Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Темир Назаров: «БЕШ МИЛЛИОН ДОЛЛАРДАН БАШ ТАРТТЫМ»

№222 2-8-февраль, 2007-ж.


Былтыркы жылы эле дал ушул убакта Темирдин популярдуулугу таш жарып турган эле. Ушуга байланыштуу 2005-жылдын «Супер ырчы мырзасы» наамын алууга да жетишкен. Ал эми өткөн жылдын жай айларында продюсери Канат Култаевден кетип, коомчулук арасында бир дуу болду да, ошол бойдон аты чыкпай калды. Ошол жарым жылдан бери Темирдин кайда, эмне иш менен алектенип жүргөнү албетте, күйөрмандарын кызыктырбай койбойт. Ушундай суроолор менен бизге телефон чалган окурмандарыбыздын каалоолорун орундатып, Темир Назаров менен маектешкен элек.

– Темир, мурунку продюсериңден бөлүнүп кеткениңден бери көп көрүнбөй, дайының чыкпай кетти. Кайда, эмне иш менен алектенип жүрөсүң?
– Менин продюсеримден бөлүнүп кеткениме жарым жылдай болуп калыптыр. Бул убакыттын ичинде мен чыгармачылык иш сапарларында жүрдүм. Башкача айтканда, Стамбулга барып келдим, атайын жолдомо менен Кипрге фестивалга бардым, ошондой эле Ташкентте, Алматыда болуп кайттым.

– Бул шаарлардан кандай жумуштарды бүтүрүп келдиң?
– Баягы эле чыгармачылыкка байланышкан иштерди. Мисалы, Стамбулда түрктөрдүн белгилүү бир залкар акынынын урматына арналган салтанат болуп, беш мамлекеттен барган ырчылар анын сөзүнө жазылган ырларды ырдадык.

– Бул иш-чарага эмне үчүн сени тандашыптыр? Түрктөр сени таанышат бекен?
– Түркиянын Кыргызстандагы элчилиги тарабынан менин ырларым сунушталыптыр. Ырларымды угуп көргөн түрктөр дароо эле жактырышып, чакырышыптыр.

– Ошондо сени белгилүү түрк ырчысы Таркан менен чыгармачылык байланыш түзүп келиптир деп уктук эле.
– Мен анда Тарканга жолуга алган жокмун. Себеби, Таркан азыр башка чет өлкө менен келишим түзүп, ошол жакта иштеп жатыптыр. Бирок, мени Таркан менен байланыштырган бул сөздүн негизи бар. Анткени, мага Таркандын композитору бирге иштешүүнү сунуш кылды. Бирок, мен макул болгон жокмун.

– Эмнеге макул болгон жоксуң?
– Алар мага “беш жылга келишим түзөбүз, беш миллион доллар беребиз” дешти. Бул сумманы укканда алгач макул деп жиберейин деп өзүмдү кармап калдым да, “ойлонуп көрөйүн” дедим. Бирок, бир нече себептерден улам беш миллиондон баш тартканга туура келди. Биринчиден, дароо эле ата-энемди эстедим. Эгер сунушка макул болсом, ата-энемди да Түркияга алып кетишим керек болчу. А апам башка жердин абасына көнө албайт. Экинчиден, Стамбул шаары өзүмө да жаккан жок. Кооз шаар болгону менен ар дайым ным, балыр жыттанып турат экен. Шаарда эл көп, такай бири-бири менен урушуп, стресс абалында жүргөндөрүн байкадым. Эң жаман жери, кадимки эле биз ичип жүргөн жөнөкөй суунун жарым литри бир доллар турат экен. Бул жакта кенен-кесири суу ичип жүргөн жаным бир күндө 30 доллардай акчаны сууга эле кетирип жаттым. Ал жакта орточо айлык акы 6 миң доллар экен. Анан ойлоп көрсөм, алардын жашоо-шартында беш миллион доллар деген акча мен ойлогондой деле көп акча болбой калат экен. Ушундан улам “кой, бирөөнүн элинде султан болгончо, өз элиңе ултан бол” деген жыйынтык чыгардым. Ошентсе да ата-энеме дагы бир жолу кеңешип көрөйүн деп Кыргызстанга келгенден кийин болгон шартты түшүндүрсөм, апам: “Кой, балам, минтип атаң 67ге, мен 57ге келип калдык. Акча табылат, андан көрө биздин жаныбызда эле бол” деп каршы болуп койду. Анан акыркы жоопту түрктөргө телефон аркылуу билдирдим.

– Жарым жыл ичинде бир дагы жаңы жазылган ырларыңа күбө болгон жокпуз. Ыр жаздырганга такай чет өлкөгө болгон сапарлардан убактың болбой жатабы же жалкоолук кылып жатасыңбы?
– Жалкоолук кылган жокмун, убакыт болгон жок. Бирок, азыр жаңы ырларым даяр. Азыр мага чыгармачылык жактан Ташкенттик беделдүү бир ырчы жардам берип жатат. Ошко келгенде менин ырларымды угуп көрүп, өз каалоосу менен мага жардам бермей болду. Ошол ырчынын колдоосу менен азыр айрым ырларымды Ташкенттен жаздырып жатам. Буюрса, ал ырларыма 15-20 күндөн кийин күйөрмандарым өздөрү күбө боло алышат. Ошондой эле жаңы ырлар менен катар кыргыз эстрадасына жаңы стиль алып келейин деп жатам.

– Ал стилиңе да жакын арада күбө боло алабызбы?
– Жок, аны дароо эле чыгарганга болбойт, аз-аздан бериш керек.

– Жеке концертиң менен күйөр­мандарыңды кубантайын деген пландарың барбы?
– Бул жакын арадагы пландардан эмес. Анткени, май айына кайрадан Кипрге жолдомом бар. Ошол жакка барып келгенден кийин гана концертимди беришим мүм­күн.

– Сен Канат Култаевден кеткениңден кийин башка продюсерлерден бирге иште­шүү тууралуу сунуштар түш­түбү?
– Көп продюсерлерден сунуштар түштү. Бирок, мен бирине да макул болгон жокмун. Өз эмгегимди өзүм жеп эле, өз алдымча иштөөнү туура көрдүм. Азыр Кудайга шүгүр, өзүм эле аракет кылып жатам. Мен ушуга сыймыктанам, азыр 20 жашта болуп туруп өзүмдөн улуу адамдар чече албаган маселелерди чечем. Кыскасы, өзүм үчүн жооп бере алам.

– Канаттан кеткениңе өкүн­бөй­сүңбү?
– Өкүнбөйм. Тескерисинче, азыр кадимкидей көзүм ачыла түштү. Адамдарга кандай мамиле жасаганды, ким менен кантип сүйлөшсө боло турганына менин эми көзүм жетти. Өзүмчө кеткенден кийин мен өтө деле кыйынчылыкка учураган жокмун. Тескерисинче, жаңы-жаңы досторду, тааныштарды таптым. Ал жаңы досторум мени азыр көтөр­мөлөп, жардамдашып турушат.

– Сенин популярдуу болушуңа Канаттын канчалык деңгээлде салымы бар деп эсептейсиң?
– Канат байкенин мени көтөр­гөнүн албетте, моюнума алам. Бирок, ушул тууралуу сөз болгондо мен Канат байкеге: “Мени популярдуу кылганыңыз чын, бирок, мен да сизди популярдуу кылдым. Эгер менин талантым жок эле ырчы болсом, сиздин атыңыз бүткүл Кыргызстанга угулмак эмес” деп айткам.

– Сени “өчүп калды” дегендерге өзүң эмне деп жооп бересиң?
– Мен “өчкөн” жокмун. Кон­церт­терге да мурункудай эле катышып жатам. Болгону теледен, радиодон менин ырларымды кетирбей жатышат. Кээ бирлер “Темир катуу көтөрүлүп, катуу түштү” деп айтышат экен. Алар айтмакчы, менин убактылуу “өчкө­нүм” бир четинен өзүм үчүн жакшы болду. Анткени, мен ушул аркылуу кимдин кандай экенин ажыратып биле алдым. Мурда айрым “Темир, Темир” деп айланчыктап жүргөн адамдар азыр шоу-бизнестен алыстай түшкө­нүмдө тескери карап, сүйлөбөй калышты. Мен адамдардын чыныгы жүзүн көрдүм. Акырында “адамдарга ише­нүүгө болбойт экен, көрсө, бүгүнкү досуң сенин эртеңки душманың экен” деген жыйынтыкка келдим. Мен Кудайга ишенген баламын. Кудай мага “мен сага кайра оомат берем, сен ошондо адамдардын чыныгы жүзүн көрөсүң” деп жатат.

– Сахнага бир аз тынымдан соң чыкканыңда күйөрмандарың кандай кабыл алышты?
– Мени күйөрмандарым сатышпаптыр. Мен алардын ошонусуна ыраазы болдум. Мурда кандай жылуу тосуп алышса, азыр андан да жакшы тосуп алышып, ырларымды берилүү менен угуп жатышты. Кучагыма гүлдөр мурункудан да көп толду.

– Демөөрчүлөрүң барбы?
– Демөөрчүлөрүм бар. Бирок, алар “азырынча атыбызды айтпай тур” дешкен. Ошол де­мөөр­­­чүлө­рүм­дүн жардамы менен ырларды жаздырып, формаларды тиктирип жатам.

– Сахналаштарың менен мамилең мурункудай элеби?
– Көпчүлүгү менен мурункудай эле. Бирок, алардын да продюсерлери бар да. Алар мени менен сүйлөшкүлөрү келишет, бирок, байкашымча, продюсерлери “Темирдин жанына барба, аны менен сүйлөшпө” дешет экен. Ошентсе да алар «Темир, рахмат сага, сен бизге сахнага жол ачып бердиң» деп айтышат. Мен да аларга ыраазы болуп калам.

Маектешкен Азиза Сатимбекова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: