Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

САЙКАЛ САДЫБАКАСОВА: «КЛАССТАШТАРЫМА КЕЛГЕН АЛГАЧКЫ СҮЙҮҮ МАГА КЕЛЕ ЭЛЕК»

№216 22-28-декабрь, 2006-ж.


– Сайкал, сени музыка менен кошо төрөл­гөн десек жаңылышпайт болушубуз керек. Туурабы?
– Албетте, мен да өзүмдү музыка менен төрөлүп, музыка менен өстүм деп эсептейм. Төрөлгөнүмдөн баштап эле апам мени “Кыз-Бурактын” ырлары менен уктатчу экен. “Кыз-Бурактын” ырларын коюп койсо уктачу экем да, өчүрүп койсо ойгонуп алып ыйлап кирчү экенмин. Бир аз чоңоюп, 3-4 жашка чыкканымда болсо тилим жакшы чыга элек болсо да микрофонду кармап алып, “Кыз-Бурактын” бардык ырларын оозумду кыбыратып фонограмма кылып ырдай берчү экенмин.
– Чоң сахнага да жаштайыңдан эле чыксаң керек?
– Балабакчада жүргөндө “Алтын балалык” фестивалына катышып, биринчи жолу ошондо чоң сахнага чыккам. Анда беш жашта болчумун. Андан кийин да балдардын бир топ конкурстарына катышып, алдыңкы орундарын алганга жетиштим. Ал эми үчүнчү классымдан баштап “Кыз-Бурак” тобуна кошулуп ырдай баштадым.
– Сени сахнадан көпкө көрбөй калган эл жакындан баштап эле кайра көрө башташты. Ортодо тыныгуу кылганыңдын себеби эмнеде болду?
– Мунун себептери көп. Биринчиден, менин окуума тоскоол болбосун деп чыгармачылыкка көп аралаштырбай жүрүштү. Экинчи себеби, өткөөл куракка келип калгандыгымдан, үнүңдө өзгөрүү болот деп ырдатышкан жок. Кыскасы, апам менин ырчы болушумду каалабагандыктан, менин чыгармачылыгыма анча маани бербей койду.
– Апаң сенин ырчы болушуңду каалабаса ким болушуңду каалайт?
– Юрист же банкир кылгысы келет. “Чыгармачылыктын казанында мен жакшы эле кайнадым. Бул өтө оор кесип. Тынчыраак эле кесиптин ээси бол” дейт.
– Анда азыр кандайча ырдатып калды?
– Мен ырдап чыккан “Эстей жүрдүн” сөзүн жактырчу эмес. “Бул Сайкалга болбойт, ырдатпайбыз” дей берчү. Бир күнү Кенже мамам болбой эле: “Көрөлүчү, балким, жакшы болуп кетээр” деп апамды эптеп көндүрүп, жаздыртып салды. Ошондогу жазылган жа­ңы ырлар менен кошо Бишкекке апкелип, радиолорго таштасак, бир айдын ичинде эле “Эстей жүр” Бишкекте укмуш популярдуу болуп кетиптир. Ушуну көргөн апам да жибий түштү окшойт, башка ырларды да жаздыртып, мурдагыдай каршы болбой калды. Бирок, азыр деле мени ырчы кылгысы келбейт.
– Тыныгуудан кийин сахнага чыкканда өзүңдү кандай сезген элең?
– Аябай толкунданып, бир чети сүйүнүп, бир кызыктай абалда калгам. Ырымдын ортосуна келгенде гана өзүмдү кармап, эркин сезе баштагам. Анын үстүнө Сайкал десе элдер да баягыдай кичинекей кызды күтүшсө керек. Мен сахнага чыгып келсем эле зал бир сыйра дуулдап алды. Жада калса “Ушул Сайкалбы?”, “Баягы кичинекей Сайкал ушундай чоңойгонбу?” деген күбүр-шыбырларды да кулагым чалып калган.
– Мектепте жакшы окуйсуңбу?
– Жакшы эле. Төрткө окуйм.
– Кайсы сабакты жакшы көрөсүң?
– Англис тилин өзгөчө жакшы көрөм. Анткени, өзүм англис тили багытындагы мектепте окуйм. Ал эми алгебра сабагын жаман көрөм.
– Мугалимдериң, классташтарың “популярдуу ырчы” дешип сага өзгөчө мамиле кылышабы?
– Мугалимдер баарыбызга эле тең карайт. Классташтарым деле өзгөчө мамиле кылышпайт. Бирок, менин жа­­ңы чыккан ырларым, клиптерим жөнүндө өздөрүнүн пикирлерин айтышып, сыймыктанып турушат. Танаписте дайыма менин ырларым жаңырып турат. “Эстей жүр­дүн” клиби жаңыдан чыкканда линейка башталаарда ошол клип көрсөтүлүп, анан гимнди ырдап, андан соң га­на линейканы баштачубуз.
– Ырдаганың окууңа тоскоолдугун тийгизеби?
– Мурун сабактан такыр калчу эмесмин. Азыр болсо ар кандай чакыруулар менен Бишкекке да көп каттап калдым. Ошондуктан, сабактан көп калчу болдум. Бирок, калган сабактарымды кошумча тапшырма алып, классташтарыма жетишип алганга аракет кылам. Мугалимдер да менин сабактан калганыма көнүп калышкан. Кээде ооруп калып сабакка барбай калсам да: “Аа, ал ырдап жүрөт да” деп коюшат экен. Кээде өзүм да кыйналып кетем. Биздин мектеп өзгөчө мектеп болгондуктан, ал жакта сабактар саат 3-4төргө чейин уланат. Сабактан чыгып алып музыкалык мектепке жөнөйм. Үйгө келип тапшырмаларымды жазып бүтсөм репетиция кылыш керек дейт. Ушулардын айынан кээде уктаганга убакыт аз калат.
– Иниңдин да музыкага шыгы барбы?
– Иним Эркин азыр беш жашта. Аны апам менен Кенже мамамдын такыр эле музыкага жакындаткысы келбейт. Бирок, жалаң эле ырчылардын арасында жүрсө, музыкадан сырткары болуп калууга мүмкүн эмес экен. Мага аябай атаандашат. Жаңы ырларым чыкканда дароо жаттап алып, мени туурап ырдайт. Анан “Мен эмнеге ырдабайм?” “Эмне үчүн Сайкалдын клиби бар да, менин клибим жок?” деп апама жаңжал салат. Акыры апам “ушуну да бир клипке кошуп коёлучу” дегенинен бир клипке тартканбыз. Айпери эжемдин “Чын эле унуттуңбу?” деген ырынын клибиндеги кичинекей кыз менен кол кармашып чуркап жүргөн жаш бала ошол менин иним Эркин. Өзүн экрандан көрүп алып тим эле койнуна батпай сүйүнүп алат. Ичинен анын да ырчы болгусу келет экен. Кенже мамамдын жанында “спортсмен болом” дейт да, ал жок жерде “ырчы болом” деп айтат.
– Сөзүңө караганда Кенже эжени “мама” дейт экенсиң...
– Кенже мамам менен мен бир жарым жашымдан бери чогуу жашайбыз. Ал кезде апам гастролго көп кетчү экен да, Кенже мамам мени карап калчу экен. Айжамал эжем болсо мени сейилдетип, коляскага сүйрөчү экен. Ошондуктанбы, Кенже мамамды өз мамамдай көрүп, Айжамал эжемди бир тууганымдай көрүп калгам. “Мама” деп көнүп калганымдын себеби да ошондон. Азыр “эже” деп такыр айта албайм.
– Сайкал, сенин курагыңда кыздар алгачкы сүйүүлөргө кабыла башташат эмеспи. Сен да ушунда нерсени башыңдан өткөрүп жаткандырсың?
– Менин сырткы келбетим чоң кыздардай көрүнгөнү менен ички дүйнөм кичинекей кыздардыкындай экен. Ошондуктанбы, классташ кыздарымдын айрымдарына келген алгачкы сүйүү мага али келе элек. Албетте, 6-классымдан баштап эле кат жазган балдар болгон. Бирок, алардын бирине да көңүл бурган эмесмин.
– Сүйүү келбесе анда сүйүү жөнүндөгү ырларыңды жеткиликтүү кылып кантип аткарасың?
– Чын эле башыңдан өтпөсө образга кирип ырдаган кыйын болот экен. “Эстей жүрдү” студияда жаздырып жатканыбызда образга кире албай кыйналгам. Апамдар “бирөөнү элестетип ырда” дешсе элестетип ырдаганга эч кимим жок. Айлалары кеткенде “балабакчада бир баланы жакшы көрчү эмес белең. Ошону көз алдыңа келтир” дей башташты. Антсем да болбоду. Акырында апам: “Шоколадды сүйөсүң­бү?” деп жатпайбы. “Ооба” десем, “анда жок дегенде шоколадды көз алдыңа элестетип ырдачы?” деп жатпайбы. Чын эле ошентип ырдасам окшошуп калып жатпайбы. Азыркыга чейин “Сайкалдын сүйгөнү шоколад” деп күлүп калышат.
– Клиптериңе каармандарды кандай жол менен тандайсың?
– Көбүнчө кастинг өткөрөбүз. “Эстедим” ырымдын клибиндеги жигит азербайжан улутундагы жигит. Бакудан бул жакка окуганы келген экен. Биздин кастинг өткөрүп жатканыбызды угуп барыптыр. Биз ага алгач кыргызча сүйлөй бериптирбиз. Көрсө, кыргызча такыр түшүнбөйт экен. Ошентип, менин клибиме тартылып калган. Азыр биз менен дос катары жакшы мамиледе. Катташып турабыз.
– Ырларды сага ким тандап берет?
– Мага эле эмес, “Кыз-Бурактагы” кыздардын баарына көбүнчө Кенже мамам тандайт. Ал кимибизге кандай ыр жарашып, кимибиз кандай ырды аткара алаарыбызды жакшы билет. Мен акыркы бир ырымды гана биринчи жолу өзүм тандадым.
– Биздин гезит тарабынан сенин ырың “Жылдын супер ыры” номинациясына татыктуу болбодубу. Бул сен үчүн сүйүнүчтүү кабар болдубу?
– Албетте. Мен жаш болуп туруп ушундай ийгиликке жетишкениме абдан кубандым. Элдин менин эле эмес, башкалардын да эмгектерин туу­ра, так баалагандарына ыраазымын.

Даярдаган Азиза Сатимбекова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
04.12.2016. 18:20 
Тайпасы:
Жаран
Комментарийлердин саны:
19
Катталган:
15-08-2016
Соӊку аракети:
23-09-2018 01:07
Жынысы:
Белгисиз
0
ушул убакта канчада эле
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: