Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

2006-жылдын супер ырчы айымы НЕЛЯ: «ЖЕКЕ КОНЦЕРТИМДЕН КИЙИН ТУРМУШКА ЧЫГУУ ТУУРАЛУУ ОЙЛОНОМ»

№221 26-январь-1-февраль, 2007-ж.


Азамат, 20 жашта:
– Неля, биринчиден, 2006-жылдын “Супер ырчы айымы” болушуңуз менен куттуктайм. Сурайын дегеним, өзүңүздүн жеке концертиңизди качан бересиз?
– Рахмат. Менин дал ушул күн­дөрү жеке концертиме даярданып жүргөн кезим. Буюрса, 10-11-март­та Спорт Ордосунда өтмөкчү. Азыр ошол боло турган концертке катуу даярданып жатам.
– Атыңызды Неля деп ким койгон?
– Менин чыныгы атым Неля эмес, Элмира. Неля деп сахнага келгенде гана өзгөртүп алгам. Анткени, Элмира деген менден башка да ырчылар бар эмеспи. Менин аларга окшошпой, жаңы ат менен чыккым келген.

Кызбурак, 16 жашта:
– Мектепте окуп жүргөн кезиңизде эле ырдачу белеңиз?
– Үчүнчү классымдан баштап ырдай баштагам. Чыгармачылык жолго алгач Асел Турдалиева эже алып келгенин буга чейин да айткам. Асел эже менен үч жылга жакын иштегенден кийин андан бөлү­нүп кеткем. Ошондо деле өспүрүм­дөр арасында өтүүчү ар кандай конкурс, фестивалдарга катышып жүрдүм.
– Эң бактылуу күнүм деп кайсы күнүңүздү эсептейсиз?
– Мен ар бир күнүмдү бактылуу деп эсептейм. Ошентсе да өзүмдү өзгөчө бактылуу сезген учурум сиңдим тө­рөл­гөн күн деп айтсам болот. Сиңдим экөө­бүздүн ортобуз 14 жаш. Ал төрөлө электе мен туугандарыбыздын жаш балдарын талаша берчү элем. “Апа, бөбөк төрөп берчи?” деп жанын койчу эмесмин. Анан апам менин тилегимди орундатып, 40 жашында сиңдимди төрөгөн. Азыр ал 10 жашта.

Рыскүл, 16 жашта:
– Өзүңүздүн сырткы келбетиңизди жана ички д&11199;йнөңүздү кантип сүрөттөйт элеңиз?
– Мен өзүмдү жөнөкөй, шайыр, би­рөө­гө жамандык каалабаган ак кө­ңүлмүн деп айтат элем. А сырткы келбетим өзүңүзгө деле көрүнүп турбайбы. Өзүңүз эле сүрөттөп коюңузчу?!
– Сизге кандай учурлар жагат?
– Мага сахналаштарым менен кошо алыс жактарга гастролго барган жагат. Тамашалашып, күлүп, аябай көңүлдүү барабыз.

Айжамал, 20 жашта:
– Курбуларыңыз барбы? Эң жакын курбуңуз ким?
– Мен азыр классташтарым менен жакшы мамиледемин. Майрамдарда, жакшы күндөрдө жолугушуп, көңүл ачып турабыз. Ал эми эң жакын курбум менин айрым ырларымдын автору, өзүмдүн бөлөм Элиза болчу. Бирок, ал жакында эле Кореяга кеткен. Ошондон бери Элизадай жакын курбу таба элекмин.

Асел, 17 жашта:
– Сизге күйөрмандарыңыздын бири жакшы машина белек кылам десе алат белеңиз?
– Негизи, мен эч кимге көз каранды болбой, бардык нерсеге өзүм жетишкенди каалайм. “Алгандын бермейи бар” дегендей, ал дагы машинасын жөн эле берип койбосо керек. Ошондуктан, мындай белектен мен баш тартсам керек эле.

Айжамал, 16 жашта:
– Неля, үйбүлөңүз жөнүндө айтып берсеңиз?
– Атамдын каза болгонуна эки жыл болуп калды. Апам университетте мугалим болуп иштейт. Үйбүлөдө мен үч бир туугандын ортончусумун. Эжем турмушта. Сиңдим болсо мектеп окуучусу.

Айжана, 26 жашта:
– Неля, мен сенин Кубан деген жеке ишкер жигит менен кыз-жигит болуп сүйлөшүп жүргөнү­ңөр­дөн кабарым бар. Ал эле эмес, экөө­ңөрдүн ээрчишип жүргө­нү­ңөр­дү көрүп биз, кыздар силерге суктанчубуз. Сурайын дегеним, сен Кубан менен каласыңбы же чыгармачылыгыңдын айынан андан кол үзүп калышың мүм­күнбү?
– Сиз билгендей, менин Кубан менен кыз-жигит катары мамиледе жүргө­нүмө беш жылдай болуп калды. Бирок, чынын айтсам, акыркы кездери Кубан менин чыгармачылыгыма каршы болуп жатат. Мен Кубандын айынан чыгармачылыгымды, чыгармачылыгымдын айынан Кубанды таштай албайм. Азыр жигитимди аз-аздан көндүрүп жатам. Бара-бара мага ыр, сахна кандай керек экенин түшүнөт болуш керек.
– А эгер такыр эле түшүнбөй койсо эмне кыласың?
– Аны убагында көрө жатарбыз.

Жайнагүл, 15 жашта:
– Чыңгыз Мырзаев менен мамилеңиз кандай? Ал сиздин ырыңыздын клибине кандайча тартылып калды эле?
– Чыңгыз экөөбүздүн ортобузда кесиптештик, достук мамиле бар. Ал эми клипке режиссёрдун сунушу менен гана тартылып калган. Андыктан, эгер Чыңгыздын күйөрманы болсоңуз, менден кызганбай эле койсоңуз болот.

Акылай, 16 жашта:
– Музыкалык билимиңиз барбы?
– Мен болгону шаардагы №7-музыкалык мектептин комуз бөлүмүн бүтүргөм. Мен өзүм гитарага кызыкчумун. Гитара бөлүмүнө өтсөм, агайым “манжаларың кыска экен” деп комузга которуп салган. Кийин билимимди Искусство институтунан улантайын деген тилегим бар болчу. Бирок, бул оюма атам такыр каршы болуп туруп алган. Ошентип, атамдын сөзүн жерге таштай албай, жогорку музыкалык билимге ээ болгон эмесмин. Эми деле кеч эмес. Буюрса, сөзсүз музыкалык билим алам деп ойлойм.
– Популярдуу болуш үчүн сөзсүз музыкалык билим алыш керек деп ойлойсузбу?
– Азыркы ырчылардан көпчүлүгү­бүз­дүн билимибиз жок. Мисалы, Мирбек Атабеков кандай сонун ырдайт, кандай популярдуу, бирок, билими жок. Бирок, эгер билим болбосо, бул популярдуулук убактылуу гана нерсе болуп калат. Кеч болсо да сөзсүз билимге ээ болуш керек деп эсептейм.

Чолпон, 14 жашта:
– Сиз үчүн эң кымбат нерсе эмне?
– Мен үчүн эң кымбат нерсе – бул ме­нин үйбүлөм. Башкача айтканда, апам менен сиңдим. Ушулар оорубай, аман болсо, менин байлыгым да, бакытым да ошол.

Мунара, 18 жашта:
– Сиздин экология тармагы боюнча билим алганыңызды билебиз. Эми өз кесибиңиз менен иштейсизби?
– Чынын айтсам, бул окууга апам мени кыйнап эле окутуп койгон. Өзүм­дүн көңүлүм жок болчу. Ошондуктан, азырынча өз кесибим менен иштейм деген оюм жок.

Улан, 18 жашта:
– Неля, мен сенин сахнага кийип чыккан формаларыңа көп көңүл бурам. Анткени, мен өзүм да тикмечимин. Сенин кийимдериң башкалардыкынан өзгөчөлөнүп турат. Кийимдериңдин баарын бир адам тигеби?
– Мен форма боюнча такай Олег деген модельер жигит менен иштешем. Кездемесин алпарып берем да, өзүм каалаган фасонду сүрөттөп берем. Менин айтканыма ал өзүнүн фантазиясын кошуп, тигип берет. Кээде өзүм да тигишип, жардамдашып жибермейим бар.
– Деги сахнага кийген канча кийимиң бар?
– Өтө эле көп. Кийим илгичиме батпай кеткенде эскилерин Олегдин өзүнө алпарып берем. Ал убактылуу колдонуу үчүн башкаларга берет.

Акинай, 12 жашта:
– “Жалган” деген ырыңызды ыр­даганда эмне үчүн бир эле кө­гүш көйнө­гүңүздү кийип чыга бересиз?
– Мен негизи бир кийимимди 3-4 жолу эле кийем. Сен “Хит-Параддын” съёмкасын айтып жатсаң керек. Ал жакта бир гана жолу тартат, мага келген добуштарга карап ошону кайра-кайра көрсөтө берет.

Адинай, 14 жашта:
– Неля эже, мен түшүмдө сизди көрдүм. Аппак той көйнөгүн кийип алып сахнада жүрүптүр­сүз. Менин ушул түшүм качан чындыкка айланып, качан той көйнө­гүн киесиз?
– Түшүң жакшы экен. Мен азыр жеке турмушум жөнүндө эмес, көбүн­чө чыгармачылыгым жөнүндө ойлонуп жүрөм. Март айында жеке концертимди берип алгандан кийин гана сиздин түшүңүздүн иш жүзүнө ашышы тууралуу ойлоно баштайм.

Замира, 23 жашта:
– Өзүңдү шаардыкмын деп эсептейсиңби же айылдыкмын деппи?
– Мен шаарда төрөлүп, шаарда өс­көм. Атам таластык. Бирок, туугандарыбыз өздөрү келиш турушканы үчүн­бү, Таласка көп барчу эмесмин. А апамдын айылы болгон Алабукага көп барар элем. Айылга барып турганым менен жашабагам. Ошондуктан, өзүмдү шаардыкмын деп эсептейм.
– Бир күндө канча сааттан уктайсың?
– Мурда жумуштан кеч барып, түшкү саат 12-1лерге чейин уктачумун. Ошонун айынан мага күн ушунчалык кыскадай сезилчү. Азыр болсо жаңы жумушка киргенден бери эртең менен эрте туруп кечке чейин иштеп, кечинде кафеге барып 12 чейин ырдап, 12ден кийин концертке ырларымды жаздырып жатам. 3-4 саат гана уктагандыгымдан, жакшы эс ала албай, уйкум канбай жүрөт.

Жанара, 23 жашта:
– Өзүңө кийимди кайдан сатып аласың?
– Эл катары эле “Ортосай” базарынан, “Дордой” базарынан сатып алам. Базарда жүрүп кээ бирлердин: “Опе-ей, Неля да базардан кийинет экен” деген күбүрлөрүн угуп калам.
– Бактыгүл Бадыева сенин атаандашыңбы же курбуңбу?
– Бактыгүл экөөбүз сырларыбызды жашырышпаган жакын курбулардан деле эмеспиз. Бирок, мамилебиз жакшы. Анын ачык, эч нерседен тартынбаган, ак көңүл мүнөзү мага жагат. Ошондой эле атаандашым да эмес. Экөөбүз чыгармачылык жактан дайыма бири-бирибизге сын-пикирлерибизди, кеңештерибизди айтышып турабыз.

Жоомарт, 27 жашта:
– Неля, сен жүз пайыз кыргызча сүйлөй аласыңбы?
– Мен негизи бала бакчада орусча тарбиялангам. Үйгө келгенде да орус кыздар менен ойночумун. Анткени, биз жашаган үйдө бизден башка бир да кыргыз жок болчу. Бирок, кыргыз мектепти бүттүм. Кийин университетте кайра орусча окудум. Ошондуктан, жүз пайыз билем деп айта албайм. Кыргыздын нукура сөздөрүн түшүн­бөйм.

Наргиза, 16 жашта:
– Өзүңүз ыр жаратасызбы? Репертуарыңызда канча ырыңыз бар?
– Менин өзүмдүн чыгарган ырларым жок. Эмнегедир ыр жаратканга аракет да кылып көрбөптүрмүн. Репертуарымда болсо дуэттер менен кошо 14 ыр бар. Концертке карата дагы ырларды жаздырып жатам.
– Кайсы ырыңыз өзүңүзгө өзгө­чө жагат?
– Эң биринчи ырдап чыккан “Сагыныч” деген ырымды аябай жакшы көрөм. Бирок, ал “Сүйүү деми” чыккандан кийин ырдалбай калгандыктан, күйөрмандарым көп биле беришпейт. Ошондуктан, кайра ремиксин жаздырып, ырдап чыгайын деп жатам.

Мелис, 25 жашта:
– Неля, сизди кафеге түш­тө­нүүгө чакырайын дедим эле. Бара аласызбы?
– Билесизби, мага мындай сунуш киргизгендер аябай көп. Алардын кээ бирлери чын дилинен чакырышса, балким айрымдарынын жаман ойлору бардыр. Ушуну ойлоп мен алардын сунуштарынан баш тартам. Көңүлүнө карап баары менен кафеге бара берсем ким иштейт? Капа болбоңуз, бирок, сиздин сунушуңуздан да баш тартууга туура келет. Сыйлап чакырып койгонуңузга рахмат. Балким, ылайыгы келгенде башка жолу жолугуп калаарбыз.

Жылдыз, 17 жашта:
– Неля, сизди ала качып кетсе эмне кылат элеңиз?
– Мени ала качып кетээрине аз эле калган. Мен иштеген кафеде коопсуздук кызматкери болуп иштеген жигит менен бир жерде иштеген адам катары эле мамиледе элем. Бир-эки жолу белек бергенде да алып койгом. Бир күнү ата-энеси апама “Кызыңды бер, болбосо ала качып кетебиз” дептир. Муну апамдан угуп алып аябай коркуп жүрдүм. Ансайын мени коркутуп күн сайын достору менен кафеге келип, үйгө барсам үйдүн жанында аңдып турушат. Ошентип, мен бир ай бою кайтарууда жүрдүм. Андай коркунучка кабылган аябай жаман экен. Ошондуктан, ала качпай эле коюшсун. Андан көрө сүйлөшүп, өз көңүлүң менен эле кеткениң жакшы.

Даярдаган Азиза Сатимбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: