аязында, аптабында,
Ал турсун топурак чаң, баткагында.
Мээримдүү бир башкача жылуулук бар,
Мен балким, түшүнбөгөм жаш чагымда.

Атама, апама окшош айылымсың,
Андыктан, бул дүйнөдө дайынымсың.
Алыстап тагдыр мени алып жүрсө,
Акыры бир кайрылаар байырымсың.

Көкөйдө ата-энемден айрылганым,
Көп болду ата-энем деп кайгырганым.
Кээде бир келип калсам тобо кылам,
Анткени, ата-энемдей айылымдамын.

Адаммын, айылымдын тамчысымын,
Ата-энемдин артында жарчысымын.
Арзыбасам жок дегенде босогого,
Атакем илип кеткен камчысымын!

Маектешкен Нуржамал Жийдебаева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: